बाबरनामा  हिन्दी देवनागरी में पढ़ें।

babaranama men gainde ke shikar ka drishy

babaranama mugal badashah babar ki atmakatha hai. babar ne ise turki bhasha men likha tha. aitihasik drishti se yah granth bada hi mahattvapoorn mana jata hai. isaka anuvad kee bhashaon men bhi ho chuka hai. 'babaranama' ki yah visheshata hai ki babar ne isamen apane charitr ka itana rochak chitr prastut kiya hai ki ise padhane vala ashchary men pad jata hai. babar ne isamen apane jivan ki anek ghatanaon ko vistar se likha hai.

aitihasik janakari ka srot

'babaranama' ke madhyam se babar dvara bharat men kiye ge yuddhon ki janakari milati hai. babar ne apane akraman ke samay bharat ki rajanitik dasha ka bhi vivaran diya hai. usane 'babaranama' men uttar aur dakshin bharat ke rajavnshon ke bare men bhi janakari di hai. panipat aur khanava ke yuddh men apanaee gee 'tulugma yuddh pranali' ki bhi vah janakari deta hai. 'babaranama' men babar ne likha hai ki "hindutaniyon ne khulakar usase dushmani nibhayi. jidhar bhi usaki sena gayi, hindustaniyon ne apane gharon ko jala diya aur kuon men jahar dal diya."[1]

babaranama (hindi anuvad)

'babaranama' nam se jani jane vali pustak ka mool shirshak 'tujuk-e-babari' hai. matr terah varsh ki ayu men hi babar ne satta ke lie sngharsh shuroo kar diya tha. apani atmakatha men usane samaraknd se qabul (afaganistan) aur phir dilli tak kie ge satta-sngharsh ko behatarin dhng se likha hai. yah pustak n sirf usake anubhavon ka darpan hai, balki tatkalin samaj ke bare men ek dastavej bhi hai. 'tujuk-e-babari' men babar ne apani adbhut sahityik kshamata, prakriti prem aur ruchi ka parichay diya hai, jise padhakar hi jana ja sakata hai. is pustak se yah pata chalata hai ki sthitiyon ne babar ko bhale hi yoddha bana diya tha, kintu usake andar bhi ek suruchipoorn kala-premi vyaktitv tha.

bharat ka zikr

'babaranama' men babar bharat ki jo mahattvapoorn janakari deta hai, vah hai bharat ke logon ka jivan, rahan-sahan, svabhav, bhoomi, jalavayu, prakritik drishy, bharat ki nadiyan, pashu-pakshi, phal, phool, bhavan nirman kala aur udyog dhndhe. babar likhata hai ki "hindustan ki sabase badi visheshata yah hai ki yah ek vishal desh hai. isamen sone aur chandi ki adhikata hai. yahan varsha ke dinon men jalavayu achchhi rahati hai. vah yah bhi likhata hai ki use yah dekhakar bada ashchary hua ki bharat men jara der men hi ganv bas jate hai aur ujad jate hain.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 babaranama (hindi). . abhigaman tithi: 25 janavari, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah