द्रौपदी स्वयंवर  हिन्दी देवनागरी में पढ़ें।

lakshyabhedan karate arjun

lakshagrih se jivit bach nikalane ke pashchath pandav apani mata kunti sahit vahan se ekachakra nagari men jakar muni ke vesh men ek brahman ke ghar men nivas karane lage. yahin par bhim ne bak namak rakshas ka vadh kiya. pandavon ko ekachakra nagari men rahate kuchh kal vyatit ho gaya to ek din unake yahan bhraman karata hua ek brahman aya. pandavon ne usaka yathochit satkar karake poochha- "dev! apaka agaman kahan se ho raha hai?” brahman ne uttar diya- "main maharaj drupad ki nagari panchal se a raha hoon. vahan par drupad ki kanya draupadi ke svaynvar ke liye anek deshon ke raja-maharaja padhare huye hain.” us brahman ke prasthan karane ke pashchath pandavon se bhent karane vedavyas a pahunche. vedavyas ne pandavon ko adesh diya ki tum log panchal chale jao. vahan drupad kanya panchali ka svaynvar hone ja raha hai. vah kanya tum logon ke sarvatha yogy hai, kyonki poorvajanm men usane bhagavan shnkar ki tapasya ki thi aur usaki tapasya se prasann hokar shiv ne use agale janm men panch uttam pati prapt hone ka varadan diya tha. vah devisvaroopa balika sab bhanti se tum logon ke yogy hi hai. tum log vahan jakar use prapt karo." itana kahakar ved vyas vahan se chale gaye.[1]

panchal jate hue marg men pandavon ki bhent dhaumy namak brahman se huee aur ve usake sath brahmanon ka vesh dhar kar druaupadi ke svaynvar men pahunche. svaynvar sabha men anek deshon ke raja-maharaja evn rajakumar padhare huye the. ek or shrikrishn apane bade bhaee balaram tatha ganamany yaduvnshiyon ke sath virajaman the. vahan ve brahmanon ki pnkti men jakar baith gaye. kuchh hi der men rajakumari draupadi hath men varamala liye apane bhaee dhrishtadyumn ke sath us sabha men pahunchin. dhrishtadyumn ne sabha ko sambodhit karate huye kaha- "he vibhinn desh se padhare raja-maharajaon evn any ganamany janon! is mandap men stambh ke oopar bane hue us ghoomate huye yntr par dhyan dijiye. us yantr men ek machhali lataki huee hai tatha yntr ke sath ghoom rahi hai. apako stambh ke niche rakhe hue tailapatr men machhali ke pratibimb ko dekhate hue ban chalakar machhali ke netr ko lakshy banana hai. machhali ke netr ka saphal bhedan karane vale se meri bahan draupadi ka vivah hoga.”

ek ke bad ek sabhi raja-maharaja evn rajakumaron ne machhali par nishana sadhane ka prayas kiya, kintu saphalata hath n lagi aur ve kantihin hokar apane sthan men laut aye. in asaphal logon men jarasndh, shaly, shishupal tatha duryodhan, duahshasan adi kaurav bhi sammilit the. kauravon ke asaphal hone par duryodhan ke param mitr karn ne machhali ko nishana banane ke liye dhanush uthaya, kintu unhen dekhakar draupadi bol uthin- "yah sootaputr hai, isaliye main isaka varan nahin kar sakati.” draupadi ke vachanon ko sunakar karn ne lajjit hokar dhanush ban rakh diya. usake pashchath brahmanon ki pnkti se uthakar arjun ne nishana lagane ke liye dhanush utha liya. ek brahman ko rajakumari ke svaynvar ke liye udyat dekh vahan upasthit janon ko atyant ashchary hua, kintu brahmanon ke kshatriyon se adhik shreshth hone ke karan se unhen koee rok n saka. arjun ne tailapatr men machhali ke pratibimb ko dekhate hue ek hi ban se machhali ke netr ko bhed diya. draupadi ne age badhakar arjun ke gale men varamala dal di. ek brahman ke gale men draupadi ko varamala dalate dekh samast kshatriy raja-maharaja evn rajakumaron ne krodhit hokar arjun par akraman kar diya. arjun ki sahayata ke liye shesh pandav bhi a gaye aur pandavon tatha kshatriy rajaon men ghamasan yuddh hone laga. shrikrishn ne arjun ko pahale hi pahachan liya tha, isaliye unhonne bich-bachav karake yuddh ko shant kara diya. duryodhan ne bhi anuman laga liya ki nishana lagane vala arjun hi raha hoga aur usaka sath dene vale shesh pandav rahe honge. varanavat ke lakshagrih se pandavon ke bach nikalane par use atyant ashchary hone laga.[1]



pichhe jaen
draupadi svaynvar
age jaen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 mahabharat katha- bhag 4 (hindi) freegita. abhigaman tithi: 23 agast, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah