एकेश्वरवाद  हिन्दी देवनागरी में पढ़ें।

shabdik arth

vah siddhant jisamen ek eeshvar ko hi snsar ka srijan aur niyaman karane vali sarvochch shakti mana jata hai, yah siddhant ki is jagath ka karta-dharta aur sabaka upasy ek hi eeshvar hai. ekeshvaravad se abhipray: hai ki, bahut-se devataon ki apeksha ek hi eeshvar ko manana. is dharmik athava darshanik vad ke anusar koee ek satta hai, jo vishv ka sarjan aur niyntran karati hai, jo nity gyan aur anand ka ashray hai, jo poorn aur sabhi gunon ka agar hai aur jo sabaka dhyanakendr aur aradhy hai.

ekeshvaravad ka uday

yadyapi vishv ke mool men rahane vali satta ke vishay men kee bharatiyavad hain, jinamen ekatvavad aur advaitavad bahut prasiddh hain. tathapi ekeshvaravad ka uday bharat men, rigvaidik kal se hi paya jata hai. adhikansh yooropavasi prachyavid, jo bharatiy daivatatattv ko samajhane men asamarth hain aur jinako ek-anek men barabar virodh hi dikhaee padata hai, rigved ke siddhant ko bahudevavadi manate hain. bharatiy vicharadhara ke anusar vividh devata ek hi dev ke vividh roop hain. at: chahe jis dev ki upasana ki jae vah ant men jakar ek hi dev ko arpit hoti hai. rigved men varun, indr, vishnu, virath purush, prajapati adi ka yahi rahasy batalaya gaya hai.

praman

upanishadon men advaitavad ke roop men ekeshvaravad ka varnan paya jata hai. upanishadon ka sagun brahma hi eeshvar hai, yadyapi usaki satta vyavaharik mani gee hai, paramarthik nahin. mahabharat men (vishesh kar bhagavadagita men) eeshvaravad ka sundar vivechan paya jata hai. shaddarshanon men nyay, vaisheshik, yog aur vedant ekeshvarasiddhant ka pratipadan karate hain. puranon men to eeshvar ke astitv ka hi nahin, kintu usaki bhakti, sadhana aur pooja ka aparimit vikas hua. visheshakar vishnupuran aur shrimadabhagavat eeshvaravad ke prabal puraskarta hain. vaishnav, shaiv tatha shakt sampradayon men bhi ekeshvaravad ki pradhanata rahi hai. is prakar rigvedakal se lekar aj tak bharat men ekeshvaravad pratishthit hai.

ekeshvaravad ke roop

vyavaharik jivan men ekeshvaravad ki pradhanata hote hue bhi paramarthik aur adhyatmik anubhooti ki drishti se isaka paryavasan advaitavad men hota hai-advaitavad arthath manav ke vyaktitv ka vishvatma men poorn vilay. jagatik sambandh se ekeshvaravad ke kee roop hain, jo nimn hain-

  1. sarveshvaravad - isaka arth yah hai ki jagath men jo kuchh bhi hai, vah eeshvar hi hai aur eeshvar sampoorn jagath men ot-prot hai. rigved ke purushasookt men sarveshvaravad ka ek roopak ke madhyam se vishad varnan hai. upanishadon men sarv khalvidn brahm neh nanasti kinchan, bhi isi siddhant ka pratipadan hai. parantu bharatiy sarveshvaravad pashchamy ‘painathiijm’ nahin hai. painathiijm men eeshvar apane ko jagath men samapt kar deta hai. bharatiy sarveshvar jagath ko apane ek ansh se vyapt kar anant vistar men usaka atirek kar jata hai. vah antaryami aur atireki donon hai.
  2. eeshvar karanatavad - isake anusar eeshvar jagath ka nimitt karan hai. jagath ka upadan karan prakriti hai. eeshvar jagath ki srishti karake usase alag ho jata hai aur jagath apani karmashrinkhala se chalata rahata hai. nyay aur vaisheshik darshan isi bat ko manate hain.
  3. shuddh eeshvaravad - isake anusar eeshvar sarveshvar aur brahma ke svaroop ko bhi apane men atmasat kar leta hai. vah sarvatr vyapt, antaryami tatha atireki aur jagath ka karta-dharta, snharta, jagath ka sarvasv aur aradhy hai. isi ko shrimadabhagavat vaishnav tatha shaiv bhakt isi eeshvaravad men vishvas karate hain. sagunopasak vaishnav tatha shaiv bhakt isi eeshvaravad men vishvas karate hain.
  4. yogeshvaravad - isake anusar eeshvar vah purush hai, jo karm, karmaphal tatha karmashay (karmaphal ke snskar) se mukt rahata hai. usamen aishvary aur gyan ki parakashtha hoti hai, jo manav ka adi guru aur guruon ka bhi guru hai. yogasootr ki bhojavritti ke anusar eeshvar yogiyon ka sahayak hai. unaki sadhana ke marg men jo bighn badha upasthit hoti hain, unhen vah door karata hai aur unaki samadhi siddhi men sahayata karata hai. tarak gyan ka vahi data hai. parantu is vad men eeshvar jagath ka karta nahin aur n prakriti aur purushon men sarvatr vyapt, vah keval upadeshta aur guru hai.

udayanachary ke praman

ekeshvaravad men eeshvarakaranatavad (eeshvar jagath ka nimitt karan hai) ke samarthan men naiyayikon ne bahut se praman prastut kie hain. udayanachary ne jo praman die hain, unamen tin mukhy hain-

  • pratham hai, ‘jagat ki karyata’. isaka arth yah hai ki jagath kary hai, at: isaka koee n koee karan hona chahie aur use kary-karan-shrinkhala se pare hona chahie. vah hai eeshvar.
  • doosara praman hai ‘jagat ka ayojanatv’, arthath jagath ke sampoorn karyon men ek kram athava yojana dikhaee padati hai. yah yojana jad se nahin utpann ho sakati. isaki snyojak koee chetan satta honi chahie. vah satta eeshvar ke atirikt doosari nahin ho sakati.
  • tisara praman hai ‘karm aur karmaphal ka sambandh’, arthath donon men ek prakar ka naitik sambandh. is naitik sambandh ka koee vidhayak hona chahie. ek sthayi niyanta ki kalpana ke bina is vyavastha ka nirvah nahin ho sakata. yah niyanta eeshvar hi ho sakata hai.

eeshvar ki siddhi

yogasootr men eeshvar ki siddhi ke lie ek aur praman milata hai, vah hai srishti men gyan ka taratamy (anek praniyon men gyan ki nyoonadhik matra). is gyan ki kahin n kahin parakashtha honi chahie. vah eeshvar men hi sambhav hai. sabase bada praman hai, sant aur mahatmaon, rishi-muniyon ka sakshath anubhav, jinhonne svat: eeshvaranubhooti ki hai. hi atmanishth hona hai.



panne ki pragati avastha
adhar
prarambhik
madhyamik
poornata
shodh

tirachha path

tika tippani aur sndarbh

pandey, daau. rajabali hindoo dharmakosh (hindi). bharatadiskavari pustakalay: uttar pradesh hindi snsthan, lakhanoo, prishth sn 142.

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah