लाचित बोड़फुकन  हिन्दी देवनागरी में पढ़ें।

lachit bodaphukan
lachit bodaphukan
poora nam lachit bodaphukan
mrityu asam
abhibhavak pita- momaee tamuli bodabarua
karm bhoomi bharat
karm-kshetr ahom senapati
prasiddhi vir yoddha
vishesh lachit bodaphukan ke parakram aur saraeeghat ki ladaee men asamiya sena ki vijay ka smaran karane ke lie snpoorn asam men prati varsh 24 navambar ko 'lachit divas' manaya jata hai.
any janakari lachit bodaphukan ka koee pramanik chitr upalabdh nahin hai, lekin ek purana itivritt unaka varnan is prakar karata hai, "unaka mukh chauda hai aur poornima ke chndrama ki tarah dikhaee deta hai. koee bhi unake chehare ki or ankh uthakar nahin dekh sakata."

lachit bodaphukan (angrezi: Lachit Borphukan) ka nam asam ke itihas men bada hi mahattvapoorn hai. inhen apani virata aur kushal netritv kshamata ke lie yad kiya jata hai. lachit ahom samrajy ke senapati aur bodaphukan the. saraeeghat ki ladaee (1671 ee.) men inhonne behatarin soojhaboojh ka parichay diya tha. inhonne kamaroop par punah adhikar prapt karane ke lie ramasinh pratham ke netritv vali mugal senaon ka prayas viphal kar diya gaya tha.

parichay

lachit bodaphukan, momaee tamuli bodabarua ke putr the, jo ki pratap sinh ke shasan-kal men pahale bodabarua[1] the. lachit bodaphukan ne manaviki, shastr aur sainy kaushal ki shiksha prapt ki thi. unhen ahom svargadev ke dhvaj vahak[2] ka pad saunpa gaya tha, jo ki kisi mahatvakankshi kootanitigy ya rajaneta ke lie pahala mahatvapoorn kadam mana jata tha. bodaphukan ke roop men apani niyukti se poorv lachit ahom raja chakradhvaj sinh ki shahi ghudasal ke adhikshak, rananaitik roop se mahatvapoorn simulagadh kile ke pramukh aur shahi ghudasavar rakshak dal ke adhikshak[3] ke padon par asin rahe the.

raja chakradhvaj ne guvahati ke shasak mugalon ke viruddh abhiyan men sena ka netritv karane ke lie lachit bodaphukan ka chayan kiya. raja ne upaharasvaroop lachit ko sone ki mooth vali ek talavar aur vishishtata ke pratik parnparik vastr pradan kie the. lachit ne sena ekatrit ki aur 1667 ee. ki garmiyon tak taiyariyan poori kar lin geen. lachit ne mugalon ke kabze se guvahati ko punah prapt kar liya aur saraeeghat ki ladaee men ve isaki raksha karane men saphal rahe. saraeeghat ki vijay ke lagabhag ek varsh bad prakritik karanon se lachit bodaphukan ki mrityu ho gee. unaka mrit sharir jorahat se 16 kimi door hoolungapara men svargadev udayadity sinh dvara san 1672 men nirmit lachit smarak men vishram kar raha hai. lachit bodaphukan ka koee chitr upalabdh nahin hai, lekin ek purana itivritt unaka varnan is prakar karata hai, "unaka mukh chauda hai aur poornima ke chndrama ki tarah dikhaee deta hai. koee bhi unake chehare ki or ankh uthakar nahin dekh sakata."

saraeeghat ka yuddh

lachit aur unaki sena dvara parajit hone ke bad, mugal sena brahmaputr nadi ke raste dhaka se asam ki or chali aur guvahati ki or badhane lagin. ramasinh ke netritv vali mugal sena men 30,000 paidal, 15,000 tirndaz, 18,000 turki ghudasavar, 5,000 bndookachi aur 1,000 se adhik topon ke alava naukaon ka vishal beda tha. ladaee ke pahale charan men mugal senapati ramasinh asamiya sena ke viruddh koee bhi saphalata pane men viphal raha. ramasinh ke ek patr ke sath ahom shivir ki or ek tir chhoda gaya, jisamen likha tha ki lachit ko ek lakh rupaye diye gaye the aur isalie use guvahati chhodakar chale jana chahie. yah patr antatah ahom raja chakradhvaj sinh ke pas pahuncha. yadyapi raja ko lachit ki nishtha aur deshabhakti par sndeh hone laga tha, lekin unake pradhanamntri atan budagohen ne raja ko samajhaya ki yah lachit ke viruddh ek chal hai.

saraeeghat ki ladaee ke antim charan men, jab mugalon ne saraeeghat men nadi se akraman kiya, to asamiya sainik ladane ki ichchha khone lage. kuchh sainik pichhe hat ge. yadyapi lachit gnbhir roop se bimar the, phir bhi ve ek nav men savar hue aur sat navon ke sath mugal bede ki or badhe. unhonne sainikon se kaha, "yadi ap bhagana chahate hain, to bhag jaen. maharaj ne mujhe ek kary saunpa hai aur main ise achchhi tarah poora karoonga. mugalon ko mujhe bndi banakar le jane dijie. ap maharaj ko soochit kijiega ki unake senadhyaksh ne unake adesh ka palan karate hue achchhi tarah yuddh kiya. unake sainik lamabnd ho ge aur brahmaputr nadi men ek bhishan yuddh hua. lachit bodaphukan vijayi hue. mugal senaen guvahati se pichhe hat geen. mugal senapati ne ahom sainikon aur ahom senapati lachit bodaphukan ke hathon apani parajay svikar karate hue likha, "maharaj ki jay ho! salahakaron ki jay ho! senanayakon ki jay ho! desh ki jay ho! keval ek hi vyakti sabhi shaktiyon ka netritv karata hai! yahan tak ​​ki main ramasinh, vyaktigat roop se yuddh-sthal par upasthit hote hue bhi, koee kami ya koee avasar nahin dhoondh saka."

lachit divas

lachit bodaphukan ke parakram aur saraeeghat ki ladaee men asamiya sena ki vijay ka smaran karane ke lie snpoorn asam men prati varsh 24 navambar ko 'lachit divas' manaya jata hai. 'rashtriy raksha akadami' ke sarvashreshth kaidet ko 'lachit maidal' se sammanit kiya jata hai, jisaka nam lachit bodaphukan ke nam par rakha gaya hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. oopari asam ke rajyapal aur ahom sena ke mukhy senapati
  2. soladhar barua
  3. ya dolakakshariya barua

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah