ईसाई धर्म  हिन्दी देवनागरी में पढ़ें।

eesaee dharm
eesaee dharm ka pratik
vivaran 'eesaee dharm' ya 'masihi dharm' ya 'masayahayat' vishv ke pramukh dharmon men se ek hai jisake tabeen eesaee kahalate hain
mukhy sampraday kaitholik, protaistaint, arthodoks, maauroni, evanajilak
pravartak eesa masih (jisas kraist)
astha sootr main akash tatha prithvi evn sabhi gochar-agochar vastuon ke srijak ekamatr mahashaktiman pita prabhu tatha unake putr eesa masih men vishvas karata hoon.
eesaee traynk eesaee log eeshvar ko 'pita' aur eesa masih ko 'eeshvar putr' manate hain. eeshvar, eeshvar putr aur pavitr atma– ye tinon eesaee traynk (triniti) mane jate hain.
dharm granth baibil
dharm prachar eesa masih ke pramukh shishyon men se ek snt tamas ne pratham shatabdi eesvi men hi bharat men madras ke pas akar eesaee dharm ka prachar kiya tha.
any janakari vartaman men bharat men eesaee dharmavalambiyon ki snkhya lagabhag 1 karod 65 lakh hai, jo desh ki kul janasnkhya ka lagabhag 2.5% hai.

eesaee dharm ya masihi dharm ya masayahayat vishv ke pramukh dharmon men se ek hai jisake tabeen eesaee kahalate hain. eesaee dharm ke pairokar eesa masih ki talimat par amal karate hain. eesaeeon men bahut se samuday hain masalan kaitholik, protaistaint, arthodoks, maauroni, evanajilak adi. 'eesaee dharm' ke pravartak eesa masih (jisas kraist) the, jinaka janm roman samrajy ke gailili prant ke nazarath namak sthan par 6 ee. poo. men hua tha. unake pita jojef ek badhee the tatha mata meri (mariyam) thin. ve donon yahoodi the. eesaee shastron ke anusar meri ko usake mata-pita ne devadasi ke roop men mandir ko samarpit kar diya tha. eesaee vishvason ke anusar eesa masih ke meri ke garbh men agaman ke samay meri kunvari thi. isilie meri ko eesaee dharmalambi 'varjin meri (kunvari meri) tatha eesa masih ko eeshvarakrit divy purush manate hain. eesa masih ke janm ke samay yahoodi log roman samrajy ke adhin the aur usase mukti ke lie vyakul the. usi samay jaaun d baiptist namak ek snt ne zordan ghati men bhavishyavani ki thi ki yahoodiyon ki mukti ke lie eeshvar shighr hi ek masiha bhejane vala hai. us samay eesa ki ayu adhik nahin thi, parantu kee varshon ke ekantavas ke pashchath unamen kuchh vishisht shaktiyon ka snchar hua aur unake sparsh se andhon ko drishti, goongon ko vani tatha mritakon ko jivan milane laga. phalatah charon or eesa ko prasiddhi milane lagi. unhonne din dukhiyon ke prati prem aur seva ka prachar kiya.
yarusalam men unake agaman evn nirantar badhati ja rahi lokapriyata se puratanapnthi purohit tatha sattadhari varg sashnkit ho utha aur unhen jhoothe aropon men fnsane ka prayas kiya. yahoodiyon ki dharmasabha ne un par svayn ko eeshvar ka putr aur masiha hone ka dava karane ka arop lagaya aur antatah unhen salib (kraaus) par lataka kar mrityudnd ki saza di gee. parantu salib par bhi unhonne apane viruddh shadayntr karane valon ke lie eeshvar se prarthana ki ki vah unhen maf kare, kyonki unhen nahin maloom ki ve kya kar rahe hain. eesaee manate hain ki mrityu ke tisare din hi eesa masih punah jivit ho uthe the. eesa masih ke shishyon ne unake dvara bataye gaye marg arthath eesaee dharm ka filistin men sarvapratham prachar kiya, jahan se vah rom aur phir sare yoorop men phaila. vartaman men yah vishv ka sabase adhik anuyayiyon vala dharm hai. eesaee log eeshvar ko 'pita' aur masih ko 'eeshvar putr' manate hain. eeshvar, eeshvar putr eesa masih aur pavitr atma–ye tinon eesaee traynk (triniti) mane jate hain. eesaee dharm ki kuchh any visheshataen is prakar hain—

astha sootr

eesaee dharmavalambi prarthanaon tatha baptisma evn any anushthanon ke avasar par nimn astha sootr ka smaran karate hain—main akash tatha prithvi evn sabhi gochar-agochar vastuon ke srijak ekamatr mahashaktiman pita prabhu tatha unake putr eesa masih men vishvas karata hoon.

pavitr pustak

eesaee dharm ki pavitr pustak baibil ya injil hai, jisake do bhag hain—

  1. old testament, jisamen yahoodi itihas tatha dharmakathaen varnit hain, tatha
  2. nyoo testament, jisamen eesaeeyon ke dharm sambandhi vichar, vishvas tatha itihas varnit hain.

dharmakrity

eesaeeyon ke vibhinn sampradayon men thode-bahut antar ke sath kuchh dharmakrity snskar ya anushthan prachalit hain, jinaka prabhu ki adrishy agochar kripa se drishy-gochar pratik mana jata hai. aise sat dharmakrity many hain—

  • dhanyavad gyapan (yookhairist)–girijaghar ki prarthana ke samay roti aur madira ka sevan karana, jisaka uddeshy eesa masih ke sharir ka ang ban jana hai. manyata yah hai ki eesa masih ne yahoodiyon dvara apani giraphtari ke poorv ratri ko diye gaye ek bhoj men roti todakar ek-ek tukada aur sath men thodi-thodi madira apane pratyek shishy ko yah kahate hue diya tha ki yah mere sharir evn rakt ke hisse hain aur inake sevan se sabhi shishy ek man, ek pran, ek sharir roop ho sahadharmi ho gaye.
  • baiptizm–vyakti par jal chhidakar ya shishu ko pavitr jal men dubaki lagavakar use charch vishesh ke sadasy ke roop men pravisht karana.
  • pushtikaran (kanapharameshan)–eesaee dharm svikar kar chuke vyakti ke hathon men tel aur bam malana, jisaka uddeshy usake eesaeeyat ko punah pusht karana hai.
  • prayashchit (kanapheshan)–eesaee dharmavalambiyon men, visheshakar roman kaitholik men prachalit is vyavastha ke anusar charch men vishisht roop se bane ek sthan par vyakti ko padari ke samaksh dharmagrahan ke samay tatha pratyek varsh kam se kam ek bar apane papon ka byaura dekar prayashchit karana padata hai. aisi manyata hai ki prabhu padari ke madhyam se use maf kar deta hai.
  • abhishek–mrityu shayya par pade vyakti ki ankhon, kanon, nathunon, othon, hathon, panvon aur purushon ki janghon men padari tel chhuvata hai ya malata hai aur prabhu se usake papon ko kshama karane ki prarthana karata hai.
  • vivah–eesaeeyon men vivah ek pavitr snskar hai, jisaka sampadan charch men padari ke ashirvad evn ghoshana se kiya jata hai.
  • purohit evn ardineshan–roman kaitholik sampraday men purohiton ki atyant suvyavasthit vyavastha drishtigat hoti hai, jise ve 'holi ardars' kahate hain. any sampradayon men bhi padariyon ki vyavastha hai. padariyon ke do varg hote hain—jyeshth aur kanishth. kanishth varg men shiksharthi padari, dharmagranth kathavachak adi ate hain. vahin jyeshth varg men bishap, padari, dikan, arkabishap adi ate hain. pop roman kaitholik sampraday ke sarvamany sarvochch dharmaguru hain. roman kaitholik men kisi kanishth purohit ko jyeshth varg men pravesh hetu kiya jane vala snskar 'ardineshan' kahalata hai.

eesaee dharm ke pramukh sampraday

yadyapi eesaee dharm ke anek sampraday hain, parantu unamen do sarvapramukh hain—

  1. roman kaitholik charch–ise 'apostolik charch' bhi kahate hain. yah sampraday yah vishvas karata hai ki vetikan sthit pop eesa masih ka adhyatmik uttaradhikari hai aur is roop men vah eesaeeyat ka dharmadhikari hai. atah dharm, achar evn snskar ke vishay men usaka nirnay antim mana jata hai. pop ka chunav vetikan ke sistin giraje men is sampraday ke shreshth padariyon (kardinalon) dvara gupt matadan dvara kiya jata hai.
  2. protestaint–15-16vin shatabdi tak pop ki shakti avarnaniy roop se badh gee thi aur usaka dharmik, rajanitik, samajik, sabhi mamalon men hastakshep badh gaya tha. pop ki isi shakti ko 14vin shatabdi men jaaun baiklif ne aur phir martin loothar (jarmani men) ne chunauti di, jisase ek navin sudharavadi eesaee sampraday-protestaint ka janm hua, jo ki adhik udaravadi drishtikon rakhate hain.

baibil

baibil
Bible

eesaee dharm ka pavitr granth baibil hai, jisake do bhag old testament aur nyoo testament hain. eesaeeyon ka vishvas hai ki baibil ki rachana vibhinn vyaktiyon dvara 2000-2500 varsh poorv ki gee thi. vastav men yah granth ee. poo. 9vin shatabdi se lekar eesvi pratham shatabdi ke bich likhe gaye 73 lekh shrinkhalaon ka snkalan hai, jinamen se 46 old testament men aur 27 nyoo testament men snkalit hain. jahan old testament men yahoodiyon ke itihas aur vishvason ka varnan hai, vahin nyoo testament men eesa masih ke upadeshon evn jivan ka vivaran hai.

bharat men eesaee dharm

eesaee dharm ka bharat men pravesh atyant prachin kal men hi ho chuka tha. eesa masih ke pramukh shishyon men se ek snt tamas ne pratham shatabdi eesvi men hi bharat men madras ke pas akar eesaee dharm ka prachar kiya tha. usi samay se is kshetr men eesaee dharm ka svatntr roop men prasar hota raha hai. 16vin sadi men purtagaliyon ke sath aye roman kaitholik dharm pracharakon ke madhyam se unaka sampark pop ke kaitholik charch se hua. parantu bharat ke kuchh isaeeyon ne pop ki satta ko asvikrit karake 'jekobait' charch ki sthapana ki. keral men kaitholik charch se sambandhit tin shakhaen dikhaee deti hain—

  • siriyan malabari
  • siriyan malakari aur
  • laitin.

roman kaitholik charch ki laitin shakha ke bhi do varg dikhaee padate hain—

  • gova, mngalor, maharashtriyan samooh, jo pashchimi vicharon se prabhavit tha, tatha
  • tamil samooh jo apani prachin bhasha-snskriti se juda raha.

kaka bepatista, fadar stifens (khist puran ke rachayita), fadar di nobili adi dakshin bharat ke pramukh eesaee dharm pracharak the. uttar bharat men akabar ke darabar men sarv dharm sabha men vichar-vimarsh hetu jesuit fadar upasthit the. unhonne agara men ek charch bhi sthapit kiya tha. isi kal men eesaee sampraday roth ne laitin bhasha men snskrit vyakaran likha. bharat men protestent dharm ka agaman 1706 men hua. bi. jigenabalg ne tamilanadu ke trnkabar men tatha viliyam keri ne kalakatta ke nikat seramapur men lootharan charch sthapit kiya. madar teresa dvara 1950 men kalakatta men sthapit mishanarij aur cheriti manavata ki seva men karyarat hain. vartaman men bharat men eesaee dharmavalambiyon ki snkhya lagabhag 1 karod 65 lakh hai, jo desh ki kul janasnkhya ka lagabhag 2.5% hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah