कुन्दन लाल सहगल  हिन्दी देवनागरी में पढ़ें।

kundan lal sahagal
kundan lal sahagal
poora nam kundan lal sahagal
prasiddh nam ke.el. sahagal
janm 11 apral, 1904
janm bhoomi jammoo, jammoo aur kashmir
mrityu 18 janavari, 1947
mrityu sthan jalndhar, pnjab
abhibhavak amarachnd sahagal, kesaribaee kaur
pati/patni asha rani
sntan madan mohan (putr), nina aur bina (putri)
karm bhoomi mumbee, maharashtr
karm-kshetr abhineta, gayak
mukhy filmen devadas, puran bhagat (1933), sooradas (1942), tanasen (1943) adi.
prasiddhi gayak v abhineta
nagarikata bharatiy
lokapriyata sahagal ki avaz ki lokapriyata ka yah alam tha ki kabhi bharat men sarvadhik lokapriy raha rediyo silon kee sal tak har subah sat baj kar 57 minat par is gayak ka git bajata tha.
any janakari bharat ratn sammanit lata mngeshakar sahagal ki badi bhakt hain. vah chahati thin ki sahagal ki koee nishani unake pas ho. sahagal ki beti ne ratan jadi angoothi lata ko di. lata ke pas aj bhi vah nishani hai.

kundan lal sahagal athava ke. el. sahagal (angrezi: Kundan Lal Saigal, janm- 11 apral, 1904; mrityu- 18 janavari, 1947) hindi filmon men vaise to ek bemisal gayak ke roop men vikhyat hain lekin devadas (1936) jaisi chnd filmon men abhinay ke karan unake prashnsak unhen ek umda abhineta bhi karar dete hain. kundan lal sahagal hindi sinema ke pahale suparastar kahe ja sakate hain. 1930 aur 40 ke dashak ki sngitamayi filmon ki or darshak unake bhavapravan abhinay aur dilakash gayaki ke karan khinche chale ate the.

jivan parichay

kundan lal sahagal apane chaheton ke bich ke. el. sahagal ke nam se mashahoor the. unaka janm 11 aprail 1904 ko jammoo ke navashahar men hua tha. unake pita amarachnd sahagal jammoo shahar men nyayalay ke tahasiladar the. bachapan se hi sahagal ka rujhan git-sngit ki or tha. unaki man kesaribaee kaur dharmik kriya-kalapon ke sath-sath sngit men bhi kafi ruchi rakhati thin.[1]

shiksha

sahagal ne kisi ustad se sngit ki shiksha nahin li thi, lekin sabase pahale unhonne sngit ke gur ek soofi snt salaman yusooph se sikhe the. sahagal ki prarnbhik shiksha bahut hi sadharan tarike se huee thi. unhen apani padhaee bich men hi chhod deni padi thi aur jivan yapan ke lie unhonne relave men taeemakipar ki mamooli naukari bhi ki thi. bad men unhonne remingatan namak taiparaiting mashin ki knpani men selsamain ki naukari bhi ki.[1]kahate hain ki ve ek bar ustad phaiyaj khan ke pas talim hasil karane ki garaj se ge, to ustad ne unase kuchh gane ke lie kaha. unhonne rag darabari men khayal gaya, jise sunakar ustad ne gadh‌gadh‌ bhav se kaha ki bete mere pas aisa kuchh bhi nahin hai ki jise sikhakar tum aur bade gayak ban sako.[2]

pahali film

varsh 1930 men kolakata ke nyoo thiyetar ke bi. en. sarakar ne unhen 200 roope masik par apane yahan kam karane ka mauqa diya. yahan unaki mulakat sngitakar ar.si.boral se huee, jo sahagal ki pratibha se kafi prabhavit hue. shuruati daur men bataur abhineta varsh 1932 men pradarshit ek urdoo film ‘mohabbat ke ansoo’ men unhen kam karane ka mauqa mila. varsh 1932 men hi bataur kalakar unaki do aur filmen ‘subah ka sitara’ aur ‘jinda lash’ bhi pradarshit huee, lekin in filmon se unhen koee khas pahachan nahin mili.[1]

bataur gayak

varsh 1933 men pradarshit film ‘puran bhagat’ ki kamayabi ke bad bataur gayak sahagal kuchh had tak film udyog men apani pahachan banane men saphal ho ge. varsh 1933 men hi pradarshit film ‘yahoodi ki ladaki’, ‘chndidas’ aur ‘roopalekha’ jaisi filmon ki kamayabi se unhonne darshakon ka dhyan apani gayaki aur adakari ki or akarshit kiya.[1]

devadas ki kamayabi

kundanalal sahagal aur jamuna barua (film- devadas)

varsh 1935 men sharat chndr chattopadhyay ke upanyas par adharit pi.si.barooa nirdeshit film ‘devadas’ ki kamayabi ke bad bataur gayak-abhineta sahagal shoharat ki bulndiyon par ja pahunche. kee bngali filmon ke sath-sath nyoo thiyetar ke lie unhonne 1937 men ‘prensident’, 1938 men ‘sathi’ aur ‘strit singar’ tatha varsh 1940 men ‘zindagi’ jaisi kamayab filmon ko apani gayiki aur adakari se sajaya. varsh 1941 men sahagal munbee ke ranajit stoodiyo se jud ge. varsh 1942 men pradarshit unaki ‘sooradas’ aur 1943 men ‘tanasen’ ne baauks aauphis par saphalata ka naya itihas racha. varsh 1944 men unhonne nyoo thiyetar ki hi nirmit film ‘meri bahan’ men bhi kam kiya.[1]

mrityu

apane do dashak ke sine kariyar men sahagal ne 36 filmon men abhinay bhi kiya. hindi filmon ke alava unhonne urdoo, bngali aur tamil filmon men bhi abhinay kiya. sahagal ne apane snpoorn sine kariyar ke dauran lagabhag 185 git gae, jinamen 142 filmi aur 43 gair-filmi git shamil hain. apani dilakash avaz se sine premiyon ke dil par raj karane vale ke.el.sahagal 18 janavari, 1947 ko keval 43 varsh ki umr men is snsar ko alavida kah ge.[1]

lokapriyata

sahagal ki avaz ki lokapriyata ka yah alam tha ki kabhi bharat men sarvadhik lokapriy raha rediyo silon kee sal tak har subah sat baj kar 57 minat par is gayak ka git bajata tha. sahagal ki avaz logon ki dainik dinacharya ka hissa ban gee thi. sahagal ravindr sngit gane ka samman pane vale pahale gair bangla gayak aur bharatiy sinema ke pahale supar star the. yah vah samay tha jab bharatiy film udyog munbee men nahin balki kalakatta men kendrit tha.[3] unaki lokapriyata ka andaja is bat se lagaya ja sakata hai ki us jamane men unaki shaili men gana apane apamen saphalata ki kunji mani jati thi. mukesh aur kishor kumar ne apane kairiyar ke arnbh men sahagal ki shaili men gayan kiya bhi tha. kundan ke bare men kaha jata hai ki pidhi dar pidhi istemal karane ke bad bhi usaki abha kam nahin padati. sahagal sachamuch sngit ke kundan the.[2]

sahagal ki avaz

pakistani shayar afazal ahamad saiyad se shabd udhar len, to kah sakate hain, jaise kagaz mara‍kashiyon ne eejad kiya tha, huroof phinishiyon ne, sur gndharvon ne, usi tarah sinema ka sngit sahagal ne eejad kiya. duniya men kee rahasy hain chunauti dete. chunauti sahagal bhi de ge hain. faqiron-sa bairag, sadhuon-si udarata, mauniyon-si avaz, hazar bhashaon ka ilm rakhane vali ankhen, rat ke pichhale pahar goonjane vali sisaki jaisi khamoshi, aur purane vaqton ke rikaaurd ki tarah poore mahaul men hahakar machati ek sarasarahat... bata do ek bar, ye sab kya hai? vah kaun-si gngotri hai, jahan se nikal kar ati hai sahagal ki avaz?
pata kar lo, kahan se ata hai sahagal ka dard, jo sine men hook, ankhon men nami aur knth men kante de jata hai? kyon ek rulahat ankhon par dastak deti hai aur bina kuchh kahe takati huee-si laut jati hai? yah subah ya dupahari ki nahin, sanjh ke jhutapute ki avaz hai, jisaka asar rat ke sath gahara hota jata hai. agar ap dil se kamazor hain, adhi rat ko sahagal mat sunie. unhen sunana bhasha men tamiz ko jina hai. ankh men ansoo ka samman karana hai. du:kh jo dil ke qagar par rahata hai, use bicho-bich lakar mahal men jagah deni hai. du:kh ko jiyo, to jine ka shoor a jata hai.[4]

rochak tathy

kundanalal sahagal ke samman men bharat sarakar dvara jari dak tikat
  • sahagal ki udarata ke kee qisse milate hain. kahate hain ki nyoo thietars ke aauphis se unaki sailari sidhe unake ghar pahunchaee jati thi, kyonki agar unake hath men paise hote, to adha vah sharab men uda dete, baqi zarooratamndon men bant dete. ek bar unhonne pune men ek vidhava ko hire ki angoothi de di thi.
  • sahagal bina sharab pie nahin gate the. 'shahajahan' ke dauran naushad ne unase bina sharab pie gavaya, aur usake bad sahagal ki zid par vahi gana sharab pilakar gavaya. bina pie vah zyada achchha ga rahe the. unhonne naushad se kaha, 'ap meri zindagi men pahale kyon nahin ae? ab to bahut der ho gee.
  • sahagal ko khana banane ka bahut shauq tha. mugalee mit dish vah bahut chav se banate the aur stoodiyo men le jakar sathiyon ko bhi khilate the. yahi nahin, avaz ki chinta kie bagair vah achar, pakoda aur tailiy chizen bhi khoob khate the. sigaret ke bhi zabardast shauqin the.
  • sahagal ne galib ki qarib bis gazalon ko apani avaz ka soz diya. galib se isi muhabbat ke karan unhonne ek bar unake mazar ki marammat karavaee thi.
  • sahagal pahale gayak the, jinhonne ganon par raauyalti shuroo ki. us vaqt prachar aur prasar ki dikkaton ke bavajood shrilnka, eeran, iraq, indoneshiya, afaganistan aur phiji men sune jate the. aj bhi 18 janavari ko kee deshon men sahagal ki yad men sngit jalase hote hain.
  • vah vig lagakar abhinay karate the. abhinetri kanan devi ne apani atmakatha men likha hai, 'sathi ki shooting ke dauran hava ke jhonke se unaki vig ud gee aur unaka gnja sir dikhane laga. lekin sahagal apani dhun men magan shaaut dete rahe. is par darshak hns pade. sahagal jhenpane ki jagah logon ke thahakon men shamil ho ge.
  • sahagal ki qadr bharat se zyada pakistan men nazar ati hai. vahan zila star par sahagal yadagar kametiyan bani hain. sahagal ki barasi par amajan prashnsa men baqayada lngar lagate hain.
  • bharat ratn sammanit lata mngeshakar sahagal ki badi bhakt hain. vah chahati thin ki sahagal ki koee nishani unake pas ho. vah unaki skel chenjar haramoniyam apane pas rakhana chahati thin, par sahagal ki beti ne use apane pas rakhate hue sahagal ki ratan jadi angoothi lata ko di. lata ke pas aj bhi vah nishani hai. kahate hain ki kam umr men lata ne sahagal ki ek film dekhane ke bad unase shadi karane ka khh‍yal zahir kiya tha.[4]
kundan lal sahagal par jari googal-doodal

googal doodal

bharat ke prasiddh gayak aur abhineta ke.el. sahagal ke 114ven janmadin (11 apral, 2018) par googal ne unhen apane doodal ke madhyam se shraddhanjali arpit ki. googal ne doodal ke jarie ke.el. sahagal ko apane khas andaj men yad kiya. goodal ne sahagal ke kairikechar ke jarie unhen maik ke samane gate hue dikhaya hai. kundan lal sahagal bharatiy hindi sinema ke pahale suparastar mane jate hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 1.4 1.5 ke.el.sahagal ki avaz ka jadoo aj bhi barakarar (hindi) (pi.ech.pi) josh 18. abhigaman tithi: 5 sitnbar, 2011.
  2. 2.0 2.1 sngit ka kundan (hindi) (ech.ti.em.el) janaki pul (blaaug). abhigaman tithi: 5 sitnbar, 2011.
  3. bharatiy sinema ke pahale supar star the kundanalal sahagal (hindi) (pi.ech.pi.) dainik tribyoon. abhigaman tithi: 5 sitnbar, 2011.
  4. 4.0 4.1 aj mahanh gayak kundanalal sahagal ka janh‍madin hai... (hindi) (ech.ti.em.el) vaitagavadi. abhigaman tithi: 5 sitnbar, 2011.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah