इंदुलाल याज्ञिक  हिन्दी देवनागरी में पढ़ें।

indulal yagyik
indulal yagyik
poora nam indulal yagyik
any nam indu chacha
janm 22 faravari, 1892
janm bhoomi kheda zila, gujarat
mrityu 17 julaee, 1972
abhibhavak kanhaiyalal
nagarikata bharatiy
prasiddhi rajanitigy
vidyalay 'gujarat kaaulej', ahamadabad; 'sent jeviyar kaaulej', mumbee
shiksha bi. e. aur el.el.bi
vishesh yogadan indulal yagyik ne alag gujarat rajy banane men mahattvapoorn bhoomika nibhaee thi.
any janakari indulal yagyik ne apani poori snpatti 'mahagujarat seva trast' ko dan kar di thi. yah bat unake vasiyataname men bhi darj thi.

indulal yagyik (angrezi: Indulal Yagnik; janm- 22 faravari, 1892, kheda zila, gujarat; mrityu- 17 julaee, 1972) 'bharatiy svatntrata sngram' men bhag lene vale pramukh karyakartaon men se ek the. ve gujarat pradesh ke nirmataon men se ek aur 'aaul indiya kisan sabha' ke neta the. unhonne 'gujarat vidyapith' ki sthapana ki yojana banaee thi. indulal yagyik gujarat ki satyagrah kameti ke sachiv bhi banaye ge the. varsh 1923 men unhen giraphtar karake yaravada jel men mahatma gandhi ke sath bnd kiya gaya tha. yah bat bhi ullekhaniy hai ki unhonne apani poori snpatti 'mahagujarat seva trast' ko dan kar di thi.

janm tatha shiksha

indulal yagyik ka janm 22 faravari, san 1892 ko gujarat ke kheda zile men hua tha. inake pita ka nam kanhaiyalal tha. indulal yagyik ne apani prarambhik shiksha kheda se hi prapt ki thi. varsh 1906 men haeeskool ki pariksha uttirn karane ke bad yagyik ji ne 'gujarat kaaulej', ahamadabad men pravesh le liya. yahan se intar pas karane ke bad ve mumbee a gaye aur phir yahan 'sent jeviyar kaaulej' se bi. e. ki digri prapt ki. isake bad unhonne el.el.bi. ki pariksha varsh 1912 men uttirn ki.

karyakshetr

indulal yagyik ke oopar arabindo ghosh aur eni besent ke vicharon ka adhik prabhav pada tha. apane vyavasayik jivan ke antargat ve patrakarita ke kshetr men ae the. unhonne gujarati patrika 'navajivan ane saty' ka aur shnkaralal bainkar ke sath 'yng indiya' ka prakashan arnbh kiya. bad men ye donon samachar patr rashtrapita mahatma gandhi ko saunp die ge the. indulal yagyik ne 'homarool lig andolan' men bhi bhag liya aur 'gujarat rajakiy parishad' ki sthapana ki. kishorilal masharoovala ke sath svadeshi ka prachar kiya aur 'gujarat vidyapith' ki sthapana ki yojana banaee. ve gujarat ki satyagrah kameti ke sachiv bhi banaye ge the. varsh 1923 men unhen giraphtar karake yaravada jel men mahatma gandhi ke sath bnd kiya gaya tha. jel se riha hone ke bad unake vicharon men bahut parivartan a gaya aur ve kisan sabha men sammilit ho ge. dvitiy vishvayuddh ke samay yuddh virodhi prachar karate hue ve phir se giraphtar hue the.

rajaniti

varsh 1956 men alag gujarat ki mang karate hue indulal yagyik lok sabha ke sadasy chune ge. yagyik svatntr vicharon ke vyakti the aur gandhiji tatha saradar patel se apana vichar bhed sarvajanik roop se prakat karane men unhen snkoch nahin tha.

gujarat ki mang

yagyik ji 1930-1931 men barlin, lndan aur ayaralaind ki yatra par bhi gaye the. vahan unhonne bharat ki azadi ke lie dilojan se kam kiya. ayaralaind men to unhonne apane jivan nirvah ke lie sigaret bechane tak ka kam kiya. varsh 1956 men 'mahagujarat janata parishad' ki sthapana huee thi. is parishad ka udadeshy mumbee prant ko vibhajit karake gujarati bhasha-bhashi abadi ke lie alag pradesh banana tha. yah andolan antat: saphal raha aur san 1960 men gujarat ek prithakh rajy ban gaya. usake bad indulal yagyik ne 'nootan gujarat janata parishad' banaya.

alag gujarat ka nirman koee asan kam nahin tha. phir bhi yah kam hua to sirf yagyik jaise netaon ke karan. indulal yagyik ke vicharon men nirbhikata thi. ve svatntr vicharon ke the. vah kabhi kisi neta ke andhabhakt nahin bane. samay-samay par unhonne shirsh netritv ke khilaf bhi virodh ka jhnda khada kiya tha. unake jivan men 1958-1959 ki ek ghatana ka zikr midiya men aya tha. alag gujarat pradesh ki mang ko lekar andolan chal raha tha, jisake sootradhar yagyik ji the. sarakar ne is andolan ko dabane ki kafi koshish ki, lekin indulal yagyik ne apani lokapriyata ke bal par ahamadabad men janata karfyoo lagava diya. usi samay vahan javaharalal neharoo aur moraraji desaee ki sabhaen honi thin. un sabhaon men jane ke lie janata karfyoo ke karan log apane gharon se nahin nikale. antat: 1960 men alag gujarat ki mang man li gayi.[1]

lokasabha sadasy

'mahagujarat janata parishad' ke ummidavar ke roop men indulal yagyik 1957 men ahamadabad se lokasabha ke sadasy chune gaye the. isake bad varsh 1962 men ve 'nootan gujarat janata parishad' ke ummidavar ke roop men lokasabha ke lie chune gaye. phir varsh 1967 aur 1971 men bhi ve lokasabha ke sadasy chune gaye.

sampatti ka dan

indulal yagyik ne apani poori snpatti 'mahagujarat seva trast' ko dan kar di thi. yah bat unake vasiyataname men bhi darj thi. unake nidhan ke bad sahakarita baink ke sef dipaaujit men mile vasiyataname ke anusar unake pas tab baink men kul jama rashi 17 hazar, 614 rupaye thi. yagyik ji ne apani pustakon ki raauyalti, daphtar ka pharnichar tatha samast chal aur achal snpatti trast ko de dene ka phaisala kar liya tha.

nidhan

17 julaee, 1972 ko indulal yagyik ka nidhan hua. unake nidhan ke bad akhabaron ne likha tha ki- "50 varshon ka 'yagyik yug' samapt ho gaya.' indulal yagyik un thode se netaon men the, jinake nam ke sath 'yug' shabd juda tha. unake nidhan ke bad gujarat ke am logon men vihvalata unaki lokapriyata ka praman thi. gujarati jan-jivan men mahatma gandhi aur saradar patel ke bad indulal yagyik jitane adhik lokapriy the, utana koee doosara neta nahin hua. ve indu chacha ke nam se bhi jane jate the. unake nidhan ke bad jab unaka vasiyatanama, jisamen unhonne apani sari sampatti dan kar di thi, samane aya to gujarat ke log unake prati kritgyta se bhar uthe the.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. gujarat nirmata ki yad men (hindi). . abhigaman tithi: 22 faravari, 2013.

bahari kadiyan

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah