Makhanchor.jpg bharatakosh ki or se ap sabhi ko krishn janmashtami ki hardik shubhakamanaen Makhanchor.jpg

दुर्गा खोटे  हिन्दी देवनागरी में पढ़ें।

durga khote
durga khote
poora nam durga khote
janm 14 janavari, 1905
janm bhoomi mumbee, british bharat
mrityu 22 sitnbar, 1991
mrityu sthan mumbee, bharat
karm bhoomi bharat
karm-kshetr abhinetri
mukhy filmen 'mugal e ajam', 'bharat milap', 'vidaee', 'maya machhindr' adi.
puraskar-upadhi 'dada sahab phalke puraskar', 'padmashri', 'sngit natak akadami puraskar'
nagarikata bharatiy
any janakari abhinay ke alava durga khote ne lnbe samay tak laghu filmen, vigyapan filmen, vrittachitron aur dharavahikon ka bhi nirman kiya. durga khote ne varsh 1937 men 'sathi' nam ki ek film ka nirman aur nirdeshan bhi kiya.

durga khote (angrezi: Durga Khote, janm: 14 janavari, 1905; mrityu: 22 sitnbar, 1991) apane zamane men hindi v marathi filmon ki prasiddh abhinetri thin. unhonne anek hit filmon men shanadar abhinay kiya. arambhik filmon men nayika ki bhoomikaen karane ke bad jab ve charitr abhinetri ki bhoomikaon men darshakon ke samane aeen, tab unake bemisal abhinay ko aj tak log yad karate hain. durga khote ne qarib 200 filmon ke sath hi sainkadon natakon men bhi abhinay kiya aur filmon ko lekar samajik varjanaon ko door karane men aham bhoomika nibhaee.

jivan parichay

ek pratishthit parivar men 14 janavari 1905 ko paida hueen durga khote ka shuruati jivan sukhamay nahin raha aur matr 26 sal ki umr men hi unake pati ka nidhan ho gaya. durga khote ka bachapan to samany roop se kata lekin apani pasand se vivah ke bad bhi unaka ghareloo jivan bahut hi kathin v du:kh se bhara raha. apane pati ki or se behad pareshan rahi durga ko jo kuchh khushi mili, vah apane bachchon se hi mili.

filmon men pravesh

pati ke nidhan ke bad durga khote par do bachchon ki paravarish ki jimmedari bhi a gee thi. aise men unhonne filmon ki rah li. us daur men bahudha purush hi mahilaon ki bhoomika nibhate the aur adhikatar gharon men filmon ko achchhi najar se nahin dekha jata tha. durga khote mook filmon ke daur men hi filmon men a gee thi aur 'pharebi jal' unaki pahali film thi. bataur nayika 'ayodhyecha raja' unaki pahali film thi jo marathi ke sath sath hindi men bhi thi. yah film kamayab rahi aur durga khote nayika ke roop men sinema ki duniya men sthapit ho geen. durga khote ki kamayabi ne kiyon ko prerit kiya aur hindi filmon se judi samajik varjana tootane lagi. durga khote ne ek aur pahal karate hue stoodiyo vyavastha ko bhi darakinar kar diya aur phrilans kalakar ban gee. stoodiyo sistam men kalakar masik vetan par kisi ek knpani ke lie kam karate the. lekin durga khote ne is vyavastha ko asvikar karate hue ek sath kee film knpaniyon ke lie kam kiya.[1]

ladakiyon ko dikhaee film ki rah

durga khote ke filmon men kam karane se pahale purush hi stri patr bhi nibhate the. hindi filmon ke pitamah dada saheb phalke ne jab pahali hindi phichar film “raja harishchndr” banayi to unhen raja harishchndr ki patni taramati ka kiradar nibhane ke lie koee mahila nahin mili. unhen majaboor hokar ek yuvak salunke se yah bhoomika karani padi. is sthiti ko dekhakar durga khote ne filmon men kam karane ka phaisala kiya aur unake is kadam se sammanit parivaron ki ladakiyon ke lie bhi filmon ke daravaze kholane men madad mili. unhonne 1931 men prabhat film kampani ki mook film ‘pharebi jal’ men ek chhoti si bhoomika se apane filmi kairiyar ki shuruat ki lekin unaka anubhav achchha nahin raha aur filmon se unaka mohabhng ho gaya tha. vah shayad phir filmon men kam nahin karatin lekin nirmata-nirdeshak vi. shantaram ne unhen marathi aur hindi bhashaon men banane vali apani agali film ‘ayodhyecha raja’ 1932, men rani taramati ki bhoomika ke lie kisi tarah mana liya. unhonne is kam ke lie film ke nayak govindarav tembe ki madad li. kaha jata hai ki tembe shantaram bapoo ke sath durga khote ke ghar itani bar ge ki unaka rng kala pad gaya aur log kahane lage the ki unhen ‘ayodhyecha raja’ kaha jae ya ‘aphrikacha raja’ bola jae.

marathi ki is pahali savakh film ki jabaradast kamayabi ke bad durga khote ne phir palat kar nahin dekha. prabhat film knpani ki hi 1936 men bani film ‘amar jyoti’ se vah surkhiyon men a gayin. 1934 men kalakatta ki eest indiya film knpani ne ‘sita’ film ka nirman kiya, jisamen unake nayak prithviraj kapoor the. devaki kumar bos nirdeshit is film men unake damadar abhinay ne unhen shirsh abhinetriyon ki katar men khada kar diya. vah bharatiy abhinetriyon ki kee pidhiyon ki preranasrot rahin. inamen shobhana samarth jaisi nayikaen bhi shamil thin jo bataya karati thin ki kis tarah durga khote se unhen prerana mili.[2]

yadagar filmen

hindi filmon men unhen man ki bhoomika ke lie vishesh roop se yad kiya jata hai. filmakar ke. asiph ki bahucharchit film mugal e ajam men jahan unhonne salim ki man jodhabaee ki yadagar bhoomika nibhaee vahin unhonne vijay bhatt ki 'bharat milap' men kaikeee ki bhoomika ko bhi jivnt bana diya. bataur man unhonne charanon ki dasi, mirja galib, baaubi, vidaee jaisi filmon men bhi behatarin bhoomika ki.

durga khote
‘maya machhindr’

prabhat knpani ki hi film ‘maya machhindr’ 1932 men durga khote ne ek bahadur yoddha ki bhoomika nibhayi. isake lie unhonne yoddha ke kapade pahane, hath men talavar pakadi aur sir par shirastran pahana. film ke ek drishy men ek baj ne ek charitr abhineta par sachamuch hamala kar diya to durga khote ne use pakad liya aur use tab tak kaboo men kie rakha jab tak usaka prashikshak nahin a gaya. is tarah ki bhoomikaon ne doosari abhinetriyon ke lie bhi marg prashast karane ka kam kiya.

nirman evn nirdeshan

abhinay ke alava durga khote ne lnbe samay tak laghu filmen, vigyapan filmen, vritt chitron aur dharavahikon ka bhi nirman kiya. durga khote ne varsh 1937 men 'sathi' nam ki ek film ka nirman aur nirdeshan bhi kiya.

durga khote ki pramukh filmen
varsh film charitr
1983 daulat ke dushman
1980 karz shanta prasad varma
1977 paheli brijamohan ki man
1977 darling darling
1977 papi ashok ki man
1977 chor sipahi
1977 saheb bahadur
1977 chacha bhatija
1976 shak
1976 rngila ratan
1976 janeman
1976 jay bajarng bali
1975 khushaboo
1975 chaitali
1975 kala sona
1974 vidaee parvati
1973 agni rekha
1973 baaubi misez braigainza
1973 abhiman
1972 bavarchi
1972 raja jani
1971 banaphool
1971 ek nari ek brahmachari
1970 khilauna thakurain sooraj sinh
1970 gopi
1970 anand renu ki mata
1969 jine ki rah parvati
1969 dharati kahe pukar ke
1969 pyar ka sapana
1968 sapanon ka saudagar
1968 sngharsh
1968 jhuk gaya asaman dadi man
1967 chandan ka palana
1966 pyar mohabbat
1966 anupama ashok ki man
1966 sagaee
1966 dadi man
1965 kajal rani sahiba
1964 kaise kahoon
1964 door ki avaz
1964 benazir
1963 mujhe jine do
1962 manamauji
1962 main shadi karane chala
1961 bhabhi ki choodiyan
1960 parakh
1960 mugal-e-azam maharani jodha baee
1960 usane kaha tha
1959 arddhangini
1957 bhabhi
1956 rajadhani
1954 lakiren
1954 mirza galib
1953 shikast
1952 andhiyan
1952 moradvaj
1951 aram sita
1951 saza
1950 bekasoor
1950 nishana
1949 singar
1949 jit
1935 inkalab

samman aur puraskar

atmakatha

durga khote ne apani atmakatha (mi durga khote) bhi likhi jisaki vyapak sarahana huee. mool roop se marathi bhasha men likhi atmakatha ka angrezi men bhi anuvad hua hai.

nidhan

sinema jagath men mahilaon ki sthiti majaboot karane men mahattvapoorn bhoomika nibhane vali is hasti ka 22 sitnbar 1991 men nidhan ho gaya. hindi evn marathi filmon ke alava rngamnch ki duniya men qarib panch dashak tak sakriy rahin durga khote apane daur ki pramukh hastiyon men thi jinhonne filmon men mahilaon ki rah sugam banaee.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. durga khote: sine jagath men mahilaon ki rah sugam banaee (hindi) (ech.ti.em.el) jagaran yahoo indiya. abhigaman tithi: 21 sitambar, 2012.
  2. durga khote ne amir ladakiyon ko dikhaee film ki rah (hindi) (pi.ech.pi) cgnewsupdate. abhigaman tithi: 21 sitambar, 2012.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah