उर्फ़ी शीराज़ी  हिन्दी देवनागरी में पढ़ें।

urfi shirazi
urfi shirazi
poora nam urfi shirazi
janm 964 hijari (1557 ee.) athava 963 hijari (1556 ee.)
mrityu tithi 999 hijari (1 agast, 1591)
pita/mata pita- zainuddin balavi
prasiddhi urfi shirazi ki prasiddhi ka karan usake qaside the, jinaki joradar bhasha, navin tatha maulik vakyanshon ki rachana, prakaranon ki kramabaddhata tatha ne alnkaron evn navin upamaon ne use ek nee rachana shaili ka avishkarak bana diya.
any janakari urfi shirazi 10 march, 1585 ee. ko eeran se fatehapur sikari, agara pahuncha tha, jahan akabar ke darabar ke prasiddh kavi faizi ke sevakon men sammilit ho gaya aur unhin ke sath navambar, 1585 ee. men akabar ke shivir men atak pahuncha.

urfi shirazi [ angrezi: Orfi Shirazi, janm- 964 hijari (1557 ee.) athava 963 hijari (1556 ee.); mrityu- 999 hijari (1 agast, 1591)] mugal darabar men badashah akabar ke prasiddh kaviyon men se ek tha. usaki pratibha ne use svabhimani bana diya tha. urfi shirazi 10 march, 1585 ee. ko eeran se fatehapur sikari, agara pahuncha tha, jahan akabar ke darabar ke prasiddh kavi faizi ke sevakon men sammilit ho gaya aur unhin ke sath navambar, 1585 ee. men akabar ke shivir men atak pahuncha. urfi ke likhe qaside bahut prasiddh hain.

parichay

urfi shirazi eeran ka mool kavi tha. vah 1585 ee. men bharat a gaya tha. vah shiraz ka nivasi tha. usaka janm 964 hi. (1557 ee.) athava 963 hi. (1556 ee.) men hua tha. urfi shirazi ka pita zainuddin balavi shiraz men ek uchch pad par niyukt tha. usane tatkalin prachalit gyanon ke sath-sath chitrakala ki bhi shiksha prapt ki aur apane pita ke uchch pad ke anuroop apana takhallus urfi rakha.

bharat agaman

20 varsh ki avastha men chechak ke karan urfi shirazi kuroop ho gaya tha, lekin usake pita ke uchch pad tatha usaki pratibha ne use svabhimani bana diya tha. parinamasvaroop yuvavastha men hi apane samakalin prasiddh eerani kaviyon se takkar lene ke karan use eeran tyagakar bharat ana pada. us samay keval akabar ka hi darabar videshi kalakaron ko akarshit nahin karata tha apitu akabar ke uchch padadhikari bhi kalakaron ko ashray dene men eeran ke shah tahamasp evn shah abbas se kam n the. urfi shirazi samudr ke marg se 1585 ee. ahamadanagar aur vahan se 10 march, 1585 ee. ko fatehapur sikari pahuncha.

mugal ashray

agara ane ke bad urfi shirazi akabar ke darabar ke prasiddh kavi faizi ke sevakon men sammilit ho gaya. kuchh samay uparant vah akabar ke ek any amir masihuddin hakim abul fatah ka ashrit ho gaya. 1589 ee. men hakim ki mrityu ho gee. isake bad vah abdurrahim khanakhana ke ashriton men raha. phalat: urfi ki kala ko kramash: aur adhik parimarjit tatha unnat hone ka avasar milata raha. khanakhana usake prati vishesh udarata pradarshit karata tha. bad men vah akabar ke darabari kaviyon men sammilit ho gaya. shahajada salim se, jo jahangir ke nam se sinhasanaroodh hua, use bada prem tha.

rachana kary

urfi shirazi ki kushagr buddhi, vakh‌patuta evn vyngapriyata ne logon ko usase rusht kar diya tha. yadyapi usaki asamayik mrityu ke karan usaki pratibha ka poorn vikas n ho saka, tathapi kavi ke roop men usane apane jivanakal men hi eeran tatha bharatavarsh donon men lokapriyata prapt kar li thi. usaki adhik prasiddhi ka karan usake qaside the, jinaki joradar bhasha, navin tatha maulik vakyanshon ki rachana, prakaranon ki kramabaddhata tatha ne alnkaron evn navin upamaon ne use ek nee rachana shaili ka avishkarak bana diya. usaki rachanaen sarvapratham 1587-88 ee. snkalit hueen. is snkalan men 26 qaside, 270 gajalen evn 320 sheron ke qitat tatha 380 sheron ki rubaiyan thin. usane kuchh masanaviyon tatha soofi mat ke atmasnbndhi siddhanton ki vyakhya karate hue 'nafasiya' namak gady ki ek pustak ki bhi rachana ki thi.

nidhan

urfi shiraji adhik dinon jivit nahin raha. 999 hijari (1 agast, 1591 ee.) men 35 athava 36 varsh ki avastha men amatisar ke karan lahaur men usaka nidhan ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah