भाई बालमुकुंद  हिन्दी देवनागरी में पढ़ें।

bhaee balamukund
bhaee balamukund
poora nam bhaee balamukund
janm 1889
janm bhoomi kariyala, zila jehalam, pakistan (avibhajit bharat)
mrityu 8 mee, 1915
mrityu sthan chandani chauk, dilli
mrityu karan fansi
abhibhavak bhaee mathuradas
pati/patni ramarakhi
nagarikata bharatiy
prasiddhi svatntrata senani
dharm hindoo
vidyalay di.e.vi. kaaulej, lahaur
shiksha snatak tatha bi.ti.si.
vishesh 'dilli shadayntr' men bhaee balamukund ki bhi mukhy bhoomika thi. chandani chauk men san 1912 men bhaee balamukund ne mastar avadhabihari tatha mastar amirachnd ke sath milakar angrez vaisaray laaurd harding par bam phenka tha, kintu vah is hamale men bal-bal bach gaya.
any janakari bhaee balamukund ka vivah fansi diye jane se ek sal pahale hi hua tha. azadi ki ladaee men jute hone ke karan ve kuchh samay hi patni ke sath rah sake the.

bhaee balamukund (angrezi: Bhai Balmukund, janm- 1889; shahadat- 8 mee, 1915, dilli) bharat ki svatntrata ke lie sngharsh karane vale krantikariyon men se ek the. 'dilli shadayntr' men fansi pane vale pramukh krantikariyon men se ve ek the. san 1912 men dilli ke chandani chauk men laaurd hardig par phenke gaye bamakand men mastar amirachnd, bhaee balamukund aur mastar avadh bihari ko 8 mee, 1915 ko fansi par lataka diya gaya, jabaki agale din 9 mee ko anbala men vasnt kumar vishvas ko fansi di gee. yadyapi bhaee balamukund par jurm sabit nahin hua tha, phir bhi shak ke adhar par angrez hukoomat ne unhen saza di. bhaee balamukund mahanh krantikari bhaee paramanand ke chachere bhaee the. dilli men jis sthan par balamukund ko fansi di gee, vahan shahid smarak bana diya gaya hai, jo dilli get sthit 'maulana azad medikal kaaulej' men sthit hai.

parichay

bhaee balamukund ka janm san 1889 ko kariyala, zila jehalam, pakistan men hua tha. inake pita ka nam bhaee mathuradas tha. bhaee balamukund ke khanadan men apane siddhanton par mar mitane ki pratha badi purani thi. guru nanak ke anuyayi pahale shanti ke pujari the, par jab mugalon ne unhen dabana chaha to ye hi shantipriy shishy talavar uthane par vivash hue. yah ek bahut bada‌‌‌ parivartan tha. is parivartan ke pichhe bhaee balamukund ke poorvapurushon ka bahut bada‌ yog tha. isi kul men matidas hue, jo guru teg bahadur ke sath shahid hue. unhen lakadi ke doshahatiron ke ke bich rakhakar ari se chira gaya. is balidan ke karan guru govindasinh ne is kul ke logon ko bhaee ki upadhi di thi. isi tyag-tapasya se ujjval kul men bhaee balamukund ka janm hua tha. inake char bhaee the- jayaramadas, shivaram, kriparam aur ramabhaj. unaki ekamatr bahan draupadi devi, chhoti umr men vidhava ho jane ke karan pita ke yahan hi rahati thin.[1]

shiksha

balamukund lahaur ke di.e.vi. kaaulej men padhakar snatak hue aur phir unhonne shikshak banane ke uddeshy se bi.ti. ki pariksha bhi pas kar li. 1910 ke bi.ti.si. uttirn pariksharthiyon men unaka nnbar tisara tha.

vivah

bhaee balamukund ka vivah fansi diye jane se ek sal pahale hi hua tha. azadi ki ladaee men jute hone ke karan ve kuchh samay hi patni ke sath rah sake. unaki patni ka nam ramarakhi tha. unaki ichchha thi ki bhaee balamukund ka shav unhen saunp diya jae, lekin angrez hukoomat ne unhen shav nahin diya. usi din se ramarakhi ne bhojan v pani tyag diya aur atharahaven din unaki bhi mrityu ho gee.

baba tapasiram ka prabhav

bachapan se hi balamukund ki ruchi vyapak thi. bhaee paramannd aur vah, donon ganv ke any balakon se bhinn the. pas hi ek nala tha, jise banahva kahate the. varsha ke dinon men yah nadi ka roop dharan kar leta tha aur usako par karana kushal tairak ka hi kam hota tha. usi nale ke kinare tapasiram nam ke sadhu rahate the, jo am sadhuon se bhinn the. tapasiram achchhe zamindar gharane ke the. vah usi nale ke kinare par gupha men rahate the. ganv men jab kabhi koee jhagada hota, vah phauran vahan pahunchate aur nyayapaksh men bolate. isase vah 'maharaj' nam se mashahoor ho gaye the. maharaj angrezi rajy ke viruddh the. unhonne ek akhada khol rakha tha, jahan sharirik kshamata badhane ke lie vyayam aur khelakoodon ka bakayada abhyas chalata tha. is vatavaran men agrenzi-virodhi maharaj ka donon bhaiyon par kafi prabhav pada.

bad men is prabhav ko gadha hone ka mauka tab mila, jab bhaee balamukund ki bhent mastar amirachnd, lala haradayal aur rasabihari bos se huee aur vah krantikari ban gaye. is bich unhonne naukari kar li thi, par unhonne naukari chhod di. tab unake bade bhaee jayaramadas ko chinta huee aur unhonne balamukund vivah karava diya. vivah ho jane par bhaee balamukund ka man kranti se nahin phira, balki avadhabihari aur bhaee balamukund ne krantikari sahity dat kar taiyar kiya aur sarvatr banta. sath hi vah bam banane ki bhi shiksha lete rahe.[1]

laaurd harding par hamala

23 disnbar, 1912 ko laaurd harding ke juloos par chandani chauk men jo bam phenka gaya, usase vaisaray bal-bal bacha. is bamakand men basnt kumar vishvas ke alava bhaee balamukund ka sakriy sahayog tha. donon burke pahane striyon ki bhid men the. vahin se bam giraya gaya. bhaee balamukund ko is bat ka bada du:kh raha ki baisaray bach gaya. isalie unhonne apani patni ko bhaee paramannd ke gharavalon ke pas chhoda aur svayn jodhapur ke rajakumaron ke tyootar ban gaye. yojana yah thi ki laaurd harding yahan kabhi-kabhi ayega aur vah najadik se un par bam phenk kar adhoora kam poora karenge.

giraftari tatha fansi

pulis ko bahut dinon tak pata nahin chal paya ki chandani chauk ke bamakand ke pichhe kaun tha. lekin, akhir men 16 faravari, 1914 ko vah giraphtar kar liye gaye. mukadama chala aur 8 mee, 1915 ko unhen mastar amirachnd aur avadh bihari ke sath dilli jel men fansi di gayi. ab is sthan par azad medikal kaaulej hai.

virangana patni 'ramarakhi'

bhaee balamukund ki kahani kee drishtiyon se badi romanchakari hai. vah svayn to vir the hi, unaki patni bhi adarsh virangana thin. pati ke giraphtar hone ke din se hi shrimati ramarakhi dubali hone lagin. unako kuchh abhas-sa ho gaya tha ki bas ab sab kuchh samapt hone ko hai. unhen badi mushkil se jel men pati se milane ki ijajat mili. ramarakhi ne pati se poochha tha- "khana kaisa milata hai?" bhaee balamukund ne hnsakar kaha- "mitti mili roti." ramarakhi apane ate men bhi mitti milane lagin. dubara jab vah milane gayin to poochha ki sote kahan hain. isake uttar men bhaee balamukund ne bataya ki- "adhenri kothari men do knbalon par". bas, us din se shrimati ramarakhi grishm ritu men bhi knbal par letane lagin. jis din bhaee ji ko fansi huee, us din savere uthakar ramarakhi ne vastr-abhooshan dharan kiye aur jakar ek chabootare par baith gayin. unake chehare par du:kh ka koee chihn tha. kintu vah jo baith gayin to phir uthi nahin. shrimati ramarakhi ne n to zahar khaya tha aur na hi koee aisi any bat ki thi. pati-patni donon ki chita ek sath jalayi gayi.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 bhoole bisare krantikari |lekhak: ramasharan vidyarthi, manmathanath gupt |prakashak: soochana aur prakashan mntralay, bharat sarakar |snkalan: bharat diskavari pustakalay |prishth snkhya: 79 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah