Makhanchor.jpg bharatakosh ki or se ap sabhi ko krishn janmashtami ki hardik shubhakamanaen Makhanchor.jpg

कामिनी कौशल  हिन्दी देवनागरी में पढ़ें।

kamini kaushal
kamini kaushal
poora nam kamini kaushal
any nam uma kashyap
janm 16 janavari, 1927
janm bhoomi lahaur, pnjab, british bharat
abhibhavak shivaram kashyap
pati/patni brahmasvaroop sood
karm bhoomi bharat
karm-kshetr abhinetri
mukhy filmen 'jelayatra', 'jiddi', 'nicha nagar', 'biraj bahoo', 'hiralal pannalal', 'poorab aur pashchim', 'laga chunari men dag', 'shahid' adi.
shiksha bi.e. aaunars (angrezi)
vidyalay 'ledi maikaklaigan haeeskool', 'kinneyard kaaulej', lahaur
puraskar-upadhi film 'biraj bahoo' ke lie sarvashreshth abhinetri ka 'film feyar puraskar'.
nagarikata bharatiy
snbndhit lekh chetan anand, dilip kumar
vishesh varsh 1946 men bani film 'nicha nagar' ke sngitakar pndit ravishnkar the. 'kans film samaroh' men shamil hone aur puraskar hasil karane vali ye pahali bharatiy film thi.
any janakari prasiddh nirdeshak chetan annd ne kamini kaushal ko unake asali nam 'uma kashyap' ki jagah filmi nam 'kamini kaushal' diya tha. age chalakar ve isi filmi nam se mashahoor hueen.
adyatan‎

kamini kaushal (angrezi: Kamini Kaushal; vastavik nam- 'uma kashyap', janm- 16 janavari, 1927, lahaur, pnjab, british bharat) hindi filmon ki ek aisi abhinetri aur tivi kalakar, jisane apani shalinata se sabhi ka dil jit liya. inaka vastavik nam 'uma kashyap' tha. filmi nam 'kamini kaushal' chetan anand ne diya aur isi nam se ye jani geen. yoon to kamini kaushal ne kee yadagar filmen di hain, kintu film 'nicha nagar' (1946) aur 'biraj bahoo' (1955) men nibhaee gee bhoomika ke lie unhen khasataur par jana jata hai. in filmon men nibhaee gee bhoomika ke lie kamini kaushal ko puraskar bhi prapt hue the. apane samay ke khyati prapt abhineta dilip kumar aur raj kapoor ke sath kee filmen kar chukin kamini kaushal ne tivi ki duniya men kee dharavahikon men bhi kary kiya hai.

janm tatha parivar

kamini kaushal ka janm 16 janavari, san 1927 men british bharat ke lahaur (pnjab) men hua tha. kamini ke pita profesar shivaram kashyap antarrashtriy star ke jane-mane vanaspati shastri the aur lahaur ke hi 'gavarnament kaaulej' men padhate the. lahaur ke mashahoor 'baautainikal gardan' ke snsthapak hone ke sath-sath ve saeens kangres ke adhyaksh bhi the. do bhaee aur tin bahanon men sabase chhoti kamini kaushal ke bade bhaee daauktar ke. en. kashyap bataur sarjan kee salon tak pi. ji. aee. chndigadh se jude rahe. unake chhote bhaee karnal e. en. kashyap ko doosare vishvayuddh ke dauran japan men yuddh bndi bana liya gaya tha aur ve char sal bad achanak tab vapas laute the, jab parivar ki ummiden lagabhag samapt ho gee thin.[1]

shiksha

kamini kaushal ka parivar lahaur ke chauburji ilaqe men rahata tha. 'ledi maikaklaigan haeeskool' se unhonne apani skooli shiksha poori ki thi. isake bad 'kinneyard kaaulej' se angrezi men bi.e. aaunars kiya. inake parivar ka mahaul kafi khula hua tha. kamini kaushal bachapan se hi rediyo natakon men hissa leti thi, isake atirikt ghudasavari, tairaki aur saeekling bhi karati thin.

vivah

kamini kaushal ki bahan ki asamayik hi mrityu ho gee thi, jis karan apani bh‍tijiyon ke bhavishy ki chinta unhen thi. apani bhatijiyon ke bhavishy ko dhyan men rakhate hue hi kamini kaushal ne apane jija brahmasvaroop sood se vivah kar liya aur munbee a geen. brahmasvaroop sood port trast men kam karate the. unhonne kamini ko philmon men kam karane ki poori azadi de di thi.

filmi shuruat

us samay filmon men kam karana achchha nahin mana jata tha. chetan anand kamini ke bade bhaee ke qaribi dost the aur un dinon apani pahali film 'nicha nagar' ki taiyariyon men lage hue the. ek roz unhonne rediyo natak sunakar kamini ko apani film ki mukhy bhoomika ke lie lena chaha, kintu kamini ne saph inkar kar diya. chetan annd se unaki agali mulaqat munbee men huee, jahan vah apani vivahita badi bahan ke ghar ayi huee thin. chetan annd ne ek bar phir se un par apani film men kam karane ke lie dabav dala, jisake lie apane bade bhaee ke kahane par kamini kaushal ko han karana pada. choonki chetan annd ki patni uma annd bhi us film men ek aham bhoomika kar rahi thin, isalie chetan annd ne kamini kaushal ko unake asali nam uma kashyap ki jagah filmi nam kamini kaushal diya tha. age chalakar ve isi filmi nam se mashahoor hueen.[1]

mumbee agaman

varsh 1946 men bani film 'nicha nagar' ke sngitakar pndit ravishnkar the. 'kans film samaroh' men shamil hone aur puraskar hasil karane vali ye pahali bharatiy film thi. kamini kaushal ke anusar- "tamam tarifen batorane ke bavajood shurooat men ye film bik nahin paee thi. lekin jab age chalakar mera thoda nam hua aur is film men do gane dale ge, tab kahin ye film pradarshit ho paee thi. lekin usake bad jitane bhi prastav mujhe mile, un sabhi ko thukarakar main vapas lahaur laut gayi. us samay tak mainne mushkil se char-panch hi filmen dekhi hongi, jinamen se 'prabhat film knpani, pune' ki gajanan jagiradar nirdeshit film 'ramashastri' mujhe behad pasnd ayi thi. isilie jab gajanan jagiradar ne apane prodakshan ki film 'jelayatra' ke lie mujhase snpark kiya to main inkar nahin kar payi aur mujhe sthayi roop se munbee a jana pada".[1] kee log yah bhi kahate hain ki badi bahan ke achanak guzar jane ke bad unaki do chhoti betiyon ki dekhabhal ke lie kamini kaushal ko 1947 men apane jija brahmasvaroop sood se shadi karani padi thi aur isilie ve shadi ke bad sthayi taur par munbee aee thin.

prasiddh kalakaron ke kary

kamini kaushal

1947 men bani film 'jelayatra' men kamini kaushal ke nayak raj kapoor the, jinaki bataur nirmata-nirdeshak pahali film 'ag' (1948) men bhi kamini kaushal ne ek aham bhoomika ki. 'filmistan stoodiyo' ki film 'do bhaee' (1947) men kamini kaushal ke nayak ulhas the to isi bainar ki 'shahid' aur 'nadiya ke par' (1948) men dilip kumar. in sabhi filmon men kamini kaushal ke lie parshvagayan shamashad begam, gita datt, lalita deoolakar aur surindar kaur ne kiya tha. 'baaumbe taaukiz' ki khemachnd prakash dvara sngitabaddh film 'ziddi' (1948) men unake lie lata mngeshakar ne pahali bar gane gae the. bataur gayak kishor kumar ki bhi ye pahali film thi, jisamen unhonne mali ki ek chhoti si bhoomika bhi ki thi. isake bad agale das varshon men kamini kaushal ne 'namoona', 'shabanam', 'shayar' (sabhi 1949), 'arazoo' (1950), 'bikhare moti' (1951), 'poonam' (1952), 'ansoo', 'as', 'shahnshah' (sabhi 1953), 'biraj bahoo', 'chalis baba ek chor', 'sngam' (sabhi 1954), 'abaroo' (1956), 'bada bhaee', 'bade sarakar' (donon 1957), 'jelar', 'naeet klab' (donon 1958) aur 'baink mainejar' (1959) jaisi kul milakar 33 filmon men mukhy bhoomikaen nibhaeen.[1]

prem prasng

dilip kumar ke sath do abhinetriyon ke prem prasng ki baten bhi kafi udin. in abhinetriyon men ek thin 'kamini kaushal' aur doosari 'madhubala'. 1948 aur 1950 ke bich dilip kumar aur kamini kaushal ne char philmon men sath kam kiya tha. inamen 'shahid' ke alava any tin philmen 'nadiya ke par', 'shabanam', aur 'arajoo' thin. darshakon ko in philmon ke pranay drishy dekhakar hi inake bich paraspar prem ka ahasas ho jata tha. tab kamini kaushal aur dilip kumar donon hi philmi kariyar ki buniyad dal rahe the. kamini kaushal byahata thin, jinhonne bahan ke nidhan ke bad apane jija brahmasvaroop sood se vivah kiya tha. inake pati ne filmon men kam karane ki azadi di thi, lekin prem ki ijajat bhala kaise dete. dilip aur kamini ne apane prem ko dabaya aur varshon tak ek-doosare ke samane bhi nahin ae.[2]

dilip kumar aur kamili kaushal

film nirman

'ke arts' ke bainar men bani film 'poonam' aur 'chalis baba ek chor' ka nirman kamini kaushal ne hi kiya tha. film 'biraj bahoo' ke lie unhonne sarvashreshth abhinetri ka 'film feyar puraskar' jita tha. film 'baink mainejar' ke bad unhen ghareloo vajahon se kuchh salon ke lie filmon se alag ho jana pada. qarib panch sal bad kamini kaushal abhineta rajakumar ke sath nirmata-nirdeshak trilok jetali ki film 'godan' (1963) men nazar ayin. is film ka sngit bhi pndit ravishnkar ne taiyar kiya tha. ye kamini kaushal ki bataur nayika akhiri pradarshit film thi.

charitr abhinetri

bataur charitr abhinetri kamini kaushal ke doosare filmi safar ki shuruat varsh 1965 men bani film 'shahid' se huee. is film men ve abhineta manoj kumar dvara abhinit saradar bhagat sinh ki man ki bhoomika men nazar ayi thin. film 'shahid' ki jabardast kamayabi ke bad unhonne manoj kumar ki lagabhag sabhi filmon men unaki man ki bhoomika ki. kamini kaushal bataur charitr abhinetri 40 se bhi zyada salon tak sakriy rahin. abhinay ke is doosare daur men unhonne 60 se zyada filmon, 1980 ke dashak ke madhy men bane angrezi dharavahik 'jvail in d kraoon' aur "vaqt ki raftar', 'ooparavali gharavali', 'snjivani', 'shanno ki shadi' jaise kuchh hindi dharavahikon men abhinay kiya. 2007 men bani 'laga chunari men dag' kamini kaushal ki abhi tak ki akhiri hindi film hai. 2008 men lndan men bani unaki ek angrezi film 'd skvayar root 2' bhi pradarshit huee thi.

mukhy philmen

kamini kaushal ki pramukh filmen
varsh film varsh film varsh film
2007 laga chunari men dag 2003 chori chori 2000 har dil jo pyar karega
1992 hamashakl 1989 sntosh 1987 jalava
1984 d jvail in d kraun 1983 pentar baboo 1981 khuda kasam
1980 takkar 1979 bagula bhagat 1978 hiralal pannalal
1978 ahooti 1978 dil aur divar 1978 svarg nark
1977 chandi sona 1976 maha chor 1976 das nambari
1976 bhnvar 1975 do jhooth 1975 kaid
1975 snnyasi 1974 roti kapada aur makan 1974 prem nagar
1973 anahoni 1973 jaise ko taisa 1972 shor
1972 tangevala 1971 upahar 1971 bikhare moti
1970 yadagar 1970 poorab aur pashchim 1970 ishk par zor nahin
1969 vishvas nina 1969 meri bhabhi 1969 ek shriman ek shrimati
1969 do raste 1969 varis 1965 shahid
1954 biraj bahoo 1953 chalis baba ek chor 1953 as
1952 poonam 1949 paras 1949 shair
1949 shayar 1948 ag 1948 ziddi
1947 jel yatra


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 bite hue din (hindi). . abhigaman tithi: 22 sitambar, 2013.
  2. dilip kumar-ek mahanayak ki gatha (hindi). . abhigaman tithi: 22 sitambar, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah