सैयद बन्धु  हिन्दी देवनागरी में पढ़ें।

saiyyad bandhu ('husain ali' aur usaka bhaee 'abdulla') 'bharatiy itihas' men 'raja banane vale' ke nam se prasiddh the. tatkalin mugal samrajy men in donon bhaiyon ki khas bhoomika thi. saiyyad bandhuon ka rajy men kafi prabhav tha. rajy men apane prabhav ke karan ve kisi ko bhi badashah banane ki kshamata rakhate the. ve avadh ke ek uchch parivar men utpann hue aur samrat bahadur shah pratham ke rajyakal ke antim varshon men uchch padadhikari ho ge. ye log hindustani dal ke neta the.

bharat agaman

abdulla khan aur husain ali mugal darabar men sabase shaktishali vyakti ban chuke the. inhonne char mugal badashahon-farrukhasiyar, rafiuddarajat, rafiuddaulat aur muhammad shah ko sattaroodh karane men unaki sahayata ki. bara (sambhavat: barah ganv jo inake the, unase bigadakar bana shabd) ke abdulla khan aur husain ali abul farah ke vnshaj the. ye mosopotamiya se ae the aur patiyala ke samip ke kshetron men bas ge the. uttaradhikar ke yuddh men donon bhaeeyon (abdulla khan aur husain ali) ne mahattvapoorn bhoomika nibhaee. 1708 ee. men rajakumar ajim-us-shan ne husain ali ko bihar men ek mahattvapoorn pad pradan kiya. 1711 ee. men usane abdulla khan ko ilahabad men apana nayab niyukt kiya.

pad aur upadhi

is ahasan ke badale men saiyad bandhuon ne 1713 ee. men dilli ki gaddi ke lie hue yuddh men ajim-us-shan ke putr farrukhasiyar ka sath diya. saiyad bandhuon ke is kary se prasann hokar farrukhasiyar ne abdulla khan ko apana vazir athava pradhanamntri niyukt kiya aur use kutubulamulq, yaminuddaula, jafarajng adi upadhiyon se vibhooshit kiya tatha husain ali ko mir bakhshi ke pad par niyukt kiya tatha imadulamulq adi ki upadhi se vibhooshit kiya. prasiddh lekhak khafi khan ke anusar farrukhasiyar ki yah pratham bhool thi, ki usane abdulla khan ko apana vazir banaya. saiyad bandhuon ko itane mahattvapoorn pad dene se eerani tatha turani saradaron ki eershya bhadak uthi aur unhonne in donon bandhuon ke bich shadyntr karana shuroo kar diya.

farrukhasiyar ka vadh

in shadyntrakariyon men sabase pramukh mir jumala tha, jo samrat ka kripapatr tha, jise samrat ne rajagya par hastakshar karane ka adhikar de diya tha. mir jumala ke is adhikar ne saiyad bandhuon ke viruddh ek ke bad kee shadyntr rache, kintu saphalata nahin mili. isi samay vah ek nimn kul ke kashmiri muhammad murad athava itkad khan ke prabhav men a gaya. samrat abdulla khan ke sthan par itkad khan ko vazir banana chahata tha. farrukhasiyar ne eed-ul-fitar ke avasar par lagabhag 70,000 sainik ekatrit kar lie. udhar abdulla khan ne bhi ek vishal sena ekatrit kar li thi. husain ali ko jab apane bhaee aur samrat ke sambandhon ka pata chala to vah marathon ki sahayata se dilli par chadh aya. udhar abdulla khan ne bhi mahattvapoorn saradaron ko lalach dekar apane sath mila liya tha, jisamen sarabuland khan nizamulamulq aur ajit sinh jaise pramukh vyakti sammilit the. saiyad bandhuon ne samrat ke samane apani mangen rakhin, jise samrat ko svikar karana pada. ant men saiyad bandhuon ne 28 aprail, 1719 ee. ko samrat farrukhasiyar ka vadh kar dala.

shadyntr ki rachana

farrukhasiyar ki hatya ke bad saiyad bandhuon ka prabhutv poori tarah sthapit ho gaya. ve eerani aur toorani saradaron ko lagabhag shoony ke barabar samajhate the. saiyad bandhuon ke prabhav ko khatm karane ke lie unake viruddh shadyntr kiya gaya, jisake neta nizamulamulq (chinakilich khan) the. saiyad bandhu nizamulamulq ki yogyata se parichit the. at: unhonne use malava ka soobedar banakar dilli se bahar bhej diya. nizamulamulq ko is bat ka ehasas ho gaya tha ki bal prayog se rajy parirvatan sambhav nahin hai. at: usane dakshin bharat ki or prasthan kiya. raste men usane asiragadh ka durg jit liya tatha dakshin bharat ke nayab soobedar alam ali khan, jo husain ali ka dattak putr tha, ko mar dala.

saiyad bandhuon ki hatya

udhar dilli men etamaduddaula, sadat ali khan aur haidar khan dvara saiyad bandhuon ke viruddh ek shadyntr racha gaya. is shadyntr men rajamata bhi shamil thi. haidar khan ne husain ali ko marane ka bida uthaya. darabar men yachika padhate samay haidar khan dvara husain ali ki chhura marakar hatya kar di gee. arvin ne is par kaha hai, “bharatiy karbala men doosare yazid ne doosare husain ko shahid kar diya”.

abdulla khan ne apane bhaee ka badala lene ke lie ek vishal sena ekatrit ki. usane muhammad shah ke sthan par rafi-us-shan ke putr muhammad ibrahim ko samrat ghoshit karane ka prayas kiya. kintu 13 navambar, 1720 ko hasanapur ke sthan par abdulla khan har gaya tatha use bandi bana liya gaya. 2 varsh ke bad 11 aktoobar, 1722 ee. ko use vish dekar mar diya gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah