शशि कपूर  हिन्दी देवनागरी में पढ़ें।

shashi kapoor
Shashi-kapoor.jpg
poora nam balabir raj kapoor
prasiddh nam shashi kapoor
janm 18 march, 1938
janm bhoomi kolakata, bharat
mrityu 4 disambar, 2017
mrityu sthan mumbee, maharashtr
abhibhavak prithviraj kapoor aur ramasarani kapoor
pati/patni jenifar kendel
sntan kunal kapoor, karan kapoor aur snjana kapoor
karm bhoomi mumbee
karm-kshetr abhineta
mukhy filmen 'vaqt', 'jab jab phool khile', 'suhana saphar', 'maee lav', 'a gale lag ja', 'pap aur puny', 'muhabbat isako kahate hain', 'hasina man jayegi', 'rootha n karo', 'kanyadan', 'sharmili', 'fakira', 'chor machae shor', 'satyam shivam sundaram' adi.
vidyalay 'daaun basko skool', mumbee
puraskar-upadhi dada sahab phalke puraskar, padm bhooshan (2011), 'laif taim achivament puraskar', 'banbe jarnalist eshosieshan avard'
prasiddhi romantik abhineta
nagarikata bharatiy
any janakari assi ke dashak men shashi kapoor ne film nirman ke kshetr men bhi qadam rakha aur 'joonoon' film banaee. isake bad unhonne 'kalayug', '36 chaurngi len', 'vijeta', 'utsav', aur 'raman' jaisi filmen banaeen.
adyatan‎

shashi kapoor (angrezi: Shashi Kapoor, janm- 18 march, 1938, kolakata; mrityu- 4 disambar, 2017, mumbee) hindi sinema jagat ke prasiddh abhinetaon men se ek the. ve aise abhinetaon men shumar kiye jate hain, jinhonne apane sadabahar abhinay se lagabhag char dashak tak hindi sine premiyon ka bharapoor manornjan kiya. kolakata men janme shashi kapoor ka asali nam 'balabir raj kapoor' tha. unaka rujhan bachapan se hi filmon ki or tha aur vah abhineta banana chahate the. unake pita prithviraj kapoor aur bhaee rajakapoor tatha shammi kapoor pahale se hi film indastri ke jane mane abhineta the aur prasiddhi ki bulandiyon par the. unake pita agar chahate to vah unhen lekar film bana sakate the, lekin unaka manana tha ki shashi kapoor svayn hi sngharsh karen aur apani mehanat se hi abhineta banen. pita ki is bat par shashi kapoor poori tarah khare utare the.

shiksha tatha abhinay ki shuruat

abhineta prithviraj kapoor ke tisare bete shashi kapoor ki skooli padhaee munbee ke 'daaun basko skool' men huee thi. skool men ve natak men kam karana chahate the, lekin kabhi rol pane men kamayab nahin hue. akhir men unaki yah tamanna poori huee papaji ke prithvi thietar se. shashi kapoor ne 40 ke dashak men hi filmon men kam karana shuroo kar diya tha.
shashi kapoor
unhonne kee dharmik filmon men bal kalakar ki bhoomikaen nibhaeen. pita prithviraj kapoor unhen skool ki chhuttiyon ke dauran stej par abhinay karane ke lie protsahit karate the. isi ka natija raha ki shashi ke bade bhaee rajakapoor ne unhen 'ag' (1948 ee.) aur 'avara' (1951 ee.) men bhoomikaen din. 'avara' men unhonne rajakapoor ke bachapan ka rol kiya tha.

jenifar se bhent

jin dinon shashi kapoor 'prithvi thietar' men kam kar rahe the, un dinon briten ki mashahoor natak mndali 'sheksathiyarena' bharat daure par aee. is yatra ke dauran jab yah thietar mndali munbee pahunchi, to usake snchalak mistar kendel, shashi kapoor ke pita se mile. donon ki pahale se hi jan-pahachan thi. prithviraj ke do beton rajakapoor aur shammi kapoor ko thietar se kuchh lena-dena nahin tha, kyonki tab tak ve filmon men apani jagah bana chuke the. shashi abhi bhi stej ko apanae hue the, kyonki mistar kendel ek behatarin abhineta hone ke sath-sath stej ki barikiyon se bhali-bhanti parichit the. isalie papaji ne putr shashi ko unase milaya aur bete ko chans dene ke lie agrah kiya. shashi kapoor ko sheksathiyarena se bulava a gaya. ab ve kabhi prithvi thietar ke natak men kam karate, to kabhi mistar kendel ki shagirdi karate. is bich unaki mulakat kendel ki beti jenifar se ho gee. janakari mili ki jenifar sirf ek pratibhavan abhinetri hi nahin hain, sheksathiyarena ke snchalan men bhi unaka bahut bada yogadan hai. shashi-jenifar ka parichay dhire-dhire mitrata men badalane laga.
shashi kapoor apane parivar (putr- kunal aur karan, putri- snjana aur patni jenifar) ke sath
isi dauran jenifar ne hindi bhi sikh li. ek din shashi ne majak men kaha, main tumhare papa aur unaki knpani men kam kar raha hoon, tum bhi mere papa ke thietar men kam karo? jenifar ne kaha, kyon nahin! zaroor karoongi. usake bad prithvi thietar ke natak 'pathan' men jenifar rol nibhati najar aeen. shashi jahan ek or hairan the, to doosari or or jenifar ki pratibha aur lagan ke kayal bhi ho rahe the.[1]

vivah

jenifar umr men shashi kapoor se badi thin. maje ki bat to yah thi ki mitr, premika aur phir patni banane vali yah yuvati aksar natak men shashi kapoor ki man ka kiradar bakhoobi nibha rahi thi. darasal, singapur, malaya aur hangakang ki yatra ke dauran donon ko stej par n keval kam karane ka behatar avasar mila, balki ghoomane-phirane ka bhi khoob mauqa mila. jenifar ke is sath ne jahan bharatiy shashi kapoor ko inglish main bana diya, vahin unhonne shashi se bharatiy rahan-sahan aur taur-tarikon ke bare bhi men bahut kuchh sikha-jana. bred ki jagah chapati khana aur banana bhi sikha. jab munbee laute, to mistar kendel ki beti se unaka rishta pakka ho chuka tha. pita prithviraj kapoor ko is rishte par koee apatti nahin thi. akhir ve unake mitr ki beti thin. 1958 men shashi kapoor ne 20 varsh ki umr men jenifar kendel se vivah kar liya. vivah vidhi-vidhan se prithviraj kapoor ke munbee ke 'matunga flait' men hua.
amitabh bachchan, nirupa ray aur shashi kapoor
film divar ka ek drishy

shuruati asaphalata

shashi kapoor ne nayak ke rup men sine kairiyar ki shuruat sal 1961 ee. men yash chopada ki film 'dharm putr' se ki thi. isake bad unhen vimal ray ki film 'prem patr' men bhi kam karane ka mauqa mila, lekin durbhagy se ye donon hi filmen asaphal sabit hueen. isake bad shashi kapoor ne 'menhadi lagi mere hath' aur 'haaulide in banmbe' jaisi filmon men bhi kam kiya, lekin yah filmen bhi tikat khidaki par buri tarah nakar di geen.[2]

saphalata

film 'jab jab phool khile' men shashi kapoor

sal 1965 ee. shashi kapoor ke sine kairiyar ka aham sal sabit hua. is sal unaki 'jab jab phool khile' pradarshit huee. behatarin git, sngit aur abhinay se saji is film ki zabardast kamayabi ne n sirf abhinetri nnda ko, balki gitakar, annd bakhshi aur sngitakar kalyanaji-anndaji ko shoharat ki bunladiyon par pahuncha. is film ki bhari saphalata ne shashi kapoor ko bhi star ke roop men sthapit kar diya. aj bhi is film ke sadabahar git darshakon ko mntramugdh kar dete hain. kalyanaji aur anndaji ke sngit nirdeshan men annd bakhshi rachit suparahit gana 'paradesiyon se n akhiyan milana', 'yah saman saman hai ye pyar ka, 'ek tha gul aur ek thi bulabul' jaise git shrotaon ke bich kafi lokapriy hue. film ko suparahit banane men in ganon ne ahm bhoomika nibhaee thi. nabbe ke dashak men 'jab jab phool khile' ki tarj par hi amir khan aur karishma kapoor ko lekar 'raja hindustani' banaee gee thi. sal 1965 me shashi kapoor ke sine kairiyar ki ek aur suparahit film 'vakt' riliz huee. is film men unake sath balaraj sahani, rajakumar aur sunil datt jaise nami sitare bhi the. isake bavajood vah apane abhinay se darshakon ka dhyan apani or akarshit karane men saphal rahe. in filmon ki saphalata ke bad shashi kapoor ki chhavi romantik hiro ki ban gee aur nirmata-nirdeshakon ne adhikatar filmon men unaki roomani chhavi ko bhunaya. sal 1965 se 1976 ee. ke bich kamayabi ke sunahare daur men shashi kapoor ne jin filmon men kam kiya, unamen zyadatar filmen hit sabit hueen, lekin amitabh bachchan ke ane ke bad parade par romans ka jadoo chalane vale is abhineta se darshakon ne munh mod liya aur unaki filmen asaphal hone lagi.[2]

film nirman kary

assi ke dashak men shashi kapoor ne film nirman ke kshetr men bhi qadam rakha aur 'joonoon' film banaee. isake bad unhonne 'kalayug', '36 chaurngi len', 'vijeta', 'utsav', aur 'raman' jaisi filmen banaeen. halanki yah filmen baauks aauphis par zyada saphal nahin ho paeen, lekin in filmon ko samikshakon ne kafi pasnd kiya. sal 1991 ee. men apane mitr amitabh bachchan ko lekar unhonne apani mahatvakankshi film 'ajooba' ka nirman aur nirdeshan kiya. lekin kamazor patakatha ki vajah se film nakamayab sabit huee. halanki yah film bachchon ke bich kafi lokapriy rahi.
amitabh bachchan aur shashi kapoor
film 'shan' ka ek drishy

sah-nayikayen

shashi kapoor ke sine kairiyar men unaki jodi abhinetri sharmila taigor ke sath kafi pasnd ki gee. yah jodi sabase pahale varsh 1965 men pradarshit film 'vaqt' men pasnd ki gee thi. bad men shashi kapoor aur sharmila taigor ne amane-samane 'suhana saphar', 'maee lav', 'a gale lag ja', 'pap aur puny' aur 'nyoo dilli taims' jaisi filmon men bhi ek sath kam kiya. shashi kapoor ki jodi abhinetri nanda ke sath bhi kafi pasnd ki gee. yah jodi sabase pahale sal 1961 men pradarshit film 'char divari' men ek sath nazar aee thi. isake bad 'jab jab phool khile', 'mohabbat isako kahate hai', nind hamari khvab tumhare', 'juari raja sahab' aur 'rootha na karo' men bhi dono ne ek sath kam kiya tha.[2] in sabake bich shashi kapoor ne apani jodi supar star amitabh bachchan ke sath bhi banaee aur saphal rahe. yah jodi hit film 'divar' men ek sath dikhaee di thi. is film men do bhaeeyon ke bich takarav ko darshak aj bhi nahin bhool pae hain. bad men is jodi ne 'iman dharm', 'trishool', 'shan', 'kabhi kabhi', 'roti kapada aur makan', 'suhag', 'silasila', 'namak halal', 'kala patthar' aur 'akela' men bhi kam kiya aur darshako ka manornjan kiya.

prasiddh filmen

shashi kapoor ne lagabhag 200 filmon men kam kiya hai. unake kariyar ki kuchh any filmen hain- 'pyar kie ja' (1966), 'hasina man jaegi' (1968), 'pyar ka mausam', 'kanyadan' (1969), 'abhinetri' (1970), 'sharmili' (1971), 'vachan', 'chor machae shor' (1974), 'phakira' (1978), 'hira lal panna lal' (1978), 'satynm shivam sundaram' (1979), 'bezuban', 'krodhi', 'kranti' (1981), 'ghoongharoo' (1983), 'ghar ek mndir' (1984), 'alag alag' (1985), 'ilazam (1986), 'sindoor' (1987) aur 'pharj ki jng' (1989) adi.[2] nabbe ke dashak men svasthy kharab rahane ke karan shashi kapoor ne filmon men kam karana lagabhag bnd kar diya. sal 1998 men pradarshit film 'jinna' unake sine kairiyar ki antim film thi, jisamen unhonne sootradhar ki bhoomika nibhaee thi.

samman tatha puraskar

vriddhavastha men shashi kapoor
  • shashi kapoor ko filmafeyar 'laif taim achivament puraskar' se sammanit kiya ja chuka hai.
  • isake alava shashi kapoor ko 1965 men pradarshit film 'jab jab phool khile' ke lie sarvashreshth abhineta ka, 'banbe jarnalist eshosieshan avard', 1984 men pradarshit film 'nyoo dilli taims' ke lie 'rashtriy puraskar' aur 'banbe film jarnalist eshosieshan' ne sarvashreshth abhineta ka 'rashtriy puraskar' aur sal 1993 men pradarshit film 'muhaphiz' ke lie 'speshal jyoori' ka rashtriy puraskar bhi mila tha.
  • bharat sarakar ne san 2011 men inako padm bhooshan se sammanit kiya.

mrityu

shashi kapoor ka nidhan 4 disambar, 2017 ko mumbee, maharashtr men hua.

  • is diggaj abhineta ke nidhan par pradhanamntri narendr modi ne shraddhanjali di. pradhanamntri ne tvit kiya- "shashi kapoor ki bahumukhi pratibha unaki philmon aur thietar men dekhi ja sakati hai. unake shanadar abhinay ko ane vali pidhiyon ke lie yad kiya jaega. unake nidhan se duahkhi unake parivar aur prashnsakon ke lie santvanaen."[3]
  • pashchim bngal ki mukhyamntri mamata banarji ne shashi kapoor ko mahan karar dete hue unake nidhan par shok jataya. unhonne tvit kar kaha ki- "is abhineta ko kee pidhiyon tak yad rakha jaega. main unake nidhan se du:khi hoon."
  • rashtrapati ramanath kovind ne likha- "jane-mane abhineta shashi kapoor ke dehant ki khabar sunakar bahut du:kh hua. nirmata ke taur par sarthak sinema men unaka sahayog ullekhaniy hai. unake parivar ke prati snvedanaen."
  • shashi kapoor ke nidhan ki khabar sunate hi mahanayak amitabh bachchan unhen shrnddhajali dene pahunche. der rat aishvarya-abhishek ke sath amitabh bachchan unake munbee sthit ghar pahunche. shashi kapoor ke sath 'divar', 'suhag', 'trishool' jaisi philmon men sath kam kar chuke amitabh bachchan ne apane blaaug par unhen yad kiya. "ham jindagi ko apani kahan tak sambhalate, is kimati kitab ka kagaz kharab tha" roomi jafari ki is pnkti ke sath amitabh ne unhen shrnddhajali di. apane blaaug par amitabh bachchan ne shashi kapoor se judi kee yaden sajha kin. amitabh bachchan ne unhen pahali bar maigazin par dekhane se lekar pahali mulakat aur age ke saphar ko yad kiya. bachchan ji ne bataya ki shashi kapoor ki yadast behad shanadar thi. shashi kapoor ko unhonne apana khoobasoorat dost, samadhi bataya. blaaug men amitabh ne is bat ka bhi jikr kiya ki shashi kapoor unhen 'babua' bulate the. 60 ke dashak men jab amitabh bachchan philm indastri men sngharsh kar rahe the, tab unhonne shashi kapoor ki tasvir ko pahali bar dekha tha. maigazin men unaki shanadar tasvir chhapi thi aur sath hi likha tha ki raj aur shammi kapoor ke chhote bhaee jald hi debyoo karane ja rahe hain. ise padhakar abhineta banane ki chahat rakhane vale amitabh bachchan ke man men khyal aya tha- "yadi asapas aise adami hon, to mera koee chans nahin."[4]
  • abhineta ajay devagan ne tvit kiya- "shashi kapoor ji apako bhulaya nahin ja sakata."
  • abhineta akshay kumar ne likha- "sinema men apaka ullekhaniy yogadan hamesha yad rakha jaega."
  • kriketar virendr sahavag ne shashi kapoor ka lokapriy dayalaaug 'mere pas man hai' tvit kar unhonne shraddhanjali di. unhonne kaha ki- "ap ane vali pidhiyon ko prerit karate rahenge."[5]

samachar

23 march, 2015 somavar

shashi kapoor ko dada sahab phalke puraskar ki ghoshana

bharat sarakar ne 23 march, 2015 ko mashahoor film abhineta aur nirmata shashi kapoor ko filmon men unake yogadan ke lie dada sahab phalke puraskar dene ki ghoshana ki. shashi kapoor ke bhatije mashahoor abhineta rishi kapoor ne kaha, "vo kapoor parivar ke tisare sadasy hain jinhen ye puraskar mila hai. mere dada prithviraj kapoor, mere pita raj kapoor ko aur ab mere chacha shashi kapoor ko ye puraskar mila hai." rishi kapoor ne kaha, "main apane parivar ki taraf se bharat sarakar aur bharat ki janata ka shukriya ada karata hoon ki unhonne hamare yogadan ko saraha hai." abhineta ke roop men 'jab jab phool khile', 'a gale lag ja', 'roti, kapada aur makan', 'sharmili', 'divar', 'kabhi kabhi' aur 'silasila' unaki pramukh filmen rahin.

samachar ko vibhinn sroton par padhen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. bachchan, shrivastav. mere jivanasathi/shashi kapoor-jeniphar (hindi) (ech.ti.em.el.). . abhigaman tithi: 28 faravari, 2012.
  2. 2.0 2.1 2.2 2.3 sadabahar abhineta hai shashi kapoor (hindi). . abhigaman tithi: 28 faravari, 2012.
  3. shashi kapoor ki antim v‍idaee, ash‍patal se ghar pahuncha parth‍iv sharir (hindi) timesnownews.com. abhigaman tithi: 05 disambar, 2017.
  4. mujhe babua kahakar bulate the shashi kapoor, amitabh bachchan ne blaaug likhakar di shraddhanjali (hindi) khabar.ndtv.com. abhigaman tithi: 05 disambar, 2017.
  5. shashi kapoor ki mrityu (hindi) timesnownews.com. abhigaman tithi: 05 disambar, 2017.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah