हितेन्द्र देसाई हिन्दी देवनागरी में पढ़ें।
hitendr desaee
| |
 | |
| poora nam | hitendr kanhaiyalal desaee |
| janm | 9 agast, 1915 |
| janm bhoomi | soorat |
| mrityu | 12 sitambar, 1993 |
| mrityu sthan | ahamadabad, gujarat |
| abhibhavak | pita- kanaji bhaee desaee |
| nagarikata | bharatiy |
| prasiddhi | svatntrata senani, rajanitigy |
| parti | bharatiy rashtriy kangres |
| pad | mukhyamntri (gujarat, 3 bar) |
| kary kal | pratham-20 sitnbar, 1965 se 3 aprail, 1967 tak dvitiy-3 aprail, 1967 se 6 aprail, 1971 tak |
| any janakari | san 1947 men ajadi milane ke bad hitendr desaee ko 'soorat myunisipal kaauraporeshan' ka vais president banaya gaya tha. vah karib 10 sal tak is pad par rahe. |
parichay
9 agast, 1915 ke roz soorat men janme hitendr desaee ki paravarish ajadi andolan ki chhanv men huee. unake pita kangres ke neta hua karate the. 12 march, 1930 ke din gandhiji sabaramati se dandi ke lie nikal pade. unake sath 77 aur satyagrahi the. andolanakariyon ki is toli ko har din 10 mil ki paidal yatra karate hue 6 aprail ko soorat jile ke dandi ganv pahunchana tha. aprail ki pahali tarikh ko gandhi soorat pahunche. yahan unaka bhavy svagat hua. 'soorat jila kangres kamiti' ke adhyaksh kanaji bhaee desaee ka 15 varsh ka ladaka bhi tha. savinay avgya andolan ka ailan hone ke sath hi usane skool jana chhod diya. yah bataur satyagrahi usaki pahali jel yatra thi. is ladake ka nam tha- hitendr kanhaiyalal desaee. use dandi march ke 35 sal bad bataur mukhyamntri soobe ki kaman snbhalani thi.[1]
1930 ke savinay avgya ke bad hitendr desaee ki padhaee phir se shuroo huee. 1933 men unhonne soorat se maitrik pas ki. age ki padhaee ke lie baaumbe yoonivarsiti bheja gaya. yahan se unhonne arthashastr men bi. e. kiya. isake bad us daur ki ravayat ke mutabik unhonne kanoon ki padhaee men dakhila le liya. 1937 men hitendr baaumbe yoonivarsiti se vakil banakar nikale. vah baaumbe haeekort men vakil ho ge. vakalat chal nikali. idhar kangres men bhi sakriyata bani rahi.
jel yatra
1941 men jab gandhiji ne doosare vishvayuddh ke dauran vyaktigat satyagrah ki ghoshana ki, hitendr bhaee desaee bhi us andolan men kood pade. isake chalate unhen phir se jel jana pada. karib tin mahine jel men bitane ke bad unhen chhoda gaya. 9 agast 1942, mumbee ke gavaliya taink maidan se bharat chhodo andolan ki ghoshana huee. gandhiji ke mutabik yah ajadi ke lie ar-par ki ladaee thi. hitendr desaee baaumbe men the. 9 agast ko gandhiji ko giraphtar kie jane ke bad baaumbe shahar men bade paimane par hinsa shuroo ho gee. javab men angrez sarakar ne kangresi netaon ko giraphtar karana shuroo kiya. aise men hitendr desaee ne khud ko phir se jel men paya. karib do sal jel men rahane ke bad hitendr desaee riha hue.
rajanitik saphar
1947 men ajadi milane ke bad hitendr desaee ko soorat myunisipal kaauraporeshan ka vais president banaya gaya. vah karib 10 sal tak is pad par rahe. 1957 men mahagujarat andolan ke daur men baaumbe presidensi ke chunav hue. hitendr desaee soorat ki mangarol vidhanasabha se is chunav men utare. unake samane the nirdaliy ummidavar dattatrey pngarakar. hitendr desaee ne yah chunav 14,404 ke mukabale 32,672 voton se jit liya. 1960 men baaumbe presidensi se alag gujarat rajy banane ke bad jivaraj mehata isake pahale mukhyamntri bane. jivaraj mehata ke mntrimndal men hitendr desaee ko bhi jagah mili. unhen shiksha, kanoon, krishi, jngalat, nashabndi, samaj kalyan, punarvas, rajasv ke mntrayal saunpe ge.[1]
1962 ke vidhanasabha chunav men vah olapad sit se maidan men utare. unake samane the svatntr parti ke baboobhaee patel. hitendr desaee ko mile 22,201 vot. vahin baboobhaee patel mahaz 12,266 ka ankade par pahunch pae. vah phir se jivaraj mehata ke kabina men shamil hue. unhen rajasv vibhag ki jimmedari saunpi gee. 1963 men hue satta parivartan ne hitendr desaee ka kad aur badhaya. moraraji desaee ke ashirvad se satta men ae balavntaray mehata ke mntrimndal men unhen grih mntri ka ohada diya gaya.
snkatagrast karyakal
1965 men jab hitendr bhaee desaee mukhyamntri bane to unhonne balavntaray mehata se virasat men mile mntrimndal men koee badalav nahin kiya. us samay unake mntrimndal men do aise mntri hua karate the, jinhen age chalakar mukhyamntri banana tha. ye neta the, baboobhaee patel jo us samay pidabloodi mntri hua karate the aur chimanabhaee patel jinake pas us samay parivahan mntralay tha. 1967 ke vidhanasabha chunav men bahumat hasil karane ke bad hitendr desaee ki asal pariksha shuroo huee 1969 men. aksar rajaniti ke janakar kahate hain ki 2002 ke bad gujarat ke rajanitik nakshe par ek chij badal gee. sitnbar 1969 men ahamadabad men bhaynkar sanpradayik dnge hue, lekin isaki bhoomika likhi jani shuroo ho gee thi disambar 1968 men.
bharooch ka bhooknp
san 1969 ki sanpradayik hinsa se rajy sarakar ubar hi rahi thi ki 1970 men bharooch shahar bhaynkar bhooknp ki chapet men a gaya. 23 march 1970 ko rat ek bajakar 52 minat par bharooch men 5.4 tivrata vala bhooknp aya. log gharon men so rahe the. karib 2500 ghar jamindoj ho ge. 23 logon ki malabe men dabakar maut ho gee. karib ek lakh se jyada log beghar hue. hitendr desaee ke lie yah kudarati apada nee chunauti banakar ubhara. itani pareshaniyon ke bavajood hitendr desaee ka karyakal ek chij ke lie yad kiya ja sakata hai. unhonne adhunik gujarat ke audyogikikaran ki ninv rakhi. unhonne rajy men rajakot yoonivarsiti, krishi yoonivarsiti aur ayurved yoonivarsiti shuroo ki. mahagujarat andolan ke dauran mare ge logon ki yad men shahid smarak banaya. gandhinagar ki basavat ki ninv rakhi. rajy men sinchaee vyavastha kayam karane ki shuruat karane ka shrey bhi unhin ko diya ja sakata hai.[1]
|
|
|
|
|
|
tika tippani aur sndarbh
- ↑ 1.0 1.1 1.2 vo mukhyamntri jisane gujarat men vidhayakon ke kharid-pharokht ki shuruat ki (hindi) thelallantop.com. abhigaman tithi: 26 pharavari, 2020.
