बी. एन. सरकार  हिन्दी देवनागरी में पढ़ें।

bi. en. sarakar
bi. en. sarakar
poora nam birendranath sarakar
janm 1901
janm bhoomi bngal, british bharat
mrityu 1980
abhibhavak en. en. sarakar
karm bhoomi kolakata
karm-kshetr film nirman
mukhy filmen 'vidyapati', 'badi didi', 'president', 'chndidas', 'yahoodi ki ladaki', 'mukti'
shiksha 'sivil injiniyaring'
vidyalay 'lndan yoonivarsiti'
puraskar-upadhi 'dada sahab phalke puraskar' (1970), 'padmabhooshan' (1972)
vishesh yogadan bharatiy sinema ke vikas men unake jaise mahanh vyakti aur majaboot ninv dalane vale nirmata ka bahut bada yogadan hai.
nagarikata bharatiy

birendranath sarakar (janm- 1901, bngal, british bharat, mrityu- 1980) prasiddh bharatiy film nirmata aur 'nyoo thiyetars, kalakatta' ke snsthapak the. tis ke dashak ke prarambhik varshon men hi unhonne 'intaraneshanal film kraft' nam ki ek prodakshan kampani ki shuruat ki thi. is kampani ke bainar tale bi. en. sarakar ne prarambh men do mook filmon ka nirman kiya tha. kala ke kshetr men bi. en. sarakar ke yogadan ko dekhate hue bharat sarakar dvara unhen san 1972 men 'padmabhooshan' se sammanit kiya gaya tha. ve doosare vyakti the, jinhen 'dada sahab phalke puraskar' (1970) diya gaya. bharatiy sinema ke vikas men unake jaise mahanh vyakti aur majaboot ninv dalane vale nirmata ka bahut bada yogadan hai. unake dvara diye ge yogadan ko bharatiy sinema kabhi vismrit nahin kar payega.

janm tatha shiksha

bi. en. sarakar ka janm avibhajit bngal men sar en. en. sarakar ke ghar 1901 men hua tha. ye apane pita ke doosare putr the. balak ko nam birendranath sarakar nam diya gaya tha. birendranath ke pita bngal ke edavoket janaral the, aur vayasaray ki kaunsil ke sadasy bhi the. bada hone par birendranath ko 'lndan yoonivarsiti' bheja gaya, jisase ve sivil injiniyaring ki padhaee kar saken.[1]

vyavasay

bharat vapas akar unhonne sivil kaauntrektar ke roop men apana vyavasay shuroo kiya aur isi silasile men ek sinema haaul ki imarat ka muayana karate huye unake andar sinema ke prati ruchi ka bijaropan hua. is bij ne shighr hi ankurit hokar unhen apana mahanh kary karane ke lie prerit kiya. jab sinema ke prati unaka akarshan paudha banakar lahalahane laga to unhonne kalakatta men khud ke ek sinema haaul ka nirman kiya aur ise nam diya 'chitra'.

film nirman

chitra sinema ko bada saubhagy prapt hua, jab disambar, 1930 men netaji subhashachndr bos ke hathon isaka udaghatan hua. jaldi hi bi. en. sarakar ne ek any thiyetar 'nyoo sinema' ka nirman kalakatta men kiya. par keval do sinemagharon ke nirman se hi bi. en. sarakar ka sinema ke prati rujhan poornataya sntusht nahin hua. ve sinema ke kshetr men badi bhoomika nibhane ke liye utsuk ho gaye aur isi lagan ne unhen apani khud ki prodakshan kampani shuru karane ke liye prerit kiya. tis ke dashak ke shuruati sal men hi unhonne 'intaraneshanal film krapht' nam se prodakshan kampani shuru ki aur is bainar ke tahat shuru men unhonne do mook filmon ka nirman kiya. ye filmen thin- 'chasar meye' aur 'chor kanta'. isi varsh unhonne apane ek mitr ke sath milakar ek any mook film- 'buker bhoja' ka bhi nirman kiya. bharatiy sinema men bolati filmon ke agaman ke sath hi 1931 men unhonne taaulignj men svayn ke stoodiyo ka nirman kiya aur isaka nam 'nyoo thiyetars limited' rakha. is stoodiyo men unaki pahali bolati film ka nirman bangla bhasha men kiya gaya tha. is film ka nam tha- 'dene paona'.[1]

bangla, hindi aur tamil filmen

bi. en. sarakar ne apane donon sinemagharon ko is vidhi se chalaya ki 'chitra' men bngali filmen dikhayi jati rahin aur 'nyoo sinema' ko khasataur par hindi ki filmen dikhane ke liye surakshit rakha gaya. bi. en. sarakar shighr hi bngal ke ek pramukh film nirmata ban gaye. takariban pachchis sal tak unhonne 'nyoo thiyetars' ka chakka anavarat rup se chalaye rakha aur 150 filmon se zyada filmon ka nirman kiya. unhonne hindi aur bngali ke sath-sath tamil filmon ka bhi nirman kiya. bahut sari filmen unhonne bangla aur hindi, donon bhashaon men banayi thin. aisi filmon men ke. el. sahagal abhinit devadas aur 'strit singar' pramukh hain. devadas ke bngali snskaran men 'devadas' ki pramukh bhoomika film ke nirdeshak pi. si barua ne svayn nibhayi thi aur hindi snskaran men yah bhoomika ke. el sahagal ne nibhayi. ke. el. sahagal ne bngali snskaran men 'chunnilal' ki bhoomika nibhayi thi. devadas ke bngali snskaran ne pi.si barua ko sitara bana diya aur isake hindi snskaran ne ke. el. sahagal ki shoharat ko bulandiyon par pahuncha diya. devadas men editing men 'jamp kats takanik' ka istemal bhavanaon ki tivrata badhane ke liye kiya gaya aur is vidhi se prastut kiye gaye film ke drishyon ne darshakon par gahara asar chhoda.

mukhy filmen

bi. en. sarakar dvara nirmit kuchh filmon ke nam is prakar hain-

  1. vidyapati
  2. badi didi
  3. president
  4. chndidas
  5. yahoodi ki ladaki
  6. mukti

ye bi. en. sarakar ki any prasiddh hindi filmen hain, jo bngali bhasha men bhi bani thin. san 1955 men bani 'bakul' snbhavatah unake dvara nirmit antim film thi. bi. en. sarakar ke kushal netritv men 'nyoo thiyetars' ne lagatar kee salon tak behatarin filmon ka nirman kiya. unaki filmon ne ravindranath taigor, bnkimachandr chatarji, aur sharatachandr dvara rachit sahity ke filmi snskaran prastut kiye gaye. bi. en. sarakar ki dekharekh men jahan nyoo thiyetars ne achchhe sahity ko apani filmon ki vishayavastu banaya aur samajik evn manaviy sarokaron se sarabor filmen banayin, vahin unaki filmon men manornjan tatv hamesha hi prachurata men upasthit raha. inhin sab ullekhaniy tatvon ke karan darshakon ne unaki filmon ko hathon-hath liya aur pachchis sal tak unaki filmen saphalata ke jhnde gadati rahin.[1]

nee pratibhaon ko avasar

bngal ke prasiddh sahityakaron ki rachanaon se prerana lene ke sath-sath nyoo thiyetars ne apane samay ke prasiddh lekhakon ko bhi apane yahan amntrit kiya, apani filmon ke liye katha aur patakatha likhane ke liye. aise lekhakon men sailajannd mukhopadhyayaka nam pramukh hai, jinhonne nyoo thiyetars ki kee filmon men apani lekhani ka yogadan diya. unake sahayog se bani filmon men 'deshar mati', 'jivan paran' aur 'daktar' mukhy hain. nyoo thiyetars ki behad saphal filmon- 'pratishruti', 'parichay' aur aur 'vapas' ke zariye ek aur lekhak binaauy chatarji ki lekhakiy pratibha samane ayi. binaauy chatarji ne keval filmon ke liye hi likha. nyoo thiyetars ke zariye hi bahut sare kalakaron ne deshavyapi aur antarrashtriy pahachan banane ki or shuruati kadam uthane ka avasar, snrakshan aur margadarshan paya. ke. el. sahagal, pnkaj malik, bimal raauy, pi. si. barua, nitin bos, phani majoomadar, debaki bos, sisir kumar bhadudi, nimo, timir baran, jamuna, aur lila desaee adi bahut sare kalakaron ne shuruat men apani pratibha ko nyoo thiyetars ke snrakshan tale hi snvara aur nikhara. nyoo thiyetars ne hi bngal men bolati filmon ki shuruat ki aur parshvagayan ko filmon men sthan diya.

puraskar v samman

bi. en. sarakar film snsar se judi kee snsthaon se bhi sambndhit rahe aur film udyog ko badhava dene ka kam jivanaparynt karate rahe. ve bi.em.pi.e. ke adhyaksh rahe aur 'film fedareshan aauf indiya' ke bhi adhyaksh rahe. ve 'sentar film sensar bord' ke sadasy rahe. bngal sarakar dvara sthapit 'film kansalativ kameti' ka sadasy bhi unhen banaya gaya tha. ve 'neshanal film achiv aauf indiya' ke sadasy bhi the. 'bal film samiti' ke snsthapak sadasyon men se bhi ve ek the. bharatiy sinema men unake ullekhaniy yogadan ke liye unhen doosare 'dada sahab phalke puraskar' se 1970 men aur bharat sarakar dvara 1972 men 'padmabhooshan' pradan kiya.[1]

nidhan

bharatiy sinema ko nee oorja aur majaboot stambh pradan karane vale bi. en. sarakar ka 1980 men nidhan hua. keval bngal hi nahin, balki sare bharat men janmi kee pidhiyon ke darshakon ko unake dvara sthapit 'nyoo thiyetars' dvara banayi gayi filmon ne lubhaya, shikshit kiya, aur bhavanaon se sarabor kiya. duniya ki kee nami film kampaniyon ke logon ki bhanti nyoo thiyetars ka logo, jisamen ek hathi soond uthaye huye hai, darshakon ke liye filmon men gunavatta ka pratik ban gaya tha. nyoo thiyetars ek snsthan ke rup men aj bhi yad kiya jata hai. nyoo thiyetars ke dooradarshi snsthapak birendranath sarakar bhi logon men bngal men janm lene vale any nayakon ki bhanti hi apani jagah bana gaye.

vishleshan

kala ka kshetr is bat men ek vishishtata rakhata hai ki vibhinn kshetron ke vyakti kala ke kshetr men apana yogadan de sakate hain aur apane sath ve apane kshetr ki visheshgyta sath late hi hain. 'dada saheb phalke puraskar' ke doosare vijeta bi. en. sarakar ka sinema se judav bhi kuchh isi tarah se hua tha. ve ek sivil injiniyar the, jo filmon se jude aur sinema ke prati apane akarshan ko keval ek darshak ki bhanti simit n rakhakar, unhonne sinema ke snsar men apane sapanon ko poora kiya aur is sapanili yatra par chalate huye yatharth se takarate huye apani dooradarshita, netritv kshamata aur pratibha ke bal par bharatiy sinema ko isaki shaishavastha men vikas ki rah par majabooti se chalaye rakhane men sudridh yogadan diya.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 1.4 bi en. sarakar (hindi). . abhigaman tithi: 24 sitambar, 2012.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah