श्रीप्रकाश हिन्दी देवनागरी में पढ़ें।
shriprakash
| |
 | |
| poora nam | shriprakash |
| janm | 3 agast, 1890 |
| janm bhoomi | varanasi, uttar pradesh |
| mrityu | 23 joon, 1971 |
| mrityu sthan | varanasi, uttar pradesh |
| abhibhavak | pita- daau. bhagavan das |
| nagarikata | bharatiy |
| prasiddhi | svatntrata senani aur rashtriy neta |
| parti | kangres |
| pad | maharashtr ke rajyapal, asam ke rajyapal, (1956 se 1962 tak) |
| shiksha | baichalar aauf laau |
| vidyalay | kaimbrij yoonivarsiti, landan |
| jel yatra | san 1930 ke 'namak satyagrah' men, 1932 ke 'karabndi andolan' men aur 1942 ke 'bharat chhodo andolan' men unhonne jel ki sajaen bhogin. |
| puraskar-upadhi | padmavibhooshan |
| snpadan | si. vaee. chintamani ke sath 'lidar' men aur phir motilal neharoo ke patr 'indipendait' men bhi shriprakash ne kary kiya. |
| vishesh | achchhe vakta, lekhak aur deshabhakt shriprakash ki ek aur visheshata thi ki ve chahe jis pad par rahe hon, logon ke patron ka svayn uttar dete the. |
| any janakari | bharat ki svatntrata ke bad unhen 1947 men bharat ka pratham uchchayukt bana kar pakistan bheja gaya. 1949 men asam ke rajyapal rahane ke bad ve kuchh samay tak kendriy mntrimndal ke sadasy bhi rahe. |
shriprakash (angrezi:Shriprakash; janm- 3 agast, 1890, uttar pradesh; mrityu- 23 joon, 1971) bharat ke prasiddh svatntrata senani aur rashtriy neta the. ve pakistan men bharat ke pratham uchchayukt the, jinhonne 1947 se 1949 tak desh ki seva ki. unhen ek achchhe vakta aur lekhak ke roop men bhi jana jata tha. ve san 1949 se 1950 tak asam, 1952 se 1956 tak madras (adhunik chennee) aur 1956 se 1962 tak maharashtr ke rajyapal rahe the. desh seva aur sachchi nishtha ke lie bharat sarakar ne unhen 1957 men 'padmavibhooshan' se sammanit kiya tha.
jivan parichay
desh ke svatntrata senani aur rashtriy neta shriprakash ka janm 3 agast, 1890 ko varanasi ke ek dhani aur pratibhashali agraval parivar men hua tha. unake pita 'bharat ratn' daau. bhagavan das vishv vikhyat darshanik the. shriprakash ke chhote bhaee chndrabhal varshon tak uttar pradesh vidhan parishad ke adhyaksh rahe the.
shiksha
shriprakash ki shiksha kaimbrij yoonivarsiti, landan men huee thi. yahin se unhonne qanoon ki digri bhi prapt ki. kintu unhonne vakalat n karake varanasi ke 'sentral hindoo kaaulej' men aur bad men 'kashi vidyapith' men adhyapan ka kary kiya. patrakarita ki or bhi ve akrisht hue the.
rajaniti men pravesh
pahale si. vaee. chintamani ke sath 'lidar' men aur phir motilal neharoo ke patr 'indipendait' men bhi shriprakash ne kary kiya. eni besent ke prabhav se ve 'thiyosofikal sosaiti' men bhi sammilit hue aur pndit javaharalal neharoo, achary kripalani, achary narendr dev aur daau. sampoornannd ka sampark unhen rajaniti men le aya.
desh ke lie yogadan
'homarool lig' se shriprakash ka sarvajanik jivan arambh hua. 1918 se 1945 tak ve 'akhil bharatiy kangres kameti' ke sadasy rahe. 1934-1935 men ve uttar pradesh men kangres ke adhyaksh the. san 1930 ke 'namak satyagrah' men, 1932 ke 'karabndi andolan' men aur 1942 ke 'bharat chhodo andolan' men unhonne jel ki sajaen bhogin.
uchch padon par kary
varsh 1946 men shriprakash snvidhan parishad ke sadasy bane aur svatntrata ke bad unhen 1947 men bharat ka pratham uchchayukt bana kar pakistan bheja gaya. 1949 men asam ke rajyapal rahane ke bad ve kuchh samay tak kendriy mntrimndal ke sadasy bhi rahe. shriprakash 1952 se 1956 tak madras ke aur 1956 se 1962 tak maharashtr ke rajyapal rahe the.
vyaktitv
shriprakash bade udar vicharon ke vyakti the. ve vachan ke nirvah ka sada dhyan rakhate the. isamen unake samane chhote-bade ka koee bhed nahin tha. ek bar unhonne chaparasi ki beti ke vivah ka nimntran svikar kar lene par banaras ke maharaj ka nimntran asvikar kar diya tha. karachi se uchchayukt ka pad chhodate samay unhen dootavas ke draivaron ne is karan vidaee ki davat di thi ki apane har samaroh men ve draivaron ka vishesh dhyan rakhate the, jo ek nee bat thi. achchhe vakta, lekhak aur deshabhakt shriprakash ki ek aur visheshata thi ki ve chahe jis pad par rahe hon, logon ke patron ka svayn uttar dete the.
puraskar v samman
shriprakash ki rashtr seva ke samman men bharat sarakar ne 1957 men unhen 'padmavibhooshan' se vibhooshit kiya tha.
nidhan
desh ki mahanh seva karane vale aur apane sadagi bhare acharan se sada sabake samman ke patr rahe shriprakash ka 23 joon, 1971 ko varanasi, uttar pradesh men nidhan hua.
|
|
|
|
|
|