सिंघण  हिन्दी देवनागरी में पढ़ें।

singhan (1210-1247 ee.) yadav vnsh ke jaitrapal pratham ka putr tha. vah yadav vnsh ka sabase shaktishali aur pratapi raja siddh hua tha. 37 varsh ke apane shasan kal men usane charon dishaon men bahut se yuddh kie aur devagiri ke yadav rajy ko unnati ki charam sima par pahuncha diya. hoyasal raja vir ballal ne singhan ke pitamah bhillam ko yuddh men mara tha aur yadav rajy ko buri tarah se akrant kiya tha. apane kul ke is apaman ka pratishodh karane ke lie singhan ne dvarasamudr ke hoyasal rajy par akraman kiya aur vahan ke raja vir ballal dvitiy ko parast kar usake anek pradeshon par apana adhikar sthapit kar liya.

samrajy vistar

singhan ne apane samrajy ki simaon ko vistar dene ke lie kee mahattvapoorn sainik abhiyan kiye aur yuddh lade. hoyasal vnsh ke raja ki vijay ke bad singhan ne uttar disha men vijay yatra ke lie prasthan kiya. gujarat par usane kee bar akraman kie aur malava ko apane adhikar men lakar kashi aur mathura tak vijay yatra ki. itana hi nahin, usane kalachuri rajy ko parast kar afagan shasakon ke sath bhi yuddh kie, jo us samay uttar bharat ke bade bhag ko apane svamitv men la chuke the.

kolhapur ke shilahar, banavasi ke kadamb aur pandy desh ke rajaon ko bhi singhan ne akrant kiya aur apani in digvijayon ke upalakshy men kaveri nadi ke tat par ek 'vijay stambh' ki sthapana ki. isamen sandeh nahin ki yadav raj singhan ek vishal samrajy ka nirman karane men saphal hua tha aur n keval sampoorn dakshinapath apitu kaveri tak ka dakshin bharat aur vindhyachal ke uttar ke bhi katipay pradesh usaki adhinata men a ge the.

vidyapremi tatha snrakshak

singhan n keval ek anupam vijeta tha, apitu vah vidvanon ka ashrayadata aur vidyapremi bhi tha. 'sngitaratnakar' ka rachayita sarngadhar usi ke ashray men rahata tha. prasiddh jyotish vidvan changadev bhi usaki rajasabha ka ek ujjval ratn tha. bhaskarachary dvara rachit 'siddhantashiromani' tatha jyotish sambandhi any grnthon ke adhyayan ke lie singhan ne ek shiksha kendr ki sthapana bhi ki thi.

singhan ke uttaradhikari

  1. krishn (1247-1260 ee.)
  2. mahadev (1260-1271 ee.)
  3. ramachandr (1271-1309 ee.)

singhan ke bad usake pote 'krishn' ne aur phir krishn ke bhaee 'mahadev' ne devagiri ke rajasinhasan ko sushobhit kiya. in rajaon ke samay men bhi gujarat aur shilahar rajy ke sath yadavon ke yuddh jari rahe. mahadev ke bad 'ramachandr' yadavon ka raja bana. usake samay men 1294 ee. men dilli ke prasiddh afagan vijeta alauddin khilaji ne dakshini bharat men vijay yatra ki.

is samay devagiri ka yadav rajy dakshinapath ki pradhan shakti tha. atah svabhavik roop se alauddin khilazi ka mukhy sngharsh yadav raja ramachandr ke sath hi hua. alauddin janata tha ki sammukh yuddh men ramachandr ko parast kar sakana sugam nahin hai. atah usane chhal ka prayog kiya aur yadav raj ke prati maitribhav pradarshit kar usaka atithy grahan kiya. is prakar jab ramachandr asavadhan ho gaya to alauddin ne us par achanak hamala kar diya. is sthiti men yadavon ke lie apani svatntrata ko qayam rakhana asambhav ho gaya aur ramachandr ne vivash hokar alauddin khilazi ke sath sandhi kar li.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah