Makhanchor.jpg bharatakosh ki or se ap sabhi ko krishn janmashtami ki hardik shubhakamanaen Makhanchor.jpg

निम्मी  हिन्दी देवनागरी में पढ़ें।

nimmi
nimmi
poora nam navab banoo
prasiddh nam nimmi
janm 18 faravari, 1933
janm bhoomi agara, uttar pradesh
abhibhavak pita- abdul hakim, mata- vahidan,
karm bhoomi mumbee, bharat
karm-kshetr abhinay
mukhy filmen barasat, saza, dag, amar, basnt bahar, pooja ke phool, hamadard, udan khatola, sohani mahival, dal men kala adi.
prasiddhi abhinetri
nagarikata bharatiy
any janakari 'an' film men nimmi ki maut aur nrity lokapriy the. yah pahali hindi film thi, jisaka atynt bhavy primiyar lndan men hua tha.
adyatan‎ 31 disambar-2012, 11:45 (IST)

nimmi (angrezi: Nimmi, janm- 18 faravari, 1933, agara, uttar pradesh) bharatiy hindi filmon ki prasiddh abhinetriyon men se ek rahi hain. unaka asali nam 'navab banoo' tha. baaulivud ki is masoom-si khoobasoorat abhinetri ka raj kapoor ne filmi duniya se parichay karavaya tha. halanki nimh‍mi ki filmi shuruat sahayak abhinetri ke taur par raj kapoor aur nargis abhinit film 'barasat' (1949) se huee thi. dilachash‍p bat to yah bhi hai ki is khoobasoorat abhinetri par raj kapoor ki nazar us samay padi, jab ve ek film ki shooting dekh rahi thin. nimmi apani samakalin nayikaon madhubala, nargis, nootan, mina kumari, suraiya aur gita bali ke saman hi pratibhashali thin. nimmi khoobasoorat ankhon vali sammohak abhinetri mani jati hain. film men unaki bhoomika ko kabhi bhi sahanayika ke roop men nahin liya gaya. un par bahut-si filmon ke yadagar git filmae ge the. nirdeshak ke. asif ki film 'lav end gaaud' unaki akhiri film thi.

janm

abhinetri nimmi ka janm 18 faravari, 1933 ko agara men hua tha. unaki man ka nam vahidan tha, jo apane daur ki mashahoor gayika aur abhinetri thin. nimmi ke pita abdul hakim militri men thekedar the. jab nimmi keval nau varsh ki thin, tab inaki man ka svargavas ka ho gaya. unake pita ne nimmi ko aibatabad[1]rahane ke lie dadi ke pas bhej diya. nimmi ke pita svayn agara chhod kar merath a gaye.

mumbee agaman

san 1947 men bharat aur pakistan ke vibhajan ke bad sharanarthiyon ki bhid men nimmi aur unaki dadi bhi thin. nimmi apani dadi ke sath bambee (vartaman mumbee) a gayin, jahan unaki mausi jyoti rahati thin, jo ki hindi filmon men kam karati thin. ab bambee nimmi ka naya ashiyana tha, jahan ek riphyooji ladaki itihas ke pannon men apana nam darj karavane ke lie taiyar thi.

vivah

nimmi kabhi skool nahin gee thin. isalie ghar ki padhaee ne unhen urdoo tak hi simit rakha. vaise filmon men kam karate samay unhonne angrezi zaroor sikhi thi, lekin ve batachit apani hi juban men karati thin. ek din kam karate vakt nimmi ki mulakat lekhak ali raja se huee. snvad ki riharsal karane ke lie ali raja ne nimmi ki madad ki. bad men ali raja ne hi unamen shayari ka shauq paida kar diya. bad men yah shayari dosti aur pyar men badal gee to nimmi ne lekhak-patakathakar ali raja se shadi kar li.[2]

filmi shuruat

san 1948 men prasiddh film nirmata-nirdeshak mahaboob khan, sentral stoodiyo bambee men apani film 'andaz' ki shooting kar rahe the. 'andaz' men dilip kumar aur raj kapoor ke sath thin nargis. in tinon ne pahali aur akhiri bar ek sath kam kiya tha. nimmi bhi yahan maujood thin. vah aksar shooting dekhane ati thin. yahin unhen raj kapoor ne dekha. un dinon raj kapoor film 'barasat' (1949) ke lie ek ne chehara talash rahe the. 'andaj' ke set par nimmi ka sharmila vyavahar dekhane ke bad 'barasat' men abhineta premanath ke sath nimmi ko le liya gaya. film 'barasat' men nimmi hridayahin shahari prem nath adami ko pyar karati hai. nimmi ne is film men ek masoom pahadi gaderin ki bhoomika nibhaee thi.[3]

saphalata

'barasat' film ne baauks aaufis par itihas banaya. 'barasat' ko abhootapoorv mahattvapoorn aur vyavasayik saphalata mili thi. sthapit aur lokapriy sitaron nargis, raj kapoor aur premanath ki maujoodagi ke bavajood nimmi ne apana kiradar bakhoobi nibhaya tha. film ke lokapriy shirshak git "barasat men ham se mile tum", "jiya beqarar hai", "patali kamar hai" sabhi nimmi par filmaye gaye the. 'barasat' men pahali bar hindi filmon men balatkar ka sin samane aya aur yah balatkar klasik ban gaya. film ka charamotkarsh bhi naveli abhinetri ke ird-gird ghoomata raha. 'barasat' ki bhari saphalata ne nimmi ko star bana diya. raj kapoor (bhavnra), dev annd (saza, andhiyan) jaise choti ke nayakon ke sath nimmi ne kam kiya. 'didar' (1951) aur 'dag' (1952) jaisi filmon ki saphalata ke bad dilip kumar ke sath unaki bahut lokapriy aur bharosemnd skrin jodi sabit huee.

sthapit abhinetriyon ke sath kary

nimmi ne nargis ke sath 'barasat' aur 'didar' filmen kin. unhonne madhubala ke sath 'amar', suraiya ke sath 'shama', gita bali ke sath 'usha kiran' aur mina kumari ke sath 'char dil char rahen' adi filmon men kam kiya. nimmi ne film 'bedardi' (1951) men kam kiya aur apane khud ke git gae. halanki yah kram jari nahin rakha. mahaboob khan ne film 'an' (1952) men nimmi ko dilip kumar, premanath aur nadira ke sath liya. 'an' nadira ki pahali film thi. ye film bharat ki pahali teknikalar film thi. isake alava film ka bajat bahut bada tha. yah film bharat ke sath videsh men bhi ek sath riliz ki gayi thi. is film ke vakt nimmi ki lokapriyata ka yah alam tha ki is film ko pahale snpadit film phainensaron aur vitarakon ko dikhaya gaya tha. unhonne shikayat ki ki nimmi ka charitr bahut jaldi mar gaya hai. lihaza 'an' men sapana filmaya gaya taki nimmi adhik samay tak parade par dikhen.

film 'an' ka lndan primiyar

'an' men nimmi ki maut aur nrity lokapriy the. yah pahali hindi film thi, jisaka atynt bhavy primiyar lndan men hua tha. yahan nimmi bhi maujood thin. film 'an' ka angrezi snskaran 'sevej prinsej' tha. nimmi ne airal flin sahit kee pashchimi filmi hastiyon se mulakat ki. jab flin ne nimmi ke hath par chunban karane ka prayas kiya, tab unhonne hath door khinch liya, aur kaha- "main ek bharatiy ladaki hoon, tum chunban nahin kar sakate ho." yah ghatana surkhiyon men a gayi aur landan ke pres ne "bharat ki anakisd ladaki" ke roop men nimmi ko pesh kiya. 'an' ki kamayabi ke bad mahaboob khan ne apani agali film 'amar' (1954) men nimmi ko liya.[3]

any filmi saphalataen

film 'amar' men dilip kumar aur madhubala bhi the. 'amar' men bhi balatkar ka sin nimmi par filmaya gaya, halanki film ko vyavasayik saphalata nahin mil saki. nimmi ne film 'dnka' (1954) ke zariye prodakshan haus khola. 'kundan' (1955) nam ki film bhi banaee, jisamen soharab modi ke sath ne navele sunil datt bhi the. film 'kundan' men nimmi ne man aur beti ki yadagar dohari bhoomika nibhaee thi. 'udan khatola' (1955) dilip kumar ke sath panch filmon ke bad akhiri film thi. yah film nimmi ke sine kairiyar ki sabase badi baauks aauphis saphalata thi. 'udan khatola' ke gane aj bhi lokapriy hain. varsh 1956 men 'basnt bahar' aur 'bhaee bhaee' film unaki do badi saphal filmen thin. 1957 men 24 sal ki umr men nimmi ko 'bhaee bhaee' men nibhaee bhoomika ke lie sarvashreshth abhinetri ka alochak puraskar prapt mila. 1950 ke dashak men nimmi ne prasiddh nirdeshakon ke sath kam kiya, jinamen chetan annd ki 'anjali', ke. e. abbas ki 'char dil char rahen' aur vijay bhatt ki 'angulimal' thi.

madhubala se dosti

abhinetri shyama ke janmadin par
oopar se baeen or- jabin jalil, sunita prasad, azara, nishi, shashikala, nimmi, yasamin
niche se baeen or- begam para, shyama, sitara devi

mahaboob khan ke nirdeshan men bani film 'amar' (1954) apane samay ki age ki film thi, jo snbhavat isi karan kafi darshakon ko pnsad nahin ayi. lekin is film men madhubala aur nimmi, in donon abhinetriyon ke kam ki sarahana huee. film men madhubala ne mina kumari ki jagah par kam kiya tha. mina kumari ne film ki 15 dinon tak shooting karane ke bad mahaboob khan se manamutav ke karan film ko chhod diya tha. is karan madhubala tatha nimmi ko ek sath kam karane ka mauka mila. film 'amar' ke set par nimmi aur madhubala men gahari dosti ho gayi thi. ve apane bhojan ke sath-sath mekap room aur apane anubhavon ko bhi sheyar karati thin. donon itani gahari dost ho gayi thin ki unake bich dilip kumar ko lekar bhi charchaen hone lagin, jo us film men mukhy bhoomika men the.[4]

galat nirnay

nimmi ne us daur men jokhim bhi lie aur kuchh galatiyan bhi kin. ve film 'char dil char rahen' (1959) men ek veshya ke roop men nazar aeen, jabaki bi. ar. chopada ki 'sadhana' (1958) ko unhonne kharij kar diya. varsh 1963 men 'vo kaun thi' nimmi ne thukara di. 'sadhana' film ne vaijaynti mala ko chamakaya aur 'vo kaun thi' ne sadhana ko prasiddhi dilavaee. donon bar nimmi sadhana se harin. ek bar 'sadhana' film se to doosari bar sadhana abhinetri se. nimmi ne phir se ek galat phaisala liya. mauqa tha haranam sinh ravail ki film 'mere mahaboob' ka. yah bade bajat ki aur muslim vishay par banane vali rngin film thi. 'mere mahaboob' men jo rol sadhana ne nibhaya, vah pahale nimmi ko mila tha. nimmi ka rol bina ray ko mila. nimmi phir chuk gayin.[3]

nee nayikaon ka agaman

1960 ke dashak men sadhana, nanda, asha parekh, mala sinha aur sayara bano jaisi maaudal abhinetriyon ki nee nasl hindi filmon men nayika ban kar ane lagi thi. bharatiy sinema men ab nayika ki avadharana badal rahi thi. 'pooja ke phool' (1964) men andhi ladaki ka rol aur ashok kumar ke sath 'akashadip' (1965) men 'mook patni' riliz huee. ek star ke roop men nimmi ki lokapriyata kam hone lagi thi. unhonne shadi kar filmon ko alavida kah diya. ke. asif ki 'lav end gaud' unake pas thi. yah film laila-majanoo ki kahani par adharit thi. 'mugal-e-ajam' (1960) ke bad ke. asif 'lav end gaud' par kam kar rahe the. nimmi laila ki bhoomika men thin aur gurudatt majanoo ke roop men, lekin gurudatt ki khudakushi ke bad is film ki shooting par prabhav pada. ab snjiv kumar ko majanoo ki bhoomika men liya gaya, lekin kuchh dinon bad hi ke. asif ka intakal ho gaya. ab is film ko manahoos man liya gaya. adhi-adhoori film 6 joon, 1986 ko riliz huee. tab snjiv kumar is duniya men nahin the. ke. asif ki vidhava akhtar asif ne ise riliz karavaya tha. ek behatarin film jo teknikalar men thi, pahale hi din dam tod gayi.

pramukh filmen

abhinetri nimmi ko 1950 ke dashak ki mahanh agrani mahilaon men se ek mana jata hai. unaki kuchh pramukh is prakar hain-

nimmi ki pramukh filmen
film varsh film varsh
barasat 1949 raj mukut, jalate dip 1950
saza 1951 didar 1951
buzadil 1951 bedardi 1951
badi bahoo 1951 usha kiran 1952
dag 1952 andhiyan 1952
an 1952 hamadard 1953
alif laila 1953 pyase nain 1954
kastoori 1954 dnka 1954
amar 1954 udan khatola 1955
kundan 1955 bhagavat mahima 1955
rajadhani 1956 bhaee bhaee 1956
basnt bahar 1956 anjali 1957
chhote baboo 1957 sohani mahival 1958
pahali rat 1959 char dil char rahen 1959
angulimal 1960 mere mehaboob 1963
pooja ke phool 1964 dal men kala 1964
akashadip 1965 lav end god 1986


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. ab pakistan men
  2. filmi duniya ki bholi-bhali ladaki nimmi (hindi). . abhigaman tithi: 30 disambar, 2012.
  3. 3.0 3.1 3.2 nimmi (hindi). . abhigaman tithi: 30 disambar, 2012.
  4. madhubala, dilip kumar (hindi). . abhigaman tithi: 30 disambar, 2012.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah