Makhanchor.jpg bharatakosh ki or se ap sabhi ko krishn janmashtami ki hardik shubhakamanaen Makhanchor.jpg

जयललिता  हिन्दी देवनागरी में पढ़ें।

jayalalita
jayalalita
poora nam jayalalita jayaram
janm 24 faravari, 1948
janm bhoomi maisoor
mrityu 5 disambar, 2016
mrityu sthan chennee, tamilanadu
abhibhavak pita- jayaram vedavalli, mata- vedavati
nagarikata bharatiy
prasiddhi tamil abhinetri tatha rajanitigy
parti aaul indiya anna dravid munnetr kadagam
pad tamilanadu ki poorv mukhyamntri
kary kal 24 joon 199112 mee 1996, 14 mee 200121 sitambar 2001, 2 march 200212 mee 2006, 16 mee 2011 se 27 sitambar, 2014 tak.
bhasha tamil, telugu, kannad, angrezi, hindi
vishesh tamilanadu men jayalalita ki lokapriyata zyada hai, kyonki unaki yojanaen sidhe janata se judati hain. unaki yojanaen garibon ke hit men hain; aur khas bat ye hai ki unaki yojanaon ko amma brand kaha jata hai.
any janakari jayalalita tamil filmon ki abhinetri bhi thin. unhonne tamil ke alava telugu, kannad aur hindi bhasha ki lagabhag 300 filmon men kam kiya tha.
adyatan‎

jayalalita jayaram (angrezi: Jayalalithaa Jayaram, janm: 24 faravari, 1948, maisoor; mrityu- 5 disambar, 2016, chennee) tamilanadu ki mukhyamntri evn aaul indiya anna dravid munnetr kadagam (e.ai.e.di.em.ke.) parti ki prasiddh neta thin. ve tamil filmon ki abhinetri bhi rahi thin. jivan ke har sngharsh ko munhatod javab de kar hi 'amma' yani jayalalita nari shakti ka pray: ban gee thin.

parichay

jayalalita ka janm 24 faravari san 1948 ko maisoor[1] men mandaya zile ke pandavapur namak taluke ke melurakot ganv men ek 'ayyar parivar' men hua tha. inake pita ka nam jayaram vedavalli tha tatha mata vedavati thin. jayalalita ne apani prarnbhik shiksha charch park kaaunvent skool aur bishap kaautan garls skool men paee. unhonne uchch shiksha chennee ke charch park prejenteshan kanvent aur stela maris kaaulej se prapt ki thi. mahaj 2 sal ki umr men hi jayalalita ke pita jayaram, unhen man ke sath akela chhod chal base the. isake bad shuroo hua garibi aur abhav ka vah daur, jisane jayalalita ko itana mazaboot bana diya ki ve visham paristhitiyon men bhi khud ko sahaj banae rakhane men poori tarah se saphal rahin. vipaksh ke liye khatara aur apane chahane valon ke bich 'amma' ke nam se mashahoor jayalalita ne apani rah apane ap tay ki.[2]

filmi kariyar

jayalalita (abhinetri roop)

jayalalita ne sirf 15 sal ki umr men parivar ko chalane ke lie filmon ka rukh kar liya. unhonne bal kalakar ke roop men filmi kariyar ki shuruat ki thi. 1964 men jayalalita ko kannad film 'chinnada gombe' men lid rol mila. jayalalita ne hindi, kannad aur inglish filmon men bhi kam kiya. unhonne janemane nirdeshak shridhar ki film 'venniradee' se apana filmi kariyar shuroo kiya aur lagabhag 300 filmon men kam kiya. unhonne tamil ke alava telugu, kannad aur hindi filmon men bhi kam kiya.

em. ji. ramachndran ke sath jodi

san 1965 men jayalalita ne tamil film men kam kiya, jo bahut badi hit sabit huee. isi sal unhonne em. ji. ramachndran ke sath bhi kam kiya. em. ji. ramachndran tamilanadu ke poorv mukhyamntri bhi rah chuke hain aur jayalalita ke paaulitikal mentar bhi banen. 1965 se 1972 ke daur men unhonne adhikatar filmen em. ji. ramachndran ke sath kin. 1970 men parti ke logon ke dabav men em.ji. ar ne doosari abhinetriyon ke sath bhi kam karana shuroo kar diya. vahin jayalalita bhi doosare abhinetaon ke sath filmen karane lagin. karib 10 salon tak in donon ne ek sath koee film nahin ki. 1973 men jayalalita aur em. ji. ar ki jodi akhiri bar najar aee thi. in donon ne kul milakar 28 filmon men sath kam kiya. 1980 men unhonne apani akhiri tamil film men kam kiya.[3]

rajanitik jivan

parti ke andar aur sarakar men rahate hue mushkil aur kathor faisalon ke lie mashahoor jayalalita ko tamilanadu men 'ayaran ledi' aur tamilanadu ki 'maragret thaichar' bhi kaha jata hai. kam umr men pita ke gujar jane ke bad jayalalita ko poorv abhineta aur neta em. ji. ramachndran 1982 men rajaniti men lae. usi sal vah e.aee.e.di.em.ke. ke tikat par rajyasabha ke lie manonit ki geen aur usake bad unhonne pichhe mud kar nahin dekha.[4]

brahman virodhi mnch par dravid andolan ke neta apane chir pratidvndvi em. karunanidhi se jayalalita ki lnbi bhidnt huee. rajaniti men 1982 men ane ke bad aupacharik taur par unaki shurooat tab huee, jab vah annadramuk men shamil hueen. varsh 1987 men em. ji. ramachndran ke nidhan ke bad parti ko chalane ki jimmedari unake kndhon par a gayi aur unhonne vyapak rajanitik soojh-boojh ka parichay diya. bhrashtachar ke mamalon men 68 varshiy jayalalita ko do bar pad chhodana bhi pada, lekin donon mauke par vah natakiy taur par vapasi karane men saphal rahin. rajaniti men unaki shuruat 1982 men huee, jisake bad emajiar ne unhen agale sal prachar sachiv bana diya. ramachndran ne karishmaee chhavi ki adakara-rajaneta ko 1984 men rajyasabha sadasy banaya, jinake sath unhonne 28 filmen ki thin. jayalalita ne 1984 ke vidhanasabha tatha lokasabha chunav men parti prabhar ka tab netritv kiya, jab ramachndran asvasthata ke karan prachar nahin kar sake the.

mukhyamntri ka pad

jayalalita

varsh 1987 men ramachndran ke nidhan ke bad rajaniti men vah khulakar samane ayin, lekin annadramuk men phoot pad gayi. aitihasik rajaji haaul men emajiar ka shav pada hua tha aur dramuk ke ek neta ne unhen mnch se hatane ki koshish ki. bad men annadramuk dal do dhade men bnt gaya, jise jayalalita aur ramachndran ki patni janaki ke nam par 'annadramuk je' aur 'annadramuk ja' kaha gaya. emajiar kaibinet men varishth mntri ar. em. virappan jaise netaon ke kheme ki vajah se annadramuk ki nirvivad pramukh banane ki rah men adachan ayi aur unhen bhishan sngharsh ka samana karana pada. ramachndran ki maut ke bad bnt chuki annadramuk ko unhonne 1990 men ekajut kar 1991 men jabaradast bahumat dilayi.[5] 1991 men hi pradhanamntri rajiv gandhi ki hatya huee thi aur isake bad hi chunav men jayalalita ne kangres ke sath gathabndhan kar liya tha, jisaka unhen fayada pahuncha tha. logon men di.em.ke. ke prati zabaradast gussa tha, kyonki log use litte ka samarthak samajhate the. mukhyamntri banane ke bad jayalalita ne litte par pabndi lagane ka anurodh kiya tha, jise kendr sarakar ne man liya tha.[4]

jayalalita ne bodinayakannoor se 1989 men tamilanadu vidhanasabha chunav men jit hasil ki aur sadan men pahali mahila pratipaksh neta banin. is dauran rajanitik aur niji jivan men kuchh badalav aya, jab jayalalita ne arop lagaya ki sattaroodh dramuk ne un par hamala kiya aur unako pareshan kiya. alabatta, panch sal ke karyakal men bhrashtachar ke aropon, apane dattak putr ke vivah men jamakar dikhava aur ummidon ke anuroop pradarshan nahin karane ke chalate unhen 1996 men apane chir pratidvndvi dramuk ke hathon satta gnvani padi. isake bad unake khilaph ay ke gyat srot se adhik snpatti sahit kee mamale dayar kiye ge. adalati mamalon ke bad unhen do bar pad chhodana pada- pahali bar 2001 men doosari bar 2014 men.

karyakshamata

jayalalita 2001 men jab dobara satta men aeen, tab unhonne laautari tikat par pabndi laga di. hadatal par jane ki vajah se do lakh karmachariyon ko ek sath naukari se nikal diya, kisanon ki muft bijali par rok laga di, rashan ki dukanon men chaval ki qimat badha di, 5000 rupaye se zyada kamane valon ke rashan kard kharij kar die, bas kiraya badha diya aur mndiron men janavaron ki bali par rok laga di. lekin 2004 ke lok sabha chunav men buri tarah harane ke bad unhonne pashubali ki anumati de di aur kisanon ki muft bijali bhi bahal ho gee. unhen apani alochana bilkul pasnd nahin thi aur is vajah se unhonne kee samachar patron ke khilaf manahani ke muqadame kiye.[4]

jayalalita tatha emajiar

tamilanadu ki rajaniti ke do nayak em. ji. ramachndran (emajiar) aur jayalalita ke apasi snbndh hamesha charcha ka vishay rahe. emajiar philmi duniya men jayalalita ke mentar the to rajaniti men unake guru. emajiar jayalalita se behad lagav rakhate the aur vo unaka har dam khyal bhi rakhate the. ek bar ek philm ki shooting ke dauran jayalalita nnge panv thin aur tej dhoop ke karan unake pair jalane lage to emajiar ne unhen takaliph se bachane ke lie god men uthakar kar tak pahunchaya.
jayalalita tatha em. ji. ramachndran
bad men apane ek intaravyoo men is ghatana ka jikr karate hue jayalalita ne kaha tha ki- "emajiar kee bar asal jindagi men bhi hiro ki bhoomika nibhate the."


vakaya us samay ka hai jab jayalalita emajiar ke sath 'adimayappan' philm ki thar registan men shooting kar rahi thin. philm men vo gulam ladaki ka rol nibha rahi thin, isalie unhen nnge panv shooting karani thi. choonki philm set par baki logon ne joote pahan rakhe the, isalie kisi ko is bat ka andaja nahin hua ki dhoop badhane ke sath ret tapane lagi hai. kuchh hi ghnte bad ret itani garam ho gee ki jayalalita ke panv buri tarah jalane lage. philm yoonit ke kisi sadasy ne is bat par dhyan nahin diya, lekin emajiar ne bhanp liya ki ret se jayalalita ke panv jal rahe hain. unhonne tatkal philm ki shooting paik ap karane ke lie kah diya. jayalalita ki jivani "ammaah jayalalitaj jarni phraaum moovij star too politikal kvin" likhane vali vasnti ne apani kitab men is vakaye ka jikr kiya hai. jayalalita ki mushkil yahin nahin khatm huee. unaki gadi shooting sthal se thodi doori par khadi thi. ve tapati ret par nnge panv rakhate hue kar tak jane lagin, lekin dhire-dhire jalan unaki sahanashakti se bahar hone lagi aur unhen lagane laga ki ve chakkar khakar gir padengi. jayalalita ne bad men ek intaravyoo ke dauran us ghatana ko yad karate hue kaha tha- "vo narak se gujarane jaisa tha." is bar bhi jayalalita ki halat emajiar ne samajhi aur unhonne ek shabd kahe-sune bina god men utha liya aur kar tak le ge. jayalalita ne apane intaravyoo men kaha tha- "main ek kadam nahin badha pa rahi thi. main girane hi vali thi. mainne ek shabd bhi nahin kaha, lekin emajiar ne mera darj samajh liya hoga. ve pichhe se achanak ae aur mujhe apani banhon men utha liya. ve kee bar asal jindagi men bhi hiro ki bhoomika nibhate the."[6]

kriket se rishta

'aaul indiya anna dravid munetr kadagam' ki mukhiya jayalalita ne baaulivud se apana saphar shuroo kiya tha, lekin unaka ek khas rishta kriket se bhi raha. jayalalita ne ek chait sho ke dauran bataya tha ki unaka pahala krash nari kaauntraiktar the, jabaki ve shammi kapoor ki bhi bahut badi phain rahin. nari kaauntraiktar ka poora nam nariman jamashedaji kaauntraiktar tha. unhonne 1955 se 1962 ke bich bharat ke lie 31 test maich khele. is dauran unake balle se ek shatak aur 11 arddh shatak nikale the. kaauntraiktar ka janm 7 march, 1934 ko gujarat ke godhara men hua tha. unhonne 52 test pariyon men 31.58 ki ausat se 1611 ran banae the. dilli men vestindij ke khilaph 1958-1959 men 92 ranon ki pari khelakar unhonne sanasani macha di thi. 1960-1961 men unhonne pakistan ke khilaph bharatiy tim ki kaman snbhali thi. us samay unaki umr 26 sal ki thi aur ve us samay bharat ke sabase kam umr men bane test kaptan the. unhonne apani kaptani men bharat ko inglaind ke khilaph jit dilaee thi. ballebaj aur kaptan ke taur par ve apane kariyar ke charam par the. 1962 men indiyan toorist kaauloni aur barabados ke bich khele ge maich men unhen charli griphith ki gend sir men ja lagi. kuchh samay tak unaki jindagi khatare men thi. unaki kee sarjari karani padi, jisake bad ve khatare se bahar nikale. isake bad unaka antararashtriy kariyar khatm ho gaya. do sal bad unhonne pratham shreni kriket men vapasi to ki, lekin antararashtriy kriket men vapasi nahin kar sake. pratham shreni kriket men unake balle se 138 maichon men 39.86 ki ausat se 8611 ran nikale the.[7]


hindi sinema ki prasiddh abhinetri rahin sharmila taigor ne jayalalita ko shraddhnjali dete hue bataya tha ki unhen pataudi ko ballebazi karate dekhana bahut pasnd tha aur ve sirph navab pataudi ko dekhane ke lie maidan par jati thin. sharmila tegaur ka kahana tha ki unhonne ye bhi suna tha ki jayalalita maidan par doorabin lekar jati thin taki ve pataudi ko pas se dekh sake. vaise yah bhi ullekhaniy hai ki jayalalita ne ek intaravyoo ke dauran ye bhi kaha tha ki unhen bharat ke poorv kaptan nari kaauntraiktar bhi bahut pasnd the.[8]

janata ki bhagavan 'amma'

jayalalita apani man tatha bhaee ke sath

jayalalita (amma) ko janata bhagavan ki tarah poojati hai. 2014 men jab jayalalita ko jel bheja gaya to unake kee samarthakon ne atmahatya kar li. darasal jayalalita ki lokapriyata isalie bhi jyada hai, kyonki unaki yojanaen sidhe janata se judati hain. unaki yojanaen garibon ke hit men hain; aur khas bat ye hai ki jayalalita ki yojanaon ko amma brand kaha jata hai.[9]

amma kaintin

amma kaintin men 1 rupaye men idali sanbhar aur 5 rupaye men chaval milata hai. rajy ke sabhi bade shaharon men amma kaintin khuli huee hain.

amma minaral vatar

10 rupaye men minaral vatar ki botal milati hai. chennee samet sabhi pramukh shaharon tatha relave steshan-bas staind ke asapas ye bikati hai.

amma pharmesi

tamilanadu ke pramukh aspatalon ke pas khule pharmesi men sasti daron par davaen upalabdh hain.

amma siment

garibon ko ghar banane ke lie saste men siment bechane ki yojana ko logon ne pasnd kiya hai.

bebi keyar kit

amma bebi keyar kit men machchharadani, maitres, sabun, kapade, naipakin, bebi shainpoo 16 saman muft men diye jate hain.

amma mobail

is yojana men tamilanadu ke svayn sahayata samoohon ko phri men smartaphon milata hai. isake alava amma saault, amma sids adi band bhi hain.

kafi kuchh muft men

garib auraton ko miksar graindar, ladakiyon ko saikilen, chhatron ko skool baig, kitaben, yooniphaarm tatha muft men mastar helth chekap ki suvidha bhi milati hai.

nidhan

jayalalita ka nidhan 5 disambar, 2016 ko chennee men hua. unhonne somavar ke din rat 11: 30 baje akhiri sans li. jayalalita ko kardiyak arest (hriday ki gati rukana) ane ke bad se unaki halat gnbhir thi. ve karib do mah se aspatal men bharti thin aur unaka ilaj chal raha tha.

any dravid netaon ke ulat jayalalita ki poori astha bhagavan men thi. vah niyamit roop se prarthana karati thin aur mathe par ayngar samuday ke logon ki tarah tilak bhi lagati thin. bavajood isake tamilanadu sarakar aur shashikala parivar ne hindoo riti rivaj ke hisab se dah snskar karane ki bajay unake shav ko daphanane ka phaisala kiya. jayalalita ke shav ko em. ji. ramachndran ki samadhi ke sath hi daphanaya gaya. rajy sarakar ke ek adhikari ke anusar- "jayalalita hamare lie ayngar nahin thin. vah kisi bhi jati ya dharm se oopar thin. unase pahale periyar, annaduraee aur em. ji. ramachndran sahit adhikatar dravid netaon ko daphanaya gaya hai. ham maut ke bad bhi kisi ko ag ki lapaton ke havale nahin kar sakate. ham unhen smarak ke roop men yad rakhana chahate hain. isalie chndan aur gulab jal ke sath unake parthiv sharir ko daphanane ka phaisala liya gaya."[10]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. jo ki ab karnatak ka hissa hai.
  2. jayalalita (Jaylalita) (hindi) (ech.ti.em.el.) apane vichar. abhigaman tithi: 23 mee, 2011.
  3. kuchh aisa hai jayalalita ka filmi kariyar (hindi) livehindustan.com. abhigaman tithi: 08 disambar, 2016.
  4. 4.0 4.1 4.2 abhinetri se amma tak jayalalita ka saphar (hindi) (ech.ti.em.el.). . abhigaman tithi: 23 mee, 2011.
  5. tamilanadu ki rajaniti men tin dashakon tak laharaya jayalalita ka paracham (hindi) ebipi nyooj. abhigaman tithi: 06 disambar, 2016.
  6. jab nnge panv chalati jayalalita ka dard bhanp emajiar ne god men uthakar pahunchaya kar tak (hindi) jansatta.com. abhigaman tithi: 08 disambar, 2016.
  7. 'amma' ka pahala krash tha ye kriketar, ek hadase ne sab kar diya khatm! (hindi) livehindustan.com. abhigaman tithi: 08 disambar, 2016.
  8. is kriketar ne kiya tha jayalalita ke dil par raj, doorabin se dekhati thin ballebazi (hindi) jagran.com. abhigaman tithi: 08 disambar, 2016.
  9. janen kyon bhagavan manati hai janata (hindi) prabhatkhabar.com. abhigaman tithi: 06 disambar, 2016.
  10. dah snskar ke bajay daphanaee geen amma (hindi) livehindustan.com. abhigaman tithi: 08 disambar, 2016.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah