अश्वत्थामा  हिन्दी देवनागरी में पढ़ें।

ashvatthama dronachary ke putr the. dronachary ne shiv ko apani tapasya se prasann karake unhin ke ansh se ashvatthama namak putr ko prapt kiya. inaki mata ka nam kripa tha jo sharadvan ki ladaki thi. janm grahan karate hi inake kanth se hinahinane ki si dhvani huee jisase inaka nam ashvatthama pada. mahabharat yuddh men ye kaurav-paksh ke ek senapati the. ek bar rat men ye pandavon ke shivir men gaye aur sote men apane pita ke hanan karane vale dhrishtadyumn aur shikhndi tatha pandavon ke panchon ladakon ko mar dala. putr viyog ke karan draupadi karun vilap karane lagi. is par kshubdh ho ashvatthama ko arjun ne chunauti di. ashvatthama ne arjun par aishikastr se akraman kiya. arjun ne pratyakraman ke lie brahmashirastr uthaya, tab ye bhage 'ashvatthama bhay kar bhagyo'. vyas, narad, yudhishthir adi ne arjun ko astr-prayog karane se roka. draupadi ne inaki mani utar lene ka sujhav diya. at: arjun ne inaki mukut mani lekar pranadan de diya. arjun ne yah mani draupadi ko de di jise draupadi ne yudhishthir ke adhikar men de diya.


mahabharat ke yuddh men unhonne sakriy bhag liya tha. unhonne bhim-putr ghatotkach ko parast kiya tatha ghatotkach putr anjanaparva ka vadh kiya. usake atirikt drupadakumar, shatrunjay, balanik, jayanik, jayashv tatha raja shrutahu ko bhi mar dala tha. unhonne kuntibhoj ke das putron ka vadh kiya. mahabharat yuddh men dhokhe se kiye gaye dronachary ke vadh ke vishay men janakar ashvatthama ka khoon khaul utha. poorvakal men dron ne narayan ko prasann karake narayanastr ki prapti ki thi. phir apane bete ashvatthama ko narayanastr pradan karake unhonne kisi par sahasa usaka aghat karane ko mana kiya. ashvatthama ne dhrishtadyumn ko usi astr se marane ka nishchay kiya. dhrishtadyumn par jab unhonne narayanastr ka prayog kiya tab krishn ne apani or ke sab sainikon ko rath se utar-kar hathiyar dalane ke lie kaha kyonki yahi ekamatr usake nirakaran ka upay tha. bhim ne krishn ki bat nahin mani to sabako chhodakar narayanastr usi ke mastak par prahar karane laga. krishn ne use balat rath se utarakar narayanastr ke prabhav ko shant kiya. ashvatthama ne agneyastr ka prayog kiya kintu shrikrishn tatha arjun par usaka prabhav nahin hua, shesh samast sena vyakul aur ghayal ho gayi. ashvatthama bade asamnjas men pad gaye, tabhi vyas ne prakat hokar unhen bataya ki shrikrishn sakshat vishnu hain, jinhonne aradhana se shiv ko prasann kar rakha hai. unhin ke tap se mahamuni nar (arjun) prakat hue. at: arjun aur krishn sakshat naranarayan hain. ashvatthama ne man hi man shiv, nar aur narayan ko namaskar kiya aur sena sahit shivir ki or prasthan kiya. karn ke senapatitv men yuddh karate hue ashvatthama ne pratigya ki thi ki jab tak dhrishtadyumn ko nahin mar dalenge, apana kavach nahin utarenge.

brahmastr ka prayog

atharah din tak yuddh chalata raha. ashvatthama ko jab duryodhan ke adharm-poorvak kiye gaye vadh ke vishay men pata chala to ve krodh se andhe ho gaye. unhonne shivir men sote hue samast panchalon ko mar dala. draupadi ko samachar mila to usane amaran anashan kar liya aur kaha ki vah anashan tabhi todegi, jab ki ashvatthama ke mastak par sadaiv bani rahane vali mani use prapt hogi. kaurav-pandavon ke yuddh men ashvatthama ne arjun par brahmastr ka prayog kiya tha. shiv-pradatt pashupat astr se arjun ne brahmastr ka nivaran kiya. [1] pandavon ko jad-mool se nasht karane ke lie ashvatthama ne garbhavati uttara par bhi var kiya tha. ashvatthama ne brahmastr chhoda, pratyuttar men arjun ne bhi chhoda. ashvatthama ne pandavon ke nash ke lie chhoda tha aur arjun ne usake brahmastr ko nasht karane ke lie. narad tatha vyas ke kahane se arjun ne apane brahmastr ka upasnhar kar diya kintu ashvatthama ne vapas lene ki samarthy ki nyoonata batate hue pandav parivar ke garbhon ko nasht karane ke lie chhoda. krishn ne kaha- 'uttara ko parikshit namak balak ke janm ka var prapt hai. usaka putr hoga hi. yadi tere shastr-prayog ke karan mrit hua to bhi main use jivanadan karoonga. vah bhoomi ka samrat hoga aur too? nich ashvatthama! too itane vadhon ka pap dhota hua tin hazar varsh tak nirjan sthanon men bhatakega. tere sharir se sadaiv rakt ki durgndh ni:srit hoti rahegi. too anek rogon se pidit rahega.' vyas ne shrikrishn ke vachanon ka anumodan kiya. ashvatthama ne kaha ki vah manushyon men keval vyas muni ke sath rahana chahata hai. janm se hi ashvatthama ke mastak men ek amooly mani vidyaman thi jo ki use daity, danav, astr shastr, vyadhi, devata, nag adi se nirbhay rakhati thi. vahi mani draupadi ne mangi thi. vyas tatha narad ke kahane se usane vah mani draupadi ke lie de di. [2]

draupadi ka roodan

ashvatthama ne draupadi ke sote hue putron ko mar dala. at: arjun ne kruddh hokar roti huee draupadi se kaha ki vah ashvatthama ka sar katakar use arpit karega. tadanntar arjun krishn ko sarathi banakar ashvatthama se yuddh karane gaye. guruputr hone par bhi use keval brahmastr chhodana ata tha, vapas lena nahin ata tha, tathapi ashvatthama ne brahmastr ka prayog kiya. arjun ne use brahmastr se hi kata, phir srishti ko bachane ke lie donon ko lauta liya tatha ashvatthama ko rassi men bandhakar draupadi ke pas le gaya. draupadi ne dayardr hokar use chhodane ko kaha kintu krishn ki prerana se arjun ne usake sir se mani nikalakar draupadi ko di, is prakar usaki shapath kisi sima tak nibh gayi aur use chhod diya. krishn ne kaha- 'patit brahman bhi marane yogy nahin hota, par atatayi chhoda nahin jana chahie.' is prakar is ukti ka palan hua.[3]

tika tippani aur sndarbh

  1. shiv puran, 7.52
  2. mahabharat, dronaparv, 156, 190 se 201 tak, karnaparv, adhyay, 57, sauptik parv 1-16, shlok 8-9
  3. shrimadh bhagavat, pratham skndh, adhyay 7

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah