बीजापुर  हिन्दी देवनागरी में पढ़ें।

gol gumbad, bijapur

bijapur uttari karnatak (bhootapoorv maisoor) rajy ka ek shahar hai. bijapur nagar ka prachin nam 'vijayapur' kaha jata hai. madhy kalin muslim sthapaty kala ka yah mahattvapoorn sthal, pahale vijayapur kahalata tha. bahamani rajavnsh ki prantiy rajadhani banane se pahale, 1294 tak, ek shatabdi se bhi adhik samay tak yadav vnsh ke antargat yah ek mahattvapoorn nagar tha.

sthapana

bahamani rajavnsh ke patan ke bad bane 5 naye rajyon men bijapur ka vishesh sthan tha. is svatntr rajy ki sthapana 1489 ee. men yoosuf adilashah ne ki. yah dharmik roop se sahishnu evn nyayapriy shasak tha. isake darabar men eeran, madhy eshiya, turkistan se vidvanon ka ana-jana laga rahata tha. isake bad ke 3 uttaradhikari 'ismaeel adilashah' (1510 sen 1534 ee.), 'ibrahim adilashah' (1535 se 1558 ee.), 'ali adilashah pratham' (1558 se 1580) ayogy the. ibrahim adilashah ne farasi ke sthan par 'hindavi' (dakkani urdoo) ko rajabhasha banaya aur shasan men anek hinduon ko niyukt kiya. ali adilashah ka vivah ahamadanagar ke 'husain nizamashah' ki putri chandabibi se hua tha.

itihas

bijapur 'sholapur-hubali relapath' par sholapur se 68 mil door sthit hai. 11vin shati ke bauddh avashesh hal hi ki khoj men yahan prapt hue hain, jisase is sthan ka itihas poorv-madhyakal tak pahunchata hai. kintu bijapur ka jo ab tak itihas gyat hai, vah prayah 1489 ee. se 1686 tak ke kal ke andar hi simit hai. in do sau varshon men bijapur men adilashahi vnsh ke sultanon ka adhipaty tha. is vnsh ka pratham sultan 'yoosuf adil khan' tha, jo 'altooniya' ka nivasi tha. isane bahamani rajy ke nasht-bhrasht hone par yahan svadhin riyasat sthapit ki. bijapur ka nirman talikota ke yuddh (1556 ee.) ke pashchath vijay nagar ke dhvnsavasheshon ki samagri se kiya gaya tha. adilashahi sultan shiya the, aur eeran ki snskriti ke premi the. isilie unaki imaraton men vishalata aur udarata ki chhap dikhaee padati hai.
ibrahim rauza, bijapur
marathon aur shivaji ki aitihasik gathaon ke snbndh men bijapur ka nam barabar sunaee deta hai. bijapur ke sultan ki senaon ko kee bar shivaji ne parast karake apane chhine hue qile vapas le lie the. bijapur ke saradar afazal khan ko pratapagadh ke qile ke pas shivaji ne bade kaushal se marakar maratha itihas men abhootapoorv khyati prapt ki thi. 1686 ee. men mugal samrat aur aurngazeb ne bijapur ki svatntr rajyasatta ka ant kar diya aur tatpashchath bijapur mugal samrajy ka ek ang ban gaya.

udyog aur vyapar

udyogon men kapas ki otaee, tilahan ki milen, sabun, rasayan aur rngarezi se snbndhit udyog shamil hain.

ullekhaniy imaraten

gol gumbad

bijapur men adilashahi shasan ke samay ki anek ullekhaniy imaraten hain jo usaki tatkalin samriddhi ki parichayak hain. yahan ki sabhi imaraten prachin qile ya purane nagar ke andar sthit hain. gol gumbad muhammad adilashah (1626-1656) ka maqabara hai. isake pharsh ka kshetraphal 18337 vargaphut hai jo rom ke pethinyan sent pitar-girje ke gumbad se kuchh hi chhota hai. isaki oonchaee pharsh se 175 phut hai aur isaki chhat men lagabhag 130 phut varg sthan ghira hua hai. is gunbad ka chap ashcharyajanak riti se vishal hai. divaron par isake dhakke ki shakti ko kam karane ke lie gumbad men bhari nilnbit snrachanaen bani hain, jisase gumbad ka bhar bhitar ki or rahe. yah gumbad shayad snsar ki sabase badi upajap vithi hai. jisamen sookshm shabd bhi ek sire se doosare tak asani se suna ja sakata hai.

jama masjid, bijapur

ibrahim rauza

ibrahim dvitiy (1580-1627) ka rauja malik sadal namak eerani vastu visharad ka banaya hua hai. golagunbaj ke viparit isaki visheshata vishalata athava bhavyata men nahin varanh patthar ki sookshm karigari tatha takshanashilp men hai. isamen khidakiyon ki jaliyan arabi aksharon ke roop men kati gee hain jisase aisa pratit hota hai ki isamen jo patthar lage hain ve bina kisi adhar ke tike hain. kuchh vastuvidon ka kahana hai ki bhavan ka nirmanashilp sarvotkrisht koti ka hai.

jama masjid

jama masjid 1576 ee. men banani shuroo huee thi. 1686 ee. men aurngazeb ne isamen abhivriddhi ki kintu yah apoorn hi rah gee hai. isake pharsh men 2250 ayat bane hain. isaki oonchaee 240 phut aur chaudaee 130 phut hai. isamen lnbe bal men panch aur chaude bal men 9 dalan hain. madhy ka sthan vishal gumbad se dhaka hai. jisaki bhitari chaudaee 96 phut hai. prangad poorv–pashchim 187 phut hai. isamen uttar-dakshin ki or ek baramada hai. poorv ke kone men do minaren banaee jane vali thi, kintu keval uttari minar hi prarnbh ho saki.

gagan mahal

gagan mahal (1561 ee.) ka kenndriy chap bhi 61 phut chauda hai kintu yah imarat ab khndahar ho gee hai. isaki lakadi ki chhat ko marathon ne nikal liya tha.

asar mahal

bara kaman, bijapur

asar mubarak mahal bhi mukhyatah kashth nirmit hai. sammukhin bhag khula hua hai. chhat do kashth stambhon par adharit hai. isake bhitar bhi lakadi ka alnkaran hai aur chitrakari ki huee hai.

mihatar mahal

mihatar mahal men jo ek masajid ka pravesh dvar hai, patthar ki naqqashi ka sundar kam pradarshit hai. khidakiyon ke pattharon par anokhe bel boote aur knganiyon ke adhar-pashanon par manohar naqqashi, is bhavan ki any visheshataen hain.

any imaraten

bijapur ki any imaraton men bukhara masajid, adalat mahal, yakoot dabali ki masajid, khavas khan aur masajid, chhota chini mahal aur arsh-mahal ullekhaniy hai. bijapur ki vastukala agara aur dilli ki mugalashaili se bhinn hai. kintu maulikata aur nirman kaushal men usase kisi ang men nyoon nahin. yahan ki imaraton men hindoo prabhav lagabhag nahin ke barabar hai. kintu eerani nirman shilp ki chhap inaki vishal tatha vistirn snrachanaon men spasht roop se dekhi ja sakati hai.

janasnkhya

bijapur ki janasnkhya (2001) shahar men 2,45,946 hai. aur bijapur zile men kul janasnkhya 18,08,863 hai.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah