विजय सिंह पथिक  हिन्दी देवनागरी में पढ़ें।

vijay sinh pathik
vijay sinh pathik par jari dak tikat
poora nam vijay sinh pathik
any nam bhoopasinh gurjar
janm 27 faravari, 1882
janm bhoomi gulavathi kalan, zila bulndashahar, uttar pradesh
mrityu 28 mee, 1954
mrityu sthan mathura, uttar pradesh
abhibhavak hamir sinh aur kamal kumari
pati/patni janaki devi
nagarikata bharatiy
prasiddhi svatntrata senani
dharm hindoo
andolan bijoliya kisan andolan
vishesh yogadan san 1920 men pathik ji ke prayatnon se hi ajamer men 'rajasthan seva sngh' ki sthapana huee. 1921 ke ate-ate pathik ji ne 'rajasthan seva sngh' ke madhyam se begoo, parasoli, bhindar, basi aur udayapur men shaktishali andolan kie.
snbndhit lekh rasabihari bos, shachindranath sanyal, mahatma gandhi
any janakari vijay sinh pathik ne bambee yatra ke samay gandhiji ki pahal par yah nishchay kiya gaya tha ki vardha se 'rajasthan kesari' namak samachar patr nikala jaye. yah patr sare desh men lokapriy ho gaya tha.

vijay sinh pathik (angrezi: Vijay Singh Pathik; janm- 27 faravari, 1882, zila bulndashahar, uttar pradesh; mrityu- 28 mee, 1954, mathura) bharat ki svatntrata ke lie sngharsh karane vale vir krantikariyon men se ek the. inake oopar apani man aur parivar ki krantikari v deshabhakti se paripoorn prishthabhoomi ka bahut gahara asar pada tha. vijay sinh pathik apani yuvavastha men hi rasabihari bos aur shachindranath sanyal jaise amar krantikariyon ke sampark men a ge the. vaise vijay sinh pathik ji ka mool nam 'bhoopasinh' tha, kintu 'lahaur shadayntr' ke bad unhonne apana nam badal kar vijay sinh pathik rakh liya aur phir apane jivan ke ant samay tak ve isi nam se jane jate rahe. mahatma gandhi ke 'satyagrah andolan' se bahut pahale hi pathik ji ne 'bijoliya kisan andolan' ke nam se kisanon men svatntrata ke prati alakh jagane ka kary prarambh kar diya tha.

janm tatha parivar

svatntrata senani vijay sinh pathik ka janm 27 faravari, 1882 men uttar pradesh ke bulndashahar zile ke gulavathi kalan namak gram men hua tha. ye gurjar parivar se sambndhit the. inake pita ka nam hamir sinh tatha mata ka nam kamal kumari tha. inake dada indr sinh bulandashahar men malagadh riyasat ke divan the, jinhonne 1857 ke 'pratham svatantrata sngram' men angrezon se ladate hue viragati prapt ki thi. pathik ji ke pita hamir sinh gurjar ko bhi kranti men bhag lene ke arop men british sarakar ne giraphtar kiya tha. vijay sinh pathik par unaki man kamal kumari aur parivar ki krantikari v deshabhakti se paripoorn prishthabhoomi ka bahut gahara asar pada tha.[1]

vivah

lagabhag 48 varsh ki ayu men vijay sinh pathik ne ek vidhava adhyapika janaki devi se vivah kiya. unhonne abhi grihasth jivan shuroo kiya hi tha ki ek mah bad hi apani krantikari gatividhiyon ke karan ve giraftar kar lie gaye. unaki patni janaki devi ne tyooshan adi karake kisi prakar se ghar ka kharch chalaya. pathik ji ko is bat ka marate dam tak afasos raha tha ki ve 'rajasthan seva ashram' ko adhik dinon tak chala nahin sake aur apane mishan ko adhoora chhod kar chale gaye.

nam parivartan

apani yuvavastha men hi pathik ji ka sampark rasabihari bos aur shachindranath sanyal jaise prasiddh deshabhakt krantikariyon se ho gaya tha. yadyapi inaka mool nam bhoopasinh tha, lekin 1915 ke 'lahaur shadyantr' ke bad unhonne apana nam badal kar vijayasinh pathik rakh liya. isake bad ve apani mrityu paryant tak isi nam se jane ge. rashtrapita mahatma gandhi ke 'satyagrah andolan' se bahut pahale hi unhonne 'bijoliya kisan andolan' ke nam se kisanon men svatntrata ke prati alakh jagane ka kam kiya tha.

krantikariyon ki yojana

varsh 1912 men british sarakar ne bharat ki rajadhani kalakatta (vartaman kolakata) se hatakar dilli lane ka nirnay kiya. is avasar par dilli ke tatkalin gavarnar-janaral laaurd harding ne dilli men pravesh karane ke lie ek shanadar juloos ka ayojan kiya. us samay any krantikariyon ne juloos par bam phenk kar laaurd harding ko marane ki koshish ki; kintu vah bach gaya. 1915 men rasabihari bos ke netritv men lahaur men krantikariyon ne nirnay liya ki 21 faravari ko desh ke vibhinn sthanon par '1857 ki kranti' ki tarj par sashastr vidroh kiya jaega. 'bharatiy itihas' men ise 'gadar andolan' kaha gaya hai. yojana yah banaee gee thi ki ek taraph to bharatiy british sena ko vidroh ke lie ukasaya jae aur doosari taraph deshi rajaon ki senaon ka vidroh men sahayog prapt kiya jae. rajasthan men is kranti ko snchalit karane ka dayitv vijay sinh pathik ko saunpa gaya.[1]

giraftari

us samay pathik ji 'firojapur shadayntr' kes ke silasile men farar chal rahe the aur 'kharava' (rajasthan) men gopal sinh ke pas rah rahe the. donon ne milakar do hajar yuvakon ka dal taiyar kiya aur tis hajar se adhik bandooken ekatr kin. durbhagy se angrezi sarakar par krantikariyon ki deshavyapi yojana ka bhed khul gaya. desh bhar men krantikariyon ko samay se poorv pakad liya gaya. pathik ji aur gopal sinh ne gola barood bhoomigat kar diya aur sainikon ko bikher diya gaya. kuchh hi dinon bad ajamer ke angrez kamishnar ne panch sau sainikon ke sath pathik ji aur gopal sinh ko kharava ke jngalon se giraphtar kar liya aur tadagadh ke qile men najarabnd kar diya. isi samay 'lahaur shadayntr kes' men pathik ji ka nam ubhara aur unhen lahaur le jane ke adesh hue. kisi tarah yah khabar pathik ji ko mil gee aur ve tadagadh ke qile se farar ho ge. giraphtari se bachane ke lie pathik ji ne apana vesh rajasthani rajapooton jaisa bana liya aur chittaudagadh men rahane lage.

'rajasthan seva sngh' ki sthapana

1919 men amritasar kangres men pathik ji ke prayatn se bal gngadhar tilak ne bijoliya sambandhi prastav rakha. pathik ji ne bambee jakar kisanon ki karun katha gandhiji ko sunaee. gandhiji ne vachan diya ki yadi mevad sarakar ne nyay nahin kiya to vah svayn bijoliya satyagrah ka snchalan karenge. mahatma gandhi ne kisanon ki shikayat door karane ke lie ek patr maharana ko likha, par koee hal nahin nikala. pathik ji ne bambee yatra ke samay gandhiji ki pahal par yah nishchay kiya gaya ki vardha se 'rajasthan kesari' namak samachar patr nikala jaye. patr sare desh men lokapriy ho gaya, parantu pathik ji aur jamanalal bajaj ki vicharadharaon ne mel nahin khaya aur ve vardha chhodakar ajamer chale ge. 1920 men pathik ji ke prayatnon se ajamer men 'rajasthan seva sngh' ki sthapana huee.[1]

bijoliya kisan andolan

1920 men vijay sinh pathik apane sathiyon ke sath 'nagapur adhiveshan' men shamil hue aur bijoliya ke kisanon ki durdasha aur deshi rajaon ki nirnkushata ko darshati huee ek pradarshani ka ayojan kiya. gandhiji pathik ji ke 'bijoliya andolan' se prabhavit to hue, parantu unaka rukh deshi rajaon aur samanton ke prati naram hi bana raha. kangres aur gandhiji yah samajhane men asaphal rahe ki samantavad samrajyavad ka hi ek stambh hai aur british samrajyavad ke vinash ke lie samrajyavad virodhi sngharsh ke sath-sath samantavad virodhi sngharsh avashyak hai. gandhiji ne 'ahamadabad adhiveshan' men bijoliya ke kisanon ko 'hijarat' (kshetr chhod dene) ki salah di. pathik ji ne ise apanane se inakar kar diya. san 1921 ke ate-ate pathik ji ne 'rajasthan seva sngh' ke madhyam se begoo, parasoli, bhindar, basi aur udayapur men shaktishali andolan kie.

kisanon ki vijay

'bijoliya andolan' any kshetr ke kisanon ke lie prerana srot ban gaya tha. aisa lagane laga mano rajasthan men kisan andolan ki lahar chal padi hai. isase british sarakar dar gee. is andolan men use 'bolshevik andolan' ki pratichhaya dikhaee dene lagi thi. doosari or kangres ke asahayog andolan shuroo karane se bhi sarakar ko sthiti aur bigadane ki bhi ashnka hone lagi. antat: sarakar ne rajasthan ke e. ji. ji. halaind ko 'bijoliya kisan pnchayat bord' aur 'rajasthan seva sngh' se batachit karane ke lie niyukt kiya. shighr hi dono pakshon men samajhauta ho gaya. kisanon ki anek mangen man li geen. chaurasi men se paintis lagaten maph kar di geen julmi karinde barkhast kar die ge. kisanon ki abhootapoorv vijay huee.[1]

nidhan

vijay sinh pathik ka nidhan 28 mee, 1954 ko mathura, uttar pradesh men hua.[2] azadi ke bad se pathik ji jaise svatantrata senani ke lie avas aur bhojan ki samasya barabar bani rahi. ve mathura keval isaliye akar bas gaye the, kyonki yahan khane-pine ki chijen ajamer ki apeksha sasti thin. mathura ke janaralagnj ilake men ek makan athak parishram se khada kiya tha, tab kahin rahane ki samasya sulajh saki. is makan ki chinaee arthabhav ke karan pathik ji ne apane hathon se ki thi. unaki patni janaki devi ne apane krantikari pati ki smriti-raksha ke liye janaralagnj men vijay sinh pathik pustakalay ki sthapana ki thi, lekin dhire-dhire yah pustakalay band ho gaya. andhere men ujiyara karane vale pathik ji mathura men jitane vakt rahe, gumanami men rahe.

unaki deshabhakti niahsvarth aur sachchi thi. ant samay men unake pas sampatti ke nam par kuchh nahin tha, jabaki tatkalin sarakar ke kee mntri unake rajanaitik shishy the. rajasthan ke poorv mukhyamntri shivacharan madhur ne pathik ji ka varnan "rajasthan ki jagriti ke agradoot mahanh krantikari" ke roop men kiya hai. vijay sinh pathik ke netritv men snchalit 'bijoliya kisan andolan' ko itihasakar desh ka pahala 'kisan satyagrah' manate hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 rajasthan ke svatntrata senani (hindi). . abhigaman tithi: 04 mee, 2014.
  2. ek kissa nayab- viplavi vijayasinh ‘pathik’ -mathura men gumanami rahe (hindi) tennews.in. abhigaman tithi: 24 agast, 2018.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah