मन्नत्तु पद्मनाभन  हिन्दी देवनागरी में पढ़ें।

mannattu padmanabhan
mannattu padmanabhan
poora nam mannattu padmanabhan
janm 2 janavari, 1878
janm bhoomi chnganasheri ganv, kottayam zila, keral
mrityu 25 faravari, 1970
karm bhoomi bharat
karm-kshetr samaj sudharak
shiksha vakalat
puraskar-upadhi padmabhooshan (1966)
vishesh yogadan nayar samaj men vyapt andh vishvas aur pakhandata ko door karane ke lie mannattu padmanabhan ne 'nayar sarvis sosaiti' namak ek snstha ki sthapana ki thi.
nagarikata bharatiy

mannattu padmanabhan (angrezi: Mannathu Padmanabhan, janm- 2 janavari, 1878 ee. - mrityu- 25 faravari, 1970 ee.) keral ke prasiddh samaj sudharakon men se ek the. ghar ki arthik sthiti thik nahin thi. kee kathinaiyon ka samana karate hue inhonne majistreti ki pariksha pas ki thi, jisase vakalat shuroo kar saken. us samay nayar samaj men jo andh vishvas aur pakhand vyapt tha, use door karane ke lie mannattu padmanabhan ne 'nayar sarvis sosaiti' namak ek snstha ki sthapana ki thi. keral ka bharat men vilay karane ke andolan men unhen 68 sal ki umr men jel bhi jana pada. bahumukhi seva karyon ke lie inhen 1966 men 'padmabhooshan' samman pradan kiya gaya tha.

jivan parichay

keral ke prasiddh samaj sudharak mannattu padmanabhan ka janm 2 janavari, 1878 ee. ko kottayam zile ke chnganasheri ganv men ek garib nayar parivar men hua tha. pyar se log unhen 'mannam' kahate the. ghar ki arthik sthiti thik n hone aur unake janm ke kuchh mahine bad hi mata-pita men sambandh vichchhed ho jane ke karan mannam ka bachapan bade abhav ki sthiti men bita. shiksha bhi poori nahin kar pae. 16 varsh ki umr men panch rupaye pratimah vetan par mannam ne ek praimari skool men adhyapak ka kam arambh kiya aur das varshon tak is pad par rahe.

vyavasay

isake bad mannattu padmanabhan ne vakalat karane ka nishchay kiya. us samay majistreti ki pariksha pas karane par vakalat kar sakate the. unhonne pariksha pas ki aur vakalat karane lage. panch rupaye pratimah vetan ke sthan par ab unaki amadani char sau rupaye pratimah hone lagi. ab mannam ne apane nayar samaj ki or dhyan diya.

samaj sudhar kary

samaj men andh vishvas, adnbar aur pakhnd adi ka bolabala tha. vivah sambandhi anek anuchit prathaen prachalit thin. in sab karanon se kisi samay ka unnat nayar samaj badi din-hin dasha ko pahunch chuka tha. mannattu padmanabhan ne is sthiti ko sudharane ke lie apane kuchh sahayogiyon ke sath 1914 ee. men 'nayar sarvis sosaiti' namak ek snstha banaee. arambh se hi mannam is snstha ke sachiv the. phir unhonne apani vakalat bhi chhod di aur poora samay sosaiti ke karyon men laga diya. unake prayatn se nayar samaj ki anek buraiyan door hueen. samaj ke anek doshon ko door karane ke lie unhen sarakar se qanoon banavane men bhi saphalata mili. parantu mannam ka karyakshetr keval nayar jati sudhar tak hi simit nahin tha. unhonne chhuachhoot ki kupratha ko door karane men bhi age badhakar bhag liya. pahale 'avarnon' ko nayar sosaiti ke mandiron men pooja karane ka adhikar pradan kiya gaya. phir gandhi ji ki anumati lekar any mandiron men harijan pravesh ke lie satyagrah kiya. phalasvaroop 1936 men travanakor ke maharaja ne sabake lie mandir khol diye.

shiksha tatha svasthy seva

mannattu padmanabhan ke samman men jari dak tikat

apane samajaseva ke kary men mannattu padmanabhan ne shiksha tatha svasthy sevaon ko bhi sammilit kiya. unhonne keral ke anek bhagon men vidyalayon ki sthapana ki. keral ka bharat men vilay karane ke andolan men unhen 68 sal ki umr men jel bhi jana pada tha. 1948 men ve rajy vidhan sabha ke sadasy bane. svatntrata ke bad keral men bani pratham samyavadi sarakar ke janavirodhi karyon ka unhonne itana zoradar virodh kiya ki sarakar ko satta chhodani padi thi. is andolan ke bad mannam bharat kesari ke nam se bhi vikhyat hue.

samman

mannattu padmanabhan ke bahumukhi seva karyon ke samman men bharat sarakar ne 1966 men unhen 'padmabhooshan' se alnkrit kiya tha.

nidhan

malayalam bhasha ke lekhak ke roop men bhi unaki khyati thi. sadharan sthiti men janma vyakti bhi apane samaj aur desh ki kitani seva kar sakata hai, padmanabhan ka jivan isaka udaharan hai. 25 faravari, 1970 ko unaka dehant ho gaya.

 

panne ki pragati avastha
adhar
prarambhik
madhyamik
poornata
shodh

tika tippani aur sndarbh

bharatiy charit kosh |lekhak: liladhar sharma 'parvatiy' |prakashak: shiksha bharati, madarasa rod, kashmiri get, dilli |prishth snkhya: 598 |


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah