एस. आर. रंगनाथन  हिन्दी देवनागरी में पढ़ें।

es. ar. rnganathan
es. ar. rnganathan
poora nam shiyali ramamrita rnganathan
janm 9 agast, 1892
janm bhoomi madras
mrityu 27 sitnbar, 1972
mrityu sthan bngalaur
karm bhoomi bharat
karm-kshetr lekhak, shikshak, ganitgy, pustakalayadhyaksh
mukhy rachanaen 'qlasifaid kaitelaaug kod', 'prolegomena tu laibreri qlasifikeshan', 'thyori aauf laibreri kaitelaaug' adi.
shiksha bi. e , em. e. (ganit)
vidyalay madras krishchiyan kaaulej
puraskar-upadhi 'padmashri' (1957)
vishesh yogadan pustakalay vigyan ke lie rnganathan ka pramukh takaniki yogadan vargikaran aur anukramanikaran (indeksing) siddhant tha.
nagarikata bharatiy
any janakari pustakalay vigyan ke lie es. ar. rnganathan ka pramukh takaniki yogadan, vargikaran aur anukramanikaran siddhant tha. unake kaaulan qlasifikeshan (1933) ne aisi pranali shuroo ki, jise vishv bhar men vyapak roop men istemal kiya jata hai.
adyatan‎

shiyali ramamrita rnganathan (angrezi: Siyali Ramamrita Ranganathan, janm- 9 agast, 1892, madras; mrityu- 27 sitnbar, 1972, bngalaur) vikhyat ganitgy, pustakaladhyaksh aur shikshashastri the, jinhen bharat men pustakalay vigyan ka adhyaksh v janak mana jata hai. es. ar. rnganathan ne kolan vargikaran tatha klasifaid ketalaaug kod banaya. pustakalay vigyan ko mahatv pradan karane tatha bharat men isaka prachar-prasar karane men unaka sakriy yogadan tha.

parichay

es. ar. rnganathan ka janm 9 agast, 1892 ko shiyali, madras (vartaman chennee) men hua tha. unaki shiksha shiyali ke hindoo haee skool, madras krishchayan kaaulej men (jahan unhonne 1913 aur 1916 men ganit men bi.e. aur em.e. ki upadhi prapt ki) aur tichars kaaulej, seedapett men huee. 1917 men ve govarnament kaaulej, mngalor men niyukt kie ge. bad men unhonne 1920 men govarnament kaaulej, koynbatoor aur 1921-1923 ke dauran prejidensi kaaulej, madras vishvavidyalay men adhyapan kary kiya. 1924 men unhen madras vishvavidyalay ka pahala pustakalayadhyaksh banaya gaya aur is pad ki yogyata hasil karane ke lie ve yoonivarsiti kaaulej, lndan men adhyayan karane ke lie inglaind ge. 1925 se madras men unhonne yah kam poori lagan se shuroo kiya aur 1944 tak ve is pad par bane rahe.

1945-1947 ke dauran es. ar. rnganathan ne banaras hindoo vishvavidyalay men pustakalayadhyaksh aur pustakalay vigyan ke pradhyapak ke roop men kary kiya v 1947-1954 ke dauran unhonne dilli vishvavidyalay men padhaya. 1954-1957 ke dauran ve jyoorikh, svitjaralaind men shodh aur lekhan men vyast rahe. isake bad ve bharat laut ae aur 1959 tak vikram vishvavidyalay, ujjain men atithi pradhyapak rahe. 1962 men unhonne bngalor men pralekhan anusndhan evn prashikshan kendr sthapit kiya aur isake pramukh bane aur jivanaparynt isase jude rahe. 1965 men bharat sarakar ne unhen pustakalay vigyan men rashtriy shodh pradhyapak ki upadhi se sammanit kiya.

yogadan

pustakalay vigyan ke lie es. ar. rnganathan ka pramukh takaniki yogadan vargikaran aur anukramanikaran (indeksing) siddhant tha. unake kaaulan qlasifikeshan (1933) ne aisi pranali shuroo ki, jise vishv bhar men vyapak roop men istemal kiya jata hai. is paddhati ne devi dashamalav vargikaran jaisi purani paddhati ke vikas ko prabhavit kiya. bad men unhonne vishay anukramanikaran pravishtiyon ke lie 'shrinkhala anukramanikaran' ki takanik taiyar ki.

sanh 1924 ke poorv bharat men granthalay vyavasay, baboogiri aur gharon men granthon tatha granth jaisi vastuon ko rakhane ka dhandha matr hi samajha jata tha. yah sanh 1924 ka samay tha, jab bharat ke granthalayi drishy par daau. rnganathan ka agaman hua. ve pratham vishvavidyalayiy pustakalayadhyaksh the, jo madras vishvavidyalay men niyukt kiye gaye the. unhonne apane jivan ke pratham 25 varshon ke dauran apane ko ekal-anusndhan men tallin karake tatha shesh 25 varshon men dal anusndhan ka sngathan karake bharat men granthalayi drishy ko pahale parivartit kiya. apane pustakalayi vyavasay ke 48 varshon ke dauran, unhonne bharat men granthalay vyavasay ki unnati ke lie ek mahan bhoomika nibhaee. bharat ke pratham rashtrapati daau. rajendr prasad ne daau. rnganathan ke 71ven janm varshaganth ke avasar par badhaee dete huye likha tha- "daau. rnganathan ne n keval madras vishvavidyalay granthalay ko sngathit aur apane ko ek maulik vicharak ki tarah prasiddh kiya apitu sampoorn roop se desh men granthalay chetana utpann karane men sadhak rahe. vigat 40 varshon ke dauran unake kary aur shiksha ka hi parinam hai ki bharat men granthalay vigyan tatha granthalay vyavasay uchit pratishtha prapt kar saka.

es. ar. rnganathan ne atyadhik srijanatmak utsah ke sath kary kiya. unhonne svayn ke vicharon ko vikasit kiya. unhonne bar-bar pustaken v shodh-patr likhe. unhonne jan-granthalay vidheyakon ka masauda taiyar kiya aur rashtriy tatha antarrashtriy kriyakalapon ko protsahit kiya tatha sahayog diya. daau. rnganathan ne bharat men kee vyaktigat visheshataon ke dvara pustakalay vyavasay ko protsahit kiya, jaise- prajanak lekhak, vargikaranachary aur vargikaranakartta, soochikaranakartta, sngathanakartta, adhyapak-shikshak-guru, data, sabhapati, adhyaksh, salahakar, sadasy, pralekhanagyata ityadi.

kritiyan

es. ar. rnganathan ki any kritiyon men pramukh nimnalikhit hain-

  1. qlasifaid kaitelaaug kod (1934)
  2. prolegomena tu laibreri qlasifikeshan (1937)
  3. thyori aauf laibreri kaitelaaug (1938)
  4. eliments aauf laibreri qlasifikeshan (1945)
  5. qlasifikeshan aind intaraneshanal daaukyoomenteshan (1948)
  6. qlasifikeshan aind kamyunikeshan (1951)
  7. hedings aind kainans (1955)


unaki 'faiv laauz aauf laibreri sains' (1931) ko pustakalay seva ke adarsh evn nirnayak kathan ke roop men vyapak roop se svikrit kiya gaya. unhonne rashtriy aur kee rajy stariy pustakalay pranaliyon ki yojanaen taiyar kin. kee patrikaen sthapit aur snpadit kin aur kee vyavasayik samitiyon men sakriy rahe.

vargikaran aur daau. rnganathan

yah daau. rnganath the, jinhonne vargikaran ki ek navin kism 'svatantranmukh, vishleshanatmak-snshleshaniy vargikaran' ka nirman kiya, jo n keval phalak vyavasthapan ke lie hi apitu anukramanika taiyar karane, adi ke lie bhi mukt-knth roop se svikar ki gayi. vargikaran ke kshetr men daau. rnganathan ka sarvadhik yogadan dvibindu vargikaran hai, jo sarvapratham sanh 1933 men prakashit hua. dvitiy snskaran 1939 men, tritiy 1950 men, chaturth 1952 tatha pncham 1957 v shashtham 1960 men prakashit hue aur saptam snskaran abhi bhi anishchitata ke mod par hai. daau. rnganathan keval vargikaranachary ke roop men hi nahin, apitu ek vargakar ke roop men bhi jane jate hain. sanh 1946-47 ke dauran jab ve kashi hindoo vishvavidyalay ke granthalay vigyan ke prophesar tatha pustakalayadhyaksh the, unhonne apani vargikaran yojana ke anusar vishvavidyalay granthalay ke lagabhag ek lakh granthon ka phir se vargikaran lagabhag 18 mahinon ke alp samay men kiya. is kary ke liye unhonne apane hi diye gaye niyam (upasootr) parasaran ka niyam ki sahayata li. mahattvapoorn bat yah rahi ki yah sab kuchh unhonne apane uttaradayitvapoorn karyon, jaise- pathan kary, prashasanik karyon adi ka palan karate huye apani 56 varsh ki avastha men kiya.

mrityu

es. ar. rnganathan jaise mahanh pustakaladhyaksh aur shikshashastri ki mrityu 27 sitambar, 1972, bngalor men huee.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah