होयसल वंश  हिन्दी देवनागरी में पढ़ें।

hoyasal vnsh devagiri ke yadav vnsh ke saman hi dvarasamudr ke yadav kul ka tha. isalie is vnsh ke rajaon ne utkirn lekhon men apane ko 'yadavakulatilakay kaha hai. hoyasalon ke rajy ka kshetr vartaman samay ke maisoor pradesh men tha aur unaki rajadhani dvarasamudr thi. shuroo men unaki sthiti samant rajaon ki thi, jo kabhi dakshin ke cholon aur kabhi kalyani ke chaluky rajaon ke adhipaty ko svikar karate the. jab koee chol raja bahut pratapi hota to vah hoyasalon ko apana vashavarti bana leta aur jab koee chaluky raja dakshin ki or apani shakti ka prasar karane men samarth hota to vah unhen apane adhin kar leta.

vnsh ka prarambh

hoyasal vnsh ka prarambh san 1111 ee. ke asapas maisoor ke pradesh men vittig athava vittidev se hua. usane apana nam vishnuvardhan rakh liya aur san 1141 ee. tak rajy kiya. usane 'dvarasamudr' (adhunik halevid) ko apani rajadhani banaya. vah pahale jain dharmanuyayi tha, bad men vaishnav matavalambi ho gaya. usane bahut se rajaon ko jita aur halebid men sundar vishal mandiron ka nirman karaya.

rajy vistar

gyarahavin sadi ke poorvardh men hoyasalon ne apana utkarsh shuroo kiya aur dhire-dhire is rajavnsh ki shakti bahut adhik badh gee. 1110 ee. men vishnuvardhan dvarasamudr ki rajagaddi par aroodh hua. vah ek pratapi aur mahattvakankshi raja tha. usane apane rajy ko chalukyon ki adhinata se mukt kar any rajyon par akraman bhi shuroo kie. sudoor dakshin men chol, pandy aur malabar ke kshetr men usane vijay yatraen kin, aur apani shakti ko pradarshit kiya. isamen sandeh nahin, ki usake shasan kal men hoyasal rajy bahut shaktishali ho gaya tha. 1140 men vishnavardhan ki mrityu huee.

kalyani par adhikar

vishnuvardhan ka pautr vir ballal hoyasal vnsh ka sabase prasiddh raja hua. vah barahavin sadi ke antim bhag men dvarasamudr ke rajy ka svami bana. isake samay men kalyani ke chalukyon ki shakti bahut kshin ho gee thi aur dakshinapath men unaka sthan devagiri ke yadavon ne le liya tha. 1187 ee. men yadav raja bhillam ne antim chaluky raja someshvar chaturth ko parast kar kalyani par adhikar kar liya tha. atah jab vir ballal ne uttar ki or apani shakti ka vistar shuroo kiya to usaka sngharsh pradhanataya yadav raja bhillam ke sath hi hua. vir ballal bhillam ko parast karane men samarth hua aur bhillam ne ranakshetr men hi viragati prapt ki.

ant

vishnuvardhan ke pautr vir ballal (1173-1220 ee.) ne devagiri ke yadavon ko parast kiya aur hoyasalon ko dakshin bharat men sabase adhik shaktishali bana diya, jo 1310 ee. tak shaktishali bane rahe. 1310 ee. men sultan alauddin khilaji ke senapati malik kafoor ke netritv men musalamanon ne unake rajy par hamala kiya. rajadhani par kabza kar liya gaya aur raja ko bndi bana liya. sultan alauddin khilaji ne ant men 1326 ee. men is hoyasal vnsh ka ant kar diya.

singhan dvara pratishodh

hoyasalon ka yah utkarsh der tak qayam nahin rah saka. pratapi yadav raja singhan (1210-1247) ne apane pitamah ke apaman aur parajay ka pratishodh liya. is samay hoyasal rajy ke rajasinhasan par raja narasinh virajaman tha, jo vir ballal ka putr tha. narasinh ke uttaradhikari hoyasal rajaon ka itihas andhakar men hai. devagiri ke yadavon ke saman hoyasalon ki svatntr satta ka ant bhi alauddin khilaji ke dvara hi hua, jabaki usake senapati malik kafoor ne dakshini bharat ki vijay karate hue dvarasamudr par bhi akraman kiya aur use jit liya. afagan sultan ke is akraman ke samay hoyasal rajy ka raja vir ballal tritiy tha. use qaid karake dilli le jaya gaya aur usane alauddin ka vashavarti aur karad hona svikar kar liya. lekin jab vah apane desh ko lauta to usane bhi afagan saradar ka jua utar phainkane ka prayatn kiya, yadyapi is men vah saphal nahin ho saka.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah