दारा शिकोह  हिन्दी देवनागरी में पढ़ें।

dara shikoh
dara shikoh
poora nam shahazada dara shikoh
janm 20 march, 1615 ee.
mrityu tithi 30 agast, 1659 ee.[1] athava 9 sitambar, 1659[2]
pita/mata shahajahan aur mumataz mahal
pati/patni nadira banoo begam
dharmik manyata islam dharm
yuddh dharmat ka yuddh aur samoogadh ka yuddh
vnsh mugal vnsh
snbndhit lekh akabar, barniyar, aurngazeb
any janakari dara shikoh sabhi dharm aur mazahabon ka adar karata tha aur hindoo dharm, darshan v eesaee dharm men vishesh dilachaspi rakhata tha.

dara shikoh (angrezi: Dara Shikoh, janm: 20 march, 1615; mrityu: 30 agast, 1659) mugal badashah shahajahan aur mumataz mahal ka sabase bada putr tha. shahajahan apane is putr ko bahut adhik chahata tha aur ise mugal vnsh ka agala badashah banate hue dekhana chahata tha. shahajahan bhi dara shikoh ko bahut priy tha. vah apane pita ko poora man-samman deta tha aur usake pratyek adesh ka palan karata tha. arambh men dara shikoh pnjab ka soobedar banaya gaya, jisaka shasan vah rajadhani se apane pratinidhiyon ke zariye chalata tha.

vyaktitv

dara bahadur insan tha, aur bauddhik drishti se use apane prapitamah akabar ke gun virasat men mile the. vah soofivad ki or unmukh tha aur islam ke hanafi pnth ka anuyayi tha. itihasakar barniyar ne apani pustak 'barniyar ki bharat yatra' men likha hai- 'dara men achchhe gunon ki kami nahin thi. vah mitabhashi, hazir javab, namr aur atynt udar purush tha. parntu apane ko vah bahut buddhiman aur samajhadar samajhata tha aur usako is bat ka ghamnd tha ki apane buddhibal aur prayatn se vah har kam ka prabndh kar sakata hai. vah yah bhi samajhata tha ki jagath men aisa koee vyakti nahin jo usako kisi bat ki shiksha de sake. jo log darate-darate use kuchh salah dene ka sahas kar baithate, unake sath vah bahut bura bartav karata tha. is karan usake sachche shubhachintak bhi usake bhaiyon ke yatnon aur chalon se use soochit n kar sake. vah darane aur dhamakane men bada nipun tha, yahan tak ki bade-bade umara ko bura bhala kahane aur unake apaman kar dalane men bhi vah snkoch n karata tha parntu saubhagy ki bat yah thi, ki usaka krodh shighr hi shant bhi ho jata tha.'[3]

aurngazeb ka virodh

dara shikoh sabhi dharm aur mazahabon ka adar karata tha aur hindoo dharm, darshan v eesaee dharm men vishesh dilachaspi rakhata tha. usake in udar vicharon se kupit hokar kattarapnthi musalamanon ne us par islam ke prati anastha phailane ka arop lagaya. is paristhiti ka dara ke tisare bhaee aurngazeb ne khoob fayada uthaya. dara ne 1653 ee. men kndhar ki tisari gherabndi men bhag liya tha. yadyapi vah is abhiyan men vah viphal raha, phir bhi apane pita ka kripapatr bana raha. 1657 ee. men jab shahajahan bimar pada, to vah usake pas hi maujood rahata tha.
darshanikon ke sath dara shikoh
dara ki umr is samay 43 varsh ki thi aur vah pita ke takht-e-taoos ko uttaradhikar men pane ki ummid rakhata tha. lekin tinon chhote bhaiyon, khasakar aurngazeb ne usake is dave ka virodh kiya.

palayan evn patni ki mrityu

isake phalasvaroop dara shikoh ko uttaradhikar ke lie apane bhaiyon ke sath men yuddh karana pada, lekin shahajahan ke samarthan ke bavajood dara ki fauj 15 aprail, 1658 ee. ko dharmat ke yuddh men aurngazeb aur murad bakhsh ki snyukt fauj se parast ho gee. isake bad dara apane bagi bhaiyon ko dabane ke lie dubara khud apane netritv men shahi faujon ke sath nikala, kintu is bar bhi use 29 mee, 1658 ee. ko samoogadh ke yuddh men parajay ka munh dekhana pada. is bar dara ke liye agara vapas lautana sambhav nahin tha. vah sharanarthi ban gaya aur pnjab, kachchh, gujarat evn rajapootana men bhatakane ke bad tisari bar phir ek badi sena taiyar karane men saphal raha. dauraee men aprail, 1659 ee. men aurngazeb se usaki tisari aur akhiri muthabhed huee. is bar bhi vah phir se hara. dara phir sharanarthi banakar apani jan bachane ke lie rajapootana aur kachchh hota hua sindh ki taraf bhaga. yahan par usaki pyari nadira begam ka intaqal ho gaya.

maut ki saza

dara shikoh ne dadar ke afagan saradar jivan khan ka atithy svikar kiya. kintu malik jivan khan gaddar sabit hua, aur usane dara ko aurngazeb ki fauj ke havale kar diya, jo is bich barabar usaka pichha kar rahi thi. dara ko bandi banakar dilli laya gaya, jahan aurngazeb ke adesh par use bhikhari ki poshaq men ek chhoti-si hathini par baithakar sadakon par ghumaya gaya. isake bad mullaon ke samane usake khilaf muqadama chalaya gaya. dharmadroh ke abhiyog men mullaon ne use maut ki saza di.

mrityu

30 agast, 1659 athava 9 sitambar, 1659 ko is saza ke tahat dara shikoh ka sir kat liya gaya. usaka bada putr suleman pahale se hi aurngazeb ka bndi tha. 1662 ee. men aurngazeb ne jel men usaki bhi hatya kar di. dara ke doosare putr separahar shikoh ko bakhsh diya gaya, jisaki shadi bad men aurngazeb ki tisari ladaki se huee.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. jooliyan kailendar ke anusar
  2. gregori kailendar ke anusar
  3. barniyar ki bharat yatra (hindi) (php) pustak.org. abhigaman tithi: 24.10, 2010.

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah