मदर टेरेसा  हिन्दी देवनागरी में पढ़ें।

madar teresa
madar teresa
poora nam egnes gonaksha bojakshihu
janm 26 agast, 1910
janm bhoomi yoogoslaviya
mrityu 5 sitnbar, 1997
mrityu sthan kalakatta
abhibhavak nikola boyajoo (pita)
karm bhoomi bharat
karm-kshetr samajaseva
puraskar-upadhi padmashri, nobel puraskar, bharat ratn, medal af phridam.
nagarikata bharatiy
any janakari madar teresa jab bharat aeen to unhonne yahan besahara aur vikalang bachchon tatha sadak ke kinare pade asahay rogiyon ki dayaniy sthiti ko apani ankhon se dekha aur phir ve bharat se munh modane ka sahas nahin kar sakin. ve yahin par ruk geen aur janaseva ka vrat le liya, jisaka ve anavarat palan karati rahin.
adyatan‎

madar teresa (angrezi:Mother Teresa janm: 26 agast, 1910, yoogoslaviya; mrityu: 5 sitnbar, 1997) ne jis atmiyata se bharat ke din-dukhiyon ki seva ki hai, usake lie desh sadaiv unaka rini rahega. unaka vastavik nam egnes gonaksha bojakshihu, jinhen roman kaitholik charch dvara 'kalakatta ki snt teresa' ka nam diya gaya hai. madar terasa roman kaitholik nan thin, jinhonne 1948 men svechchha se bharatiy nagarikata le li thi. unhonne 1950 men kolakata men mishanariz aauph chairiti ki sthapana ki thi.

jivan parichay

madar teresa ka janm 26 agast, 1910 ko 'yoogoslaviya' men hua. madar teresa ke pita ka nam nikola boyajoo tha tatha vah ek sadharan vyavasayi the. ek roman kaitholik sngathan ki ve sakriy sadasy thin aur 12 varsh ki alpayu men hi unake hriday men virat karuna ka bij ankurit ho utha tha. madar teresa ka asali nam ‘aganes gonjha boyajijoo’ tha. alabeniyan bhasha men gonjha ka arth phool ki kali hota hai. aganes ke pita unake bachapan men hi mar ge, bad men unaka lalan-palan unaki mata ne kiya. panch bhaee-bahanon men vah sabase chhoti thin aur unake janm ke samay unaki badi bahan achch ki umr 7 sal aur bhaee ki umr 2 sal thi, baki do bachche bachapan men hi gujar ge the. gonjha ek sundar jivnt, adhyayanashil evn parishrami ladaki thin. padhana, git gana vah vishesh pasnd karati thin. vah aur unaki bahan achch girajaghar men prarthana ki mukhy gayika thin. gonjha ko ek naya nam ‘sistar teresa’ diya gaya jo is bat ka snket tha ki vah ek naya jivan shuroo karane ja rahi hain. yah naya jivan ek ne desh men joki unake parivar se kafi door tha, sahaj nahin tha lekin sistar teresa ne badi shanti ka anubhav kiya.[1]
madar teresa

bharat agaman

sistar teresa tin any sistaron ke sath ayaralaind se ek jahaj men baithakar 6 janavari, 1929 ko kolakata men ‘loreto kaaunvent’ pnhuchin. vah bahut hi achchhi anushasit shikshika thin aur vidyarthi unhen bahut pyar karate the. varsh 1944 men vah sent mairi skool ki pradhanacharya ban geen. madar teresa ne avashyak narsig trening poori ki aur 1948 men vapas kolakata a geen aur vahan se pahali bar talatala gee, jahan vah garib bujurgo ki dekhabhal karane vali snstha ke sath rahin. unhonne marijon ke ghavon ko dhoya, unaki marahamapatti ki aur unako davaiyan din. sanh 1949 men madar teresa ne garib, asahay v asvasth logon ki madad ke lie ‘mishanarij aauph chairiti’ ki sthapana ki, jise 7 aktoobar, 1950 ko roman kaitholik charch ne manyata di. isi ke sath hi unhonne parnparik vastron ko tyagakar nili kinari vali sadi pahanane ka phaisala kiya.[1]

ashram

madar teresa ne ‘nirmal hriday’ aur ‘nirmala shishu bhavan’ ke nam se ashram khole, jinamen ve asadhy bimari se pidit rogiyon v garibon ki svayn seva karati thin. jinhen samaj ne bahar nikal diya ho, aise logon par is mahila ne apani mamata v prem lutakar seva bhavana ka parichay diya.[1]

mishanariz ki sthapana

madar teresa matr atharah varsh ki umr men men diksha lekar ve sistar teresa bani thin. is dauran 1948 men unhonne bachchon ko padhane ke lie ek skool khola aur tatpashchath ‘mishanarij aauph chairiti’ ki sthapana ki. sachchi lagan aur mehanat se kiya gaya kam kabhi nishphal nahin hota, yah kahavat madar teresa ke sath sach sabit huee. madar teresa ki mishanarij snstha (Mother Teresa missionaries of charity) ne 1996 tak qarib 125 deshon men 755 nirashrit grih khole jisase qariban panch lakh logon ki bhookh mitae jane lagi.[1]

samajaseva ka vrat

madar teresa haus, maisidoniya

madar teresa jab bharat aeen to unhonne yahan besahara aur vikalang bachchon tatha sadak ke kinare pade asahay rogiyon ki dayaniy sthiti ko apani ankhon se dekha aur phir ve bharat se munh modane ka sahas nahin kar sakin. ve yahin par ruk geen aur janaseva ka vrat le liya, jisaka ve anavarat palan karati rahin. madar teresa ne bhroon hatya ke virodh men sare vishv men apana rosh darshate hue anath evn avaidh sntanon ko apanakar matritv-sukh pradan kiya. unhonne phutapathon par pade hue rot-sisakate rogi athava maranasann asahay vyaktiyon ko uthaya aur apane seva kendron men unaka upachar kar svasth banaya, ya kam se kam unake antim samay ko shantipoorn bana diya. dukhi manavata ki seva hi unake jivan ka vrat hai.

samman aur puraskar

madar teresa ko pidit manavata ki seva ke lie vishv ke anek antarrashtriy samman evn puraskar prapt ho chuke hain, jinamen padmashri 1962, nobel puraskar 1979, bharat ka sarvochch puraskar 'bharat ratn' 1980 men, medal af phridam 1985 pramukh hain. vishv bhar men phaile unake mishanari ke karyon ki vajah se madar teresa ko 1979 men nobel shanti puraskar mila. unhen yah puraskar garibon aur asahayon ki sahayata karane ke lie diya gaya tha. unhonne nobel puraskar ki 192,000 daaular ki dhan-rashi ko bharatiy garibon ke lie ek phnd ke taur par istemal karane ka nirnay liya jo unake vishal hriday ko darshata hai.

madar teresa ke samman men jari bharatiy dak tikat

arop

apane jivan ke antim samay men madar teresa par kee tarah ke arop bhi lage. un par garibon ki seva karane ke badale unaka dharm badalavakar eesaee banane ka arop laga. bharat men bhi pashchim bngal jaise rajyon men unaki ninda huee. manavata ki rakhavali ki ad men unhen eesaee dharm ka pracharak mana jata tha. lekin kahate hain na jahan saphalata hoti hai vahan alochana to hoti hi hai.[1]

mrityu

varsh 1983 men 73 varsh ki ayu men madar teresa rom men paaup jaaun paaul dvitiy se milane ke lie geen. vahin unhen pahala hridayaghat aya. isake bad sal 1989 men unhen doosara hridayaghat aya. lagatar girati sehat ki vajah se 5 sitambar, 1997 ko unaki maut ho gee. unaki maut ke samay tak ‘mishanarij aauph chairiti’ men 4000 sistar aur 300 any sahayogi snsthaen kam kar rahi thin jo vishv ke 123 deshon men samaj seva men lipt thin. samaj seva aur garibon ki dekhabhal karane ke lie jo atmasamarpan madar teresa ne dikhaya use dekhate hue pop jaaun pal dvitiy ne 19 aktoobar, 2003 ko rom men madar teresa ko “dhany” ghoshit kiya tha.[1]

madar teresa ke anamol vachan

madar teresa ke samman men jari bharatiy dak tikat
  • main chahati hoon ki ap apane padosi ke bare men chintit rahen. kya ap apane padosi ko janate ho?
  • yadi hamare bich koee shanti nahin hai, to vah isalie kyonki ham bhool ge hain ki ham ek doosare se snbndhit hain.
  • yadi ap ek sau logon ko bhojan nahin kara sakate hain, to sirph ek ko hi bhojan karavaen.
  • yadi ap chahate hain ki ek prem sndesh suna jay to pahale use bhejen. jaise ek chirag ko jalae rakhane ke lie hamen die men tel dalate rahana padata hai.
  • akelapan sabase bhayanak garibi hai.
  • pyar qaribi logon ki dekhabhal lene ke dvara shuroo hota hai, jo apake ghar par hain.
  • akelapan aur avanchhit rahane ki bhavana sabase bhayanak garibi hai.
  • pyar haramausam men hone vala phal hai, aur har vyakti ke pahunch ke andar hai.
  • aj ke samaj ki sabase badi bimari kushth rog ya tapedik nahin hai, balki avanchhit rahane ki bhavana hai.
  • pyar ke lie bhookh ko mitana roti ke lie bhookh ki mitane se kahin jyada mushkil hai.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 1.4 1.5 1.6 manavata ki pujari madar teresa (hindi) jagaran jnkshan. abhigaman tithi: 23 agast, 2013.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah