बलराज साहनी  हिन्दी देवनागरी में पढ़ें।

balaraj sahani
balaraj sahani
poora nam yudhishthar sahani (vastavik nam)
prasiddh nam balaraj sahani
janm 1 mee, 1913
janm bhoomi ravalapindi, bharat (ab pakistan)
mrityu 13 aprail, 1973
mrityu sthan munbee, maharashtr
pati/patni damaynti
sntan parikshat sahani
karm bhoomi bharat
karm-kshetr abhineta
mukhy filmen kabuli vala, lajavnti, haqiqat, do bigha zamin, dharati ke lal, garm hava, vaqt, do raste adi.
shiksha angrezi sahity men snatakottar
vidyalay gavarnament kaaulej, lahaur
nagarikata bharatiy
snbndhit lekh bhishm sahani
any janakari balaraj sahani behatarin sahityakar bhi the. unhonne 'pakistan ka safar' aur 'roosi sapharanama' jaise charchit yatra vritanton ki rachana ki thi, jinamen un deshon ki rajanitik, bhaugolik, arthik aur samajik paristhitiyon ka shanadar chitran kiya gaya hai.

balaraj sahani (angrezi: Balraj Sahni, janm: 1 mee, 1913; mrityu: 13 aprail, 1973) hindi filmon ke prasiddh abhineta the. unaka janm ravalapindi (pakistan) men hua tha. balaraj sahani khyati prapt lekhak bhishm sahani ke bade bhaee v charitr abhineta parikshat sahani ke pita the. ve rngamnch aur sinema ki apratim pratibha the. balaraj sahani ko ek aise abhineta ke roop men jana jata tha, jinhen rngamnch aur film donon hi madhyamon men saman dilachaspi thi. unaki sabase badi visheshata yah thi ki ve apane sashakt abhinay se darshakon ko parde ke patr se bhavanatmak roop se jod dete the.

janm tatha shiksha

ravalapindi men ek madhyam vargiy vyavasayi parivar men 1 mee, 1913 ko balaraj sahani ka janm hua tha. unaka mool nam 'yudhishthar sahani' tha. balaraj sahani ka jhukav bachapan se hi pita ke peshe ki or n hokar abhinay ki or tha. unhonne angrezi sahity men snattakottar ki shiksha lahaur ke mashahoor 'gavarnament kaaulej' se poori ki thi. padhaee poori karane ke bad balaraj sahani ravalapindi laut gaye aur pita ke vyapar men unaka hath bntane lage.

mahatma gandhi se sampark

varsh 1930 ke ant men balaraj sahani aur unaki patni damaynti ravalapindi ko chhodakar gurudev ravindr nath taigor ke 'shanti niketan' pahunche, jahan balaraj sahani angrezi ke shikshak niyukt hue. varsh 1938 men balaraj sahani ne mahatma gandhi ke sath bhi kam kiya. isake ek varsh ke pashchath mahatma gandhi ke sahayog se balaraj sahani ko bibisi ke hindi ke udghoshak ke roop men inglaind men niyukt kiya gaya. lagabhag panch varsh ke iglaind pravas ke bad vah 1943 men bharat laut aye.[1]

abhinay jivan ki shuruat

balaraj sahani apane bachapan ka shauq poora karane ke liye 'indiyan progresiv thiyetar esosiyeshan' (ipta) men shamil ho gaye. 'ipta' men varsh 1946 men unhen sabase pahale phani majamoodar ke natak 'insaph' men abhinay karane ka mauka mila. isake sath hi khvaja ahamad abbas ke nirdeshan men ipta ki hi nirmit film 'dharati ke lal' men bhi balaraj sahani ko bataur abhineta kam karane ka mauka mila. ipta se jude rahane ke karan balaraj sahani ko kee kathinaiyon ka samana karana pada. unhen apane krantikari aur kamyunist vicharon ke karan jel bhi jana pada. un dinon vah film 'halachal' ki shooting men vyast the aur nirmata ke agrah par vishesh vyavastha ke tahat film ki shooting kiya karate the. shooting khatm hone ke bad vapas jel chale jate the.[1]

janamanas ke abhineta

samyavadi vicharadhara ke mukhar samarthak sahani janamanas ke abhineta the, jo apane sashakt abhinay se darshakon ko parde ke patr se bhavanatmak roop se jod dete the. jab parde par vah apani 'do bigha zamin' film men zamin gnva chuke mazadoor, riksha chalak ki bhoomika men nazar ae to kahin se nahin mahasoos hua ki kolakata ki sadakon par riksha khinch raha riksha chalak shnbhu nahin balki koee sthapit abhineta hai. darasal patron men poori tarah doob jana unaki khoobi thi. yah 'kabuli vala', 'lajavnti', 'haqiqat', do bigha zamin, 'dharati ke lal', 'garm hava', 'vaqt', 'do raste' sahit unaki kisi bhi film men mahasoos kiya ja sakata hai.

svabhimani vyaktitv

balaraj sahani ka filmon men ana snyog hi raha tha. unhonne 'hns patrika' ke lie ek kahani likhi thi, jo asvikrit hokar laut aee. unhonne khud hi likha hai ki- "vah un bhagyashali lekhakon men the jinaki bheji huee koee rachana asvikrit nahin huee thi." lekin bich men char sal tak unhonne koee kahani nahin likhi. chhoote abhyas ko bahal karane ka prayas karate hue unhonne ek kahani likhi aur use 'hns patrika' ko bhej diya, lekin vah asvikrit hokar vapas a gee. isase unake svabhiman ko thes lagi aur usake bad unhonne koee kahani nahin likhi. unhonne apane ek alekh men likha tha ki filmon ka marg apanane ka karan vah asvikrit kahani bhi rahi.

pramukh filmen

  • do bigha zamin
  • dharati ke lal
  • hamalog
  • garm hava
  • sima
  • vaqt
  • kathaputali
  • lajavnti
  • sone ki chidiya
  • ghar snsar
  • satta bazar
  • bhabhi ki choodiyan
  • haqiqat
  • do raste
  • ek phool do mali
  • mere hamasaphar

do bigha zamin

varsh 1953 men bimal ray ke nirdeshan men bani film do bigha zamin balaraj sahani ke kairiyar men aham padav sabit huee. film do bigha zamin ki kamayabi ke bad balaraj sahani shoharat ki bunladiyon par ja pahunche. is film ke madhyam se unhonne ek rikshavale ke kiradar ko jivnt kar diya. rikshavale ko filmi parde par sakar karane ke liye balaraj sahani ne kalakatta ki sadakon par 15 dinon tak khud riksha chalaya aur rikshevalon ki zindagi ke bare men unase janakari hasil ki. film ki shurooat ke samay nirdeshak bimal ray sochate the ki balaraj sahani shayad hi film men rikshavale ke kiradar ko achchhi tarah se nibha saken. vastavik zindagi men balaraj sahani bahut padhe likhe insan the. lekin unhonne bimal ray ki soch ko galat sabit karate hue film men apane kiradar ke sath poora nyay kiya. do bigha zamin ko aj bhi bharatiy film itihas ki sarvashreshth kala filmon men shumar kiya jata hai. is film ko antarrashtriy star par bhi kafi saraha gaya tatha kans film mahotsav ke dauran ise antarashtriy puraskar bhi prapt hua.[1]

saphalata

film ‘halachal’ ke thik bad balaraj sahani ko jiya sarahadi ki film ‘ham log’ ka prastav mila tha. isamen unhen ek nimn madhyavargiy parivar ke berojagar yuvak ki bhoomika mili. yah pahali philm thi, jisamen balaraj kafi had tak apane rng men najar aye aur kaimare ke samane ki unaki akadan khatm-si ho gayi. ‘ham log’ saphal rahi aur balaraj ke abhinay ko kafi saraha gaya. ab ve arthik roop se bhi behatar sthiti men the. ‘do bigha zamin’ men to unaki pratibha poori tarah paravan chadh gee thi. ve apane kiradar ke sath ekakar ho gaye aur ek behatarin skrin abhineta ke taur par unaki pahachan sthapit ho gayi.

prerak prasng

munbee ke upanagar jogeshvari men doodh valon ki ek basti thi. ye doodh vale uttar pradesh se the. jis din balaraj ko ‘do bigha zamin’ ke lie chuna gaya, us din se hi unhonne jogeshvari ke in doodh valon ki kaauloni men jana shuroo kar diya. ve gaur se doodh valon ke jivan ko dekha karate the. unake batachit karane, uthane-baithane ke tarike par gaur karate the. unhonne likha hai ki- "do bigha zamin’ men meri saphalata ke pichhe in doodh valon ki jindagi ka najadiki muayana kafi kam aya". phir kalakatta (vartaman kolakata) men shooting ke dauran unaki bihar se aye ek rikshe vale se mulakat huee. jab balaraj ne us rikshe vale ko philm ki kahani sunaee to vah rone laga aur usane bataya ki yah to bilkul meri kahani hai. usake pas bhi do bigha zamin thi, jo usane ek zamindar ke pas giravi rakhi thi aur vah use chhudane ke lie pichhale pndrah sal se kalakatta men riksha chala raha tha. halanki use ummid nahin thi ki vah us zamin ko kabhi hasil kar payega. is anubhav ne balaraj sahani ko badal kar rakh diya. unhonne khud se kaha ki- "mujh par duniya ko ek garib, bebas adami ki kahani batane ki jimmedari dali gayi hai, aur main is jimmedari ko uthane ke yogy hooon ya n hooon, mujhe apani oorja ka ek-ek katara is jimmedari ko nibhane men kharch karana chahie".[2]

sahityakar ke roop men

balaraj sahani behatarin sahityakar bhi the, jinhonne 'pakistan ka safar' aur 'roosi safaranama' jaise charchit yatra vrittanton ki rachana ki, jinamen un deshon ki rajanitik, bhaugolik, arthik aur samajik paristhitiyon ka shanadar chitran kiya gaya hai.

mrityu

balaraj sahani ki mrityu 13 aprail 1973 ko munbee men huee.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 darshakon ke dilon par amit chhap chhodi balaraj sahani ne (hindi) deshabndhu. abhigaman tithi: 9 faravari, 2013.
  2. bhishm sahani ki najar se balaraj sahani (hindi). . abhigaman tithi: 06 aprail, 2014.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah