पेशवा  हिन्दी देवनागरी में पढ़ें।

peshava
shivaji
vivaran peshava maratha samrajy men raja ke salahakar ko kaha jata tha. peshava ka pad moolaroop se shivaji dvara niyukt ashtapradhanon men se ek tha.
maratha peshava balaji vishvanath - 1713-1720 ee.

bajirav pratham - 1720-1740 ee.
balaji bajirav - 1740-1761 ee.
madhavarav pratham - 1761-1772 ee.
narayanarav - 1772-1773 ee.
raghunatharav - 1773-1774 ee.
madhavarav dvitiy - 1774-1795 ee.
bajirav dvitiy - 1796-1818 ee.

vishesh maratha samrajy men peshava ka pad pahale vnshagat nahin tha, lekin balaji bajirav ne 1749 ee. men maharaj shahoo ki mrityu ke bad peshava pad ko vnshagat bana diya tha.
snbndhit lekh shivaji, shahaji bhonsale, jijabaee, shambhaji, shahoo, tarabaee, nana phadanavis, maratha samrajy, maratha,
any janakari shahoo ke rajyakal men balaji vishvanath ne is pad ka mahattv bahut adhik badha diya tha. vah 1713 ee. men peshava niyukt hua aur 1720 ee. men mrityu hone tak is pad par bana raha.

peshava ka pad moolaroop se shivaji dvara niyukt ashtapradhanon men se ek tha. peshava ko 'mukhy pradhan' bhi kahate the. usaka kary samany riti se prajahit par dhyan rakhana tha. maratha samrajy men peshava ka pad pahale vnshagat nahin tha, lekin balaji bajirav ne 1749 ee. men maharaj shahoo ki mrityu ke bad peshava pad ko vnshagat bana diya tha. balaji bajirav ne is pad ko maratha samrajy men sarvochch sthan ka darja dilavaya tha.

peshava pad ka mahattv

shahoo (1708-48 ee.) ke rajyakal men balaji vishvanath ne is pad ka mahattv bahut adhik badha diya tha. vah 1713 ee. men peshava niyukt hua aur 1720 ee. men mrityu hone tak is pad par bana raha. usane senapati tatha rajanitigy, donon hi roopon men jo saphalata prapt ki, usase doosare pradhanon ki apeksha peshava ke pad ki maryada bahut hi badh gee. 1720 ee. men usaki mrityu ke bad usaka putr bajirav pratham peshava niyukt hua. tab se yah pad balaji ka ek prakar se khanadani haq ban gaya. bajirav pratham bis sal (1720-40 ee.) tak peshava raha aur usane nizam par vijay prapt karake tatha uttari bharat men vijay yatraen karake peshava ke pad ka mahattv aur bhi badha diya. usaki uttari bharat ki vijay yatraon ke phalasvaroop malava, gujarat tatha madhy bharat men maratha rajyashakti sthapit ho gee tatha maratha sngh ki shakti bahut badh gee. maratha sngh men shinde, holkar, gayakavad tatha bhonsale sammilit the.

1740 ee. men bajirav pratham ki mrityu hone par usaka putr balaji bajirav peshava bana. 1749 ee. men maharaj shahoo ki ni:sntan hi mrityu ho gee. isake phalasvaroop peshava ka pad vnshagat hone ke sath hi maratha rajy men sarvochch man liya gaya. peshava maratha rajy ki rajadhani satara se hatakar poona le gaya aur rajy ka vastavik itihas peshavaon ke itihas se samprikt ho gaya.

maratha rajy ki kshati

balaji bajirav ne 1740 se 1761 ee. tak shasan kiya aur vah itana shaktishali ho gaya, ki mugal badashah alamagir dvitiy (1754-59 ee.) aur shahalam dvitiy (1759-1806 ee.) ahamadashah abdali ke hamale se apani raksha karane ke lie us par ashrit rahe. balaji bajirav ke pita ne hindoo pad padashahi ki sthapana apana uddeshy banaya tha. parantu usane pita ki is niti ka tyag kar mugal samrajy ke sthan par maratha samrajy ki sthapana karana apana uddeshy bana liya aur hindoo tatha musalaman rajyon ko saman roop se lootana arambh kar diya. isake phalasvaroop maharashtr ke bahar ke sabhi pradeshon ke logon ki sahanubhooti vah kho baitha. 1761 ee. men abdali ki sena se usaki zabaradast har ka karan yah bhi ek tha. is ladaee men marathon ko bhaynkar kshati uthani padi aur usaka parinam unake lie atyant hi ghatak siddh hua. is ladaee ke chh: mahine ke bad hi peshava balaji bajirav shokabhibhoot hokar mar gaya.


inhen bhi dekhen: maratha samrajy evn maratha

maratha shakti ka patan

balaji bajirav ki mrityu ke bad peshavaon ka aur unake sath-sath maratha rajyashakti ka patan arambh ho gaya. madhavarav pratham ne panipat ki har se marathon ko ubharane ka bharapoor prayas kiya. usake inhin prayason se maratha shakti ek bar phir se badhane lagi thi. aisa pratit hota tha ki panipat men jo kuchh bhi marathon ne khoya tha, usase kahin adhik unhonne prapt kar liya hai. lekin achanak hi madhavarav pratham ki 1772 ee. men mrityu ho gee. agala peshava narayanarav (1772-73 ee.) men apane chacha raghova ke snket par mar dala gaya. usake bad 1773 ee. men kuchh samay ke lie radhova peshava raha, parantu use vivash hokar peshavaee narayanarav ki mrityu ke bad janme usake putr madhavarav narayan ko saunpani padi. madhavarav narayan (athava madhavarav dvitiy) 1774 ee. se 1795 ee. tak peshava raha. parantu radhova peshava kul kalnk sabit hua. apani svarthapoorti ke lie usane peshava ko pahale angrez-maratha yuddh men phnsa diya, jo 1775- se 1782 ee. tak chalata raha. is yuddh ke phalasvaroop maratha sngh par peshava ka niyntran aur shithil pad gaya.

nana phadanavis ki mrityu

nana phadanavis is samay peshava ka pradhan amaty tha. usaki nitikushalata tatha yogyata ke karan agale 18 salon tak dakshin men peshavaon ki rajyashakti akhandit rahi, kintu uttar bharat men maratha rajyashakti sthapit karane ke sare prayatn tyag diye gaye. 1800 ee. men nana phadanavis ki mrityu ke sath peshava ko buddhimattapoorn salah dene vala koee nahin tha.

basee ki sndhi

1802 ee. men peshava bajirav dvitiy ne, jo 1796 ee. men dhokhebazi aur chalaki se peshava bana tha, apane maratha saradaron, vishesh roop se malhararav holkar aur mahadaji shinde ke chngul se apane ko bachane ke lie basee bhag gaya, aur vahan par usane angrezon ke sath svechchha se basee ki sandhi kar li. usane angrezon ki ashrit sena rakhana svikar karake ek prakar se apani svatntrata bech di. bajirav dvitiy ne angrezon ke sath bhi apana vachan nahin nibhaya, jisase angrez bhi usake dushman ho ge. usake sath qayaratapoorn acharan par maratha saradaron men bhari akrosh utpann ho gaya. phalasvaroop doosara maratha yuddh (1803-05 ee.) arambh hua, aur maratha rajy shakti aur mazabooti se angrezon ke fauladi pnjon men kas gee.

bajirav dvitiy ki mrityu

angrezon ka jua apane par lad lene par bajirav dvitiy ko shighr hi pachhatava hone laga tha, ki usane ek bahut bhari galati ki hai. usake dvara us jue ko utar phenkane ki koshish karane par tisara maratha yuddh (1817-19 ee.) chhid gaya. is yuddh men kee ladaeeyon men peshava ki nirnayatmak har huee aur use gaddi se utar diya gaya aur peshavaee samapt kar di gee, phir bhi bajirav dvitiy ko 8 lakh rupaye ki varshik penshan par kanapur ke nikat bithoor jakar rahane ki ijazat de di gee. 1853 ee. men bithoor men hi usaki mrityu ho gee. angrezon ne usake god liye hue ladake nana sahab ko penshan dene se inkar kar diya. isake phalasvaroop usane pratham svadhinata sngram men pramukh bhag liya aur ant men parajit ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah