ईश्वर चन्द्र विद्यासागर  हिन्दी देवनागरी में पढ़ें।

eeshvar chandr vidyasagar
eeshvar chandr vidyasagar
poora nam eeshvar chandr vidyasagar
janm 26 sitambar, 1820
janm bhoomi pashchim bngal
mrityu 29 julaee, 1891
mrityu sthan kolakata
abhibhavak thakuradas bandhopadhyay aur bhagavati devi
nagarikata bharatiy
prasiddhi svadhinata senani, shikshashastri aur samaj sudharak
vishesh yogadan eeshvar chandr vidyasagar ke anavarat prachar ka hi natija tha ki 'vidhava punarvivah qanoon-1856' parit ho saka.
any janakari apane varsh 1848 men vaital pnchavinshati namak bngala bhasha ki pratham gady rachana ka prakashan kiya tha.

eeshvar chandr vidyasagar (angrezi: Ishwar Chandra Vidyasagar; janm- 26 sitambar, 1820, pashchim bngal; mrityu- 29 julaee, 1891, kolakata) bharat ke prasiddh samaj sudharak, shiksha shastri v svadhinata senani the. ve garibon v daliton ke snrakshak mane jate the. unhonne stri-shiksha aur vidhava vivah par kafi zor diya. eeshvar chandr vidyasagar ne 'metropolitan vidyalay' sahit anek mahila vidyalayon ki sthapana karavayi tatha varsh 1848 men vaital pnchavinshati namak bngala bhasha ki pratham gady rachana ka bhi prakashan kiya. naitik moolyon ke snrakshak aur shikshavid vidyasagar ji ka manana tha ki angrezi aur snskrit bhasha ke gyan ka samanvay karake hi bharatiy aur pashchaty parnparaon ke shreshth ko hasil kiya ja sakata hai.

janm tatha shiksha

eeshvar chandr vidyasagar ka janm 26 sitambar, 1820 ko pashchimi medinipur zila, pashchim bngal men ek nirdhan dharmik parivar men hua tha. inake pita ka nam thakuradas bandhopadhyay tha aur mata bhagavati devi thin. inaka bachapan behad garibi men vyatit hua tha. ganv ke skool se hi prarambhik shiksha prapt karane ke bad chh: varsh ki ayu men hi eeshvar chandr pita ke sath kalakatta (vartaman kolakata) a gaye the. vah koee bhi chiz bahut jaldi sikh jate the. utkrisht shaikshik pradarshan ke karan unhen vibhinn snsthanon dvara kee chhatravrittiyan pradan ki gee thin. ve uchchakoti ke vidvanh the. unaki vidvata ke karan hi unhen 'vidyasagar' ki upadhi di gee thi.[1]

vyavasayik jivan ki shuruat

apane parivar ko arthik sahayata pradan karane ke uddeshy se hi eeshvar chandr vidyasagar ne adhyapan kary prarnbh kiya. varsh 1839 men eeshvar chandr ne saphalata poorvak apani qanoon ki padhaee snpann ki. varsh 1841 men matr ikkis varsh ki ayu men unhonne snskrit ke shikshak ke taur par 'fort viliyam kaaulej' men padhana shuroo kar diya. panch sal bad 'fort viliyam kaaulej' chhodane ke pashchath eeshvar chandr vidyasagar 'snskrit kaaulej' men bataur sahayak sachiv niyukt hue. pahale hi varsh unhonne shiksha padvati ko sudharane ke lie apani sipharishen prashasan ko saup din. lekin unaki riport ne unake aur tatkalin kaaulej sachiv rasomay datta ke bich takarar utpann kar di, jisaki vajah se unhen kaaulej chhodana pada. lekin 1849 men eeshvar chandr vidyasagar ko sahity ke profesar ke roop men 'snskrit kaaulej' se ek bar phir judana pada. isake bad 1851 men vah is kaaulej ke pradhanachary niyukt kie ge, lekin rasomay datta ke atyadhik hastakshep ke karan eeshvar chandr vidyasagar ko 'snskrit kaaulej' se tyagapatr dena pada, jisake bad vah pradhan lipik ke taur par dobara 'fort viliyam kaaulej' men shamil hue.[1]

samaj sudhar

apane samaj sudhar yogadan ke antargat eeshvar chandr vidyasagar ne deshi bhasha[2] aur ladakiyon ki shiksha ke lie skoolon ki ek shrinkhala ke sath hi kalakatta men 'metropaaulitan kaaulej' ki sthapana bhi ki. unhonne in skoolon ko chalane men ane vale kharch ka bida uthaya aur apani bngali men likhi gee kitabon, jinhen vishesh roop se skooli bachchon ke lie hi likha gaya tha, ki bikri se phnd arjit kiya. ye kitaben hamesha bachchon ke lie mahattvapoorn rahin, jo shatabdi ya usase bhi adhik samay tak padhi jati rahin. jab vidyasagar ji kalakatta ke snskrit kaaulej ke pradhanachary banaye ge, tab unhonne kaaulej sabhi jati ke chhatron ke lie khol diya. ye unake anavarat prachar ka hi natija tha ki 'vidhava punarvivah qanoon-1856' akhirakar parit ho saka. unhonne ise apane jivan ki ek mahattvapoorn upalabdhi mana tha. vidyasagar ji ne apane ikalaute putr ka vivah bhi ek vidhava se hi kiya. unhonne 'bahupatni pratha' aur 'bal vivah' ke khilaf bhi sngharsh chheda.

prerak prasng

eeshvar chandr vidyasagar ki vinamrata evn snskarashilata ki prashnsa sarvatr hoti thi. yahi nahin deshabhakti ki bhavana bhi unamen atma ki gaharaee tak vidyaman thi. isi vajah se ve sabhi ki shraddha ke patr the. unase sambandhit kuchh prerak prasng is prakar hain-

  • bat un dinon ki hai jab eeshvarachandr vidyasagar 'snskrit kaaulej' ke achary the. ek bar vidyasagar ji kisi kary se 'president kaaulej' ke angrez achary kair se milane ge. jab vidyasagar ji ne kair ke kamare men pravesh kiya to unaka svagat karana to door, kair joote pahane mej par pair phailae baitha raha. eeshvar chandr vidyasagar ko ye sab bada apriy laga, kintu ve chupachap is apaman ko sahan kar ge aur avashyak charcha kar vapas laut ae. is ghatana ke kuchh dinon bad kisi kam se kair bhi vidyasagar ke kaaulej aya. unhen dekhakar vidyasagar ji ne chappalon sahit apane pair uthakar mej par phaila lie aur aram se kursi par baithe rahe. unhonne kair se baithane ke lie bhi nahin kaha. kair ne unake is vyavahar ki shikayat likhit roop se shiksha parishad ke sachiv daau. muat se ki. tab daau. muat kair ko lekar vidyasagar ke pas ge aur unase karan poochha. is par vidyasagar ji ne kaha- "ham bharatiy angrezon se hi yooropiy shishtachar sikhate hain. jab main inase milane gaya tha to ye isi tarah baithe the. mainne ise yooropiy shishtachar samajha aur isaka anusaran kiya. inhen naraj karane ka mera koee irada nahin tha." kair ne sharmida hokar vidyasagar ji se kshama mangi.[3]
  • ek bar eeshvar chandr vidyasagar ko inglaind men ek sabha ki adhyakshata karani thi. unake bare men yah mashahoor tha ki unaka pratyek kary ghadi ki suee ke sath poorn hota hai arthath ve samay ke bahut pabnd the. ve logon se bhi yahi apeksha rakhate the ki ve apana kary samay par karen. vidyasagar ji jab nishchit samay par sabha bhavan pahunche to unhonne dekha ki log sabha bhavan ke bahar ghoom rahe hain aur koee bhi andar nahin baitha hai. jab unhonne isaka karan poochha to unhen bataya gaya ki saphaee karmachariyon ke n ane ke karan abhi bhavan ki saphaee nahin huee hai. yah sunate hi vidyasagar ji ne ek kshan bhi bina gnvae jhadoo utha li aur saphaee kary prarambh kar diya. unhen aisa karate dekh upasthit logon ne bhi kary shuroo kar diya. dekhate hi dekhate sabha bhavan ki saphaee ho gee aur sara farnichar yathasthan laga diya gaya. jab sabha arnbh huee to eeshvar chandr vidyasagar bole- "koee vyakti ho athava rashtr, use svavalnbi hona chahie. abhi ap logon ne dekha ki ek-do vyaktiyon ke n ane se ham sabhi pareshan ho rahe the. snbhav hai ki un vyaktiyon tak is kary ki soochana n pahunchi ho ya phir kisi dikkat ke karan ve yahan n pahunch sake hon. kya aisi dasha men aj ka karyakram sthagit kar diya jata? yadi aisa hota to kitane vyaktiyon ka aj ka shram aur samay vyarth ho jata. sar yah hai ki pratyek vyakti ko svavalnbi hona chahie aur vakt padane par kisi bhi kary ko karane men snkoch nahin karana chahie."[4]
  • yah prasng british hukoomat se juda hai. bngal men nil ki kheti karane vale angrezon, jinhen 'nil sahab' ya 'nilahe sahab' bhi kaha jata tha, ke atyachar bahut badh gaye the. logon ka jivan nark ban gaya tha. isi julm ke khilaf kahin-kahin avajen bhi uthane lagi thin. aisi hi ek avaj ko kalakatta rngamnch ke kuchh yuva kalakar bulndi ki or le jane ki koshish men the. ye kalakar apane natakon ke dvara angrezon ki barbarata ka mnchan logon ke bich kar virodh pradarshit karate rahate the. aise hi ek mnchan ke dauran in yuvakon ne eeshvar chandr vidyasagar ko bhi amntrit kiya. unaki upasthiti men yuvakon ne itana sajiv abhinay prastut kiya ki darshakon ke rongate khade ho gaye. visheshakar nilahe sahab ki bhoomika nibhane vale yuvak ne to apane charitr men pran dal diye the. abhinay itana sajiv tha ki vidyasagar ji bhi apane par kaboo nahin rakh sake aur unhonne apane pair se chappal nikal kar us abhineta par de mari. sara sadan bhauchakka rah gaya. us abhineta ne vidyasagar ji ke panv pakad lie aur kaha ki mera jivan dhany ho gaya. is puraskar ne mere abhinay ko sarthak kar diya. apake is prahar ne nilahon ke sath-sath hamari gulami par bhi prahar kiya hai. vidyasagar ji ne uth kar yuvak ko gale se laga liya. sare sadan ki ankhen ashrupoorit thin.[5]

nidhan

apani sahanashilata, sadagi tatha deshabhakti ke lie prasiddh aur ek shikshashastri ke roop men vishisht yogadan karane vale eeshvar chandr vidyasagar ka nidhan 29 julaee, 1891 ko kolakata men hua. vidyasagar ji ne arthik snkaton ka samana karate hue bhi apani uchch parivarik paramparaon ko akshunn banae rakha tha. snkat ke samay men bhi vah kabhi apane saty ke marg se nahin dige. unake jivan se jude anek prerak prasng aj bhi yuva varg ko prerana pradan karate hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 nari utthan ke samarthak, eeshvar chandr vidyasagar (hindi). . abhigaman tithi: 21 faravari, 2013.
  2. varnakyular ejukeshan
  3. asabhyata se sabhyata sikhaee vidyasagar ji ne (hindi). . abhigaman tithi: 21 faravari, 2013.
  4. svavalamban ka path (hindi). . abhigaman tithi: 21 faravari, 2013.
  5. eeshvar chandr vidyasagar (hindi). . abhigaman tithi: 21 faravari, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah