नाना साहब  हिन्दी देवनागरी में पढ़ें।

nana sahab
nana sahab
poora nam nana sahab
janm 19 mee, 1824
janm bhoomi venugram, maharashtr
mrityu tithi 6 aktoobar, 1858
mrityu sthan anishchit
pita/mata pita- madhavanarayan bhatt

mata- gngabaee
palak pita- bajirav dvitiy

prasiddhi peshava, svatntrata senani
snbndhit lekh maratha, peshava, bajirav dvitiy
nana sahab (angrezi: Nana Saheb, janm- 19 mee, 1824, venugram, maharashtr; mrityu- 6 aktoobar, 1858) san 1857 ke bharatiy svatantrata ke pratham sngram ke shilpakar the. unaka mool nam 'dhondoopnt' tha. svatntrata sngram men nana saheb ne kanapur men angrejon ke viruddh vidrohiyon ka netritv kiya. peshava bajirav ballal bhatt dvitiy ne nana sahab ko god le liya tha. itihas men nana saheb ko balaji bajirav ke nam se bhi snbodhit kiya gaya hai. 1 julaee 1857 ko jab kanapur se angrejon ne prasthan kiya to nana sahab ne poornh svatntrata ki ghoshana kar di thi tatha peshava ki upadhi bhi dharan ki. nana sahab ka adamy sahas kabhi bhi kam nahin hua aur unhonne krantikari senaon ka barabar netritv kiya.

parichay

nana sahab ne 19 mee san 1824 ko venugram nivasi madhavanarayan bhatt ke ghar janm liya tha. inake pita peshava bajirav dvitiy ke sagotr bhaee the. peshava bajirav dvitiy jis samay dakshin chhodakar gnga tatasth bithoor, kanapur men rahane lage the, tab unake sath dakshin ke pn. madhavanarayan bhatt aur unaki patni gngabaee bhi vahin rahane lage the. isi bhatt dampatti se ek aise balak ka janm hua, jo bharat ki svatantrata ke itihas men apane anupam deshaprem ke karan sadaiv amar ho gaya. peshava bajirav dvitiy ne putrahin hone ke karan isi balak ko god le liya tha. kanapur ke pas gnga tat ke kinare bithur (kanapur) men hi rahate hue, balyavastha men hi nana sahab ne ghudasavari, mallayuddh aur talavar chalane men kushalata prapt kar li thi. ajim ulla khan nana sahab ka vetan bhogi karmachari tha.

penshan ka rukana

peshava bajirab ko maratha samrajy chhodakar kanapoor ke pas bithoor ana pada tha. is samay tak angrejon ne bharat ke ek bade hisse par kabja kar liya tha. isi dauran 28 janavari 1851 ee. ko peshava bajirav ki maut ho gee. kaha jata hai ki mrityu tak peshava ko 80 hajar daaular ki penshan angrez sarakar se milati thi, lekin bad men use rok diya gaya. mana jata hai ki laaurd dalahauji ne nana saheb ko dattak putr hone ke karan penshan dene se mana kar diya. aise men nana saheb ko is bat se bahut du:kh hua. ek to vaise hi unake maratha samrajy par angrej apani hukoomat jama kar baithe the, vahin doosari or unhen jivan yapan ke lie raauyalti ka kuchh bhi hissa nahin diya ja raha tha.[1]

isake bad 1853 ee. men nana saheb ne apane sachiv ajim ulla khan ko penshan bahali par bat karane ke lie lndan bheja. ajim ulla khan hindi, farasi, urdoo, phrench, jarman aur snskrit ka achchha gyata tha. vah angrejon ki kroor nitiyon ka shikar tha, isalie nana saheb ne use apana sachiv bana liya tha. is dauran ajim ulla ne angrej adhikariyon ko samajhane ki bahut koshish ki, lekin unaki sabhi dalilen thukara di geen. british adhikariyon ke is ravaiye se nana saheb behad khapha the. aise men unhonne angrejon ke viruddh bagavat ko hi sabase achchha virodh ka madhyam mana.

bagavat

udhar, mngal pande ke netritv men merath chhavani ke sipahi angrejon ke khilaph vidroh ka man bana chuke the. khabar udati-udati nana saheb ke pas pahunchi to inhonne tatya tope ke sath milakar 1857 men british raj ke khilaph kanapur men bagavat chhed di. jab mee 1857 men pratham svatntrata sngram ki jvalayen uthin, nana sahab bhi rashtr mukti sngharsh men kood pade the. unhonne kanapur par adhikar kar liya. kee mas is par azadi ka jhanda laharata raha. kanapur par phir se adhikar karane ke lie hevalaauk ne vishal sena ke sath akraman kiya. unhonne kuchh samay tak shatru sena se virata ke sath sngharsh kiya. ant men unaki parajay huee. nana sahab ne apana sahas nahin khoya aur unhonne kee sthanon men shatru sena se sngharsh kiya. ant men jab 1857 ka pratham sngram asaphal hua, tab nana sahab ko saparivar nepal ki sharan leni padi. lekin vahan sharan na mil saki, kyonki nepal darabar angrezon ko asantusht nahin karana chahata tha. julaee san 1857 tak is mahanh desh bhakt ko ghor apattiyon men apane din vyatit karane pade. unaka svarajy sthapana ka svapn toot chuka tha.

satti ghat narasnhar

nana saheb aur british sena ke bich ki is ladaee ne satti chora ghat ke narasnhar ke bad aur bhi gnbhir rukh akhtiyar kar liya. darasal, 1857 men ek samay par nana saheb ne british adhikariyon ke sath samajhauta kar liya tha, magar jab kanapur ka kamanding aauphisar janaral vihalar apane sathi sainikon v unake parivaron samet nadi ke raste kanapur a rahe the, to nana saheb ke sainikon ne un par hamala kar diya. is ghatana ke bad british poori tarah se nana saheb ke khilaph ho ge aur unhonne nana saheb ke gadh mane jane vale bithoor par hamala bol diya. hamale ke dauran nana saheb jaise-taise apani jan bachane men saphal rahe. lekin yahan se bhagane ke bad unake sath kya hua yah bada saval hai. ise lekar kuchh itihasakar kahate hain ki vah bhagane men saphal ho ge the aur angreji sena se bachane ke lie bharat chhodakar nepal chale ge.

khajane ki talash

halanki rahasy keval nana saheb ke gayab hone ka nahin hai. bat unake beshakimati khajane ki bhi hai. jis samay angrejon ne nana saheb ke mahal par hamala kiya, to unake hath nana saheb to nahin lage, lekin daulat ke bhookhe angrejon ne unake mahal ko kuredana shuroo kar diya.angrej vahan kisi gupt khajane ki talash men the. isake lie khasataur par raauyal injiniyaron v lagabhag adhi british sena ko kam par laga diya gaya. khajane ki khoj ke lie angrejon ne kuchh bharatiy jasooson ki bhi madad li. jisake chalate vah khajana dhoondh pane men lagabhag saphal ho hi ge. mahal men khoj ke dauran angrejon ko sat gahare kune mile. jinamen talashane par unhen sone ki plet mili. isase yah pakka ho gaya ki nana saheb ka khajana inhin kuon men kahin chhipaya gaya hai.[1]

is dauran sara pani nikal kar jab kune ki talashi li gee, to kuen ke tal men bade-bade bakse dikhe, jisamen sone ki kee pleten, chandi ke sikke v any beshakimati saman rakha hua tha. itana bada khajana angrejon ke hath lag chuka tha, bavajood isake unaka manana tha ki nana saheb khajane ka ek bahut bada hissa apane sath le ge hain.

mrityu

nana sahab ki mrityu ko lekar itihasakaron men matabhed hain. mana jata hai ki nepal ke devakhari ganv men rahate hue nana saheb bhaynkar bukhar se pidit ho ge aur isi ke parinamasvaroop matr 34 sal ki umr men 6 aktoobar, 1858 ko inaki maut ho gee. kuchh vidvanon evn shodharthiyon ke anusar krantikari nana sahab ke jivan ka patakshep nepal men n hokar gujarat ke aitihasik sthal sihor men hua.

sihor ke gomateshvar sthit gupha, brahmakund ki samadhi, nana sahab ke pautr keshavalal ke ghar men surakshit nagapur, dilli, poona aur nepal adi se aye nana ko sambodhit patr, tatha bhavani talavar, nana sahab ki pothi, pooja karane ke granth aur moorti, patr tatha svakshari; nana sahab ki mrityu tak unaki seva karane vali jadiben ke ghar se prapt granth, chhatrapati paduka aur svayn jadiben dvara nyayalay men diye gaye bayan is tathy ko siddh karate hai ki sihor, gujarat ke svami dayanand yogendr nana sahab hi the, jinhonne kranti ki koee snbhavana n hone par 1865 ko sihor men sannyas le liya tha. moolashnkar bhatt aur mehata ji ke gharon se prapt pothiyon se upalabdh tathyon ke anusar, bimari ke bad nana sahab ka nidhan moolashnkar bhatt ke nivas par bhadramas ki amavasya ko hua.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1857 ki kranti ke hiro ki maut ka rahasy! (hindi) roar.media. abhigaman tithi: 24 sitnbar, 2020.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah