एम. करुणानिधि  हिन्दी देवनागरी में पढ़ें।

em. karunanidhi
em. karunanidhi
poora nam muthoovel karunanidhi
janm 3 joon, 1924
janm bhoomi tirukkuvalee, madras praizidansi
mrityu 7 agast, 2018
mrityu sthan chennee, tamilanadu
abhibhavak pita- muttuvel, mata- anjugam
pati/patni tin- padmavati ammal, dayalu amma, rajathiammal
sntan putr- em.ke. muthoo, em.ke. alagiri, em.ke. stalin, em.ke. tamilarasu; putri- em. ke. selvi, em. ke. kanimojhi
nagarikata bharatiy
prasiddhi rajanitigy, natakakar aur patakatha lekhak
parti dravid munnetr kadagam (diemake)
pad tamilanadu ke mukhyamntri (5 bar)
kary kal 13 mee, 200615 mee, 2011

13 mee, 1996 – 13 mee, 2001
27 janavari, 198930 janavari, 1991
15 march, 197131 janavari, 1976
10 faravari, 19694 janavari, 1971

any janakari tamil sahity men apane yogadan ke lie bhi em. karunanidhi mashahoor hain. unake yogadan men kavitaen, chitthiyan, patakathaen, upanyas, jivani, aitihasik upanyas, mnch natak, snvad, gane ityadi shamil hain.

muthoovel karunanidhi (angrezi: Muthuvel Karunanidhi, janm- 3 joon, 1924, tirukkuvalee; mrityu- 7 agast, 2018, chennee) bharatiy rajaneta aur tamilanadu ke poorv mukhyamntri the. ve tamilanadu ke dravid rajanitik dal 'dravid munnetr kadagam' (diemake) ke pramukh the. em. karunanidhi ko 1969 men diemake ke snsthapak si. en. annaduraee ki maut ke bad tamilanadu ka mukhyamntri bana diya gaya tha. ve panch bar (1969-71, 1971-76, 1989-91, 1996-2001, 2006-2011) tak tamilanadu ke mukhyamntri rahe. em. karunanidhi ne apane 60 sal ke rajanitik kariar men apani bhagidari vale har kisi chunav men apani sit jitane ka rikaaurd banaya. 2004 ke lokasabha chunav men unhonne tamilanadu aur puducheri men diemake ke netritv vali dipie ka netritv kiya aur lokasabha ki 40 siton ko jit liya. isake bad unhonne 2009 ke lokasabha chunav men diemake ke jariye jiti gee siton ki snkhya 16 se badhakar 18 kar di. tamilanadu aur puducheri men yoopie ka netritv kar bahut chhote se gathabndhan ke babajood unhonne vahan par 28 siton par jit prapt ki thi. em. karunanidhi tamil sinema jagat ke ek natakakar aur patakatha lekhak bhi the. unake samarthak unhen "kalaeenar" kahakar bulate the.

janm

em. karunanidhi ka janm aupaniveshik kalin bharat men 3 joon, 1924 ko nagapattinam ke tirukkuvalee men dakshinamoorti ke roop men hua tha. unake pita ka nam muttuvel tha aur mata anjugam thin. ve eesaee dharm ke vellalar samuday se snbndh rakhate the.

arambhik jivan

em. karunanidhi ne apane jivan ki shuruat tamil philm udyog men ek patakatha lekhak ke roop men ki. apani buddhi aur bhashan ke madhyam se ve bahut kam samay men ek mahan rajaneta ban ge. em. karunanidhi dravid andolan se jude the aur samajavadi aur buddh ke adarshon ko badhaba dene vali aitihasik aur samajik kahaniyan likhane ke lie mashahoor the. unhonne tamil sinema jagat ka istemal karake apani 'parashakti' namak philm ke madhyam se apane rajanitik vicharon ka prachar kiya. 'parashakti' philm tamil sinema jagat ke lie ek mahattapoorn mod sabit huee, kyooki isane dravid andolan ki vicharadharaon ka samarthan kiya aur isane tamil philm jagat ke do mashahoor abhinetaon shivaji ganeshan aur es.es. rajendran se duniya ko parichit karavaya. shuroo men is philm par pratiband laga diya gaya tha, lekin bad men ise san 1952 men rilij kar diya gaya. ye baauks aauphis par bahut hi badi philm ke roop men sabit huee. isi tarah karunanidhi ki do aur philmen thin- 'panam' aur 'thngarathanam'. san 1950 ke dashak men unake do natakon ko bhi pratibndhit kar diya gaya tha.

vivah

em. karunanidhi ne tin vivah kiye the. unaki pahali patni ka nam padmavati ammal tha, jinase unhen ek beta hua, jisaka nam em.ke. muthoo hai. padmavati ka nidhan muthu ke janm ke asapas hi ho gaya tha. isake bad unaki shadi dayalu amma se huee, jinase is dampatti ko char bachche hue- em.ke. alagiri, em.ke. stalin, em.ke. tamilarasu aur selvi. unaki tisari patni ka nam rajathiammal hain, jinase unhen ek beti kanimojhi hain.

rajaniti men pravesh

jastis parti ke alagirisvami ke ek bhashan se prerit hokar em. karunanidhi ne 14 sal ki umr men rajaniti men pravesh kiya aur hindi virodhi andolan men bhag liya. unhonne apane ilake ke sthaniy yuvaon ke lie ek sngathan ki sthapana ki. unhonne isake sadasyon ko 'manavar nesan' namak ek hastalikhit akhabar parichalit kiya. bad men unhonne 'tamilanadu tamil manavar mndram' namak ek chhatr sngathan ki sthapana ki, jo dravid andolan ka pahala chhatr ving tha. karunanidhi ne any sadasyon ke sath chhatr samuday aur khud ko bhi samajik kary men shamil kar liya. yahan unhonne isake sadasyon ke lie ek akhabar chaloo kiya, jo diemake dal ke adhikarik akhabar murasoli ke roop men samane aya.

kallakudi men hindi virodhi virodh pradarshan men unaki bhagidari, tamil rajaniti men apani jad majaboot karane men karunanidhi ke lie madadagar sabit hone vala pahala pramukh kadam tha. is audyogik nagar ko us samay uttar bharat ke ek shaktishali mugal ke nam par 'dalamiyapuram' kaha jata tha. virodh pradarshan men em. karunanidhi aur unake sathiyon ne relave steshan se hindi nam ko mita diya aur relagadiyon ke marg ko avaruddh karane ke lie patari par let ge. is virodh pradarshan men do logon ki maut ho gee aur karunanidhi ko giraphtar kar liya gaya.

satta prapti

em. karunanidhi ko tiruchirapalli zile ke kulithalaee vidhanasabha se 1957 men tamilanadu vidhanasabha ke lie pahali bar chuna gaya. ve 1961 men diemake koshadhyaksh bane aur 1962 men rajy vidhanasabha men vipaksh ke upaneta bane aur 1967 men jab diemake satta men aee, tab ve sarvajanik kary mntri bane. jab 1969 men si. en. annaduraee ki maut ho gee, tab karunanidhi ko tamilanadu ka mukhyamntri bana diya gaya. tamilanadu men rajanitik kshetr men apane lnbe kariyar ke dauran ve parti aur sarakar men vibhinn padon par rah chuke the. mee, 2006 ke chunav men apane gathabndhan dvara apane pramukh pratidvndvi jayalalita ke harane ke bad unhonne 13 mee, 2006 ko tamilanadu ke mukhyamntri ka padabhar snbhala. tamilanadu vidhanasabha men unhen 11 bar aur ab samapt ho chuke 'tamilanadu vidhan parishad' men ek bar nirvachit kiya gaya tha.

kale chashme se pahachan

em. karunanidhi apani vaktavy shaili aur rajaniti par damadar pakad ke chalate tamilanadu ke logon ke dilon par raj karate the. unaki likhi philmon ki vajah se pahale hi log unhen star manate the. rajaniti men ane ke bad unhonne apane is star stetas ko aur majaboot kiya. ek aur chij jisane unaki is chhavi ko prabhavi banaya, vah tha unaka stail. kisi philm star ki tarah ve hamesha kala chashma aur kndhe par pila gamachha pahanakar nikalate the. darasal 1968-1969 men ek hadase men unaki baee ankh kshatigrast ho gee thi. tabhi se unhonne kala chashma pahanana shuroo kiya, jo unaka stail ban gaya. logon ne unaki dekha-dekhi aise hi chashme pahanane shuroo kar die. parti ke netaon ke mutabik karunanidhi apane stail ko lekar bahut satark rahate the. vah roj shev karate the aur kabhi bhi pit gamachha dalana nahin bhoolate the. navnbar 2017 men daauktar ki salah par unhonne apane 46 varsh purane stail ko alavida kahakar naya chashma pahanana shuroo kiya tha. unake lie desh bhar men 40 din tak sahi chashme ki khoj ki gee thi, akhirakar chashma jarmani se kharida gaya.[1]

karunanidhi aur indira

jab 1976 men indira gandhi ne karunanidhi ki sarakar ko barkhast kiya, ve indira ke khilaph bahut ugr ho ge. lekin isake bavajood, jab janata parti sarakar kendr men dharashayi ho gee aur lagane laga ki indira phir satta par kabiz ho jaengin to karunanidhi ne indira se phir hath mila liya. 1980 ke lokasabha chunav men eaeediemake ko tamilanadu men munh ki khani padi. lokasabha men eaeediemake ki har ko adhar banakar karunanidhi ne indira gandhi se kahakar eaeediemake ki sarakar girava di, lekin is bat se naraz logon ka kahar karunanidhi par hi toota aur janata ne tamilanadu men ek bar phir em. ji. ramachandran ko mukhyamntri ki kursi par baitha diya. unaki kutil chalon ke hi chalate emajiar ne unhen ‘ashubh takat’ ka nam de dala tha aur ye nam karunanidhi ke nam sath aisa chipaka ki taumr chhoota nahin aur logon ke man men baith gaya.

san 1971 se 1976 tak ke unake mukhyamntritv kal par jo kala dhabba laga, use 'sarakariya kamishan' ne ‘vaigyanik tarike se kie ge bhrashtachar’ ki sngya de dali. ab ye doosari bat hai ki karunanidhi ke samay jo bhrashtachar lakhon ka tha, emajiar ke samay vah karodon ka ho gaya aur jayalalita ke vakt to vah arabon ka ho gaya. lekin tamilanadu ki janata ne emajiar ke bhrashtachar maph kar die, kyonki unaki chhavi ek mashahoor aur logon ke bhale ke lie kam karane vale neta ki thi. jayalalita ka bhrashtachar unake kariyar ke ant men samane aya, jab bengaluru ki ek vishesh adalat ne unhen bhrashtachar ka doshi mana tha, lekin karunanidhi ke mathe se bhrashtachar ka kalnk mit nahin paya.[2]

sahity

tamil sahity men apane yogadan ke lie bhi em. karunanidhi mashahoor hain. unake yogadan men kavitaen, chitthiyan, patakathaen, upanyas, jivani, aitihasik upanyas, mnch natak, snvad, gane ityadi shamil hain. unhonne tirukkural, tholkappiya poonga, poombukar ke lie kuraloviyam ke sath-sath kee kavitaen, nibndh aur kitaben likhi hain. sahity ke alava karunanidhi ne kala evn sthapaty kala ke madhyam se tamil bhasha men bhi yogadan diya hai. kuraloviyam ki tarah, jisamen kalaeenar ne tirukkural ke bare men likha tha, valluvar kottam ke nirman ke madhyam se unhonne tiruvalluvar, chennee, tamilanadu men apani sthapaty upasthiti ka parichay diya hai. kanyakumari men em. karunanidhi ne tiruvalluvar ki ek 133 phut oonchi moorti ka nirman karavaya tha, jo us vidvan ke prati unaki bhavanaon ka chitran karata hai.

pustaken

em. karunanidhi dvara likhit pustakon men shamil hain- romapuri pandiyan, tenapandi singam, vellikilamee, nenjukoo nidi, iniyavee irupad, sng tamil, kuraloviyam, ponnar shnkar aur tirukkural uree. unaki gady aur pady ki pstakon ki snkhya 100 se bhi adhik hai.

mnchakala

karunanidhi ke natakon men shamil hain- manimagudam, ore radam, palaniappan, tukku medi, kagidappoo, nane erivali, vellikkilamee, udyasooriyan aur silappadikaram adi.

patakathaen

em. karunanidhi ne 20 varsh ki ayu men jyoopitar pikchars ke lie patakatha lekhak ke roop men kary shuroo kiya tha. unhonne apani pahali philm 'rajakumari' se lokapriyata hasil ki. patakatha lekhak ke roop men unake hunar men yahin se nikhar ana shuroo hua. unake dvara likhi gee 75 patakathaon men shamil hain- rajakumari, abhimanyu, mndiri kumari, marud nattoo ilavarasi, manamagan, devaki, parashakti, panam, tirumbipar, nam, manohara, ammiyapan, malaee kallan, rngoon radha, raja rani, pudaiyal, pudumi pittan, ellorum innattu mannar, kuravanji, tailapillee, kanchi talaivan, poombuhar, poomalee, mani magudm, marakk mudiyuma?, avan pittana?, pookkari, nidikku dndanee, paleevana rojakkal, pasa paravaeekal, padad thenikkal, niyay tarasu, pasakiligl, kannamma, yooliyin osee, pen singam aur iligyin.

puraskar aur khitab

  1. em. karunanidhi ko kabhi-kabhi pyar se "kalaeenar" aur "muthamijh kavinar" bhi kaha jata hai.
  2. annamalee vishvavidyalay ne 1971 men unhen manad daauktaret ki upadhi se sammanit kiya tha.
  3. 'thenapndi singam' namak kitab ke lie unhen tamil vishvavidyalay, tnjavur dvara "raja rajan puraskar" se sammanit kiya gaya tha.
  4. 15 disambar, 2006 ko tamilanadu ke rajyapal aur maduraee kamaraj vishvavidyalay ke chansalar mahamahim thiru surajit sinh baranala ne 40ven varshik samaroh ke avasar par unako manad daauktaret ki upadhi se vibhooshit kiya tha.
  5. joon 2007 men tamilanadu muslim makkal kachi ne ghoshana ki thi ki vah em. karoonanidhi ko 'muslim samuday ke dost' (yaran-e-millath') pradan karega.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. rajaniti par damadar pakad rakhane vale karunanidhi ke kale chashme ka raj (hindi) jagran.com. abhigaman tithi: 08 agast, 2018.
  2. karunanidhi ka 78 sal ka rajanitik saphar (hindi) hindi.firstpost. abhigaman tithi: 08 agast, 2018.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah