प्यारेलाल खण्डेलवाल  हिन्दी देवनागरी में पढ़ें।

pyarelal khandelaval
pyarelal khandelaval
janm 6 aprail, 1929
janm bhoomi sihor zila, madhy pradesh
mrityu 6 aktoobar, 2009
mrityu sthan dilli
nagarikata bharatiy
prasiddhi rajanitigy
parti 'bharatiy janata parti'
bhasha hindi, angrezi
jel yatra satyagrah karate hue do bar ratalam aur indaur ki jel men rahe.
vishesh yogadan 'bharatiy janasngh' aur bad men 'bhajapa' ko, visheshakar madhy pradesh men, majaboot karane men apaka mahattvapoorn yogadan tha.

pyarelal khandelaval (angrezi: Pyarelal Khandelwal, janm- 6 aprail, 1929, madhy pradesh; mrityu- 6 aktoobar, 2009, dilli) 'bharatiy janata parti' ke varishth neta aur rajyasabha ke sansad the. ve ajivan 'rashtriy svaynsevak sngh' ke pracharak rahe the. 'bharatiy janasngh' aur phir usake bad bhajapa, visheshakar madhy pradesh men, ke parti sngathan ko khada karane men unaka mahattvapoorn yogadan tha. parti ke poorv rashtriy adhyaksh kushabhaoo thakare ke bad pyarelal khandelaval hi aise vyakti the, jinaka avibhajit madhy pradesh men gahan sampark tha. unhonne vivah nahin kiya aur ajivan avivahit rahe. kushabhaoo thakare ke sath khandelaval ne bhi karyakartaon ko antim samay tak snyam, dhairy aur sahishnuta ki sikh dete hue vicharadhara par dridhata se khade rahane ka path padhaya tha.

azadi ke lie sngharsh

pyarelal khandelaval ka janm 6 aprail, 1929 ko charamndali gram, sihor zila, madhy pradesh men hua tha. ve ek sadharan kisan parivar se sambandh rakhate the. paratntr bharat men janm lene vale pyarelal ji jab balyavastha men aye aur unhonne dekha ki desh angrezon ka gulam hain to ve bharat ki azadi ke lie prayatnashil ho uthe. matr gyarah varsh ki avastha men 1940 men rashtravadi dhyeyanisht sngathan 'rashtriy svaynsevak sngh' ke snpark men ane ke bad unhen apane jivan ka lakshy mil gaya. 'bharat mata' ke lie apana tan, man aur dhan samarpit karake unhonne jivan samarpan ki bhavana rakhakar apane chhatr jivan men hi sakriyata dikhaee. unhonne indaur men krantikariyon aur deshabhakton ke samooh, prajamndal dvara prakashit gupt parchon ka vitaran evn maheshvari vidyalay men vidyarthi andolan ko apana prakhar netritv pradan karate hue yah spasht kar diya ki ab bharat ki yuva shakti jagrit ho chuki hai. vandemataram ka nara lagane par kathor yatana aur beton ki saja milane ke bavajood bhi pyarelal ji 'bharat mata' ki aradhana men nirntar lage rahe. isi ke phalasvaroop age chalakar svatntr bharat ki rajaniti ko disha dene ka mahattvapoorn kary is intar pas yuva ke hathon hua tha.[1]

sngh ke pracharak

madhy pradesh men 'rashtriy svaynsevak sngh' ke vistar se lekar 'bharatiy janasngh' aur 'bharatiy janata parti' ki sthapana men unhonne paraspar poorak ki bhoomika ka nirvahan kiya. san 1948 men sngh ke pracharak ke roop men zimmedari lene ke bad pyarelal khandelaval ne kabhi pichhe mudakar nahin dekha. 'rashtriy svaynsevak sngh' ka kary karate hue ek varsh men hi do bar shasan ki nitiyon ke khilaf satyagrah karate hue do bar ratalam aur indaur ki jel men bhi bndi rahe. yahan sv. ekanath ranade jaise deshabhakt manishi ka sannidhy inhen prapt hua. sngh kary men vibhinn dayitvon ka nirvah karate hue unhonne anek svaynsevakon ko dhyey path par apane desh ke lie poorn samarpan kar age badhate rahane ki prerana di. unhonne karyakartaon ko yah bhi samajhaya ki 'svaynsevak' ka arth kya hota hai.

netritv kshamata

jab kashmir ko lekar tatkalin pradhanamntri pndit javaharalal neharoo ki niti aspasht hi thi, tab kashmir ko bharat se jata hua dekhakar 'bharatiy janasngh' ne shyamaprasad mukharji ke netritv men satyagrah ka uddhosh kiya, jisaka nara tha- "ek desh do vidhan, do nishan do pradhan, nahin chalenge-nahin chalenge." kendr ki kangres sarakar ke virodh men kashmir ke paksh men jo jan andolan prarnbh hua, usamen pyarelal ji madhy pradesh men is andolan ke agua banakar ubhare. unhen maloom hua ki unake jatthe ko ravi nadi ke tat par hi giraphtar kar liya jaega. is par ve apane sathiyon ke sath pani men utar ge aur nadi par kar satyagrah men shamil hue.[1]

kushal sngathanakarta

madhy pradesh men 'bharatiy janata parti' ka jo vishal vat vriksh khada hai, use sinchane aur usaki dekhabhal karane ka mahattvapoorn kary kushabhaoo thakare tatha pyarelal khandelaval dvara kiya gaya tha. inake tyag, tapasya aur samarpan ka hi parinam hai ki aj madhy pradesh men jagah-jagah par 'bhajapa' jaisi rajanitik parti ke pas samarpit karyakartaon ki ek-do toli nahin, apitu poori fauj khadi nazar ati hai. pyarelal ji n keval kushal sngathanakarta the, balki rajaniti yuddh rachana kis prakar ki jati hai, usamen bhi ve siddhahast the. pyarelal ji ne rajaniti men pravesh snbhagiy sngathan mntri ke roop men kiya tha aur 1972 men avibhajit madhy padesh men 'bharatiy janasngh' ke pradesh sngathan mntri bane the. ve san 1980 men rajyasabha ke sadasy chune ge the.

mntri tatha rajyasabha sadasy

san 1988 men madhy pradesh men bhajapa ke 'gramaraj abhiyan' se jo sudirgh andolan prarambh hua tha, usamen hazaron karyakartaon ne khandelaval ji ke netritv men bhag liya. yahi abhiyan 1990 men madhy pradesh men bhajapa ko bade bhari bahumat se vijay dilane ka adhar bana tha. unhonne 1989 men pradesh ke rajagadh snsadiy kshetr se lokasabha ka chunav jita tha. isake bad ve bhajapa ke mntri, upadhyaksh aur mahamntri rahane ke sath kee pradeshon ke prabhari bhi rahe. pyarelal khandelaval varsh 2004 men phir se rajyasabha sadasy chune ge the. 'bharatiy janasngh' aur usake bad 'bhajapa' visheshakar madhy pradesh men parti sngathan ko majaboot karane men unaka khasa yogadan tha. parti ke poorv rashtriy adhyaksh kushabhaoo thakare ke bad khandelaval hi aise vyakti the, jinaka samooche avibhajit madhy pradesh men gahan snpark tha. pyarelal ji ko n keval shahari logon ke du:kh-dard ki chinta rahi, balki ve madhy pradesh ke vanavasi kshetron evn harijanon ko bhajapa se jodane ke lie bhi lagatar prayatnashil the. unhonne in logon ki samasyaon ko door karane lie samay-samay par anek andolan adi bhi kie.[1]

patrika ki sthapana

pndit dinadayal upadhyay ki smriti men 'pndit dinadayal vichar prakashan' ki sthapana ka shrey bhi pyarelal khandelaval ko prapt hai. keval bhajapa ki nahin, balki madhy pradesh men kisi rajanitik parti ki patrika, jisaka pathak varg kisi bhi any patrika ki tulana men hazaron ki snkhya men tha, aisi masik hindi patrika ki sthapana men pyarelal ji ki bhoomika mahattvapoorn thi.

vibhinn padon par kary

roos, briten, kuvait, snyukt arab amirat aur taeevan adi deshon ki yatra karane vale khandelaval ji 'bharatiy janata parti' men 1993 men hariyana pradesh ke prabhari banaye ge the. 1996 men udisa tatha asam ke prabhari bhi bane. san 1999 men bhajapa ke rashtriy mntri, 2000 men rashtriy upadhyaksh evn uttar pradesh ke prabhari, 2002 men rashtriy mahamntri (udisa), asam, pashchim bngal tatha uttar poorvi rajyon ke prabhari evn 2003 men pun: rashtriy upadhyaksh chune ge the.[1]

nidhan

pyarelal khandelaval ka nidhan 6 aktoobar, 2009 ko 'akhil bharatiy ayurvigyan chikitsa snsthan' (ems), dilli men hua. us samay ayu 82 varsh thi. bhajapa ke adhar stambhon men shamil pyarelal khandelaval jivanabhar sadagi, snskar aur apani bedag chhavi ke lie jane jate rahe. ve apane snpoorn rajanitik jivan men n kabhi phisale aur n hi dagamagae. unake adarsh, tyag aur tapasya se poorn snpoorn jivan sadaiv 'bharatiy janata parti' ko sinchata rahega.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 pyarelal khandelaval (hindi). . abhigaman tithi: 26 sitambar, 2012.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah