Makhanchor.jpg bharatakosh ki or se ap sabhi ko krishn janmashtami ki hardik shubhakamanaen Makhanchor.jpg

देविका रानी  हिन्दी देवनागरी में पढ़ें।

devika rani
devika rani
poora nam devika rani
any nam draigan ledi, patarani
janm 30 march, 1908
janm bhoomi vishakhapattanam
mrityu 9 march, 1994
mrityu sthan baingalor
abhibhavak karnal em.en. chaudhari aur shrimati lila chaudhari
pati/patni himanshu ray, svetoslav rorik (doosara vivah)
karm bhoomi mumbee
karm-kshetr abhinetri
mukhy filmen 'achhoot kanya' (1936), 'ijjat' (1937), 'savitri' (1938), 'nirmala' (1938) adi.
vishesh yogadan himanshu ray aur devika rani ne milakar banbe taaukij bainar ki sthapana ki. ashok kumar, lila chitanis, dilip kumar, madhubala, mumataz adi kalakar film jagath ko banbe takij ki hi den hain.
nagarikata bharatiy
any janakari ve vikhyat kavi shri ravindranath taigor ke vnsh se sambndhit thin, shri taigor unake chachere paradada the.

devika rani (angrezi: Devika Rani) (janm- 30 march, 1908 vishakhapattanam - mrityu- 9 march, 1994 baingalor) bharatiy rajatapat ki pahali sthapit nayika jo apane yug se kahin age ki soch rakhane vali abhinetri thin aur unhonne apani filmon ke madhyam se jarjar samajik roodhiyon aur manyataon ko chunauti dete hue ne manaviy moolyon aur snvedanaon ko sthapit karane ka kam kiya tha. kavi shiromani gurudev ravindranath thakur ke khanadan se talluk rakhane vali devika ne das varsh ke apane filmi kairiyar men kul 15 filmon men hi kam kiya, lekin unaki har film ko klasik ka darja hasil hai. vishay ki gaharaee aur samajik sarokaron se judi unaki filmon ne antararashtriy aur bharatiy film jagath men ne mooly aur manadnd sthapit kie. hindi filmon ki pahali svapn sundari aur draigan ledi jaise visheshanon se alnkrit devika ko unaki khoobasoorati, shalinata dharapravah angrezi aur abhinay kaushal ke lie antarrashtriy star par jitani lokapriyata aur sarahana mili utani kam hi abhinetriyon ko nasib ho pati hai.[1]

jivan parichay

janm aur shiksha

devika rani ka janm valteyar (vishakhapatanam) men hua tha. ve vikhyat kavi shri ravindranath taigor ke vnsh se sambndhit thin, shri taigor unake chachere paradada the. devika rani ke pita karnal em.en. chaudhari madras (ab chennee) ke pahale 'sarjan janaral' the. unaki mata ka nam shrimati lila chaudhari tha. skool ki shiksha samapt karane ke bad 1920 ke dashak ke arnbhik varshon men devika rani naty shiksha grahan karane ke liye lndan chali geen aur vahan ve 'raauyal ekedami aph drametik art' (RADA) aur raauyal 'ekedami aph myujik' namak snsthaon men bharti ho geen. vahan unhen 'skalaraship' bhi pradan kiya gaya. unhonne 'arkitekchar', 'teksatail' evn 'dekor dijain' vidhaon ka bhi adhyayan kiya aur 'elijabeth ardan' men kam karane lagin.

arnbhik jivan

padhaee poori karane ke bad devika rani ne nishchay kiya ki vah filmon men abhinay karegi lekin parivar vale is bat ke sakht khilaf the kyonki un dinon snbhrant parivar ki ladakiyon ko filmon men kam nahin karane diya jata tha. inglaind men kuchh varsh rahakar devika rani ne raauyal akadami aauph drametik art men abhinay ki vidhivat padhaee ki. is bich unaki mulakat suprasiddh nirmata himanshu ray se huee. himanshu ray maithyoo arnald ki kavita lait aauph eshiya ke adhar par isi nam se ek film banakar apani pahachan bana chuke the. himanshu ray devika rani ki sundarata par mugdh ho ge aur unhonne devika rani ko apani film "karma" men kam dene ki peshakash ki jise devika ne saharsh svikar kar liya. yah vah samay tha jab mook filmon ke nirman ka daur samapt ho raha tha aur rupahale parde par kalakar bolate najar a rahe the. himanshu ray ne jab varsh 1933 men film karma ka nirman kiya to unhonne nayak ki bhoomika svayn nibhayi aur abhinetri ke roop men devika rani ka chunav kiya. film devika rani ne himanshu ray ke sath lagabhag char minat tak "lip too lip" drishy dekar us samay ke samaj ko anchabhit kar diya. isake lie devika rani ki kafi alochana bhi huee aur film ko pratibndhit bhi kiya gaya. isake bad himanshu ray ne devika rani se shadi kar li aur munbee a ge.[2]

banbe taaukij ki sthapana

munbee ane ke bad himanshu ray aur devika rani ne milakar banbe taaukij bainar ki sthapana ki aur film 'javani ki hava' ka nirman kiya. varsh 1935 men pradarshit devika rani abhinit yah film saphal rahi. bad men devika rani ne banbe taaukij ke bainar tale bani kee filmon men abhinay kiya. in filmon men se ek film thi achhoot kanya. varsh 1936 men pradarshit "achhoot kanya" men devika rani ne gramin bala ki mohak chhavi ko rupahale parde par sakar kiya.[2]

prasiddhi

1933 men nirmit karma film devika ke kairiyar ka aham mod sabit huee. is film ne antararashtriy lokapriyata hasil ki aur unhen prasiddhi ke shikhar par pahuncha diya. yah yoorop men rilij hone vali angrezi bhasha men bani pahali bharatiy film thi. jisake lndan men vishesh sho ayojit kie ge aur vindasar pailes men shahi parivar ke lie isaka vishesh pradarshan bhi kiya gaya. is film ki ek vishesh bat yah thi ki devika ne us daur men chunban drishy dene ka dussahas kiya tha, jab is bare men koee soch bhi nahin sakata tha. unhonne apane pati himanshu ray ke sath char minat lnba kising sin kiya tha, jo bharatiy film itihas ke sabase lnbe chunban drishyon men mana jata hai.[1]
devika rani

film "achhoot kanya" men apane abhinay se devika ne darshakon ko apana divana bana diya. film men ashok kumar ek brahman yuvak ke kiradar me the jinhen ek achhoot ladaki se pyar ho jata hai. samajik prishthabhoomi par bani yah film kafi pasnd ki gee aur is film ke bad devika rani film indastri men "drim garl" ke nam se mashahoor ho gee. "achhoot kanya" ke pradarshan ke bad devika rani "pharst ledi aauph indiyan skrin" yani bharatiy rajat pat ki pahali patarani ki upadhi se sammanit kiya gaya. drim garl aur patarani jaise samman prapt hone se devika rani ke bare men yah andaja lagaya ja sakata hai ki us daur men vah kitani lokapriy rahi hongi. film achhoot kanya ke devika rani ne ashok kumar ke sath kee filmon men abhinay kiya. in filmon men varsh 1937 me pradarshit film "ijjat" ke alava film "savitri" (1938) aur "nirmala" (1938) jaisi filmen shamil hai.[2]

doosara vivah

prachalit samajik manyataon ko svikar nahin karane vali devika rani ke sath kismat ne bhi kroor majak kiya aur 1940 men himanshu ray ka nidhan ho gaya. is vipada ko bhi sahas ke sath jhelakar unhonne pati ke stoodiyo banbe takij par niyntran ke lie sngharsh kiya. 1945 men unhonne roosi chitrakar 'svetoslav rorik' se shadi kar sthaee roop se unake sath bengaloor men rahane lagi jahan vah 1994 men apane nidhan tak rahi.[3]

samman aur puraskar

devika rani ko bharatiy sinema ke sarvochch samman dada sahab phalke puraskar aur soviyat laind neharoo puraskar sahit darjanon samman mile. filmon se alag hone ke bad bhi vah vibhinn kalaon se judi rahin. vah neshanal ekedami ke alava lalit kala akadami, rashtriy hastashilp bord tatha bharatiy sanskritik snbndh parishad jaisi snsthaon se snbaddh rahin.[3] isake alava devika rani film indastri ki pratham mahila bani jinhen padmashri se navaja gaya.

nidhan

apane dilakash abhinay se darshakon ke dilo par raj karane vali devika rani 9 march, 1994 ko is duniya ko alavida kah geen.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 baaulivud ki draigan ledi thi devika rani (hindi) (ech.ti.em.el) jagaran yahoo indiya. abhigaman tithi: 10 aktoobar, 2011.
  2. 2.0 2.1 2.2 hindi filmon ki pahali drimagarl thin devika rani (hindi) (ech.ti.em.el) film jagath (blaaug). abhigaman tithi: 10 aktoobar, 2011.
  3. 3.0 3.1 jamane se age ki soch rakhati thi devika rani (hindi) (ech.ti.em.el) jagaran yahoo indiya. abhigaman tithi: 10 aktoobar, 2011.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah