चन्दूलाल शाह  हिन्दी देवनागरी में पढ़ें।

chandoolal shah
chandoolal shah
poora nam chandoolal jayasinh bhaee shah
janm 13 aprail, 1898
janm bhoomi jamanagar, gujarat
mrityu 25 navambar, 1975
mrityu sthan munbee
karm bhoomi munbee
karm-kshetr film nirmata-nirdeshak aur patakatha lekhak
mukhy filmen 'taipist garl', 'vishvamohini', 'grihalakshmi', 'rajapootani', 'bikharan', 'rajalakshmi', 'sati savitri', 'radha rani', 'mis 1933', 'gunasundari', 'kimati ansoo', 'prabhoo ka pyara', 'achhoot', 'papi' adi.
shiksha vanijy vishay se snatak
vishesh yogadan chandoolal shah ne hi haaulivud filmon ki nakal karake hindi filmen banane ka chalan shuroo kiya tha.
nagarikata bharatiy
any janakari 1931-1946 ke bich apane 100 se bhi zyada filmen banayi thin.

chandoolal jayasinh bhaee shah (angrezi: Chandulal Jesangbhai Shah, janm- 13 aprail, 1898, gujarat; mrityu- 25 navambar, 1975, munbee) hindi filmon ke prasiddh nirdeshak, nirmata aur patakatha lekhak the. unhen bharatiy sine itihas ki prasiddh hastiyon men gina jata hai. vah ek prakar se snyogavash hi filmon men aye the. unhonne apane daur ke sabase kushal vyavasayik filmakar banakar sabako chamatkrit kar diya tha. snyog se hi sahi, lekin is kshetr men ane ke bad chandoolal shah ne kabhi pichhe mudakar nahin dekha. vah is kshetr men nahin aye hote to hindi ke vyavasayik sinema ka nukasan hi hota, kyonki aj hindi ka vyavasayik sinema jis tarah ka hai, usamen ek badi bhoomika chandoolal shah jaise prayogavadi filmakaron ki bhi rahi hai.

janm tatha shiksha

chandoolal shah ka janm 13 aprail, 1898 men jamanagar, gujarat men hua tha. unhonne apani shiksha kaaumars vishay ke sath snatak ki digri prapt karake poorn ki thi. shiksha poorn karane ke bad ve sheyar bazar ke karobar men lag gaye. chandoolal ke bade bhaee dayaram shah bhi yadyapi sheyaron ki kharid-pharokht ka kam karate the, lekin isake sath hi ve filmon ke lie kahaniyan bhi likha karate the. bich-bich men chandoolal apane bade bhaee ka hath bnta diya karate the.

film nirdeshan

chandoolal shah ko san 1925 men snyog se ek film ke nirdeshan ka mauka mila. darasal vah apane bade bhaee ki likhi kahaniyon par hone vali shooting ko dekhane stoodiyo jaya karate the. vahan ve nirdeshakon ke sath bade dostana svabhav se vakt gujarate the. kabhi-kabhi apane sujhav bhi dete, jo behad tajagi bhare aur pahali hi najar men nirdeshakon ko pasnd ane vale hote the. nirdeshak unaki tarif karate, aur kahate the ek din ve zaroor bade nirdeshak banenge. yah vaky sach hua aur jald hi vah din a gaya. 'lakshmi film knpani' ki 'vimala' namak film ki shooting chal rahi thi, achanak film ke nirdeshak manilal joshi bimar pad gaye. joshi ji ne nirmata ko sujhav diya ki vah chandoolal ko nirdeshak ke taur par rakh len. nirmata ne aisa hi kiya aur chandoolal shah apane se lagayi gee ummidon par poori tarah khare utare. unhonne tay samay par film poori kar di. 'lakshmi film knpani' ko unaka kam bahut pasnd aya aur usi varsh knpani ne unhen do aur filmen nirdeshan ke lie de din.

saphalata

apani in donon filmon ke poora hote hi chandoolal shah phir se vapas sheyar bazar ki duniya men laut aye, kintu unaki kismat men to film nirdeshak banana hi likha tha. doosari bar bhi film nirdeshan men unaka ana snyog se hua, lekin is bar ve hamesha ke lie is kshetr men a gaye. hua yah ki homi mastar film 'shiri farahad' ka nirdeshan kar rahe the. ek din jab vah kalakaron ko kuchh drishy samajha rahe the, tabhi phisal kar gir pade aur unaki tang toot gayi. unhonne dard men karahate hue chandoolal shah ko yad kiya aur chandoolal hajir ho gaye. unhonne film ka nirdeshan karana svikar kar liya, lekin usaki patakatha badal di. film hit huee aur chandoolal shah bhi filmi kshetr men sthapit ho gaye.

mahir nirdeshak

chandoolal shah bade mahir nirdeshak siddh hue the. unake pas apani har yojana ka majaboot adhar hota tha. yahi vajah hai ki unase abhineta hamesha sntusht rahate the, jisaka andaja is bat se lagaya ja sakata hai ki unhonne us jamane ke bade-bade abhinetaon, abhinetriyon se chhoti-chhoti bhoomikaen tak kara lin. 1926 men bani film 'taipist garl' men nayika sulochana thin. abhinetri gauhar ne us film men ek chhoti-si bhoomika nibhaee thi. jabaki isake pahale gauhar ne nayika ke alava kabhi doosari koee bhoomika hi nahin nibhaee thi.

vyavasayik kushalata

chandoolal shah apane tamam samayik nirdeshakon se isalie bhi age nikal gaye aur khas bane, kyonki unhonne tay kiya ki vah doosare filmakaron ki tarah pauranik filmen nahin banayenge. unhonne samajik mudde vali filmen banane ka bhi nishchay kiya. yah nirnay un dinon koee mamooli nirnay nahin tha, kyonki pauranik filmen banana un dinon karobari najarie se sabase jyada surakshit tha. chandoolal shah ne hi haaulivud filmon ki nakal karake hindi filmen banane ka chalan shuroo kiya tha. san 1928 men unhonne 'jagadish film knpani' ke lie 'vishv mohani', 'grih lakshmi', 'chndramukhi' aur 'raj lakshmi' nam ki char filmen banayin. ye charon filmen adarsh abala ke farmoole par adharit thin. unaki in sabhi filmon men ek kendriy sndesh yah tha ki patniyon ko patiyon ki sevika nahin, balki dost hona chahie. tatkalin samaj men yah sochana kalpanatit tha. isalie bharat ki janata ko yah vichar bahut hi taza aur akarshak pratit hua.

film knpani ki sthapana

1929 men chandoolal shah aur gauhar ne milakar apane mitr bitthaladas thakur ke sath 'ranajit film knpani' ki sthapana ki. donon ki yah vyavasayik sajhedari 35 salon tak lagatar chalati rahi. chandoolal shah bahut niyamabaddh tarike se filmen banate the. unaki aur gauhar ki sajhedari bhi bahut shanadar thi. un donon ne badi kushalata se apane vyapar ko age badhaya. unake stoodiyo men un dinon 600 log kam karate the, jisase andaja lagaya ja sakata hai ki karobar kitane bade paimane ka roop le chuka tha. chandoolal shah moolat: do kism ki filmen banate the- pahala samajik filmen, jo ek tarah se bhavukata se bharapoor hoti thin, aur doosari stnt filmen, jinamen maradhad adhik hoti thi. stnt filmon ka bajat samajik filmon se zyada hota tha, kyonki un dinon unamen badi snkhya men ghode, rajakumar aur rajakumariyon ki poshaken adi ki avashyakata padati thi.

sarvadhik film nirman

chandoolal shah ki vyavasayik kushalata ka andazisase bhi ho jata hai ki dhvani ke agaman ke bavajood mook yug ka unaka samrajy dhaha nahin, balki poori pahachan ke sath khada raha. 1931-1946 ke bich chandoolal shah ne 100 se bhi zyada filmen banayin. bharat men kisi bhi ek stoodiyo dvara itani adhik filmen nahin banayi gayi thin.

film nirdeshan

kuchh mukhy filmen nimnalikhit hain, jinaka nirdeshan chandoolal shah ne kiya-

  1. taipist garl - 1925
  2. vishvamohini - 1928
  3. grihalakshmi - 1928
  4. rajapootani - 1929
  5. bikharan - 1929
  6. rajalakshmi - 1930
  7. sati savitri - 1932
  8. radha rani - 1932
  9. mis 1933 - 1933
  10. gunasundari - 1934
  11. kimati ansoo - 1935
  12. sipahi ki sajani - 1936
  13. prabhoo ka pyara - 1936
  14. achhoot - 1940
  15. papi - 1953

patakatha lekhan

film nirdeshan ke sath-sath chandoolal shah ne filmon ke lie patakatha lekhan ka kary bhi kiya tha, jaise-

  1. sati savitri - 1932
  2. gunasundari - 1934
  3. achhoot - 1940
  4. papi - 1953
  5. akeli mat jiyo - 1963

nidhan

chandoolal shah ki antim film 'papi' thi, jise unhonne 1953 men banaya tha. film nirdeshan men apani amit chhap chhodane vale chandoolal shah ka 25 navambar, 1975 ko 77 varsh ki ayu men munbee men nidhan hua.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah