आशा पारेख  हिन्दी देवनागरी में पढ़ें।

asha parekh
asha parekh
poora nam asha parekh
janm 2 aktoobar, 1942
janm bhoomi mahua, gujarat
karm bhoomi bharat
karm-kshetr abhinay
mukhy filmen 'main tulasi tere angan ki', 'phir vahi dil laya hoon', 'kati patng', 'mausam', 'kanyadan', 'an milo sajana', 'tisari mnjil', 'lav in tokyo', 'mera ganv mera desh', 'aya savan jhoom ke', 'bin phere ham tere', 'upakar' adi.
puraskar-upadhi 'film pheyar avard' (1970), 'padmashri avard' (1992), 'laif taim achivament avard' (2002), 'antararashtriy bharatiy film akadami samman' (2006)
prasiddhi film abhinetri
nagarikata bharatiy
any janakari asha parekh ne film 'asaman' (1952) men ek bal kalakar ki bhoomika se apane filmi kairiyar ko shuroo kiya tha.
adyatan‎ 4:35, 22 aktoobar-2012 (IST)

asha parekh (janm- 2 aktoobar, 1942, mahua, gujarat) bharatiy hindi filmon ki prasiddh abhinetri, nirdeshak aur nirmata hain. vah 1959 se 1973 tak hindi filmon ki shirsh abhinetriyon men se ek rahi hain. 60 ke dashak men apani abhinay pratibha se sabhi ko achambhit kar dene vali abhinetri asha parekh ne shammi kapoor, shashi kapoor, dharmendr, devannd, ashok kumar, sunil datt aur rajesh khanna jaise mnjhe hue kalakaron ke sath kam kiya. apane lambe filmi kairiyar men asha parekh ne vibhinn bhoomikaen nibhaeen. snjida abhinetri ke taur par apani ek alag pahachan banane vali asha parekh ko shastriy nrity men bhi dakshata prapt hain.

janm tatha parivar

asha parekh ka janm 2 aktoobar, 1942 ko ek madhyam vargiy gujarati parivar men hua tha. unake pita hindoo aur mata muslim thin. inaki mata ek samajik karyakarta aur azadi ke andolan men sakriy thin. asha parekh ka parivarik mahaul behad dharmik tha. vibhinn dharmon se snbndh hone ke bavajood unake mata-pita saeen baba ke bhakt the. chhoti-si ayu men hi asha ji bharatiy shastriy sngit sikhane lagi thin.

shiksha

bachapan se hi asha ji ko nrity ka behad shauq tha. pados ke ghar men jab bhi sngit bajata, to ghar men unake pair thirakane lagate the. bad men unaki man ne kathak nartak mohanalal pande se unhen prashikshan dilavaya. badi hone par pandit gopikrishn tatha pandit birajoo maharaj se 'bharatanatyam' men bhi unhonne kushalata prapt ki.

filmon men pravesh

asha parekh ne film 'asaman' (1952) men ek bal kalakar ke roop kary karake apane filmi kairiyar ko shuroo kiya. is film ke bad se unhen 'bebi asha parekh' ke roop men pahachan milane lagi. ek stej program men asha parekh ke nrity se prabhavit hokar nirdeshak vimal raauy ne barah varsh ki ayu men asha parekh ko apani film 'bap-beti' men le liya. is film ko kuchh khas saphalata prapt nahin huee. isake alava unhonne aur bhi kee filmon men bal kalakar ki bhoomika nibhaee. asha parekh ne filmi duniyan men kadam rakhate hi skool jana chhod diya tha.

saphalata ki prapti

solah varsh ki ayu men asha parekh ne dobara filmi jagath men jane ka nirnay liya, lekin film 'goonj uthi shahanaee' ke nirdeshak vijay bhatt ne asha ji ki abhinay pratibha ko najarandaj karate hue unhen film men lene se inakar kar diya. lekin agale hi din film nirmata subodh mukharji aur lekhak-nirdeshak nasir husain ne apani agami film 'dil deke dekho' men asha parekh ko shammi kapoor ki nayika ki bhoomika men chun liya. yah film asha parekh aur nasir husain ko ek doosare ke kafi najadik le aee thi. nasir husain ne unhen apani agali chh: filmon, 'jab pyar kisi se hota hai', 'phir vahi dil laya hoon', 'tisari mnjil', 'baharon ke sapane', 'pyar ka mausam' aur 'karavan' men bhi nayika ki bhoomika men rakha.

khoobasoorat aur romantik adakara ke roop men lokapriy ho chuki asha parekh ko nirdeshak raj khosala ne 'do badan', 'chirag', 'main tulasi tere angan ki' jaisi filmon men ek snjida abhinetri ke roop men sthapit kiya. isi suchi men nirdeshak shakti samnt ne 'kati patng', 'pagala kahin ka' ke dvara asha parekh ki abhinay pratibha ko aur vistar de diya. asha ji ne gujarati aur pnjabi filmon men bhi abhinay kiya.

samakalin abhineta

nasir husain ke alava doosare bainars men kam karane se asha parekh ki chhavi badalane lagi thi. unhen siriyasali liya jane laga tha. raj khosala nirdeshit 'main tulasi tere angan ki', 'do badan' aur 'chirag' tatha shakti samnt ki 'kati patng' ne unhen gnbhir bhoomikaen karane tatha abhinay pratibha dikhane ke avasar pradan kie. in saphalataon ne asha ji ko shoharat ki bulandiyon par pahuncha diya tha. shammi kapoor, rajesh khanna, manoj kumar, rajendr kumar, dharmendr aur jaauy mukharji jaise us daur ke mashahoor sitaron ke sath asha parekh ne kam kiya. shammi kapoor ke sath unaki kaimistri khoob jami aur film 'tisari mnjil' ne to kee rikaaurd qayam kie. asha ji ki samakalin abhinetri nnda, mala sinha, sayara bano, sadhana adi ek-ek kar gumanami ke andhere men kho geen, lekin asha ji apani samaj seva tatha itar karyon ke karan lagatar charcha men bani rahin.

filmi pari ka ant

apani man ki maut ke bad asha parekh ke jivan men ek shoonyata a gee. varsh 1995 men abhinay se nirdeshan ke kshetr men kadam rakhane ke bad asha parekh ne kisi film men abhinay nahin kiya. use samaj seva ke zariye bharane ki unhonne saphal koshish ki. munbee ke ek aspatal ka poora vard unhonne god le liya. usamen bharti tamam marijon ki seva ka unhonne kam kiya aur zarooratamndon ki madad ki. filmi duniya ke kamagaron ke kalyan ke lie lnbi ladaiyan bhi unhonne ladi hain. 'sine artist esosieshan' ki chhah sal tak ve adhyaksh rahin. 'kendriy film pramanan mandal', munbee ki cheyar parasan banane vali vah pratham mahila hain.

mukhy filmen

asha parekh ne apane lambe filmi saphar men asnkhy bhoomikaen nibhaee hain. unaki kuchh pramukh filmon ke nam is prakar hain-

asha parekh
  1. dil de ke dekho - 1959
  2. ghoonghat - 1960
  3. jab pyar kisi se hota hai - 1961
  4. gharana - 1961
  5. chhaya - 1961
  6. phir vahi dil laya hoon - 1963
  7. mere sanam - 1965
  8. tisari mnzil - 1966
  9. lav in tokyo - 1966
  10. aye din bahar ke - 1966
  11. upakar - 1967
  12. kanyadan - 1969
  13. aya savan jhoom ke - 1969
  14. kati patng - 1970
  15. an milo sajana - 1970
  16. mera ganv mera desh - 1971
  17. main tulasi tere angan ki - 1978
  18. bin phere ham tere - 1979
  19. kaliya - 1981
  20. mnjil mnzil - 1984
  21. hamara khanadan - 1988
  22. ham to chale parades - 1988
  23. bntavara - 1989
  24. ghar ki ijjat - 1994
  25. andolan - 1995

puraskar v samman

asha parekh ko film 'kati patng' ke lie sarvashreshth abhinetri ka 'film pheyar avard' (1970), 'padmashri avard' (1992), 'laif taim achivament avard' (2002) men prapt hua. isake atirikt bharatiy filmon men utkrisht pradarshan ke lie unhen 'antararashtriy bharatiy film akadami samman' (2006), bharatiy vanijy aur udyog mndal mahasngh (phikki) dvara 'living lejend samman' bhi diya gaya.

nirdeshan ka kary

asha parekh ne 1990 men gujarati siriyal 'jyoti' ke sath telivijan nirdeshan ke kshetr men bhi kadam rakha. 'akriti' namak prodakshan knpani ki sthapana karane ke bad asha ji ne 'kora kagaj', 'palash ke phool', 'baje payal' jaise siriyal ka nirman kiya. 1994 se 2001 tak asha parekh sine artist esosieshan ki adhyaksha aur 1998-2001 tak 'kendriy sensar bord' ki pahali mahila cheyar parasan rahin.

avivahit

asha ji ne vivah nahin kiya hai. vah kahati hain- "yadi shadi ho gee hoti to aj jitane kam vah kar paee hain, usase adhe bhi nahin ho pate." vahida rahaman, nnda aur asha, in tin saheliyon ki dosti poori film indastri men mashahoor rahi hai. apani nrity kala ko asha parekh ne jan-jan tak phailane ke lie hema malini evn vaijaynti mala ki tarah nrity-natikaen 'choladevi' evn 'anarakali' taiyar kin aur unake stej sho poori duniya men prastut kie. unhen is bat ka garv hai ki amerika ke linkan thietar men bharat ki or se unhonne pahali bar nrity ki prastuti di thi.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah