अदहम ख़ाँ  हिन्दी देवनागरी में पढ़ें।

adaham khan badashah akabar ki doodh man maham anaga ka putr tha. usane tatha maham anaga ne akabar ko bairam khan ke viruddh bhadakane men mukhy roop se bhag liya tha, jis karan akabar ne 1560 ee. men bairam khan ko barkhast kar diya. isake bad do varsh tak akabar par adaham khan ka bhari prabhav raha. akabar ne malava jitane ke lie jo sena bheji the, usaka pradhan senapati bhi adaham khan ka banaya. 1562 ee. men usane shamshuddin ataga khan ko, jise akabar ne apana mntri banaya tha, mahal ke andar qatl kar diya. isase badashah itana naraz hua ki usane adaham khan ko qile ki divar se niche phenkakar mar dalane ka huqm diya.

malava ki vijay

1560 ee. ki sharad men maham anaga ke putr adaham khan ki adhinata men malava par akraman karane ki taiyari ki gee. pir muhammad shiravani kahane ke lie to sahayak senapati tha, nahin to vahi sarvesarva tha. naujavan adaham khan apani man ke karan hi pradhan senapati banaya gaya tha. sarngapur ke pas 1561 ee. men bajabahadur ki har huee. malava ka khazana shahi sena ke hath men aya. bajabahadur ne apane afasaron ko kah rakha tha ki har hone par dushman ke hath men jane se bachane ke lie begamon ko mar dalana. apane saundary ke lie jagath prasiddh roopamati par talavar chalaee gee, lekin vah mari nahin.

maham anaga ki chalaki

adaham khan ne loot ke mal ko apane hath men rakhana chaha aur thode se hathi bhar akabar ke pas bheje. pir muhammad aur adaham khan ne malava men bhari kroorata ki. malava ke hindoo-muslimon men koee antar nahin tha. malava par pahale se hukoomat karane vale bhi muslim the. vidvanh shekhon aur sammananiy saiyyadon ko bhi unhonne nahin chhoda. yah khabar akabar ke pas pahunchi. vah janata tha ki maham apane putr ke lie kuchh bhi karane se utha nahin rakhegi, isilie bina soochana die vah ek din (27 apral, 1561 ee.) ko thode se adamiyon ko lekar agara se chal pada. khabar milate hi maham anaga ne apane ladake (adaham khan) ke pas doot bheja, lekin akabar usase pahale hi vahan par pahunch gaya tha. adaham khan akabar ko dekhate hi hakka-bakka rah gaya. usane akabar ke samane atm-samarpan karake chhutti leni chahi. akabar ko maloom hua ki usane bajabahadur ke ant:pur ki do sundariyon ko chhipa rakha hai. maham anaga ghabaraee. usane socha, yadi ye donon akabar ke samane hajir hueen to bete ka bhed khul jayega. isilie usane donon sundariyon ko zahar dekar marava diya.

adaham khan ki hatya

16 mee, 1562 ee. ki dopahar ko akabar mahal men aram kar raha tha. shamshuddin muhammad ataga ke mntri banaye jane se maham anaga bahut naraz thi. usaka nalayaq beta adaham khan gusse se pagal ho gaya tha. anaga ke sambandhi aur hitamitr darane lage ki shasan unake hath men nahin rahega, isilie kuchh karana chahie. munam khan aur afasaron ke sath shamshuddin darabar men baitha kary karane men laga hua tha. isi samay vahan par adaham khan a dhamaka. shamshuddin usake samman ke lie khada ho gaya, lekin use svikar karane ki jagah adaham khan ne katar nikal li. usake ishare par usake do adamiyon ne shamshuddin muhammad ataga par var kiya. ataga vahin angan men gir pada. halla-gulla akabar ke kamare tak pahuncha. adaham khan ne chaha ki akabar ko bhi isi samay samapt kar doon, lekin shahi naukaron ne daravaze ko bhitar se band kar diya. akabar ko khabar mili, to vah doosare daravaze se talavar lie bahar nikala. adaham khan ko dekhate hi usane poochha- "shamshuddin muhammad ataga ko tumane kyon mara?" adaham khan ne bahana karate hue akabar ka hath pakad liya. akabar ne hath khinchana chaha, adaham khan ne badashah ki talavar pakadani chahi. akabar ne zor ka mukka mara, jisase adaham khan behosh hokar gir pada. akabar ne adamiyon ko hukm diya- "ise bandhakar mahal ke parakote se niche gira do." hukum ki pabandi adhe dil se ki gee, jisase adaham khan mara nahin. akabar ne dubara hukum diya aur adamiyon ne pakadakar phir se adaham khan ko niche giraya. adaham khan ki gardan toot gee, khopadi phadakar usaka bheja bahar nikal aya. adaham khan ke kam men sahanubhooti rakhane vale munam khan, usaka dost shahabuddin aur doosare amir jan bachakar bhag ge.

maham anaga ki mrityu

akabar ant:pur men gaya. maham anaga charapaee par bimar padi thi. usane snkshep men sari bat batala di, yadyapi saf nahin kaha ki adaham khan mar chuka hai. maham anaga ne itana hi kaha- "huzoor ne achchha kiya." maham anaga ko isaka itana zabardast aghat laga ki chalis din bad usane bhi apane bete ka anugaman kiya. akabar ne kutubaminar ke pas man bete ke lie ek sundar maqabara banava diya. adaham khan aur usaki man ke marane ke sath ab akabar poori tarah se svatntr ho gaya tha.

Seealso.gifadaham khan ka ullekh in lekhon men bhi hai: akabar evn maham anaga


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah