घटोत्कच  हिन्दी देवनागरी में पढ़ें।

Disamb2.jpg ghatotkach ek bahuvikalpi shabd hai any arthon ke lie dekhen:- ghatotkach (bahuvikalpi)
ghatotkach karn ke sath yuddh karate hue

ghatotkach mahabharat ke pramukh patron men se ek hai. kunti ke putr bhim ka rakshas putr ghatotkach tha. draupadi ke atirikt bhim ki ek any patni ka nam hidinba tha, jisase bhim ka paramavir putr ghatotkach utpann hua tha. ghatotkach ne hi indr dvara karn ko di gee amogh shakti ko apane oopar chalavakar arjun ke pranon ki raksha ki thi. hidimba rakshasi ke garbh se bhimasen ke dvara ghatotkach ki utpatti huee thi. ghat-hathi ka mastak + utkach= keshahin. isaka mastak hathi ke mastak jaisa aur kesh-shoony hone ke karan yah ghatotkach nam se prasiddh hua. yah asal men mishr sntan tha, is karan isamen manushyon aur rakshason ki visheshataen vidyaman thin. bhimasen ke sath hidimba ka snyog van men ho gaya tha aur vahin ghatotkach ka janm hua tha. phalatah pandavon ko rajy ki tatha sntan ki prapti hone se pahale isaki prapti ho gee thi. vanavas ke samay pandavon ko isase aur isake jati-bhaiyon se badi sahayata mili thi. yah pandavon ko apana atmiy samajhata tha aur ve bhi is par putr jaisa sneh rakhate the.

lakshagrih se nikalana

duryodhan dvara banavaye gaye lakshagrih se surng ke raste nikalakar pandav apani mata ke sath van ke andar chale gaye. kee kos chalane ke karan bhimasen ko chhodakar shesh log thakan se behal ho gaye aur ek vat vriksh ke niche let gaye. mata kunti pyas se vyakul thin, isaliye bhimasen kisi jalashay ya sarovar ki khoj men chale gaye. ek jalashay drishtigat hone par unhonne pahale svayn jal piya aur mata tatha bhaiyon ko jal pilane ke liye lautakar unake pas aye. ve sabhi thakan ke karan gahari nidra men nimagn ho chuke the, atah bhim vahan par pahara dene lage.

Seealso.gifghatotkach ka ullekh in lekhon men bhi hai: bhim, hidinba, barbarik, yudhishthir evn bijanaur

hidimba se bhent

us van men hidimb nam ka ek bhayanak asur ka nivas tha. manavon ka gndh milane par usane pandavon ko pakad lane ke liye apani bahan hidimba ko bheja, taki vah unhen apana ahar banakar apani kshudha poorti kar sake. vahan par pahunchane par hidimba ne bhimasen ko pahara dete huye dekha aur unake sundar mukharavind tatha balishth sharir ko dekhakar un par asakt ho gee. usane apani rakshasi maya se ek apoorv lavanmayi sundari ka roop bana liya aur bhimasen ke pas ja pahunchi. bhimasen ne usase poochha, 'he sundari! tum kaun ho aur ratri men is bhayanak van men akeli kyon ghoom rahi ho?' bhim ke prashn ke uttar men hidimba ne kaha, 'he narashreshth! main hidimba nam ki rakshasi hoon. mere bhaee ne mujhe ap logon ko pakadakar lane ke liye bheja hai, kintu mera hriday ap par asakt ho gaya hai tatha main apako apane pati ke roop men prapt karana chahati hoon. mera bhaee hidimb bahut dusht aur kroor hai, kintu main itani samarthy rakhati hoon ki apako usake chngul se bachakar surakshit sthan tak pahuncha sakoon.'

asur hidimb se yuddh

idhar apani bahan ko lautakar ane men vilamb hota dekhakar hidimb us sthan par ja pahuncha, jahan par hidimba bhimasen se vartalap kar rahi thi. hidimba ko bhimasen ke sath premalap karate dekhakar vah krodhit ho utha aur hidimba ko dand dene ke liye usaki or jhapata. yah dekhakar bhim ne use rokate huye kaha, 're dusht rakshas! tujhe stri par hath uthate lajja nahin ati? yadi too itana hi vir aur parakrami hai, to mujhase yuddh kar.' itana kahakar bhimasen tal thonkakar usake sath mall yuddh karane lage. kunti tatha any pandavon ki bhi nind khul gee. vahan par bhim ko ek rakshas ke sath yuddh karate tatha ek roopavati kanya ko khadi dekhakar kunti ne poochha, 'putri! tum kaun ho?' hidimba ne sari baten unhen bata di. arjun ne hidimb ko marane ke liye apana dhanush utha liya, kintu bhim ne unhen ban chhodane se mana karate huye kaha, 'bhaiya! ap ban mat chhodiye, yah mera shikar hai aur mere hi hathon marega.' itana kahakar bhim ne hidimb ko donon hathon se pakad kar utha liya aur use hava men anekon bar ghuma kar itani tivrata ke sath bhoomi par pataka ki usake pran-pakheroo ud gaye.

ghatotkach ka janm

hidimb ke marane par ve log vahan se prasthan ki taiyari karane lage, is par hidimba ne kunti ke charanon men girakar prarthana karane lagi, 'he mata! mainne apake putr bhim ko apane pati ke roop men svikar kar liya hai. ap log mujhe kripa karake svikar kar lijiye. yadi ap logon ne majhe svikar nahin kiya to main isi kshan apane pranon ka tyag kar doongi.' hidimba ke hriday men bhim ke prati prabal prem ki bhavana dekhakar yudhishthir bole, 'hidimbe! main tumhen apane bhaee ko saunpata hoon, kintu yah keval din men tumhare sath raha karega aur ratri ko ham logon ke sath raha karega.' hidimba isake liye taiyar ho gee aur bhimasen ke sath anandapoorvak jivan vyatit karane lagi. ek varsh vyatit hone par hidimba ka putr utpann hua. utpann hote samay usake sir par kesh (utkach) n hone ke karan usaka nam ghatotkach rakha gaya. vah atyant mayavi nikala aur janm lete hi bada ho gaya.

pandavon ko samarpit

hidimba ne apane putr ko pandavon ke pas le jakar kaha, 'yah apake bhaee ki santan hai, atah yah ap logon ki seva men rahega.' itana kahakar hidimba vahan se chali gee. ghatotkach shraddha se pandavon tatha mata kunti ke charanon men pranam karake bola, 'ab mujhe mere yogy seva batayen.? usaki bat sunakar kunti boli, 'too mere vnsh ka sabase bada pautr hai. samay ane par tumhari seva avashy li jayegi.' is par ghatotkach ne kaha, 'ap log jab bhi mujhe smaran karenge, main ap logon ki seva men upasthit ho jaunga.' itana kah kar ghatotkach uttarakhnd ki or chala gaya.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah