वाकाटक वंश  हिन्दी देवनागरी में पढ़ें।

vakatak vnsh (300 se 500 eesavi lagabhag) satavahanon ke uparant dakshin ki mahattvapoorn shakti ke roop men ubhara. tisari shatabdi ee. se chhathi shatabdi ee. tak dakshinapath men shasan karane vale samast rajavnshon men vakatak vnsh sarvadhik sammanit evn susnskrit tha. magadh ke chakravarti guptavnsh ke samakalin is rajavnsh ne madhy bharat tatha dakshin bharat ke oopari bhag men shasan kiya. inaka mool nivas sthan barar, vidarbh men tha. vakatak vnsh ka snsthapak 'vindhyashakti' tha.

shasan kal

vindhyashakti ko shilalekh men 'vakatak vnshaketu' kaha gaya hai. vah 'vishnu vriddhi' gotr ka brahman tha. vindhyashakti ki tulana indr evn vishnu se ki jati thi. sambhavatah vakatakon ka dakkan pradesh men tisari shatabdi se lekar panchavin shatabdi tak shasan raha. vindhyashakti ka putr evn uttaradhikari 'haritiputr pravarasen' hi ek matr vakatak vnsh ka raja tha, jise samrat ki padavi mili thi. usake samay men vakatak rajy ka vistar bundelakhand se prarambh hokar dakshin men haidarabad tak vistar le chuka tha.

bharashiv tatha vakatak

vindhyashakti prarambh men bharashiv vnsh ke nagon ka samant tha. usake putr ka nam pravarasen tha. bharashiv raja bhavanag ki ikalauti ladaki pravarasen ke putr gautamiputr ko byahi thi. is vivah se gautamiputr ke jo putr hua tha, usaka nam rudrasen tha. kyonki bhavanag ke koee putr nahin tha, at: usaka uttaradhikari usaka dauhitr rudrasen hi hua. gautamiputr ki mrityu pravarasen ke karyakal men hi ho gayi thi. at: rudrasen jahan apane pitamah ke rajy ka uttaradhikari bana, vahin sath hi vah apane nana ke vishal samrajy ka bhi uttaradhikari niyukt hua. dhire-dhire bharashiv aur vakatak rajyon ka shasan ek ho gaya. rudrasen ke snrakshak ke roop men pravarasen ne vakatak aur bharashiv donon vnshon ke rajy ke shasan sootr ko apane hath men le liya.

rajy vistar

pravarasen bada hi shaktishali raja tha. isane charon dishaon men digvijay karake char bar 'ashvamedh ygy' kiye aur vajasaney ygy karake samrat ka gauravamay pad prapt kiya. pravarasen ki vijayon ke mukhy kshetr malava, gujarat aur kathiyavad the. pnjab aur uttar bharat se kushanon ka shasan is samay tak samapt ho chuka tha. par gujarat-kathiyavad men abhi tak shak 'mahakshatrap' rajy kar rahe the. pravarasen ne inaka ant kiya. yahi usake shasan kal ki sabase mahattvapoorn ghatana thi. gujarat aur kathiyavad ke mahakshatrapon ko pravarasen ne chauthi sadi ke prarambh men parast kiya tha.

vakatak vnsh ke raja

vakatak vnsh ke nimn raja the-

  1. vindhyashakti
  2. pravarasen
  3. rudrasen
  4. prithvisen
  5. rudrasen dvitiy
  6. pravarasen dvitiy

puranon men pravarasen ke char putron ka ullekh milata hai, par usake do putron dvara hi shasan karane ka praman upalabdh hai. pravarasen ka rajy usaki mrityu ke bad usake putron- gautamiputr evn sarvasen men bnt gaya. gautamiputr ke rajy ka kendr nndivardhan (nagapur) evn sarvasen ka kendr barar men tha. gupt samrat chandragupt dvitiy ne apani putri prabhavati ka vivah vakatak naresh rudrasen dvitiy se kiya. rudrasen dvitiy prithvisen pratham ka putr evn uttaradhikari tha. kalantar men rudrasen ke marane ke bad qarib 13 varsh tak prabhavati ne alpavayask putr ki snrakshika ke roop men apane pita ke sahayog se shasan kiya. prabhavati ke putr damodar sen ne 'pravarasen' ki upadhi dharan ki. isane 'pravarasen' nagar ki sthapana ki thi.

pravarasen ke uttaradhikari

vakatak naresh pravarasen dvitiy ki ruchi sahity men bhi thi. unhonne 'setubndh' namag grnth ki rachana ki. pravarasen dvitiy ka putr narendrasen usaka uttaradhikari bana. narendr ke bad prithvisen dvitiy gaddi par baitha. ise vnsh ke khoe hue bhagy ko nirmit karane vala kaha gaya hai. shayad prithvisen ne 'paramapur' ko apani rajadhani banaee thi.[1] vakatakon ki is shakha ka astitv 480 ee. tak raha. vakatakon ki 'vats-gulma' ya 'amukhy' shakha ka snsthapak pravarasen pratham ka putr sarvasen tha. usane vatsugulma ko apani rajadhani banakar 'dharmamaharaj' ki upadhi dharan ki. use prakrit grnth 'harivijay' evn 'gathasaptashati' ke kuchh anshon ka lekhak mana jata hai. sarvasen ke uttaradhikari vindhyasen dvitiy ne 'vinndhyashakti dvitiy' evn 'dharm maharaj' ki upadhi dharan ki. vindhyashakti dvitiy ka putr pravarasen dvitiy ek udar shasak tha. pravarasen dvitiy ke bad devasen evn devasen ke bad harishen raja hua. harishen ke samay vakatak rajy ki simaen malava se dakshin men kuntal tak evn poorv men bngal ki khadi se pashchim men arab sagar tak phaili thin. vakatak samrajy is samay apane charamotkarsh par tha.

patan

sambhavatah kalachuri vnsh ke dvara vakatak vnsh ka ant kiya gaya. vakatak vnsh ke adhikansh shasak shaiv dharm ke anuyayi the, halanki rudrasen dvitiy vishnu ki pooja karata tha. pravarasen dvitiy ne maharashtriy lipi men 'setubandh' grnth[2] ki rachana ki.

sthapaty

bhavan nirman kala evn moortikala ki drishti se vidarbh ka tigava evn nachana ka mndir ullekhaniy hai. tigova mndir men gnga, yamuna ki moortiyan sthapit hain. ajanta ki vihar gufa snkhya 16,17 evn chaity gufa snkhya 19 ka nirman vakatakon ke samay men hua. gufa 16 ka nirman harishen ke yogy mntri varahadev ne karavaya tha. jems fargusan mahoday ne gufa snkhya 19 ko bharat ke bauddh kala ka sarvashreshth udaharan bataya hai. is samay pataliputr men jis shaktishali gupt samrajy ka vikas ho raha tha, usake pratap ke sammukh in vakatakon ki shakti sarvatha mand pad gayi thi, aur ye gupt samrajy ke antargat adhinasth rajaon ke roop men rah gaye the.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. pro. mirashi ke anusar
  2. jise 'ravanavaho' bhi kaha jata tha

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah