कबीरपंथ  हिन्दी देवनागरी में पढ़ें।

kabirapnth kabir ke nam par sthapit madhyakalin bharatiy snpraday hai. kabir ne hi isaka pravartan kiya tha, yah vivadaspad hai. kabirapnthi sahity se gyat hota hai ki snt kabir ne chaturdik apane vicharon ka prachar karane ke lie apane char pramukh shishyon- 'chatrabhuj', 'bnke ji', 'sahate ji' aur 'dharmadas' ko bheja tha. pratham tin shishyon ke snbndh men koee vivaran prapt nahin hai. dharmadas ke vishay men avashy yah soochana milati hai ki unhonne kabir pnth ki 'dharmadasi' athava 'chhattisagadhi' shakha ki sthapana ki thi. is samay jo any snsthaen dikhaee padati hain, ve bhi kabir athava unake kisi shishy athava kisi paravarti vyakti ke nam se hi snbaddh hain. kabir ke nam par hi dvadash pnthon ka bhi ullekh milata hai. inamen kabir ke prati shraddha vyakti ki gee hai. kuchh log in dvadvash pnthon ko shuddh kalpana manate hain.

shakhaen

kabirapnth ki vibhinn snsthaon ke vibhajan ke snbndh men do mat milate hain. ek mat ke anusar kabirapnth ki do pramukh shakhaen bataee gee hain. pratham shakha ka kendr 'kabirachaura' (kashi) hai. isaki ek upashakha magahar men hai. doosara kendr chhattisagadh ke antargat hai, jisaki sthapana dharmadas ne ki thi. isaki bhi anek shakhaen, upashakhaen bataee gee hain. doosare mat ke anusar kabirapnth ke nam se chalane vali snsthaon ka vibhajan is prakar hai-

(k) svatntr roop se sthapit kabirapnth ki shakhaen, jinaka snbndh aise vyaktiyon se joda jata hai, jo kabir ke pramukh shishyon men se the-

  1. ramakabir pnth
  2. phatuha math
  3. biddoopur math
  4. bhagatahi shakha
  5. kabirachara (kashi)
  6. chhattisagadhi ya dharmadasi shakha

(kh) chhattisagadhi shakha se snbndh vichchhed karake prithakh math ke roop men sthapit shakhaen is prakar hain-

  1. kabirachaura jagadishapuri
  2. harakesar math
  3. kabir-nirnay-mndir (burahanapur)
  4. lakshmipur math

shesh pramukh shakhaon men se kuchh aisa hain, jinhen uparyukt svatntr shakhaon men se kisi n kisi ki upashakha matr kah sakate hain. achary gaddi, badaiya aur mahadev math, rusada jaisi snsthaen kabirapnthi vicharadhara dvara prabhavit kahi ja sakati hain. madhyakalin jati-upajati-vikas ke anusar hi kabir ke nam se prachalit 'panika' kabirapnthiyon tatha kabiravashinyon ka aise samooh ke roop men vikas ho gaya hai, jise ham juggi jaisi vishisht jati kah sakate hain.[1]

vistar

gujarat men prachalit ramakabir pnth ke pravartak kabir shishy 'padmanabh' tatha patana men 'phatuha math' ke pravartak tatvajiva athava ganeshadas batae jate hain. isi prakar mujaphpharapur zilantargat kabirapnth ki biddoorapur mathavali shakha ki sthapana kabir ke shishy jagoodas ne ki thi. bihar men saran zile ke antargat dhanauti men sthapit bhagatahi shakha ke pravartak kabir shishy bhagodas va bhagavan gosaeen kahe jate hain. bhagatahi shakha men bhakti bhavana hi pradhan hai, n ki brahyopachar. suratagopal dvara pravartit kashisth kabirachaura shakha any shakhaon se prachin samajhi jati hai. lekin kuchh log isamen sndeh bhi vyakti karate hai. kashi sthit laharatara, basti zile men sthit magahar kabirabag (gaya) men isaki upashakhaen bataee jati hain. kabirapnth ki any shakhaon ki tulana men chhattisagadhi shakha adhik vyapak hai. is shakha dvara paryapt sanpradayik sahity bhi nirmit hua hai. chhattisagadhi shakha ki anek upashakhaen mandala, damakheda, chhatarapur adi sthanon men sthapit hain. inake atirikt kabirapnth ki anek any shakhaon, upashakhaon ka bhi ullekh milata hai.

kalpanaen

kabirapnthi snsthaon ke astitv men a jane par unamen anek prakar ki pauranik kathaon ki si kalpana karake kabir ko vishesh prakar ka alaukik roop de diya gaya. sath hi snsar ki srishti, vinash, vibhinn lokon ki bhi kalpanaen kar li gee hain. is prakar ke kabirapnthi sahity ke adhikansh bhag ka, jo pauranik kathaon, karmakand athava goshthiyon, snvadon adi se snbaddh hai, nirman chhattisagadhi shakha ke anuyayiyon dvara kiya gaya. isake antargat 'sukhanidhan', 'gurumahatmy', 'amaramool', 'gorakhagoshthi', 'anuragasagar', 'nirnjanabodh' aur 'kabir mnsoor' jaisi rachanaon ki ganana ki jati hai. is prakar ke sahity nirman dvara kabir mool roop vastut: tirohit ho gaya aur jis snpradayavad, karmakand, bahyadnbar adi ka unhonne virodh kiya tha, un sabaka vidhivat prachar, prasar kabirapnthi snsthaon dvara hone laga.

pramukh grnth

kabir ka pramukh dharmasthan kabirachaura aj tak prasiddh hai. yahan par ek math aur kabiradas ka mandir hai, jisamen unaka chitr rakha hua hai. desh ke vibhinn bhagon se sahasron yatri yahan par darshan karane ate hain. inake mool siddhant nimnankit granthon men pae jate hain-

brahmaniroopan, eesamuktavali, kabiraparichay ki sakhi, shabdavali, pad, sakhiyan, dohe, sukhanidhan, gorakhanath ki goshthi, kabirapnji, valakk ki ramaini, ramanand ki goshthi, anand ramasagar, anathamngal, aksharabhed ki ramaini, aksharakhand ki ramaini, arifanama kabir ka, arjanama kabir ka, arati kabirakrit, bhakti ka ang, chhappay, chaukaghar ki ramaini, muhammadi banau, nam mahatmy, piya pahichanave ko ang, gyanagudari, gyanasagar, gyanasvaroday, kabirashtak, karamakhand ki ramaini, pukar, shabd analahak, sadhakon ke ang, satasng ko ang, svasagunnjar, tisa janm, kabir krit janmabodh, gyanasambodhan, mukhahom, nirbhaygyan, satanam ya satakabir bani, gyanastotr, hindora, satakabir, bandichhor, shabd vnshavali, ugragita, basant, holi, rekhata, jhoolana, khasara, hindola, barahamasa, chanchara, chautisa, alifanama, ramaini, bijak, agam, ramasar, soratha kabiraji krit, shabd parakha aur gyanabatisi, ramaraksha, athapahara, nirbhaygyan, kabir aur dharmadas ki goshthi adi.

ekeshvaravadi

kabiradas ne svayn granth nahin likhe, keval mukh se bhakhe hain. inake bhajanon tatha upadeshon ko inake shishyon ne lipibaddh kiya. inhonne ek hi vichar ko saikadon prakar se kaha hai aur sabamen ek hi bhav pratidhvanit hota hai. ye ramanam ki mahima gate the, ek hi eeshvar (ekeshvaravad) ko manate the aur karmakand ke ghor virodhi the. avatar, moorti, roja, eed, masajid, mandir adi ko nahin manate the. ahinsa, manushy matr ki samata tatha snsar ki asarata ko inhonne bar-bar gaya hai. ye upanishadon ke nirgun brahma ko manate the aur saf kahate the ki vahi shuddh eeshvar hai, chahe use ram kaho ya alla. aisi dasha men inaki shikshaon ka prabhav shishyon dvara parivartan se ulta nahin ja sakata tha. thoda-sa ulat-pulat karane se keval itana phal ho sakata hai ki ramanam adhik n hokar satyanam adhik ho. yah nishchit bat hai ki ye ramanam aur satyanam donon ko bhajanon men rakhate the. pratimapoojan inhonne nindaniy mana hai. avataron ka vichar inhonne tyajy bataya hai. do-char sthanon par kuchh aise shabd hain, jinase avatar mahima vyakt hoti hai.

mat-virodhabhas

kabir ke mukhy vichar unake granthon men sooryavath chamak rahe hain, kintu unase yah nahin jan padata ki avagaman siddhant par ve hindoo mat ko manate the ya musalaman mat ko. any baton par koee vastavik virodh kabir ki shikshaon men nahin dikhata. kabir sahab ke bahut-se shishy unake jivan kal men hi ho ge the. bharat men ab bhi ath-nau lakh manushy kabirapnthi hain. inamen musalaman thode hi hain aur hindoo bahut adhik hain. kabirapnthi kanthi pahanate hain, bijak, ramaini adi granthon ke prati poojy bhav rakhate hain. guru ko sarvopari manate hain.

nirgunamargi pnth

nirgun-nirakaravadi kabirapnthi ke prabhav se hi anek nirgunamargi pnth chal nikale. yatha-

nanakapnth pnjab men, dadoopanth jayapur (rajasthan) men, laladasi alavar men, satyanami naranaul men, babalali sarahind men, sadhupnth dilli ke pas, shivanarayani gajipur men, garibadasi rohatak men, malookadasi kada (prayag) men, ramasanehi rajasthan men. kabirapnth ko milakar in gyarahon men saman roop men akele nirgun nirakar eeshvar ki upasana ki jati hai. moortipooja varjit hai, upasana aur pooja ka kam kisi bhi jati ka vyakti kar sakata hai. guru ki upasana par bada zor diya jata hai. in sabaka poora sahity hindi sahity men hai. ramanam, satyanam athava shabd ka jap aur yog inaka vishesh sadhan hai. vyavahar men bahut se kabirapnthi bahudevavad, karm, janmantar aur tirth ityadi bhi manate hain.

inhen bhi dekhen: kabir


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. kabirapnth (hindi) bharatakhoj. abhigaman tithi: 09 agast, 2014.

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah