Makhanchor.jpg bharatakosh ki or se ap sabhi ko krishn janmashtami ki hardik shubhakamanaen Makhanchor.jpg

स्मिता पाटिल  हिन्दी देवनागरी में पढ़ें।

smita patil
smita patil
poora nam smita patil
janm 17 aktoobar, 1955
janm bhoomi pune, maharashtr
mrityu 13 disambar, 1986
abhibhavak shivajiray patil
pati/patni raj babbar
sntan pratik babbar
karm bhoomi mumbee
karm-kshetr abhinay
mukhy filmen 'varis', 'mirch-masala', 'namak halal', 'shakti', 'gulami', 'mnthan', 'nishant', 'bhoomika', 'akrosh', 'insaniyat ke dushman' adi.
shiksha snatak
vidyalay 'film end telivijan instityoot aauf indiya', pune
puraskar-upadhi 'rashtriy film puraskar' (1978), (1982); 'padmashri' (1985)
nagarikata bharatiy
any janakari sarvapratham shyam benegal ne smita patil ko film 'charanadas chor' (1975) men abhinay ka mauka diya tha, jo ek bal film thi.

smita patil (angrezi: Smita Patil, janm- 17 aktoobar, 1955, pune; mrityu- 13 disambar, 1986) hindi filmon ki suprasiddh abhinetri thin. unhonne apane sashakt abhinay se samanantar sinema ke sath-sath vyavasayik sinema men bhi khas pahachan banaee thi. utkrisht abhinay se saji unaki filmen 'bhoomika', 'mnthan', 'chakr', 'shakti', 'nishant' aur 'namak halal' aj bhi darshako ke dilon par apani amit chhap chhodati hain. bharatiy sndarbh men smita patil ek sakriy narivadi hone ke atirikt munbee ke mahila kendr ki sadasy bhi thin. ve mahilaon ke muddon par poori tarah se vachanabaddh thin. bharatiy sinema men unake amooly yogadan ke lie unhen do bar 'rashtriy film puraskar' aur 'padmashri' se bhi sammanit kiya gaya tha. hindi filmon ke alava smita patil ne marathi, gujarati, telugoo, bangla, kannad aur malayalam filmon men bhi apani khas pahachan banaee thi.

janm tatha shiksha

smita patil ka janm 17 aktoobar, 1955 ko pune, maharashtr men hua tha. unhonne apani skool ki padhaee maharashtr se hi poori ki thi. smita patil ek rajanitik parivar se sambandh rakhati thin, unake pita shivajiray patil maharashtr sarakar men mntri the, jabaki unaki man samaj sevika thi. smita patil ne 'film end telivijan instityoot aauf indiya', pune se snatak ki upadhi prapt ki thi.

vivah

smita patil ka vivah raj babbar ke sath sampann hua tha, jo svayn bhi hindi filmon ke prasiddh abhinetaon men se ek hain. raj babbar bharatiy rajaniti men bhi ek jana-pahachana nam hai. smita patil tatha raj babbar putr pratik babbar ke mata-pita bhi bane. pratik babbar bhi hindi filmon men sakriy hain.

filmi shuruat

kaaulej ki padhaee poori karane ke bad smita ne marathi telivijan men bataur samachar vachika kam kiya. isi dauran unaki mulakat jane mane film nirmata-nirdeshak shyam benegal se huee. shyam benegal un dinon apani film 'charanadas chor' (1975) banane ki taiyari men the. shyam benegal ko smita patil men ek ubharata hua sitara dikhaee diya aur unhonne apani film men smita patil ko ek chhoti-si bhoomika nibhane ka avasar diya.

bharatiy sinema jagat men 'charanadas chor' ko aitihasik film ke taur par yad kiya jata hai, kyonki isi film ke madhyam se shyam benegal aur smita patil ke roop men kalatmak filmon ke do diggajon ka agaman hua. shyam benegal ne smita patil ke bare men ek bar kaha tha ki "mainne pahali najar men hi samajh liya tha ki smita patil men gajab ki skrin upasthiti hai aur jisaka upayog roopahale parde par kiya ja sakata hai." film 'charanadas chor' halanki bal film thi, lekin is film ke jarie smita patil ne bata diya ki hindi filmon men khasakar yatharthavadi sinema men ek naya nam smita patil ke roop men jud gaya hai.

saphalata

isake bad varsh 1975 men shyam benegal dvara hi nirmit film 'nishant' men smita ko kam karane ka mauka mila. 1977 smita patil ke sine kairiyar men aham padav sabit hua. is varsh unaki 'bhoomika' aur 'mnthan' jaisi saphal filmen pradarshit huee. dugdh kranti par bani film 'mnthan' men smita patil ke abhinay ke ne rng darshakon ko dekhane ko mile. is film ke nirman ke lie gujarat ke lagabhag panch lakh kisanon ne apani pratidin ki milane vali mazadoori men se do-do rupaye film nirmataon ko die aur bad men jab yah film pradarshit huee to yah film baauks aauphis par suparahit sabit huee.

prasiddh kalakaron ke sath kary

san 1977 men hi smita ki 'bhoomika' bhi pradarshit huee, jisamen unhonne 30-40 ke dashak men marathi rngamach ki abhinetri hnsa vadekar ki niji zindagi ko roopahale parde par bahut achchhi tarah sakar kiya. film 'bhoomika' men apane damadar abhinay ke lie unhen 1978 men 'rashtriy film puraskar' se bhi sammanit kiya gaya. 'mnthan' aur 'bhoomika' jaisi filmon men unhonne kalatmak filmon ke maharathi nasiruddin shah, shabana azami, amol palekar aur amarish puri jaise kalakaro ke sath kam kiya aur apani adakari ka jauhar dikhakar apana sikka jamane men kamayab hueen. film 'bhoomika' se smita patil ka jo saphar shuroo hua, vah 'chakr', 'nishant', 'akrosh', 'giddh', 'albart pinto ko gussa kyon ata hai' aur 'mirch-masala' jaisi filmon tak jari raha.

smita patil ko mahanh filmakar satyajit re ke sath bhi kam karane ka mauka mila. munshi premachnd ki kahani par adharit telifilm 'sadagati' unake dvara abhinit shreshth filmon men aj bhi yad ki jati hai.

vyavasayik sinema

smita patil ne 1980 men pradarshit film 'chakr' men jhuggi-jhonpadi men rahane vali mahila ke kiradar ko roopahale parde par jivnt kar diya. isake sath hi film 'chakr' ke lie vah doosari bar 'rashtriy film puraskar' se sammanit ki geen. assi ke dashak men smita patil ne vyavasayik sinema ki or bhi apana rukh kar liya. is dauran unhen supar star amitabh bachchan ke sath 'namak halal' aur '[[shakti (1982 film)|shakti]]' jaisi filmon men kam karane ka avasar mila, jisaki saphalata ne smita patil ko vyavasayik sinema men bhi sthapit kar diya. assi ke dashak men smita patil ne vyavasayik sinema ke sath-sath samanantar sinema men bhi apana samnjasy banaye rakha. is dauran unaki 'subah' (1981), 'bazar', 'bhingi palaken', 'arth' (1982), 'a‌rddhasaty' aur 'mndi' (1983) jaisi kalatmak filmen aur 'dard ka rishta' (1982), 'kasam paida karane vale ki' (1984), 'akhir kyon', 'gulami', 'amrit' (1985), 'najarana' aur 'dans-dans' (1987) jaisi vyavasayik filmen pradarshit hueen, jisamen smita patil ke abhinay ke vividh roop darshakon ko dekhane ko mile.

sashakt abhinay

1985 men smita patil ki film 'mirch-masala' pradarshit huee. saurashtr ki azadi ke poorv ki prishthabhoomi par bani is film ne nirdeshak ketan menhata ko antarashtriy khyati dilaee. yah film sanmatavadi vyavastha ke bich pisati aurat ki sngharsh ki kahani bayan karati hai. yah film aj bhi smita patil ke sashakt abhinay ke lie yad ki jati hai.

mukhy filmen

film 'sadgati' ka ek drishy
  1. sitam (1991)
  2. galiyon ka badashah (1989)
  3. varis (1988)
  4. dans dans (1987)
  5. mirch masala (1987)
  6. najarana (1987)
  7. insaniyat ke dushman (1987)
  8. devashishu (1987)
  9. anokha rishta (1986)
  10. mera ghar mere bachche (1985)
  11. gulami (1985)
    smita patil (film 'mirch masala')
  12. akhir kyon (1985)
  13. kasam paida karane vale ki (1984)
  14. ardhasaty (1983)
  15. dard ka rishta (1983)
  16. arth (1983)
  17. mndi (1983)
  18. subah (1983)
  19. shakti (1982)
  20. namak halal (1982)
  21. bazar (1982)
  22. chakr (1981)
    smita patil
  23. albart pinto ko gussa kyon ata hai (1981)
  24. sadgati (1981)
  25. akrosh (1980)
  26. bhoomika (1977)
  27. mnthan (1977)
  28. nishant (1975)
  29. charanadas chor(1975)

puraskar v samman

apane filmi saphar men smita patil ne kee puraskar v samman prapt kiye, jinamen se mukhy hain-

  1. rashtriy film puraskar - 1978, 1982
  2. film feyar puraskar- 1978, 1981, 1982
  3. padmashri - 1985

nidhan

lagabhag do dashak tak apane sashakt abhinay se darshakon ke bich pahachan banane vali yah abhinetri mahaj 31 varsh ki umr men 13 disnbar, 1986 ko is duniya ko alavida kah gee. unaki maut ke bad 1988 men unaki film 'varis' pradarshit huee, jo unake sine kairiyar ki mahattvapoorn filmon men se ek hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah