हैदर अली  हिन्दी देवनागरी में पढ़ें।

haidar ali
haidar ali
poora nam haidar ali
janm 1721 ee, mrityu
janm bhoomi budikot, maisoor, bharat
mrityu tithi 7 disambar, 1782
shasan 18vin shatabdi ke madhy ek vir yoddha tha, jo apani yogyata aur qabaliyat ke bal par maisoor ka shasak ban gaya.
yuddh 1782 men koleroon nadi ke tat par hue yuddh men haidar ali ke putr tipoo sultan ne 400 fransisi sainikon ke sahayog se 100 british aur 1,800 bharatiy sainikon ko parajit kar diya.
pad haidar ali ne maisoor sena men briged kamandar ke pad par niyukt hue.
any janakari haidar ali ko badi kathin sthiti ka samana karana pada. haidarabad ka nizam, marathe aur angrez sabhi usake shatru ho ge. in tinon ne 1766 ee. men usake viruddh sandhi kar li.

haidar ali (angrezi: Hyder Ali, janm- 1721 ee, mrityu- 7 disambar, 1782 ee.) 18vin shatabdi ke madhy ek vir yoddha tha, jo apani yogyata aur qabaliyat ke bal par maisoor ka shasak ban gaya. haidar ali ka janm 1722 men, budikot, maisoor, bharat men hua tha. maisoor ke muslim shasak aur senapati ke roop men haidar ali ne 18vin shatabdi ke madhy men dakshin bharat men hue yuddhon men mahattvapoorn bhoomika nibhaee thi.

maisoor ka shasak

ek fransisi vyakti josef fraikvay doople se yuddh kaushal sikhane ke bad haidar ali ne maisoor sena men briged kamandar ke pad par niyukt apane bhaee ko bambee (vartaman mumbee) sarakar se sainik sazo-saman hasil karane aur 30 yooropiy nagarikon ko bandooqachi bahal karane ke lie prerit kiya. is tarah pahali bar kisi bharatiy dvara bandooqon aur snginon se lais niyntrit sipahiyon ki tukadi ka gathan hua, jisake pichhe aise topakhane ki shakti thi, jisake topachi yooropiy the. haidar ali ne 1749 men maisoor men svatntr kaman prapt ki. bad men usane pradhanamntri nnjaraj ki jagah le li aur raja ko usake hi mahal men nazaraband kar diya. phir lagabhag 1761 men vah maisoor ka shasak ban gaya. usane bahut jaldi hi badanaur, kanara tatha dakshin bharat ki chhoti-chhoti riyasaton ko jitakar apane rajy men mila liya.

yogy senapati evn sahishnu

yadyapi haidar ali anapadh tha, tathapi bahut kushal shasak aur yogy senapati siddh hua. vah rajy ke sare kam apane samane bahut drut gati se nibatata tha. sabhi log badi asani se usase bhent kar sakate the. us zamane ke muslim shasakon men haidar ali sabase sahishnu shasak mana jata tha.

kathinaiyon se samana

haidar ali ko badi kathin sthiti ka samana karana pada. haidarabad ka nizam, marathe aur angrez sabhi usake shatru ho ge. in tinon ne 1766 ee. men usake viruddh sandhi kar li. kintu haidar ali kathinaiyon se ghabarane valon men se nahin tha. usane jaldi hi marathon ko apani or mila liya aur phir angrezon aur nizam se jamakar loha liya. usane mngalaur par pun: adhikar kar liya. bambee (vartaman mumbee) sthit angrezi sena ko parajit kiya. 1768 ee. men vah madras ke panch mil nikat tak pahunch gaya tatha angrezon ko apane anukool sandhi karane par badhy kar diya. is sandhi ke anusar angrezon ne haidar ali ke vijit pradeshon par usake adhipaty ko svikar kar liya aur yah vayada kiya ki jab kabhi bhi maisoor par hamala hoga, angrez haidar ali ki madad karenge. is prakar angrezon par pahali vijay prapt karane se haidar ali ki pratishtha bahut badh gee.

angrezon ki dagabazi

1771 ee. men marathon ne maisoor rajy par hamala bol diya. angrezon ne apana vayada poora nahin kiya aur haidar ali ki koee sahayata nahin ki. isase kshubdh hokar 1779 men haidar ne bhade ke fransisi aur yooropiy sainikon ki madad se apani sena sashakt ki tatha angrazon ke khilaf nizam v marathon se samajhauta kiya. angrezon ne haidar ali ke ilaqe men avasthit mahe men fransisi upanivesh par adhikar kar liya, jisane haidar ki narazagi ko badha diya. 1780 men usane dakshin bharat ke kshetr, karnatak men, yuddh karake angrezon ki 2,800 sainikon ki tukadi ko tahas-nahas kar diya aur arkat par qabza kar liya. isake bad, nizam aur marathon se haidar ali ka sambandh vichchhed karane men angrez saphal rahe aur 1781 men porto novo, polliloor aur sholingoor ke yuddhon men unhonne haidar ali ko lagatar tin bar parajit kiya. porto novo men haidar ali ke 10,000 se adhik sainik mare ge.

porto novo ka yuddh

1782 men koleroon nadi ke tat par hue yuddh men haidar ali ke putr tipoo sultan ne 400 fransisi sainikon ke sahayog se 100 british aur 1,800 bharatiy sainikon ko parajit kar diya. usi varsh aprail men jab angrez haidar ali aur tipoo sultan ko maidan men sthit unake pramukh shastragar arani ke qile se khadedane ka prayas kar rahe the, porto novo men 1,200 fransisi sainik utare aur kaddalor par qabza kar liya. jaaurj maikartane dvara madras (vartaman chennee) ke gavarnar ka pad sambhalane ke bad british nausena ne nagapattinam par adhikar kar liya aur haidar ali ko yaqin dila diya ki vah angrezon ko nahin rok sakate.

dehant

haidar ali ko usake deshavasiyon ne sahayata nahin di, phir bhi usane akele hi angrezon se datakar loha liya. haidar ali kainsar rog se pidit tha. jab yuddh chal raha tha, tabhi 7 disambar, 1782 ee. men usaka dehant ho gaya. mrityu ke samay haidar ne tipoo sultan se angrezon ke sath shanti banae rakhane ki manuhar ki thi.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  • (pustak 'bharatiy itihas kosh') prishth snkhya-506
  • (pustak 'bharat gyanakosh') bhag-6, prishth snkhya-253

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah