पल्लव वंश  हिन्दी देवनागरी में पढ़ें।

gupt vnsh ke bad harshavardhan ke atirikt koee aisi shakti nahin thi, jo uttar bharat ki rajanitik sthiti ko sthirata pradan kar sakati thi. is samay dakshin bharat men do mahattvapoorn vnsh-kanchi ke pallav vnsh evn badami ya vatapi ke chaluky vnsh shasan kar rahe the.

utpatti matabhed

pallav vnshiy shasak
shasak shasanakal
shivaskand varman -
vishnugop -
sinh vishnu (575-600 ee.)
mahendr varman pratham (600-630 ee.)
narasinh varman pratham (630-668 ee.)
mahendr varman dvitiy (668-670 ee.)
parameshvar varman pratham (670-695 ee.)
narasinh varman dvitiy (695-720 ee.)
parameshvar varman dvitiy (720-731 ee.)
nndi varman dvitiy (731-795 ee.)
dnti varman (796-847 ee.)
nndi varman tritiy (847-869 ee.)
nripattung varman (870-879 ee.)
aparajit (879-897 ee.)

kanchi ke pallav vnsh ke vishay men prathamik janakari harishen ki 'prayag prashasti' evn hvenasang ke yatra vivaran se milati hai. snbhavatah pallav log svatntr rajy sthapit karane ke poorv satavahanon ke samant the. inake prarambhik abhilekh prakrit bhasha men evn bad men snskrit men mile hai. pallavon ki utpatti ke sndarbh men antim pnkti lekhak pro. rav bhi yah manane par vivash ho ge hain ki, “pallavon ki utpatti ka prashn vivadagrast evn andhakar men nimagn hai.” pallav vnsh ke rajaon ka mool kahan se hua, is saval ko lekar aitihasikon ne bahut tark-vitark kiya hai. ek mat yah hai, ki pallav log palhav ya parthiyan the, jinhonne shakon ke kuchh samay bad bharat men pravesh kar uttar-pashchimi kshetr men apane svatntr rajy sthapit kie the. shak raja rudradama ka ek amaty saurashtr par shasan karane ke lie niyukt tha, jisaka nam suvishakh tha. vah jati se palhav ya parthiyan tha. sambhavatah isi prakar ke palhav amaty satavahan samraton ki or se bhi niyat kiye jate the, aur unhin men se kisi ne dakshin ke pallav rajy ki sthapana ki thi. ab prayah aitihasik log pallavon ka palhavon ya parthiyanon se koee sambandh nahin manate. kashi prasad jayasaval ke anusar pallav log brahman the, kyonki ve apane ko dronachary aur ashvatthama ka vnshaj manate the.

vnsh manyata

pallav abhilekhon men bhi pallavon ko bharadvajagotriy tatha ashvatthama ka vnshaj kaha gaya hai. talagund abhilekh unhen kshatriy kahata hai. pro. ar. satyanamaiyyar manate hai ki pallav ashok ke samrajy ke ek prant tondamandalam se hi utpann hue the. pallavon ki utpatti ka yahi vichar ab tak sarvashreshth mana gaya hai. aisa lagata hai ki, pallavon men uttari bharat ke bharadvajagotriy brahmanon tatha kanchi ke as-pas ke rajavnshon ke rakt ka mishran tha. yadyapi pallavon ke rajanitik tatha sanskritik utkarsh ka kendr kanchi thi, kintu unaka mool nivas tondamandalamh tha. kalantar men unaka samrajy uttar men pennar nadi se dakshin men kaveri nadi ki ghati tak vistrit ho gaya.

mahattvapoorn tathy

itana nishchit hai ki pallav rajy ki sthapana us samay men huee, jabaki satavahan rajy khand-khand ho gaya tha. is vnsh dvara shasit pradesh pahale satavahanon ki adhinata men the. yah mana ja sakata hai, ki pallav rajy ka snsthapak pahale satavahanon dvara niyukt prantiy shasak tha, aur usane apane adhipati ki nirbalata se labh uthakar apane ko svatntr kar liya tha. pallav vnsh ki satta ka snsthapak yah purush sambhavatah bappadev tha. kanchipuram men upalabdh hue do tamrapatron se is vnsh ke prarambhik itihas ke vishay men anek mahattvapoorn baten gyat hoti hain. in tamrapatron par 'skandavarma' nam ke ek raja ke dan puny ko utkirn kiya gaya hai, jise ek lekh men 'yuvamaharajay' aur doosare men 'dhammamaharajadhiraj' kaha gaya hai. isase soochit hota hai, ki ek danapatr usane tab utkirn karavaya tha, jab ki vah yuvaraj tha aur doosara us samay, jab ki vah maharajadhiraj ban gaya tha. usane agnishtom, vajapey aur ashvamedh ygyon ka anushthan kar apani shakti ka utkarsh kiya, aur tungabhadra evn krishna nadiyon dvara sinchit pradesh men shasan karate hue kanchi ko apani rajadhani banaya.

pallav shasak

gupt samrat samudragupt ne dakshini bharat men vijay yatra karate hue pallav raj vishnugop ko bhi atmasamarpan ke lie vivash kiya tha. samudragupt ki yah vijay yatra chauthi sadi ke madhy bhag men huee thi. kathinaee yah hai, ki pallavon ke prarambhik itihas ko janane ke lie utkirn lekhon ke atirikt any koee sadhan hamare pas nahin hai. in lekhon men pallav vnsh ke rajaon ke apane shasan kal ki tithiyan to di huee hain, par in rajaon men kaun pahale hua aur kaun pichhe, yah nirdharit kar sakana sambhav nahin hai.

pallav kalin snskriti

kanchi ke pallav naresh brahman dharmanuyayi the. yah kal brahmanon ke unnati ka kal raha. pallav rajaon ka shasan kal nayanaron tatha alavaron ke bhakti andalanon ke lie prasiddh raha. narasinh varman pratham ne shiv ki upasana men kee mndir banavae the. parameshvar varman pratham shiv ka upasak tha. usaki upadhi paramamaheshvar thi. dakshin bharat men vaishnav andolan ka prarambh pallavon ke rajy se hi hua. brahman matanuyayi hote hue bhi pallav shasak dharm sahishnu the. unake shas kal men bauddh tatha jain donon malavalambiyon ko prashray mila. kanchi dharmik kriya kalapon ka pramukh kendr tha.

kala tatha sthapaty

pallav shasakon ke kal men kala tatha sthapaty ki unnati huee. vastutah unaki vastu evn takshan kala dakshin bharatiy kala ke itihas men sarvadhik mahattvapoorn hai. pallav vastukala hi dakshin ki dravid shaili ka adhar bani. dakshin bharatiy sthapaty ke tin ang the-

  1. mndap
  2. rath
  3. vishal mndir

shaili

  1. mahendr varman shaili- is shaili men kathor pashan ko katakar guhamndiron ka nirman hua, jinhen mandal kaha jata hai.
  2. mamall shaili- is shaili ka vikas narasinh varman pratham ke kal men hua. isake antargat do prakar ke smarak bane- mandal tatha ekashmak mndir, jinhen rath kaha gaya. is shaili men nirmit sabhi smarak mamallapuram (mahabalipuram) men hi sthit hain.

rath nirman

rath mndir men draupadi rath sabase chhota hai. isamen kisi prakar ka alnkaran nahin milata hai. rath mndir men dharmaraj rath sabase adhik prasiddh hain. ise dravid mndir shaili ka agradoot bhi kaha ja sakata hai. isi mndir par narasinh varman ki moorti ankit hai. in rathon ko 'sapt pakoda' bhi kaha jata hai. sapt pagoda ke antargat nimnalikhit rath banen- 'dharmaraj rath', 'bhim rath', 'arjun rath', 'sahadev' rath, 'ganesh' rath, 'valaiyakuthee' rath aur 'pidari' rath. rajasinh shaili men guha mndiron ke sthan par pashan, eet adi ki sahayata se imarati mndiron ka nirman karaya gaya. shor mndir is shaili ka pratham udaharan hai. kanchi ke kailashanathar mndir ka kary narasinh varman dvitiy ke samay men prarambh hua tatha mahendr varman dvitiy ke samay men isaki rachana poorn huee. gopuramh ke prarambhik nirman ka svaroop sarvapratham isi mndir men dekhane ko milata hai. baikunth ke prarambhik nirman ka svaroop parameshvar varman dvitiy ke samay men hua tha yah bhagavan vishnu ka mndir hai. nandi varman shaili ke antargat chhote-chhote mndiron ko nirman hua.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah