बालाजी बाजीराव  हिन्दी देवनागरी में पढ़ें।

balaji bajirav
balaji bajirav
poora nam balaji bajirav
janm 8 disambar, 1721 ee.
mrityu tithi 23 joon, 1761 ee.
pita/mata bajirav pratham
prasiddhi maratha peshava
yuddh 'udagiri ka yuddh', 'panipat ka yuddh'
poorvadhikari bajirav pratham
vnsh maratha
shasan kal 1740 se 1761 ee.
snbndhit lekh maratha, maratha samrajy, shahaji bhonsale, shivaji, shambhaji, shahoo, peshava, balaji vishvanath, bajirav pratham, bajirav dvitiy, nana phadanavis, dadaji kondadev, shivaji ki shasan vyavastha
any janakari balaji bajirav ne 1740 ee. men peshava ka pad prapt kiya tha. pad prapti ke samay vah 18 varsh ka nav-yuvak tha. isi ke samay men ahamadashah abdali ka akraman hua tha.

balaji bajirav (angrezi: Balaji Bajirao, janm- 8 disambar, 1721 ee.; mrityu- 23 joon, 1761 ee.) bajirav pratham ka jyeshth putr tha. vah pita ki mrityu ke bad peshava bana tha. balaji vishvanath ke samay men hi peshava ka pad paitrik ban gaya tha. 1750 ee. huee 'sngoli sndhi' ke bad peshava ke hath men sare adhikar surakshit ho gaye. ab 'chhatrapati' (raja ka pad) dikhave bhar ka rah gaya tha. balaji bajirav ne maratha shakti ka uttar tatha dakshin bharat, donon or vistar kiya. is prakar usake samay katak se atak tak maratha dudumbhi bajane lagi. balaji ne malava tatha bundelakhand men marathon ke adhikar ko qayam rakhate hue tnjaur pradesh ko bhi jita. balaji bajirav ne haidarabad ke nizam ko ek yuddh men parajit kar 1752 ee. men 'bhalaki ki sndhi' ki, jisake tahat nizam ne barar ka adha bhag marathon ko de diya. bngal par kiye gaye akraman ke parinamasvaroop alivardi khan ko badhy hokar udisa tyagana pada aur bngal tatha bihar se chauth ke roop men 12 lakh rupaya varshik dena svikar karana pada. 1760 ee. men udagiri ke yuddh men nizam ne karari har khaee. marathon ne 60 lakh rupaye varshik kar ka pradesh, jisamen ahamadanagar, daulatabad, burahanapur tatha bijapur nagar sammilit the, prapt kar liya.

vyaktitv

balaji bajirav ne 1740 ee. men peshava ka pad prapt kiya tha. pad prapti ke samay vah 18 varsh ka nav-yuvak tha. vah vishram tatha vilas ka premi tha. usamen apane pita bajirav pratham ke saman uchchatar gun nahin the, parantu vah yogyata men kisi bhi prakar se shoony nahin tha. vah apane pita ki tarah yuddh snchalan, vishal sena ke sngathan tatha samagri-sngrah aur yuddh ki sabhi samagri ki taiyari men utsahapoorvak laga rahata tha. usane apane pita ke kuchh yogy evn anubhavi afasaron ki sevaen prapt ki thin.

sahoo ka dastavez

raja sahoo ne 1749 ee. men apani mrityu se poorv ek dastavez rakh chhoda tha, jisamen peshava ko kuchh bndhanon ke sath rajy ka sarvochch adhikar saunp diya gaya tha. usamen yah kaha gaya tha ki peshava raja ke nam ko sada banaye rakhe tatha tarabaee ke pautr evn usake vnshajon ke dvara shivaji ke vnsh ki pratishtha qayam rakhe. usamen yah adesh bhi tha ki kolhapur rajy ko svatntr samajhana chahie tatha jagiradaron ke maujooda adhikaron ko manana chahie. peshava ko jagiradaron ke sath aise prabandh karane ka adhikar rahega, jo hindoo shakti ke badhane tatha devamandiron, kisanon aur pratyek pavitr athava labhadayak vastu ki raksha karane men labhakari hon.

tarabaee ki apatti

sahoo dvara jari kiye ge dastavez par tarabaee ne gahari apatti prakat ki. usane damaji gayakavad se milakar peshava balaji bajirav ke viruddh vidroh kar diya tatha yuvak raja ko bandi bana liya. parantu balaji bajirav ne apane samast vipakshiyon ko parast kar diya. raja, peshava balaji bajirav ke hathon men vastut: qaidi hokar hi raha aur peshava ab se maratha sngh ka vastavik pradhan ban baitha.

sena men parivartan

balaji bajirav ne maratha samrajyavad ko badhava dene ka snkalp kar liya tha, parantu do prakar se apane pita ki niti ka parityag kar usane bhool ki. prathamat: usake samay men sena men krantikari parivartan hua. shivaji ke samay men halki paidal sena shakti ka pradhan sadhan thi. yadyapi bajirav pratham ne badi snkhya men ghudasavaron ko niyukt kiya tha, parantu usane yuddh karane ke purane kaushal ka parityag nahin kiya. balaji bajirav ne sena men sabhi prakar ke bhade ke gair-maratha sainikon ko, pashchimi yuddh shaili ke apanane ke uddeshy se, niyukt kar liya. is prakar sena ka rashtriy roop nasht ho gaya aur kee videshi tatvon ko uchit anushasak evn niyntran men rakhana asan n raha. purani yuddh sheli bhi ashink roop men chhod di gee. doosare, balaji bajirav ne janaboojh kar apane pita ke 'hindoo pad padashahi' ke adarsh ko, jisaka uddeshy tha, sabhi hindoo saradaron ko ek jhande ke niche snyukt karana, tyag diya. usake anugamiyon ne lootamar vali ladaee ki purani yojana ko apanaya. ve muslim evn hindoo donon ke viruddh bina bhedabhav ke lootamar machane lage. isase rajapooton tatha any hindoo saradaron ki sahanubhooti jati rahi. is prakar maratha samrajyavad ek bharatavyapi rashtriyata ke lie nahin rah gaya. ab isake lie bhitari athava bahari muslim shaktiyon ke viruddh hindoo shaktiyon ka ek jhande ke niche sngathan karana sambhav nahin raha.

abdali ka akraman

balaji bajirav ke samay men hi ahamadashah abdali ka akraman hua, jisamen marathe buri tarah parast hue. isase pahale balaji ke samay mugal samrajy ke sthan par hindoo rajy ki sthapana ke lie sthiti anukool thi. bharat par bahari akraman ho rahe the aur 1739 ee. men nadirashah dvara dilli nirdayatapoorvak ujadi ja chuki thi. mugal samrajy ki sakh itani zyada isase pahale kabhi nahin giri thi. uparant ahamadashah abdali ke bar-bar ke hamalon se vah aur bhi kamazor ho gaya. ahamadashah abdali ne pnjab par adhikar kar liya. dilli ko loota aur apane pratinidhi ke roop men najibuddaula ko rakh diya, jo mugal badashah ke oopar vyavaharik roop men huqoomat karane laga. is prakar yah prakat tha ki bharat ke hinduon men yadi ekata sthapit ho sake, to ve mugal samrajy ko samapt karane men samarth ho sakate hain. is par bhi peshava balaji bajirav is avasar se labh nahin utha saka.

naye sipahiyon ki bharti

anekon upalabdhiyon ke bavajood balaji bajirav ke samay 'hindoo pad padashahi' ko dhakka laga, visheshakar jab holkar aur sindhiya ne rajapoot pradeshon ko loota aur raghunatharav ne khamber ke jat durg ko gher liya. isalie panipat ke yuddh men jahan sabhi muslim saradar ek ho ge, marathe, jat aur rajapooton ko apane sath milane men asaphal rahe. tulaji agriya ki nausena ko samapt karane men angrejon ki madad karana bhi inaki badi bhool thi. peshava ne maratha sainy shakti ko badhane ke lie hajaron ki snkhya men rajapoot, bundela tatha afagan sipahiyon ki bharti ki.

anshik saphalataen

balaji bajirav ne halke hathiyaron se susajjit phurtili paidal sena ka prayog karane ki purani maratha rananiti men bhi parivartan kar diya. vah pahale ki apeksha adhik vazanadar hathiyaron se lais ghudasavaron aur bhari topakhane ko adhik mahattv dene laga. peshava svayn apane saradaron ko pados ke rajapoot rajaon ke ilaqon men loot-khasot karane ke lie utsahit karata tha. is prakar vah apane purane mitron ki sahayata se vnchit ho gaya, jo usake pita bajirav pratham ke lie bade upayogi siddh hue the. isake sath hi do morchon par dakshin men 'nizam' ke viruddh aur uttar men ahamadashah abdali ke viruddh ladane ki galati usane ki. arambh men to use kuchh saphalata mili, usane nizam ko 1750 ee. men udagir ki ladaee men hara diya aur bijapur ka poora pradesh aur aurngabad aur bidar ke bade bhagon ko nizam se chhin liya. maratha shakti ka sudoor dakshin men bhi prasar hua. unhonne maisoor ke hindoo raja ko hara kar bedanoor par akraman kar diya. kintu unake badhav ko maisoor rajy ke senapati haidar ali ne rok diya, jisane bad men vahan ke hindoo raja ko apadasth kar diya.

uttar men balaji bajirav ko pahale to achchhi saphalata mili, usaki sena ne rajapooton ki riyasaton ki manamane dhng se lootapat ki, doab ko raundakar us par adhikar kar liya, mugal badashah se gathabndhan karake dilli par dabadaba jama liya, abdali ke nayab najibuddaula ko khaded diya aur pnjab se abdali ke putr taimoor ko nishkasit kar diya. is prakar marathon ka dabadaba atak tak phail gaya. kintu marathon ki yah saphalata alpakalik siddh huee. 1759 ee. men pun: bharat par ahamadashah abdali ka akraman hua aur usane marathon ko janavari 1760 ee. men barar ghat ki ladaee men haraya aur pnjab ko pun: prapt kar dilli ki taraf badha.

virodhi

is bich marathon ki lootamar se n keval ruhele aur avadh ke navab varanh rajapoot, jat aur sikkh bhi virodhi ban gaye the. ruhele aur avadh ke navab to abdali se ja mile, rajapoot, jat aur sikkhon ne tatasth rahana pasand kiya. phalat: abdali ki fauj ka dilli ki taraf badhav shahalam dvitiy ke lie utana hi bada khatara tha, jitana ki marathon ke lie. at: donon ne apas men sndhi kar li.

marathon ki parajay

peshava balaji bajirav ne sadashivarav bhaoo ke senapatitv men ek badi sena abdali ko rokane ke lie bheji. peshavaon ne abhi tak uttar bharat men jitani bhi senaen bheji thin, unase yah sabase vishal thi. marathon ne dilli par qabza to kar liya, par vah unake lie marubhoomi sabit huee, kyonki vahan itani badi sena ke lie rasad upalabdh nahin thi. at: ve panipat ki taraf badh ge. 14 janavari, 1761 ee. ko ahamadashah abdali ke sath panipat ka tisara bhagy nirnayak yuddh hua. marathon ki buri tarah se har huee. peshava ka yuva putr vishvasarav, jo ki namamatr ka senapati tha, bhaoo, jo vastav men sena ki qaman sambhal raha tha tatha anek maratha senani maidan men khet rahe. unaki ghudasavar aur paidal sena ke hazaron javan mare gaye.

mrityu

vastav men panipat ka tisara yuddh samooche rashtr ke lie bhaynkar vajrapat siddh hua. peshava balaji bajirav ki, jo bhog-vilas ke karan pahale hi asadhy rog se grast ho gaya tha, 23 joon, 1761 ee. men mrityu ho gee.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah