राज्यपाल  हिन्दी देवनागरी में पढ़ें।

bharat ka snvidhan snghatmak hai. isamen sngh tatha rajyon ke shasan ke sambandh men pravadhan kiya gaya hai. snvidhan ke bhag 6 men rajy shasan ke lie pravadhan hai. yah pravadhan jammoo-kashmir ko chhodakar sabhi rajyon ke lie lagoo hota hai. jammoo-kashmir ki vishesh sthiti ke karan usake lie alag snvidhan hai. sngh ki tarah rajy ki bhi shasan paddhati snsadiy hai. rajy ki karyapalika ka pramukh rajyapal hota hai, jo ki mntriparishad ki salah ke anusar kary karata hai. kuchh mamalon men rajyapal ko vivekadhikar diya gaya hai, aise mamale men vah mntriparishad ki salah ke bina kary karata hai. inhen bhi dekhen: bharat ke rajyon ke vartaman rajyapalon ki soochi evn bharat ke rajyon ke vartaman mukhyamntriyon ki soochi

rajyapal ki yogyata

anuchchhed 157 ke anusar rajyapal pad par niyukt kiye jane vale vyakti men nimnalikhit yogyataon ka hona anivary hai–

  1. vah bharat ka nagarik ho
  2. vah 35 varsh ki ayu poori kar chuka ho
  3. vah rajy sarakar ya kendr sarakar ya in rajyon ke niyntran ke adhin kisi sarvajanik upakram men labh ke pad par n ho
  4. vah rajy vidhanasabha ka sadasy chune jane ke yogy ho.

rajyapal ki niyukti

snvidhan ke anuchchhed 155 ke anusar- rajyapal ki niyukti rashtrapati ke dvara pratyaksh roop se ki jaegi, kintu vastav men rajyapal ki niyukti rashtrapati ke dvara pradhanamntri ki sifarish par ki jati hai. rajyapal ki niyukti ke sambandh men nimn do prakar ki prathaen ban gayi thin-

  1. kisi vyakti ko us rajy ka rajyapal nahin niyukt kiya jaega, jisaka vah nivasi hai.
  2. rajyapal ki niyukti se pahale sambandhit rajy ke mukhyamntri se vichar vimarsh kiya jaega.

yah pratha 1950 se 1967 tak apanayi gayi, lekin 1967 ke chunavon men jab kuchh rajyon men gair kangresi sarakaron ka gathan hua, tab doosari pratha ko samapt kar diya gaya aur mukhyamntri se vichar vimarsh kie bina rajyapal ki niyukti ki jane lagi.

rajyapal ki kary avadhi

yadyapi rajyapal ki kary avadhi usake pad grahan ki tithi se panch varsh tak hoti hai, lekin is panch varsh ki avadhi ke samapan ke bad vah tab tak apane pad par bana rahata hai, jab tak usaka uttaradhikari pad nahin grahan kar leta. jab rajyapal panch varsh ki avadhi ki samapti ke bad pad par rahata hai, tab vah pratidin ke vetan ke adhar par pad par bana rahata hai. aise kee udaharan hai, jab rajyapal apane uttaradhikari ki niyukti n kiye jane ke karan apane pad par bane rahe hain. in udaharanon men hariyana ke rajyapal 'bi. en. chakravarti' ka udaharan mahattvapoorn hai, kyonki ye apani padavadhi ke samapan ke bad uttaradhikari ki niyukti n hone ke karan 3 varsh tak pratidin ke vetan ke adhar par pad par bane rahe the.

isake atirikt rajyapal apani padavadhi ki samapti ke poorv rashtrapati ko tyagapatr dekar apana pad chhod bhi sakata hai ya rashtrapati use padamukt kar sakate hain. udaharanarth, 1980 men tamilanadu ke rajyapal prabhudas patavari tatha 1981 men rajasthan ke rajyapal 'raghukul tilak' tatha 1992 men nagalainnd ke rajyapal 'em. em. thaaumas' ko rashtrapati ne barkhast kar diya tha. isake atirikt kee bar rajyapalon ko tyagapatr dene ke lie vivash kiya gaya hai ya unase tyagapatr mang liya gaya hai.

shapath grahan

rajyapal ko sambandhit rajy ke uchch nyayalay ka mukhy nyayadhish pad evn gopaniyata ki shapath dilata hai.

vetan evn bhatte

11 sitambar, 2008 ko liye gaye nirnay ke anusar rajyapal ka vetan 36,000 rupaye se badhakar 1.10 lakh rupaye pratimah kar diya gaya hai. yah vetanaman janavari, 2006 se prabhavi mana gaya hai. isake poorv 10 janavari, 2008 ko kendriy mntrimandal ne rajyapal ka vetan 75,000 rupaye pratimah karane ka nirnay liya tha. rajyapal aise bhatte ka bhi hakadar hai, jise snsad ke dvara niyat kiya jae. isake atirikt use rahane ke lie sarakari avas milata hai. jisake liye use kiraya nahin dena padata. yadi do ya do se adhik rajyon ka ek hi rajyapal hai, tab use donon rajyapalon ka vetan us anupat men diya jaega, jaisa ki rashtrapati nirdharit karenge.

sthanantaran

snvidhan men rajyapal ke sthanantaran ke lie koee vyavastha nahin hai, lekin rajyapal ka sthanantaran kiya jata hai aur yah kuchh had tak ek pratha ban gayi hai. kendr men sattaroodh bharatiy janata parti gathabndhan ki sarakar ne march, 1998 men bihar ke rajyapal 'daau. e. ar. kidavee' ko sthanantarit kar pashchim bngal ka rajyapal niyukt kiya tha.

unmuktiyan tatha visheshadhikar

rajyapal ko nimnalikhit visheshadhikar tatha unmuktiyan prapt hain–

  1. vah apane pad ki shaktiyon ke prayog tatha kartavyon ke palan ke lie kisi nyayalay ke prati uttaradayi nahin hai.
  2. rajyapal ki padavadhi ke dauran usake viruddh kisi bhi nyayalay men kisi bhi prakar ki aparadhik karyavahi prarambh nahin ki ja sakati.
  3. jab vah pad par aroodh ho, tab usaki giraphtari ya karavas ke lie kisi bhi nyayalay se koee adeshika jari nahin ki ja sakati.
  4. rajyapal ka pad grahan karane se poorv ya pashchath usake dvara vyaktigat kshamata men kiye gaye kary ke sambandh men koee sivil karyavahi karane ke pahale use do mas poorv soochana deni padati hai.

shakti tatha kary

jis prakar kendr men karyapalika ki shakti rashtrapati men nihit hai, usi prakar rajy men karyapalika ki shakti rajyapal men nihit hai. rajyapal ki shaktiyan tatha isake kary nimnalikhit hain–

karyapalika sambandhi kary

anuchchhed 154 ke anusar rajyapal ke pas karyapalika sambandhi nimnalikhit kary hain–

  • rajyapal rajy sarakar ke prashasan ka adhyaksh hai tatha rajy ki karyapalika sambandhi shakti ka prayog vah apane adhinasth pradhikariyon ke madhyam se karata hai. vah sarakar ki karyavahi sambandhi niyam banata hai tatha mntriyon men karyon ka vibhajan karata hai.
  • rajyapal, mukhyamntri tatha mukhyamntri ki salah se usake mntriparishad ke sadasyon ko niyukt karata hai tatha unhen pad evn gopaniyata ki shapath dilata hai.
  • rajyapal, rajy ke uchch adhikariyon, jaise- mahadhivakta, rajy lok seva ayog ke adhyaksh tatha sadasyon ki niyukti karata hai tatha rajy ke uchch nyayalayon men nyayadhishon ki niyukti ke sambandh men rashtrapati ko paramarsh deta hai.
  • rajyapal ko yah adhikar hai ki, vah rajy ke prashasan ke sambandh men mukhyamntri se soochana prapt kare.
  • jab rajy ka prashasan snvaidhanik tntr ke anusar n chalaya ja sake, to rajyapal rashtrapati se rajy men rashtrapati shasan lagoo karane ki sifarish karata hai. jab rajy men rashtrapati shasan lagoo kar diya jata hai, tab rajyapal kendr sarakar ke abhikarta ke roop men rajy ka prashasan chalata hai.
  • rajyapal rajy ke vishvavidyalayon ka kuladhipati hota hai tatha up kulapatiyon ko bhi niyukt karata hai.

vidhayi adhikar

anuchchhed 174 ke anusar rajyapal ko vidhayi adhikar prapt hain. rajyapal rajy vidhan mandal ka ek abhinn ang hai aur ise vidhayika ke sambandh men nimnalikhit adhikar prapt hain–

  • vah rajy vidhan mandal ke satr ko ahoot kar sakata hai, sthagit kar sakata hai tatha rajy vidhanasabha ko bhng kar sakata hai.
  • yadi rajyapal ko aisa pratit ho ki, rajy vidhanasabha men angl bharatiy samuday ka pratinidhitv nahin hai, to vah angl bharatiy samuday ke ek vyakti ko rajy vidhanasabha ke sadasy ke roop men manonit kar sakata hai. vah rajy vidhan parishad ki kul sadasy snkhya ke sadasy ke ek chhathaven bhag ke lie sadasyon, jinaka vigyan, sahity, kala, samaj seva, sahakari andolan adi ke kshetr men vishesh gyan, anubhav ya yogadan ho, ko niyukt kar sakata hai.
  • yadi rajy vidhanasabha ke kisi sadasy ki ayogyata ka prashn utpann hota hai to, ayogyata sambandhi vivad ka nirdharan rajyapal chunav ayog se paramarsh karake karata hai.
  • vah samany am chunav ke bad prarambh hone vale tatha pratyek varsh ke pratham vidhanamandal ke pratham satr ko sambodhit karata hai tatha sadanon ko apana sndesh bhi bhej sakata hai.
  • vah rajy vidhan mandal dvara parit kisi vidheyak par hastakshar karata hai aur rajyapal ke hastakshar ke bad hi vidheyak adhiniyam ke roop men pravritt hota hai.
  • rajyapal dhan vidheyak ke atirikt kisi vidheyak ko pun: vichar ke lie rajy vidhan mandal ke pas bhej sakata hai tatha rajy vidhan mandal dvara vidheyak ko pun: parit kiye jane par vah us par apani sahamati dene ke lie badhy hai.
  • rajy vidhanasabha men dhan vidheyak tabhi pesh kiya jata hai, jab rajyapal ne vidheyak pesh karane ke lie apani anumati de di ho.
  • vibhinn ayogon, uchch tatha svayatt snsthaon ke varshik prativedan rajyapal ko saunpe jate hain aur vah unhen vichararth rajy vidhanasabha ke samaksh prastut karata hai.
  • kuchh vishisht prakar ke vidheyakon ko rajyapal rashtrapati ke vichar ke lie surakshit rakh sakata hai. jaise–
  1. vyaktigat sampatti ke anivary adhigrahan se sambandhit vidheyak
  2. uchch nyayalay ke kshetradhikar men kami se sambandhit vidheyak
  3. snsad dvara nirmit qanoon ke adhin avashyak ghoshit vastu par kararopan se sambandhit vidheyak
  4. samavarti soochi men ullikhit vishayon se sambandhit vidheyak (jab snsad dvara nirmit qanoon se sngharsh ki sambhavana ho), tatha
  5. any koee vidheyak, jisake karan kendriy sarakar ya any rajyon ki sarakar se vivad hone ki sambhavana ho.

adhyadesh jari karane ki shakti

anuchchhed 213 ke anusar jab rajy vidhan mandal ya rajy vidhanasabha satr men n ho tatha snvidhan ki satavin anusoochi men antarvisht rajyasoochi men varnit vishayon men se kisi vishay par qanoon banana avashyak ho, tab rajyapal mntriparishad ki salah par adhyadesh jari kar sakata hai. is prakar jari kiya gaya adhyadesh keval 6 mas tak prabhavi rahata hai aur 6 mas ki avadhi samapt hone ke poorv hi rajy vidhanamandal ya rajy vidhanasabha ka satr prarambh ho jae, to adhyadesh ko 6 saptah ke andar vidhanamandal ya vidhanasabha dvara anumodit kiya jana chahie aur yadi 6 saptah ke andar anumodit nahin kiya jata hai to adhyadesh nishprabhavi ho jaega. jin vidheyakon par rajyapal anumati dene ke poorv unhen rashtrapati ke vichararth arakshit rakhata hai, un vidheyakon se sambandhit vishay par rajyapal adhyadesh jari nahin kar sakata hai.

vittiy adhikar

snvidhan dvara rajyapal ko nimnalikhit vittiy adhikar pradan kiye gaye hain–

  1. rajyapal ki sifarish ke bina rajy vidhanasabha men dhan vidheyak ko pesh nahin kiya ja sakata.
  2. rajy ki akasmik nidhi se vyay rajyapal ki anumati ke bina nahin kiya ja sakata.
  3. rajyapal rajy ke vittamntri ke madhyam se rajy vidhanasabha men rajy ka varshik bajat pesh karata hai.
  4. kisi prakar ke anudan ki mang ko ya karon ke prastav ko rajyapal ke anumodan se vidhanasabha men pesh kiya jata hai.

nyayik adhikar

rajyapal ke nyayik adhikar nimnalikhit hain–

  1. vah zila nyayadhishon aur any nyayik adhikariyon ki niyukti, sthanantaran tatha padonnati se sambandhit mamalon ka nirnay karata hai. rajyapal is shakti ka prayog uchch nyayalay ke paramarsh se karata hai.
  2. vah nyayalay dvara doshasiddh kiye gaye aparadhiyon ko kshama karane, unake dand ko kam karane ya nilamban karane ya vilambit karane ki shakti rakhata hai. lekin is shakti ka prayog usake dvara usi sima tak kiya ja sakata hai, jis sima tak rajy ki karyapalika shakti ka vistar hai.

vivekadhikar

snvidhan ke dvara rajyapal ko nimnalikhit vivekadhikar pradan kiya gaya hai–
rajyapal rajy karyapalika ka pramukh hota hai. rajy karyapalika ki shakti usamen nihit hai. jisaka prayog vah apane pradhikariyon ke madhyam se karata hai. yahan adhinasth pradhikariyon ka tatpary mntriparishad se hai. mntriparishad ka adhyaksh mukhyamntri hota hai, jisaki niyukti rajyapal karata hai. mukhyamntri ki salah par rajyapal mntriparishad ke any sadasyon ki bhi niyukti karata hai. samanyat: rajyapal usi vyakti ko mukhyamntri niyukt karata hai, jo vidhanasabha men bahumat prapt dal ka neta ho ya jise bahumat prapt karane ke lie kee dalon ka samarthan prapt ho. lekin yadi vidhanasabha men kisi bhi dal ko spasht bahumat prapt n ho tatha kisi bhi vyakti ko kee dalon ka samarthan prapt n ho ya kee dalon ke gathabandhan ne milakar chunav men bahumat n prapt kiya ho, to rajyapal mukhyamntri ko niyukt karane men apane vivek ka prayog karata hai. rajyapalon dvara mukhyamntri ko niyukt karane men prayog kiye gaye vivekadhikar se is vivekadhikar ke sambandh men nimnalikhit do siddhanton ka vikas hua hai–

  • anuman n lagane ka siddhant

is siddhant ko "prakasa siddhant" nam se bhi jana jata hai. kyonki is siddhant ka prayog sabase pahale 1952 men madras ke rajyapal ka 'prakasa' dvara 1952 men madras ke chunav ke pashchath kiya gaya tha. is siddhant ke anusar jab am chunav men kisi bhi dal ko bahumat prapt nahin hota hai, tab rajyapal vidhanasabha ke sabase bade dal ke neta ko mukhyamntri niyukt karata hai. is siddhant ka prayog 1952 men madras, pepsoo tatha trabanakor kochin men, 1957 men udisa men, 1967 men rajasthan men, 1974 men pandicheri men, 1982 men hariyana men tatha 1988 men tamilanadu men kiya gaya tha. lekin yahan par yah ullekhaniy hai ki is siddhant ka prayog keval tab kiya gaya hai, jab kangres dal ko sarakar banane ka avasar mila hai. jab any dal ko sarakar banane ka avasar mil raha tha, tab is siddhant ka anusaran nahin kiya gaya. udaharanarth, jab 1957 men keral men bharatiy samyavadi dal, 1965 men keral men marksavadi samyavadi dal, 1971 men pashchim bngal men marksavadi samyavadi dal ko is siddhant ke anusar sarakar banane ka avasar mila tha, tab is siddhant ka anusaran nahin kiya gaya.

  • anuman lagane ka siddhant

is siddhant ke anusar jab am chunav men kisi bhi rajanitik dal ko vidhanasabha men poorn bahumat nahin milata, tab rajyapal anuman lagata hai ki kis dal ka neta sthayi sarakar ka gathan kar sakata hai aur isake adhar par yah nirnay karata hai ki kis neta ko mntrimandal banane ke lie amntrit kiya jae. is siddhant ka prayog 1954 men travanakor kochin, 1957 tatha 1965 men keral, 1967 men uttar pradesh tatha rajasthan, 1969 men bihar, 1971 men udisa tatha pashchim bngal, 1974 men nagalaind, 1975 men gujarat, 1978 men maharashtr tatha 1982 men karnatak men kiya gaya. rajyapal anuman lagane men 'list paddhati' tatha 'pared paddhati' ko apanate hain.
(1) list paddhati - rajyapalon ke dvara list paddhati ka anusaran tab kiya gaya, jab mukhyamntri pad ke ek se adhik davedar the. aisi sthiti men rajyapal davedaron se apane samarthakon ki soochi pesh karane ke lie kahe aur yadi vidhayak ka nam ek se adhik soochiyon men paya jae, to rajyapal dvara us vidhayak ka sakshatkar liya jana chahie. udaharanarth, 1967 men vishvanath das ne uttar pradesh men, hukum sinh ne rajasthan men, 1974 men bi. ke. neharoo ne nagalaind men tatha 1978 men sadik ali ne maharashtr men is paddhati ka prayog kiya tha. lekin kuchh rajyapalon ne is paddhati ka prayog nahin kiya hai. udaharanarth 1969 tatha 1970 men bihar men nityanand qanoon go tatha 1984 men andhr pradesh men ramalal ne list paddhati ka anusaran nahin kiya.
(2) pared paddhati - pared paddhati ke anusar mukhyamntri pad ke davedar apane samarthakon ki pared rajyapal ke samaksh karavate hain aur pared men shamil vidhayakon ke adhar par mukhyamntri ki niyukti ki jati hai. is paddhati ka sabase pahale prayog 1970 men pnjab men kiya gaya tha. isake bad is paddhati ka prayog 1974 men manipur men, 1978 men bambee tatha 1984 men jammoo-kashmir men kiya gaya.

mntriparishad ko bhng karana

rajyapal ko mntriparishad ko bhng karane ka adhikar prapt hai. rajyapal nimnalikhit sthitiyon men mntriparishad ko bhng kar sakata hai–

  1. jab rajyapal ko vishvas ho jae, ki mntriparishad ka vidhanamandal men bahumat nahin rah gaya hai.
  2. jab mntriparishad ke viruddh vidhanasabha avishvas prastav parit kar de aur mntriparishad tyagapatr n de.
  3. jab mntriparishad snvidhan ke pravadhanon ke anusar kary n kar raha ho ya mntriparishad ki nitiyon se rashtr ka ahit sambhavy ho ya kendr se sngharsh hone ki sambhavana ho.
  4. jab kisi svatntr adhikaran ne janch ke pashchath mukhyamntri ko bhrashtachar mn alipt paya ho.

vidhanasabha ka adhiveshan bulana

samanyataya rajyapal mukhyamntri ki salah par vidhanasabha ka adhiveshan bulata hai, lekin yadi asadharan paristhiti utpann ho jaen, tab rajyapal vidhanasabha ka vishesh adhiveshan bula sakata hai.

vidhanasabha ko bhng karana

samanyataya rajyapal mukhyamntri ki salah par hi vidhanasabha ko bhng karata hai, lekin kuchh vishesh paristhitiyon men vah mukhyamatri ki salah ke bina bhi vidhanasabha ka bhng kar sakata hai.

mukhyamntri ke viruddh vaidhanik karyavahi

rajyapal karyarat ya bhootapoorv mukhyamntri ke viruddh vaidhanik karyavahi karane ki anumati de sakata hai. yadi vah bhrashtachar ya kisi shadayntr ya aparadhik kary men snlipt ho.

rajyapal ke sambandh men sifarishen

rajyapal ke sambandh men nimnalikhit sifarishen apana mahatv rakhati hain-

  • prashasanik sudhar ayog ki sifarishen
  • rajyapal samiti ka prativedan
  • rajamannar samiti riport ki sifarishen
  • sarakariya ayog ki sifarishen

prashasanik sudhar ayog ki sifarishen

rajyapal ki niyukti tatha bhoomika ke sambandh men prashasanik sudhar ayog ki pramukh sifarishen nimnavat hain–

  1. aise vyakti ko rajyapal niyukt kiya jana chahie, jisaka sarvajanik jivan aur prashasan ke vishay men lamba anubhav ho aur jisaka daliy poorvagrahon se oopar uthane ki kshamata men vishvas ho. apane karyakal ki samapti par vah dobara rajyapal niyukt kiye jane ke yogy nahin hona chahie. seva nivritt hone ke bad nyayadhishon ko rajyapal nahin banaya jana chahie. lekin ek nyayadhish, jo sevanivritt hone ke bad sarvajanik jivan men pravesh karata hai aur vidhayak ban jata hai athava nirvachit pad par hai, to use rajyapal ki niyukti ke lie ayogy nahin manana chahie.
  2. rajyapal ki niyukti se poorv mukhyamntri se paramarsh ki parampara ek svasth parampara hai. yah bani rahani chahie.
  3. rajyapalon ke dvara kis prakar svavivek ki shaktiyon ka prayog kiya jae, is vishay men nirdesh-snketon ko kendr ki svikriti par rashtrapati ke nam se jari kiya jana chahie. unhen snsad ke donon sadanon ke samaksh rakha jana chahie.
  4. rajyapal ko rashtrapati ke pas pakshik riport bhejane ke sath hi, jab bhi avashyakata ho, tadarth riport bhejani chahie. rashtrapati ko bheji jane vali riport banate samay rajyapal ko svavivek aur svanirnay ke adhar par kam karana chahie. isi prakar rashtrapati ke vichararth vidheyakon ko surakshit rakhane ke vishay men bhi svanirnay ka prayog karana chahie.
  5. jab bhi rajyapal ke pas yah vishvas karane ka karan ho ki mntrimandal ka vidhanasabha men bahumat nahin raha hai, to isaka antim nirnay use vidhanasabha ka satr bulakar mntrimandal ke samarthan ko dekhakar karana chahie. jab bhi yah prashn uthe ki mntrimandal ko sadan men bahumat ka samarthan prapt nahin hai aur mukhyamntri rajyapal ko vidhanasabha ka satr bulane ke uddeshy se, yadi uchit samajhe to vidhanasabha satr ko svayn bula sakata hai.
  6. jab koee mntrimandal kisi bade niti nirman sambandhi vishay par sadan men parajit ho jata hai aur yadi harane vala mukhyamntri rajyasabha bhng karane ki salah deta hai, taki vah matadataon se nirnay le sake, to rajyapal ko usaki salah man leni chahie. any mamalon men vah svavivek ka prayog kar sakata hai.
  7. rajyapal ko n keval anuchchhed 167 ke pravadhan ke anukool soochana prapt karani chahie, balki apane snvaidhanik uttaradayitvon ko prabhavi taur par poora karane ke lie aisa karana chahie.

rajyapal samiti ka prativedan

prashasanik sudhar ayog ne apane 1969 ke prativedan men rashtrapati ke nam se un nirdeshon ko jari karane ki sifarish ki thi, jinake anusar rajyapal svavivek shaktiyon ka prayog karen. 1970 men rajyapal sammelan men is sifarish ko svikar kar liya gaya aur nirdeshon ko nishchit karane ke lie jammoo kashmir ke tatkalin rajyapal 'bhagavan sahay' ki adhyakshata men 5 sadasyon ki samiti gathit ki gayi. samiti ke any sadasy the–bi. gopal reddi, aliyavar jng, vishvanathan tatha em. em. dhavan. is samiti ki pramukh sifarishen nimnalikhit hain–

  1. yadi vidhanasabha ka vishvas prapt karane ke vishay men koee mukhyamntri vidhanasabha ka adhiveshan bulane se inkar karata hai, to rajyapal mntrimandal ko barkhast kar sakata hai.
  2. mntrimandal ko vidhanasabha men bahumat prapt hai ya nahin, isaka nirdharan vidhanasabha ke dvara kiya jana chahie. yadi koee mukhyamntri vidhanasabha dvara bahumat ke prashn ko nirdharit karane se inkar karata hai to yah mana jana chahie ki mntrimandal ko bahumat prapt nahin hai.
  3. yadi mukhyamntri ke tyagapatr ya barkhastagi ke bad rajy men vaikalpik sarakar banane ki sambhavana n ho, to rajyapal ke pas rashtrapati ko vidhanasabha bhng karane ki riport deni chahie.
  4. yadi koee vyakti rajy vidhanasabha ka sadasy n ho ya vidhanasabha ka manonit sadasy ho, to use mukhyamntri pad ki shapath nahin dilana chahie.
  5. yadi kee dalon ke gathabndhan sarakar ka koee bhagidar dal mukhyamntri se matabhed hone ke karan sarakar se apana samarthan vapas le leta hai, to yah avashyak nahin hai ki mukhmntri tyagapatr de, lekin yadi mukhyamntri ke vidhanasabha ke sambandh men sandeh utpann hota hai, to usase yah asha ki jati hai ki rajyapal se paramarsh karake yathasambhav shighr vidhanasabha ka adhiveshan bulaye aur vidhanasabha men apana bahumat sabit kare.
  6. rashtrapati sachivalay men ek vishesh kaksh ki sthapana ki jani chahie aur is kaksh dvara vibhinn rajyon men samay-samay par ghatit hone vali rajanitik aur snvaidhanik ghatanaon ke sambandh men adhikadhik soochanaen ekatr ki jani chahie. is kaksh ko vishesh mamalon ke sambandh men rashtrapati ki anumati se samast janakari rajyapal ko di jani chahie, jisase rajyapal ko kisi nirnay men asani ho.
  7. rajyapal apane rajy ka adhyaksh hota hai, n ki rashtrapati ka abhikarta aur snvidhan dvara rajyapal ke kartavy ko nirdharit kiya gaya hai.

rajamannar samiti riport ki sifarishen

is samiti ki pramukh sifarishen nimnalikhit hain–

  • rajyapal ki niyukti sadaiv rajy mntrimandal se paramarsh karake ki jani chahie tatha isake lie sadaiv vaikalpik vyavastha yah ho sakati hai ki rajyapal ki niyukti is prayojan ke lie gathit ek uchch shakti prapt sngathan ki salah ke adhar par ki jae.
  • ek bar rajyapal pad par rah chuke vyaktiyon ko isi pad par doosare karyakal athava sarakar ke adhin kisi any pad ke lie ayogy ghoshit kar diya jana chahie. rajyapal ko apane karyakal men pad se tab tak nahin hataya jana chahie, jab tak uchchatam nyayalay dvara janch ke bad usake dvara durvyavahar ya usaki akshamata n sabit ho jae.
  • snvidhan men vishesh pravadhan shamil kiya jana chahie, jo rashtrapati ko rajyapalon ke lie nirdesh dene ka adhikar pradan kare. ye likhit nirdesh un mamalon ke vishay men disha-nirdesh karenge, jinamen rajyapal ko kendr sarakar se paramarsh karana chahie athava jinamen kendr sarakar use nirdesh de sakati hai. un nirdeshon ke dvara un siddhanton ko bhi spasht kiya jana chahie, jinake sandarbh men rajyapal ko kary karana chahie. in karyon men rajy ke pramukh ke roop men rajyapal ki snvaidhanik shaktiyon ke kriyanvayan ka avasar shamil hai.
  • snvidhan men shamil is pravadhan ko tatkal nikal diya jana chahie ki mntrimandal rajyapal ke prasad ke paryant pad par rahega.
  • snvidhan men vishesh roop se nimnalikhit nirdeshon ko shamil karana chahie. jaise-
  1. rajyapal ko rajy vidhanasabha men bahumat prapt dal ke neta ko mukhyamntri niyukt karana chahie.
  2. jahan rajyapal ko vidhanasabha men kisi ek dal ke spasht bahumat ke sambandh men samadhan n ho, vahan par rajyapal ko vidhanasabha ka adhiveshan mukhyamntri ke chayan ke lie bulana chahie aur adhiveshan men chune gaye vyakti ko mukhyamntri niyukt karana chahie.
  3. yadi mukhyamntri kisi mntri ko barkhast karane ki salah rajyapal ko deta hai, to use mukhyamntri ki salah man leni chahie.
  4. yadi rajyapal ko yah pratit hota hai ki mukhyamntri ne vidhanasabha men bahumat kho diya hai, to rajyapal ko tatkal vidhanasabha ka adhiveshan bulakar mukhyamntri ko bahumat sabit karane ka nirdesh dena chahie. yadi mukhyamntri bahumat sabit karane men asaphal rahata hai, to rajyapal ko mukhyamntri ko barkhast kar dena chahie.

sarakariya ayog ki sifarishen

sarakariya ayog ne rajyapal ke sandarbh men nimn sifarishen ki hain–

  1. rajyapal ke roop men niyukt kiye jane vale vyakti ko rajy, jisamen vah niyukt kiya jae, ke bahar ka vyakti hona chahie tatha use rajy ki rajaniti men ruchi nahin rakhana chahie.
  2. use aisa vyakti hona chahie, jo samany roop se ya vishesh roop se niyukt kiye jane ke pahale rajaniti men sakriy bhag n le raha ho.
  3. rajyapal ka chayan karate samay alpasnkhyak varg ke vyaktiyon ko samuchit avasar diya jana chahie.
  4. rajyapal ke roop men kisi vyakti ka chayan karate samay rajy ke mukhyamntri se prabhavi salah lene ki prakriya ko snvidhan men shamil kiya jana chahie.
  5. kisi aise vyakti ko rajy ke rajyapal ke roop men niyukt nahin kiya jana chahie, jo ki kendr men sattaroodh ka dal ka sadasy ho, jisamen shasan kisi any dal ke dvara chalaya ja raha ho.
  6. yadi rajanitik karanon se kisi rajy ki snvaidhanik vyavastha toot rahi ho, to rajyapal ko yah dekhana chahie ki kya us rajy men vidhanasabha men bahumat vali sarakar ka gathan ho sakata hai.
  7. yadi niti sambandhi kisi prashn par rajy ki sarakar vidhanasabha men parajit ho jati hai to shighr chunav karaye ja sakane ki sthiti men rajyapal ko chunav tak purane mntrimandal ko karyakari sarakar ke roop men kary karate rahane dena chahie.
  8. yadi rajy sarakar vidhanasabha men apana bahumat kho deti hai to rajyapal ko sabase bade virodhi dal ko sarakar banane ka amntran dena chahie, aur vidhanasabha men bahumat sabit karane ka nirdesh dena chahie. yadi sabase bada dal sarakar gathit karane ki sthiti men n ho, to rajyapal ko rajy men rashtrapati shasan lagoo karane ki sifarish karani chahie.


panne ki pragati avastha
adhar
prarambhik
madhyamik
poornata
shodh


tika tippani aur sndarbh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah