श्यामा  हिन्दी देवनागरी में पढ़ें।

shyama vishay soochi
shyama    parichay    filmi kariyar    pramukh filmen
shyama
shyama
poora nam khurshid akhtar (mool nam)
prasiddh nam shyama
janm 12 joon, 1935
janm bhoomi lahaur
pati/patni fali mistri
karm bhoomi bharat
karm-kshetr hindi sinema
mukhy filmen 'shrimatiji', 'arapar', 'hathiyar', 'khel khiladi ka', 'azanabi', 'hanimoon', 'milan', 'barasat ki rat', 'bhabhi' adi.
puraskar-upadhi 'filmafeyar puraskar' (1957)
prasiddhi abhinetri
nagarikata bharatiy
any janakari film ‘sharada’ men shyama ne apani hamumr mina kumari ki man ki bhoomika nibhane se bhi parahez nahin kiya. us bhoomika ke lie shyama ko 1957 ka sarvashreshth sahanayika ka filmafeyar puraskar mila tha.

shyama (angrezi: Shyama, mool nam- 'khurshid akhtar', janm- 12 joon, 1935, lahaur) bharatiy sinema ki prasiddh abhinetriyon men se ek thin. san 1950 ke dashak ki mashahoor abhinetri shyama ka nam sunate hi aj bhi us daur ke hindi sinema ke chahane valon ke zahan men ek behad khoobasoorat, chulabuli aur behatarin abhinetri ka chehara kaundh uthata hai; lekin zyadatar log shayad hi is bat se parichit honge ki abhinetri banane se pahale shyama qarib 50 filmon men bal aur atirikt kalakar ke taur par chhote-mote rol kar chuki thin.

parichay

abhinetri shyama ka janm 12 joon san 1935 ko lahaur, pakistan men hua tha. unaka vastavik nam khurshid akhtar tha. unake abba phalon ke karobari the. shyama mahaz do sal ki thin, jab unake abba karobar ke silasile men lahaur chhodakar parivar ke sath munbee chale ae the. nau bhaee-bahanon men vah sabase chhoti thin. ek mulaqat ke dauran shyama ne bataya tha ki filmen unhen akarshit to karati thin, lekin us jamane ki samajik soch ko dekhate hue filmon men kam karane ki bat vah soch bhi nahin sakati thin. isake bavajood unaka is kshetr men ana mahaz ittefaq hi tha, jise lekar ghar men aur khasataur se abba ki taraf se thoda-bahut virodh bhi hua tha. lekin vah virodh zyada din tak nahin tik paya. shyama ka bada beta farookh mistri vigyapan jagat ka mashahoor kaimaramain hai to chhota beta inglaind men rahata hai.[1]

kariyar

abhinetri shyama ke janmadin par
oopar se baeen or- jabin jalil, sunita prasad, azara, nishi, shashikala, nimmi, yasamin
niche se baeen or- begam para, shyama, sitara devi

shyama ne 1946 men riliz huee ‘ghoonghat’, ‘nee man’ aur ‘nishana’ jaisi kuchh shuruati filmon men khurshid (jooniyar) aur bebi khurshid ke nam se kam kiya. lekin choonki us zamane men isi nam ki ek bahut badi star pahale se filmon men kam kar rahi thin, isalie unhen apana nam badalakar 'bebi shyama' rakh lena pada. agale chhah salon men shyama ne ‘bite din’, ‘mirabaee’, mehndi’, ‘paravana’, ‘ramaban’, ‘anamol moti’, ‘begunah’, ‘char din’, jagriti’, ‘jalatarng’, ‘jit’, ‘nach’, ‘namoona’, ‘patnga’, ‘savan bhadon’, ‘shabanam’, ‘shayar’, ‘ahuti’, ‘nili’, sabak’ ‘sarataj’, vafa, ‘nazarana’, saza’, ‘tarana’, jaisi qarib 50 filmon men chhote-chhote rol kie aur phir sal 1952 men bani film ‘shrimatiji’ men vah pahali bar abhinetri ke taur par nazar ayin.

filmafeyar puraskar

shyama ke mutabiq unhonne kabhi bhi apane kariyar ko plan nahin kiya. jo bhi achchhe rol unhen milate rahe, vah unhen nibhati chali gayin. 1957 men riliz huee kul 11 filmon men se sat men vah nayika thin to baqi char men sahanayika aur charitr abhinetri. film ‘sharada’ men unhonne apani hamumr mina kumari ki man ki bhoomika nibhane se bhi parahez nahin kiya. us bhoomika ke lie shyama ko 1957 ka sarvashreshth sahanayika ka filmafeyar puraskar mila tha.

pramukh filmen

1961 se agale 3 dashakon ke dauran shyama ne ‘duniya jhukati hai’, ‘bahurani’, ‘gumarah’, ‘ji chahata hai’, ‘janavar’, ‘dil diya dard liya’, ‘ag’, ‘milan’, ‘balak’, ‘mastana’, ‘savan bhadon’, ‘gomati ke kinare’, ‘prabhat’, ‘naya din nayi rat’, ‘chaitali’, ‘khel khel men’, ‘jini aur jaauni’, ‘khel khiladi ka’, ‘haqadar’, ‘mohabbat’, ‘mera karam mera dharam’ aur ‘pyase naina’ jaisi kul 60 filmon men kam kiya. unaka kahana tha ki- "badhati umr ke sath-sath staimina khatm hone laga tha. main bahut jaldi thakane lagi thi. isase pahale ki log kahate, shyama se ab kam nahin hota, mujhe ritayar ho jana behatar laga. 1989 men riliz huee je.pi. datta ki film ‘hathiyar’ meri akhiri film sabit huee."


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. shyama (hindi) beetehuedin.blogspot.in. abhigaman tithi: 11 joon, 2017.

snbndhit lekh

shyama vishay soochi
shyama    parichay    filmi kariyar    pramukh filmen

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah