Makhanchor.jpg bharatakosh ki or se ap sabhi ko krishn janmashtami ki hardik shubhakamanaen Makhanchor.jpg

किशोर कुमार  हिन्दी देवनागरी में पढ़ें।

kishor kumar
kishor kumar
poora nam abhas kumar ganguli
prasiddh nam kishor kumar
janm 4 agast 1929
janm bhoomi khndava, madhy pradesh
mrityu 13 aktoobar, 1987
mrityu sthan mumbee
abhibhavak kunjalal ganguli
pati/patni ruma devi, madhubala, yogita bali, lina chndravarakar
sntan amit kumar
karm bhoomi mumbee
karm-kshetr abhineta, nirdeshak, nirmata, lekhak, gitakar
mukhy filmen padosan, aradhana, premapujari, tere mere sapane, chalati ka nam gadi, haf tikat
vidyalay krishchiyan kaaulej, indaur
puraskar-upadhi ath bar film pheyar puraskar (parshv gayan)
nagarikata bharatiy
mukhy git 'roop tera mastana', dil aisa kisi ne mera toda, khaike pan banaras vala
any janakari kishor kumar ne 80 se adhik filmon men abhinay kiya aur 10 se adhik filmon ka nirdeshan bhi kiya. ek anuman ke mutabik kishor kumar ne varsh 1940 se varsh 1980 ke bich ke apane kairiyar ke dauran qarib 574 se adhik gane gae.

kishor kumar (angrezi: Kishore Kumar, janm: 4 agast, 1929, madhy pradesh; mrityu: 13 aktoobar, 1987) bharatiy sngit ke itihas men amar gayak, abhineta, nirdeshak, nirmata aur gitakar the. kishor kumar ka asali nam 'abhas kumar ganguli' tha.

jivan parichay

kishor kumar ka janm 4 agast, 1929 ee. ko khndava, madhy pradesh men ek bngali parivar men hua tha. kishor kumar ek vilakshan shakhsiyat rahe. hindi sinema ki or unaka bahut bada yogadan hai. kishor kumar ke pita kunjilal khndava shahar ke jane mane vaqil the. kishor char bhaee bahanon men sabase chhote the. sabase chhota hone ke nate kishor kumar ko sabaka ph‍yar mila. isi chahat ne kishor ko itana hnsamukh bana diya tha ki har hal men muskurana unake jivan ka andaj ban gaya. unake sabase bade bhaee ashok kumar munbee men ek abhineta ke roop men sthapit ho chuke the aur unake ek aur bhaee anoop kumar bhi filmon men kam kar rahe the. kishor kumar bachapan se hi ek sngitakar banana chahate the, vah apane pita ki tarah vaqil nahin banana chahate the. kishor kumar ne 81 filmon men abhinay kiya aur 18 filmon ka nirdeshan bhi kiya. film 'padosan' men unhonne jis mast maula adami ke kiradar ko nibhaya, vahi kiradar ve zindagi bhar apani asali zindagi men nibhate rahe. hindi sinema men ilaiktrik sngit lane ka shrey kishor kumar ko jata hai.[1]

filmi safar

abhinay

kishor kumar ke. el. sahagal ke ganon se bahut prabhavit the aur unaki hi tarah gayak banana chahate the. kishor kumar ke bhaee ashok kumar ki chahat thi ki kishor kumar nayak ke roop men hindi filmon ke hiro ke roop men jane jaen, lekin kishor kumar ko adakari ki bajay pa‌rshv gayak banane ki chahat thi. kishor kumar ne sngit ki prarnbhik shiksha kabhi kisi se nahin li thi. kishor kumar ki shuruat ek abhineta ke roop men film 'shikari' (1946) se huee. is film men unake bade bhaee ashok kumar ne pramukh bhoomika ki thi. kishor kumar ne 1951 men phani majoomadar dvara nirmit film 'andolan' men hiro ke roop men kam kiya magar film phlaaup ho gee. 1954 men kishor kumar ne bimal ray ki 'naukari' men ek berozagar yuvak ki snvedanashil bhoomika kar apani abhinay pratibha se bhi parichit kiya. isake bad 1955 men bani 'bap re bap', 1956 men 'nee dilli', 1957 men 'mi. meri' aur 'asha' aur 1958 men bani 'chalati ka nam gadi' jis men kishor kumar ne apane donon bhaeeyon ashok kumar aur anoop kumar ke sath kam kiya aur unaki abhinetri madhubala thi.

parshvagayan

kishor kumar ko pahali bar gane ka mauqa 1948 men bani film 'ziddi' men mila. film 'ziddi' men kishor kumar ne dev annd ke lie gana gaya tha. 'jiddi' ki saphalata ke bavazood unhen n to pahachan mili aur n koee khas kam mila. kishor kumar ne gayaki ka ek naya andaz banaya jo us samay ke namachin gayak rafi, mukesh aur sahagal se kafi alag tha. kishor kumar sanh 1969 men nirmata nirdeshak shakti samnt ki film 'aradhana' ke zariye gayaki ke duniya men sabase saphal gayak ban gaye. kishor kumar ko shuroo men es di barman aur any sngitakaron ne adhik gnbhirata se nahin liya aur unase halke star ke git gavae ge, lekin kishor kumar ne 1957 men bani film "phntoos" men 'dukhi man mere' git ko gakar apani aisi dhak jamaee ki jane mane sngitakaron ko kishor kumar ki pratibha ka loha manana pada. kishor kumar ko isake bad es di barman ne apane sngit nirdeshan men kee git gane ka mauqa diya. lata mngeshakar ko kishor kumar gayakon men sabase zyada achchhe lagate the. lata ji ne kaha ki kishor kumar har tarah ke git ga lete the aur unhen ye maloom tha ki kaun sa gana kis andaz men gana hai. kishor kumar lata ji ki bahan asha bhonsale ke bhi sabase pasndida gayak the aur unaka manana hai ki kishor apane gane dil aur dimag donon se hi gate the. aj bhi unaki sunahari avaz lakhon sngit ke divanon ke dil men basi huee hai aur usaka jadoo hamare dilon dimag par chhaya hua hai.[2]

ar. di. barman ke sngit nirdeshan men

ar di barman ke sngit nirdeshan men kishor kumar ne munim ji, taiksi draivar, phntoosh, nau do gyarah, peing gest, gaeed, jvel thif, premapujari, tere mere sapane jaisi filmon men apani jaduee avaz se filmi sngit ke divanon ko apana divana bana liya. ek anuman ke mutabik kishor kumar ne varsh 1940 se varsh 1980 ke bich ke apane kariyar ke dauran qarib 574 se adhik gane gae.

any bhashaon men git

kishor kumar ne hindi ke sath hi tamil, marathi, asami, gujarati, kannad, bhojapuri, malayalam aur udiya filmon ke lie bhi git gae.

vaivahik jivan

kishor kumar ki pahali shadi ruma devi ke se huee thi, lekin jaldi hi shadi toot gee aur is ke bad unhonne madhubala ke sath vivah kiya. us daur men dilip kumar jaise saphal aur shoharat ki bulndiyon par pahunche abhineta jahan madhubala jaisi roop sundari ka dil nahin jit pae, vahin madhubala kishor kumar ki doosari patni bani. 1961 men bani film 'jhumaru' men donon ek sath ae. yah film kishor kumar ne hi banaee thi aur unhonne khud hi isaka nirdeshan kiya tha. isake bad donon ne 1962 men bani film 'haf tikat' men ek sath kam kiya, jisamen kishor kumar ne yadagar kaaumedi kar apani ek alag chhavi pesh ki. 1976 men unhonne yogita bali se shadi ki, magar in donon ka yah sath matr kuchh mahinon ka hi raha. isake bad yogita bali ne mithun chakravarti se shadi kar li. 1980 men kishor kumar ne chauthi shadi lina chndravarakar se ki jo umr men unake bete amit se do sal badi thin.

kishor kumar ki pramukh filmen

kishor kumar ki pramukh filmen
varsh film
1988 kaun jita kaun hara
1982 chalati ka nam gadi
1974 badhati ka nam dadhi
1971 door ka rahi
1971 hngama
1968 sadhoo aur shaitan
1968 padosan
1968 hay mera dil
1966 pyar kiye ja
1966 ladaka ladaki
1964 door gagan ki chhanv men
1964 mistar eks in baaumbe
1962 haph tikat
1962 manamauji
1962 naauti baauy
1961 jhumaroo
1960 garl phraind
1960 mahalon ke khvab
1960 kala bazar
1959 chacha zindabad
1958 chalati ka nam gadi
1958 ragini
1957 asha
1957 mis mairi
1957 bndi
1956 bhaee bhaee
1956 paisa hi paisa
1956 dhake ki malamal
1956 mem sahib
1955 bhagavat mahima
1955 pahali jhalak
1955 bap re bap
1954 naukari
1954 dhobi daauktar
1953 ladaki
1952 tamasha
1946 shikari

kishor kumar ke kuchh prasiddh git

kishor kumar ke kuchh prasiddh git[3]
git film sngitakar
hamen aur jine ki chahat n hoti... agar tum n hote rahul dev barman
adami jo kahata hai… majaboor lakshmikant pyarelal
ane vala pal jane vala hai… golamal (1979) rahul dev barman
o mere dil ke chain… mere jivan sathi rahul dev barman
koee hamadam n raha… jhoomaroo kishor kumar
khaeeke pan banaras vala… daaun (1978) kalyanaji-anndaji
khvab ho tum ya koee haqikat kaun ho tum batalao… tin deviyan rahul dev barman
git gata hoon main… lal patthar shnkar jayakishan
ghungharoo ki tarah bajata hi raha hoon main… chor machaye shor ravindr jain
chalate chalate mere ye git… chalate chalate bappi lahari
chingari koee bhadake… amaraprem rahul dev barman
chhookar mere man ko… yarana rajesh roshan
jivan se bhari teri ankhen… safar kalyanaji-anndaji
teri duniya se, hoke majaboor chala… pavitr papi prem dhavan
dil aj shayar hai… gaimbalar sachin dev barman
dil aisa kisi ne mera toda… amanush shyamal mitra
divana leke aya hai… mere jivan sathi rahul dev barman
dukhi man mere, sun mera kahana… phntoosh sachin dev barman
pyar divana hota hai… kati patng rahul dev barman
phir vohi rat hai… phir vo hi rat rahul dev barman
phoolon ka taron ka… hare rama hare krishna rahul dev barman
mana janab ne pukara nahin… peing gest sachin dev barman
musafir hoon yaro… parichay sachin dev barman
mera jivan kora kagaz kora hi rah gaya… kora kagaz kalyanaji anndaji
meri bhigi bhigi si… anamika rahul dev barman
mere naina savan bhadon… mahabooba rahul dev barman
mere sapanon ki rani kab aegi too… aradhana sachin dev barman
ye jivan hai… piya ka ghar lakshmikant pyarelal
ye dil n hota bechara… jvel thiph sachin dev barman
ye sham mastani, madahosh kiye jaye… kati patng rahul dev barman
rim jhim gire savan… mnzil rahul dev barman
rote hue ate hain sab… mukaddar ka sikndar kalyanaji anndaji
sagar jaisi ankhon vali… sagar rahul dev barman
ham hain rahi pyar ke… nau do gyarah sachin dev barman
hamen tumase pyar kitana… kudarat rahul dev barman
zindagi ik safar hai suhana… andaz shnkar jayakishan
zindagi pyar ka git hai… sautan oosha khanna

film pheyar puraskar

kishor kumar ko ath film pheyar avard mile hain. kishor kumar ko pahala film pheyar avard 1969 men 'aradhana' film ke git 'roop tera mastana pyar mera divana' ke lie diya gaya tha. kishor kumar ki khasiyat yah thi ki unhonne dev annd se lekar rajesh khanna, amitabh bachchan ke lie apani avaz di aur in sabhi abhinetaon par unaki avaz aisi rachi basi mano kishor khud unake andar maujood hon.

hindi sinema jagath men prachalit kisse

kishor kumar ke samman men jari dak tikat

kishor kumar ki avaz ki purani ke sath-sath nee pidhi bhi divani hai. kishor jitane umda kalakar the, utane hi rochak insan bhi the. unake kee kisse hindi sinema jagat men prachalit hain.

rashoki ramaku

kishor kumar ko atapati baton ko apane chatapate andaj men kahane ka fitoor tha. khasakar giton ki pnkti ko daen se baen gane men kishor kumar ne maharat hasil kar li thi. nam poochhane par vah kahate the- rashoki ramaku.

tin nayakon ko banaya mahanayak

kishor kumar ne hindi sinema ke tin nayakon ko mahanayak ka darja dilane men mahattvapoorn bhoomika ada ki hai. unaki avaz ke jadoo se dev annd sadabahar hiro kahalae. rajesh khanna ko supar sitara kaha jane laga aur amitabh bachchan mahanayak ho ge.

manornjan kar

kishor kumar ne barah sal ki umr tak git-sngit men maharat hasil kar li thi. kishor kumar rediyo par gane sunakar unaki dhun par thirakate the. kishor kumar filmi ganon ki kitab jama kar unhen knthasth karake gate the. ghar ane vale mehamanon ko kishor kumar abhinay sahit gane sunate to 'manornjan-kar' ke roop men kuchh inam bhi mang lete the.

batharoom gayak

ek din ashok kumar ke ghar achanak sngitakar sachin dev varman pahunch ge. baithak men unhonne gane ki avaz suni to dada muni se poochha, 'kaun ga raha hai?' ashok kumar ne javab diya- 'mera chhota bhaee hai'. jab tak gana nahin gata, usaka nahana poora nahin hota.' sachin-da ne bad men kishor kumar ko jiniyas gayak bana diya.

do bar avaz udhar li

mohammad rafi ne pahali bar kishor kumar ko apani avaz film 'ragini' men git 'man mora bavara' ke lie udhar di. doosari bar shnkar-jayakishan ki film 'shararat' men rafi ne kishor ke lie- 'ajab hai dastan teri ye zindagi' git gaya.

mahamood se liya badala

mahamood ne film 'pyar kie ja' men kaaumediyan kishor kumar, shashi kapoor aur omaprakash se zyada paise vasoole the. kishor ko yah bat akhar gee. kishor kumar ne isaka badala mahamood se film 'padosan' men duguna paisa lekar liya.

khndave vale ki ram-ram

kishor kumar ne jab-jab stej-sho kie, hamesha hath jodakar sabase pahale snbodhan karate the- 'mere dada-dadiyon.' mere nana-naniyon. mere bhaee-bahanon, tum sabako khndave vale kishor kumar ka ram-ram. namaskar.

haraphanamaula

kishor kumar ka bachapan to khndava men bita, lekin jab ve kishor hue to indaur ke krishchiyan kaaulej men padhane ae. har somavar subah khndava se mitaragej ki chhuk-chhuk relagadi men indaur ate aur shanivar sham laut jate. saphar men ve har steshan par dibba badal lete aur musafiron ko ne-ne gane sunakar manornjan karate the.

khndava ki doodh jalebi

kishor kumar zindagibhar qasbaee charitr ke bhole manas bane rahe. munbee ki bhid-bhad, partiyan aur glaimar ke cheharon men ve kabhi shamil nahin ho pae. isalie unaki akhiri ichchha thi ki khndava men hi unaka antim snskar kiya jae. is ichchha ko poora kiya gaya, ve kaha karate the- 'filmon se sannyas lene ke bad ve khndava men hi bas jaenge aur rojana doodh-jalebi khaenge.[4]

mrityu

varsh 1987 men kishor kumar ne munbee ki bhagam-daud vali zindagi se ub kar yah phaisala kiya ki vah filmon se sannyas lene ke bad vapas apane ganv khndava jakar rahenge. lekin unaka yah sapana bhi adhoora hi rah gaya. 13 aktoobar 1987 ko unhen dil ka daura pada aur vah poori duniya se vida ho gaye.[5]bhale hi vo aj hamare bich nahin hai. lekin apani suramayi avaz aur behatarin adayaki se vo hamesha hamare bich rahenge.[6]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. kishor kumar- kuchh anajane tathy (hindi) hindi khabar. abhigaman tithi: 10 aktoobar, 2010.
  2. kishor kumar (hindi) (ech.ti.em.el) bi bi si hindi. abhigaman tithi: 10 aktoobar, 2010.
  3. kishor kumar (hindi) (ech.ti.em.el) gana bajana. abhigaman tithi: 10 aktoobar, 2010.
  4. kishor kumar (hindi) (ech.ti.em) vebaduniya. abhigaman tithi: 10 aktoobar, 2010.
  5. kishor kumar ek mastamaula insan (hindi) hindi gaurav. abhigaman tithi: 10 aktoobar, 2010.
  6. kishor kumar (hindi) (ech.ti.em.el) daits hindi. abhigaman tithi: 10 aktoobar, 2010.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah