Makhanchor.jpg bharatakosh ki or se ap sabhi ko krishn janmashtami ki hardik shubhakamanaen Makhanchor.jpg

कानन देवी  हिन्दी देवनागरी में पढ़ें।

kanan devi
kanan devi
any nam kanan bala
janm 22 aprail, 1916
janm bhoomi havada, british bngal
mrityu 17 julaee, 1992
mrityu sthan kolakata
abhibhavak ramesh chandr das (pita)
karm bhoomi bngal aur munbee
karm-kshetr abhinetri, gayika, film nirmata
mukhy filmen 'man', 'mukti', 'javab', 'haauspital', 'vanaphool', 'phaisala', 'asha' aur 'rajalakshmi' adi.
puraskar-upadhi 'dada sahab phalke puraskar' (1976)
prasiddhi abhinetri aur gayika
nagarikata bharatiy
any janakari kanan devi bngal ki pahali abhinetri thin, jinhen 'dada sahab phalke puraskar' diya gaya tha.

kanan devi (angrezi: Kanan Devi, janm- 22 aprail, 1916, havada, british bngal; mrityu- 17 julaee, 1992, kolakata) bharat ki prasiddh abhinetri, gayika aur film nirmata thin. unaka mool nam 'kanan bala' tha. bharatiy sinema jagath men kanan devi ka nam ek aisi shakhsiyat ke taur par yad kiya jata hai, jinhonne n keval film nirman ki vidha balki abhinay aur parshvagayan se bhi darshakon ke bich apani khas pahachan banaee thi. bagair prashikshan hasil kie kanan ne gayan ki duniya men pravesh kiya aur abhinay ke kshetr men bhi apani pahachan banaee. vah pahali bangla kalakar thin, jinhen bharatiy sinema men ullekhaniy yogadan ke lie 1976 men 'dada saheb phalke puraskar' se sammanit kiya gaya tha.

filmi shuruat

kanan devi ka janm pashchim bngal ke havada men 22 aprail, 1916 ko ek madhyam vargiy bngali parivar men hua tha. balyavastha ke dinon men hi unake dattak pita ramesh chandr das ki mrityu ho gee thi. isake bad parivar ki arthik zimmedari ko dekhate hue kanan devi apani man ke sath kam men hath bntane lagin. kanan devi jab sirf 10 varsh ki hi thin, tab apane ek parivarik mitr ki madad se unhen 'jyoti stoodiyo' dvara nirmit film 'jayadev' men kam karane ka avasar mila. isake bad kanan devi ko jyotis banarji ke nirdeshan men radha films ke bainar tale bani kee filmon men bataur bal kalakar kam karane ka mauka mila. varsh 1934 men pradarshit film 'man' bataur abhinetri kanan devi ke sine kairiyar ki pahali hit film sabit huee.

saphalata

kuchh samay ke bad kanan devi nyoo thiyetar men shamil ho geen. is bich unaki mulakat rayachnd boral se huee, jinhonne kanan devi ke samane hindi filmon men kam karane ka prastav rakha. tis aur chalis ke dashak men film abhineta ya abhinetriyon ko filmon men abhinay ke sath hi parshvagayak ki bhoomika bhi nibhani padati thi. is sthiti ko dhyan men rakhate hue kanan devi ne bhi sngit ki shiksha leni shuroo kar di. unhonne sngit ki prarnbhik shiksha ustad allarakkha aur bhishmadev chatarji se prapt ki. isake bad unhonne anadi dastidar se ravindr sngit bhi sikha. varsh 1937 men pradarshit film 'mukti' bataur abhinetri kanan devi ke sine kariyar ki supar hit film sabit huee. pi.si.barua ke nirdeshan men bani is film ki zabaradast kamayabi ke bad kanan devi nyoo thiyetar ki choti ki kalakaron men gini jane lagi thin.

munbee agaman

san 1941 men kanan devi ne nyoo thiyetar chhod diya aur ab ve svatntr taur par kam karane lagin. 1942 men pradarshit film 'javab' bataur abhinetri kanan devi ke sine kariyar ki sarvadhik hit film sabit huee. is film men un par filmaya gaya yah git- "duniya hai toophan mel", un dinon shrotaon ke bich kafi lokapriy hua. isake bad kanan devi ki 'haauspital', 'vanaphool' aur 'rajalakshmi' jaisi filmen bhi pradarshit huee, jo tikat khidaki par suparahit rahin. apani is saphalataon ke bad kanan devi ne san 1948 men film nagari munbee (bhootapoorv bambee) ka rukh kiya. 1948 men hi pradarshit film 'chndrashekhar' ek abhinetri ke roop men kanan devi ki antim hindi film thi. film men unake nayak ki bhoomika ashok kumar ne nibhaee thi.

puraskar

varsh 1949 men kanan devi ne film nirman ke kshetr men bhi kadam rakh diya. 'shrimati pikchars' ke apane bainar tale kanan devi ne kee saphal filmon ka nirman kiya. varsh 1976 men film nirman ke kshetr men kanan devi ke ullekhaniy yogadan ko dekhate hue unhen film jagath ke sarvochch samman 'dada sahab phalke puraskar' se sammanit kiya gaya. kanan devi bngal ki pahali abhinetri banin, jinhen yah puraskar diya gaya tha.

filmi saphar

apane tin dashak lnbe sine kairiyar men unhonne lagabhag 60 filmon men abhinay kiya. unaki abhinit ullekhaniy filmon men- 'jayadev', 'prahlad', 'vishnu maya', 'man', 'hari bhakti', 'krishn sudama', 'khooni kaun', 'vidyapati', 'sathi', 'strit singar', 'har-jit', 'abhinetri', 'parichay', 'lagan', 'krishn lila', 'phaisala' aur 'asha' adi shamil hain.

film nirman

kanan devi ne apane bainar 'shrimati pikchars' ke tahat kee filmon ka nirman bhi kiya. unaki filmon men kuchh hain-

  1. vamuner men (1948)
  2. annaya (1949)
  3. mejo didi (1950)
  4. darpachoorn (1952)
  5. nav vidyan (1954)
  6. asha (1956)
  7. adhare alo (1957)
  8. rajalakshmi o shrikanta (1958)
  9. indranath, shrikanta au anadadidi (1959)
  10. abhaya o shrikanta (1965)

nidhan

apani nirmit filmon, parshvagayan aur abhinay ke jarie darshakon ke bich khas pahachan banane vali kanan devi 17 julaee, 1992 ko is duniya ko alavida kah geen.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah