सत्येंद्रनाथ बोस  हिन्दी देवनागरी में पढ़ें।

Disamb2.jpg satyendranath bos ek bahuvikalpi shabd hai any arthon ke lie dekhen:- satyendranath bos (bahuvikalpi)
satyendranath bos
Satyendra-Nath-Bose.jpg
poora nam satyendr nath bos
any nam satyen, es. en. bos
janm 1 janavari, 1894
janm bhoomi kolakata, bharat
mrityu 4 faravari, 1974
abhibhavak surendr nath bos
karm bhoomi kolakata, bharat
karm-kshetr vaigyanik, adhyapak
vishay bhautiki, ganit, bauddh sahity
bhasha fransisi, jarman, bangla
shiksha bi. es. si, em.es. si
vidyalay hindoo haeeskool, presidensi kaaulej
prasiddhi ganitgy aur bhautik shastri
nagarikata bharatiy
any janakari satyendr nath bos 'lalit kala' aur sngit premi the. ve yasaraj aur bansuri bajaya karate the, kintu isaraj bajane men ve bahut nipun the.

satyendr nath bos (angrezi: Satendra Nath Bose, janm:1 janavari, 1894 kolakata; mrityu:4 faravari, 1974 kolakata) prasiddh ganitgy aur bhautik shastri the. bhautik shastr men do prakar ke anu mane jate hain- bosaaun aur pharmiyan. inamen se bosaaun satyendr nath bos ke nam par hi hai.

jivan parichay

satyendr nath bos ka janm 1 janavari 1894 ko kolakata men hua tha. mitron ke bich 'satyen' aur vigyan jagat men 'es. en. bos' ke nam se jane gaye. inake pita shri 'surendr nath bos' rel vibhag men kam karate the. mahanh vaigyanik pray: do prakar ke hote hain-

  1. ve jo apani skooli padhaee men kamazor hote hain.
  2. ve jo shuroo se hi padhaee men avval hote hain.


mahan vaigyanik ainstain pahale varg men ate hain aur bharatiy vaigyanik satyendr nath bos doosare varg men ate hain. ye padhaee men hamesha se hi achchhe the, vishesh taur se ganit men bahut kushagr the. ek bar ganit ke shikshak ne shri bos ko 100 men se 110 ank diye the kyonki inhonne sabhi savalon ko hal karane ke sath-sath kuchh savalon ko ek se zyada tariqe se hal kiya tha.
parivar ke sath satyendranath bos (baen se doosare baithe hue) sanh 1960

shiksha

bos ne apani skooli shiksha 'hindoo haeeskool' kolakata se poori ki usake bad 'presidensi kaaulej' men pravesh liya jahan par us samay shri 'jagadish chndr bos' aur 'achary praphull chndr ray' jaise mahanh shikshak adhyapan karate the. satyendr nath bos ne sanh 1913 men bi. es. si. aur sanh 1915 men em. es. si. pratham shreni men uttirn kiya. meghanath saha aur prashant chndr mahalanovis bos ke sahapathi the. meghanath saha aur satyendr nath bos ne bi. es. si. tatha em. es. si. ki padhaee sath-sath ki. bos sadaiv kaksha men pratham sthan par aur saha dvitiy sthan par rahate the. us samay bharat men vishvavidyalay aur kaaulej bahut kam hote the. atah vigyan shiksha prapt chhatron ka bhavishy bahut nishchit nahin hota tha. isalie bahut sare chhatr vigyan ki bajay doosare vishay ko chunate the. parntu kuchh chhatron ne aisa nahin kiya. aur ye vahi log hainjinhonne bharatiy vigyan men naye adhyay jode. si. vi. raman ka jivan isaka bahut achchha udaharan hai jo vigyan shiksha prapt karane ke bad sarakari naukari karane lage, kintu vigyan ke lagav ke karan naukari ke sath-sath das varshon tak shodhakary men bhi lage rahe aur avasar milane par jami jamayi sarakari naukari chhodakar poori tarah se vigyan ki sadhana men lag gaye. sar ashutosh mukharji ne raman ko yah avasar pradan kiya aur bos evn saha ki sahayata ki. ashutosh mukharji peshe se vakil the jo age chalakar kolakata uchch nyayalay ke nyayadhish bane. us samay bahut kam bharatiy itane oonche pad par pahunch pate the. ashutosh mukharji apane vishay men parngat the aur sath hi vah vigyan men bhi bahut ruchi rakhate the tatha apane atirikt samay men ve bhautik-ganit par vyakhyan bhi dete the.

karyakshetr

satyendranath bos ne apana kary kshetr vigyan ko chuna. jab bos aur saha kolakata vishvavidyalay men padhate the, us samay bos ne socha ki vigyan men kuchh naya karana chahie. bos aur saha ne nishchay kiya ki padhane ke sath-sath kuchh samay shodhakary men bhi lagayenge. shodh ke lie ne-ne vicharon ki avashyakata hoti hai isalie bos ne gibbas aur plank ki pustaken padhana shuroo kiya. us samay vigyan samagri adhikanshat: fransisi ya jarman bhasha men hoti thi. atah vyakti ko in bhashaon ka gyan hona avashyak tha. bos ne in bhashaon ko n keval bahut jaldi sikha balki unhonne in bhashaon men likhi kavitaon ka bangla bhasha men anuvad bhi karana prarnbh kar diya tha.

shodh ke lie

kolakata vishvavidyalay ke pustakalay men vigyan ke ne vishayon par likhi pustaken nahin thin. bos aur saha ko daau. bruhl ke vishay men pata chala jinake pas ye pustaken thin. daau. bruhl astriya ke nivasi the. unaka vishay jiv-vigyan tha. astriya men svasthy kharab rahane ke karan se chikitsakon ne unhen paramarsh diya ki ve aisi jagah jakar rahen jahan ka mausam garm ho. isalie bharatiy paudhon ka adhyayan karane ke lie daau. bruhl bharat a ge the. kolakata men rahate hue daau. bruhl ka vivah ho gaya aur jivoparjan ke lie naukari unaki avashyakata ho gee. is prakar ve bngal kaaulej men shikshak ban ge. daau. bruhl ka vishay vanaspati vigyan tha kintu vah bhautiki padhane ka kary achchhi tarah se karate the. daau. bruhl ke pas bahut sari achchhi pustaken thin jo bos aur saha ne padhane ke lie unase prapt kin.

any bhashaon ka gyan

pradhanamntri javaharalal neharoo ke sath satyendranath bos, shantiniketan, pashchim bngal

bos ka manana tha ki yadi kisi vishay ka adhyayan karana hai to usake mool tak jana avashyak hai, arthat vishay visheshgyon dvara kie ge kary ka adhyayan karana. bos in pustakon ko svayn to padhane men samarth the kyonki us samay adhikansh shodhakary jarman aur fransisi bhashaon men hi upalabdh rahata tha. parntu doosaron ke fayade ke lie jinhen in bhashaon ka gyan nahin tha, bos ne kuchh mahattvapoorn shodh patron ko angrazi men anuvad karane ka nishchay kiya. vishay aur bhasha sikhane ka yah ek achchha tariqa tha. bos ne 'sapekshata siddhant' ke shodhapatron ka anuvad prarnbh kiya jinhen bad men kolakata vishvavidyalay dvara prakashit karaya gaya. ainstain ne, jinhonne ye shodhapatr jarman bhasha men likhe the, angrezi men anuvad karane ka adhikar inglaind ke methuin ko diya tha. jab methuin ko is bat ka pata chala to unhonne is prakashan ko rokane ka prayas kiya. bhagyavash ainstain ne madhyasthata karate hue kaha ki yadi bos ki pustak keval bharat men hi vitarit hoti hai to unhen koee apatti nahin hai. bos padhane aur anuvad ke alava samasyaon ke hal dhoondhane men vyast rahate the. ek sal ke andar hi bos aur saha ne ek shodhapatr likha jo inglaind ke prasiddh jarnal 'philasaauphikal maigajin' men prakashit hua. sanh 1919 men bos ke do shodhapatr 'buletin aph di kalakatta maithametikal sosayati' men aur sanh 1920 men 'philasaauphikal maigajin' men prakashit hue. isamen koee sndeh nahin ki yah sab achchha kary tha parntu aisa bhi nahin tha jisase poori duniya chakit ho jae.

Blockquote-open.gif satyendr nath bos lalit kala aur sngit premi the. bos ke mitr batate the ki unake kamare men kitabon, ainstin, raman adi vaigyanikon ke chitr ke alava ek vady yntr yasaraj hamesha rahata tha. bos yasaraj aur bansuri bajaya karate the. parntu yasaraj to kisi visheshgy ki tarah bajate the. bos ke sngit prem ka dayara lok sngit, bharatiy sngit se lekar pashchath sngit tak phaila hua tha. pro. dhurajati das bos ke mitr the. jab pro. das bharatiy sngit par pustak likh rahe the tab bos ne unhen kafi sujhav die the. pro. das ke anusar bos yadi vaigyanik nahin hote to vah ek sngit guru hote. Blockquote-close.gif

dhaka vishvavidyalay

san 1921 men dhaka vishvavidyalay ki sthapana huee. kulapati daau. harataaug dhaka vishvavidyalay men achchhe vibhagon ki sthapana karana chahate the. unhonne bhautiki vibhag men ridar pad ke lie satyendr nath bos ko chuna. sanh 1924 men saha dhaka ae, jo ki unaka grihanagar tha aur apane mitr bos se bhent ki. bos ne saha ko bataya ki vah kaksha men plank ke vikiran niyam ko padha rahe hain, parntu is niyam ke lie pustakon men di gee vyutpatti se ve sahamat nahin hain. is par saha ne ainstain aur plank ke dvara hal hi men kie ge karyo ke prati bos ka dhyan akarshit kiya.

dhaka vishvavidyalay se avakash

(baen se daen baithe hue) es es rav, abhijit de, devendr mohan bos, varnar haijenabarg, krishnan kariamanikkam aur satyendr nath bos kalakatta, 8 aktoobar 1929 indiyan esosieshan phaaur di kaltiveshan aph sains

bos ne varsh 1924 ki shuruat men dhaka vishvavidyalay men 2 varsh ke avakash ke lie avedan kiya tha taki ve yoorop jakar navinatam vikas karyon ki janakari le saken parntu mahinon tak dhaka vishvavidyalay se koee uttar nahin aya aur isi dauran bos ne apana sabase prasiddh shodhapatr likha jo unhonne ainstain ko bheja aur unase prashnsa-patr bhi prapt kiya tha. ainstain jaise mahanh vaigyanik se prashnsa-patr prapt karana hi apane ap men badi bat thi. jab bos ne yah prashnsa-patr vishvavidyalay ke kulapati ko dikhaya tab kahin bos ko 2 varsh ke avakash ki anumati mili. yoorop men lagabhag do varsh rahane ke bad sanh 1926 men bos dhaka vishvidyalay vapas laut ae. dhaka lautane ke pashchath bos se unake kuchh sathiyon ne dhaka vishvavidyalay men prophesar ke pad ke lie avedan karane hetu prerit kiya. kintu prophesar ke lie pi-ech. di. hona avashyak thi aur bos keval snatakottar the. unake mitron ne kaha ki apako chinta nahin karani chahie kyonki ab ap vikhyat ho ge hain aur ap ainstain ko bhi janate hai ap ainstain se ek prashnsa-patr le lijie. ainstain ne turnt prashnsa-patr de diya parntu unhen is bat par bada ashchary hua ki bharat men vyakti ko usake dvara kie ge kam ke bajay digri ke adhar par naukari milati hai.

ainstain aur bos

ainstain ke sath satyendranath bos

ab bos ne apane tariqe se plank ke niyam ki nayi vyutpatti di. bos ke is tariqe ne bhautik vigyan ko ek bilakul hi nayi avadharana se parichit karaya. bos ne is shodhapatr ko 'philasaauphikal maigajin' men prakashan ke lie bheja parntu is bar unake shodhapatr ko asvikar kar diya gaya, jisase bos hatotsahit hue kyonki unaka manana tha ki yah vyutpatti unake pahale ke karyon se kahin zyada tarkik thi. phir bos ne sahasik nirnay liya. unhonne is shodhapatr ko ainstain ke pas barlin bheja, is anurodh ke sath ki ve is shodhapatr ko padhen evn apani tippani den aur yadi ve ise prakashan yogy samajhen to jarman jarnal 'Zeitschrift fur Physik' men prakashan ki vyavastha karen. is shodhapatr ko ainstain ne svayn jarman bhasha men anudit kiya tatha apani tippani ke sath 'Zeitschrift fur Physik' men agast 1924 men prakashit karavaya. ainstain ne is shodhapatr ke sambndh men ek postakard bhi bheja tha jo bos ke lie bahut adhik upayogi siddh hua.

bos-ainsatain sankhyiki siddhant

grahon aur unake sambndhon ko samajhane ke lie nyootan ke gurutvakarshan siddhant ki avashyakata hoti hai. usake anusar snsar ki har vastu apane as-pas paee jane vali doosari vastu ko apani or akarshit karati hai. jaise soory grahon ko, prithvi chndrama ko. yah siddhant jyadatar jagahon par to lagoo hota hai, lekin bahut si aisi jagahen hain, jahan par yah kam nahin ata. yadi ham gaison ke anuon ki gati ki bat karen, to vahan par yah niyam asahay ho jata hai. gaison men asnkhy prakar ke anu pae jate hain, jo sadaiv gatishil rahate hain. inaki gatishilata ka gais ke dab aur tap se ek khas sambndh hota hai. gaison ke in anuon ki gati ko samajhane ke lie ganit ke ausat ke niyam ka sahara liya jata hai. ise samajhane ke lie maiksavel aur boltjamain ne jis ganitiy siddhant ki vyutpatti ki, use sankhyiki ke nam se jana jata hai. sankhyiki ausat ke ganit ki bat karati hai. adhunik bhautik vigyan men isaki avashyakata kadam-kadam par paee jati hai.

bos-ainsatain sankhyiki siddhant

maiksavel tatha voltjamain dvara avishkrit ye niyam tab tak sahi se kam karate rahe, jab tak vaigyanikon ko sirph paramanuon ke bare men janakari thi. lekin jaise hi vaigyanikon ko yah pata chala ki paramanu ke bhitar bhi anek prakar ke paramanu-kan pae jate hain aur unaki gatiyan bahut anokhi hoti hain, unaka yah niyam phel ho gaya. aise men daau. satyendranath bos ne naye niyamon ki khoj ki, jo age chalakar ‘bos-ainsatain sankhyiki’ ke nam se jane gaye. is niyam ke samane ane ke bad vaigyanikon ne paramanu-kanon ka gahan adhyayan kiya aur paya ki ye mukhy roop se do prakar ke hote hain. inamen se ek ka namakaran daau. bos ke nam par ‘bosaaun’ rakha gaya aur doosare ka nam prasiddh vaigyanik enariko pharmi ke nam par ‘pharmiaaun’.
jis vyakti ki medha ko ainsatain jaise vaigyanik ne n sirph svikara balki usake sath apana nam bhi joda, us vyakti ko nobel puraskar n milana kafi saval khade karata hai. yah bat isalie bhi mahatvapoorn hai ki jyadatar vaigyanikon ka manana hai ki bhautik vigyan par jitana asar ‘bos-ainstain sankhyiki’ ka pada hai, utana asar to shayad ane vale samay men higs bosaaun ka bhi n ho.[1]

antarrashtriy vaigyanikon se snbndh

aktoobar, 1924 men satyendranath yoorop pahunche. bos pahale ek varsh peris men rahe. phrans men rahate hue bos ne socha ki kyon n 'rediyodharmita' ke bare men 'maidam kyoori' se tatha 'maauris di brogli' (luee di brogli ke bhaee) se 'eks-re' ke bare men kuchh sikha jae. maidam kyoori ki prayogashala men bos ne kuchh jatil ganitiy gananaen to kin parntu rediyodharmita ke adhyayan ka sapana adhoora rah gaya. maauris di brogli ke sath bos ka anubhav achchha raha. brogli se inhonne eks-re ki nee takanikon ke bare men sikha.
satyendranath bos
aktoobar, 1925 men bos ne barlin jane ka vichar banaya jisase ve apane 'mastar' se mil saken. bos ainstain ko 'mastar' kah kar sambodhit karate the. vastav men bos ainstain ke sath kam karana chahate the. jab bos barlin pahunche to unhen nirasha huee kyonki ainstain shahar se bahar ge hue the. kuchh samay ke bad ainstain vapas ae aur bos se mulakat ki. bos ke shabdon men 'yah ek dilachasp mulakat thi. unhonne sabhi tarah ke prashn poochhe jaise apako (bos) ek nee sankhyiki ka vichar kaise aya aur isaka kya mahattv hai adi.' bos ko ainstain ke sath kam karane ka avasar to nahin mila par unase huee kee mulakaton se bos ko bahut labh hua. ainstain ne unhen ek parichay patr bhi diya jisane bos ke lie bahut sare daravaze khol die.

plank ke niyam se prativad

satyendr nath bos ne Planck’s black body radiation law ka gahan adhyann kiya aur blaik baaudi redieshan ki photon gais ke roop men pahachan ki. unhonne meks plank jinhonne kvantam mekeniks ki rachana ki, ke blaik baaudi rediyeshan niyam men lait kvanta ya photon gais ko lekar prativad tha jisako lekar ainsatain bhi asahamat the. yah samay tha 1920 ka jab kvantam mekeniks men yah gutthi ki tarah thi, kvantam mekeniks ke vikas ho to raha tha lekin gati behad dhimi thi kyonki kahin n kahin planks ke niyam ko agale charan tak le jana tha. usi samay bharat men dhaka vishvavidyalay ke ek prophesar satyedr nath bos, kvantam mekeniks ke adhyann men ae aur unhonne 1924 ko ek char prishth ke riserch pepar likha jisaka shirshak tha ‘Planck’s Law and the Hypothesis of Light Quanta (1924)’ jo aj maaudarn kvantam mekeniks aur kanon se judi kisi bhi khoj, adhyayan ka adhar hai. satyendr nath ka yah riserch pepar age chalakar bos–ainstin stetiks aur bos–ainstin kanadenaset (ek tarah ki stet aauph maitar) ke roop men badala jisaki khoj satyendr nath bos aur ainstin ne khud milakar ki. unake bare men likha gaya ki “Bose entered the quantum arena and set out to derive Plancks law treating radiation as a gas consisting of photons. What Bose had essentially introduced was a new counting rule for the states of a gas of photons – or the quanta of light – that explained Plancks law of thermal radiation at one stroke.”[2]

bos ka shodhapatr

1924 men satyendr nath bos ne ek shodh patr taiyar kiya jisaka nam unhone ‘Planck’s Law and the Hypothesis of Light Quanta’ diya. vaigyanik paribhasha men kahe to “ Bose derived Planck’s quantum radiation law without any reference to classical physics by using a novel way of counting states with identical particles.” sadharan taur par kahe to bos ne apane tariqe se plank ke niyam ki nayi vyutpatti di. bos ke is tariqe ne bhautik vigyan ko ek bilakul hi nayi avadharana se parichit karaya. bos ne kvantam fiziks stadi ne ek nee niv rakh thi jo us samay se lekar aj tak sabhi kanon ke khojon ka adhar rahi hain jisaka taza udaharan hings bosaaun kan ki khoj hai. 1924 men jab bos ne ‘Planck’s Law and the Hypothesis of Light Quanta’ ko taiyar kar liya to ise unhone duniya ki jani mani vigyan shodh patrika ‘philasaauphikal maigajin’ men prakashit hone ke lie bheja. lekin unaka shodhapatr prakashit nahin hua. kuchh samay bit janate ke bad bos ne phir ainstin ko sidhe yah shodhapatr bhejane ka ek mahatvapoorn nirnay liya aur barlin men sidhe ‘Planck’s Law and the Hypothesis of Light Quanta’ ko bheja aur ainstin ko is par vichar prakat karane aur ise jarman men anuvad kar ‘Zeitschrift fur Physik’ vigyan patrika men prakashit karane ka nivedan kiya. unaka patr is prakar tha

I have ventured to send you the accompanying article for your perusal and opinion. I am anxious to know what you think of it. You will see that I have tried to deduce the coefficient 8pv2/c3 in Plancks Law Independent of classical electrodynamics, only assuming that the elementary regions in the phase-space has the content h3. I do not know sufficient German to translate the paper. If you think the paper worth publication I shall be grateful if you arrange for its publication in Zeitschrift fur Physik. Though a complete stranger to you, I do not feel any hesitation in making such a request. Because we are all your pupils though profiting only by your teachings through your writings. I do not know whether you still remember that somebody from Calcutta asked your permission to translate your papers on Relativity in English. You acceded to the request. The book has since been published. I was the one who translated your paper on Generalised Relativity.

bos ka shodh behad mahatvapoorn tha aur ainstin ne is bat ko samajha. is shodhapatr ko ainstin ne svayn jarman bhasha men anudit kiya tatha apani tippani ke sath ‘Zeitschrift fur Physik’ men agast 1924 men prakashit karavaya. ainstin ne is shodhapatr ke sambndh men bos ko ek postakard bhi bheja tha jo bos ke lie us samay ek khas chiz thi.

ainstin se mulaqat

satyendr nath bos ke samman men jari dak tikat

1924 ke bad bos ainstin ke sidhe snpark men ae aur ainstin ne bhi bos ke sath kary karane ki ikchha ichchha jataee. 1924 ke bad bos bharat ke bahar jakar shodh kary karana chahate the, bos ne vishesh agrah kar ainstin se prashnsa patr ko dhaka vishvavidyalay men sammalit kar do varsh ke lie avakash prapt kiya aur yoorop ke lie ravana huye. aktoobar, 1924 men satyendranath yoorop pahunche. bos pahale ek varsh peris men rahe. phrans men rahate hue bos ne ‘rediyodharmita’ men ‘maidam kyoori’ ke sath tatha ‘maauris di brogli’ (luee di brogli ke bhaee) men ’eks-re’ shodh men sath men kam kiya. maidam kyoori ki prayogashala men bos ne kuchh jatil ganitiy gananaen to kin parntu rediyodharmita ke shodh par adhik kary nahin kar paye. maauris di brogli ke sath bos ka anubhav behad achchha raha. brogli se inhonne eks-re ki nee takanikon ke bare men sikha. aktoobar 1925 men ve barlin ge aur akhir men ainstin se pahali bar vyaktigat taur par mile. yah mulaqat bos aur ainstin donon ke lie khas thi. isi samay bos – ainstin stetiks aur bos – ainstin kanadenaset ( ek tarah ki stet aauph maitar ) snkalpana huyi. bos – ainstin stetiks adhyann ke dauran paaul diyarik, ainstin aur satyendr nath bos ne sath men kary kiya. isi samay ek vishesh tarah ki kanon ki khoj huyi. is kan ka nam satyendr nath bos ke nam par rakhane ka phaisala liya aur kan ka nam bosaaun rakha gaya.

bosaaun aur pharmiyan

aj bhautiki men kan do prakar ke hote hain ek bosaaun aur doosare pharmiyan. bosaaun yani photaaun, gluaaun, gej bosaaun (photon, prakash ki mool ikaee) aur pharmiyan yani kvark aur leptaaun evn snyojit kan protaaun, nyootraaun, ilektraaun ( charj ki mool ikaee) . yah vartaman bhautiki ka adhar hain. vartaman men bos – ainstin stetiks adhar hain staindard maaudal aauph partikal fiziks. vartaman men jo bhi anu bhautiki se jude hain sabhi ki sabhi shodhon ka adhar kahin n kahin bos – ainstin sankhyiki hain. ek vaigyanik ne bos ke bhautiki men sthan ke bare men kaha hain “You Don’t Know Who He Was? Half the Particles in the Universe Obey Him! ”[2]

kolakata vishvavidyalay

bos sanh 1926 se 1945 tak dhaka men rahe parntu shodhapatron ka prakashan kram pahale ki bhanti nahin raha. aisa shayad isalie raha kyonki bos ki dilachaspi ek samasya se doosari samasya men parivartit hoti rahi. sanh 1945 men bos kolakata vapas a ge aur kolakata vishvavidyalay men bhautiki ke prophesar pad par niyukt ho ge.

shantiniketan men

bos 1956 men kalakatta vishvavidyalay se sevanivritt hokar shanti niketan chale ge. shanti niketan kavi ravindranath taigor dvara sthapit kiya gaya tha. taigor satyendr nath bos se achchhi tarah parichit the tatha unhonne apani pustak 'vishv parichay' bhi bos ko samarpit ki thi. parntu purane logon ne bos ko pasnd nahin kiya jisase bos ko bahut nirasha huee aur 1958 men unhen kalakatta vapas lautana pada. isi varsh bos ko raauyal sosayati ka phailo chuna gaya aur isi varsh unhen rashtriy prophesar niyukt kiya gaya. bos agale 16 barason tak (mrityuparynt) is pad par bane rahe.

kala aur sngit premi

isaraj bajate hue satyendr nath bos

satyendr nath bos lalit kala aur sngit premi the. bos ke mitr batate the ki unake kamare men kitabon, ainstin, raman adi vaigyanikon ke chitr ke alava ek vady yntr yasaraj hamesha rahata tha. bos isaraj aur bansuri bajaya karate the. parntu isaraj to kisi visheshgy ki tarah bajate the. bos ke sngit prem ka dayara lok sngit, bharatiy sngit se lekar pashchath sngit tak phaila hua tha. pro. dhurajati das bos ke mitr the. jab pro. das bharatiy sngit par pustak likh rahe the, tab bos ne unhen kafi sujhav die the. pro. das ke anusar bos yadi vaigyanik nahin hote to vah ek sngit guru hote.

bos ki prerana

ni:sndeh ainstain hi bos ke jivan ki prerana the. kahate hain jab bos ko ainstain ki mrityu ka samachar mila tha to vah bhavuk hokar ro pade the. ainstain vigyan ke kshetr ke mahanayak the aur bos unamen eeshvar ki tarah shraddha rakhate the.

nidhan

san 1974 men bos ke samman men kalakatta vishvavidyalay ne ek antarrashtriy sngoshthi ka ayojan kiya. jisamen desh-videsh ke kee vaigyanik sammilit hue. is avasar unhonne kaha "yadi ek vyakti apane jivan ke anek varsh sngharsh men vyatit kar deta hai aur ant men use lagata hai ki usake kary ko saraha ja raha hai to phir vah vyakti sochata hai ki ab use aur adhik jine ki avashyakata nahin hai." aur kuchh hi dinon ke bad 4 faravari, 1974 ko satyendr nath bos sachamuch hamare bich se hamesha ke lie chale ge.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. higs bosaaun ka asali devata: satyendr nath basu (hindi) saintiphik varld. abhigaman tithi: 7 navambar, 2013.
  2. 2.0 2.1 hings bosaaun aur satyendr nath bos (hindi) prabhav daaut oaraji. abhigaman tithi: 7 navambar, 2013.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah