ज्योतिष्मती  हिन्दी देवनागरी में पढ़ें।

jyotishmati balaram ki ardhangini revati ke poorvajanm ka nam tha. jab chakshush manu ygy kar rahe the, tab unake ygy kund se ek kanya prakat huee. manu ne use apani putri bana liya aur usaka nam rakha- jyotishmati. jab usake vivah ka prashn aya to kanya ne kah diya ki- "jo sabase balavan ho, vahi mere svami honge."

kathin tapasya

sabase balavan kaun? prithvi par to bal men taratamy rahata hi hai. devalok men indr, vayu adi devata bhi apane ko sabase adhik balavan kaise kah dete. ant men nirnay hua, jo sabase balavan bhagavan anant, jinake sahasr phanon men se ek phan par snpoorn dhara mndal nanhin sarshap ke saman pralay parynt dhara rahata hai. bhagavan anant tak to manu pahunch nahin sakate the. devataon ki bhi pahunch vahan tak nahin thi. unaki kripa ho to ve kisi ko darshan den. unake sath manu putri ka kaise vivah kar dete? kintu jyotishmati nirash nahin huee. usane tap karana prarnbh kiya– "mere vahi svami hain. main tapasya karake unhen prapt karoongi."[1]

indr ka shap

indr, yam, kuber, agni adi kee devata aur lokapal us tapasvini ke pas pahunche. koee chhal nahin, sab apane svaroop men hi usake tapovan men ge. pratyek ne apane parakram ka svayn varnan kiya aur prarthana ki– "devi! ap pati roop se hamen svikar kar lo." tumhara itana sahas ki mere pani ki prarthana karane a ge. jyotishmati trilok sundari thi to akalpy tejasvini bhi thi. usane prarthana karane ae devata ko asvikar hi nahin kiya, pratyek devata ko koee n koee shap de diya. devaraj indr kupit hue. unhonne bhi shap diya- "ugrateja! tumane devataon ko akaran hi shap diya hai. kumari kanya se vivah ki prarthana karana koee aparadh nahin hai. tum asvikar kar detin–koee chhl ya bal ka prayog to nahin kar raha tha. tumane niraparadhon ko shap diya hai, at: anant parakram bhagavan anant ko pati roop men prapt karake bhi tumhen putrotsav ka annd nahin prapt hoga." lekin bhagavan anant ki ardhangini ko shap dekar us par sthir rahana bahut kathin tha. devaraj ko svayn kahana pada– "yadi apake svami devataon ka snkat haran karenge to yah shap nishprabhav ho jaega. shap antat: prabhavahin ho gaya."

"dhanyavad! main un shricharanon men anany prem chahati hoon." tejasvini jyotishmati ne indr ke shap ki upeksha kar di– "mere prem men doosara koee–koee sntan bhi bhag lene ave, yah mujhe nahin chahie." jyotishmati ka tap kathin tha. usaka tap: tej badhata chala gaya. brahma vivash hue–unaki srishti hi samapt ho jae yadi koee satvagun ko simatit badhata chala jae. manu ki kanya–vah parthiv vapu to nahin thi ki usaka sharir kasht sahan ki koee sima pakar nasht ho jae . hns vahan lokasrashta prakat hue. unhonne anurodh ke svar men kaha- "putri ! ab tum is kathin tap ka tyag karo. vaivasvat manvantar ki atthaisavin chaturyugi ke dvaparant men bhagavan anant dhara par avatirn honge. main vachan deta hoon ki ve tumhen apani ardhangini ke roop men svikar kar lenge."

balaram se vivah

jyotishmati ke lie kal ka prashn nahin tha. doosara janm lene men bhi apatti nahin thi. vah anant kal tak pratiksha karegi–avashyak ho to ghor tap karati rahegi. usake aradhy yadi laksh–laksh janm lene par prasann hon to vah bar–bar maregi aur janm legi, kintu ve prasann hon. ve is kinkari ko svikar karen. bhagavan brahma use isi deh se brahmalok chalane ko kah rahe the. vah prasann ho gee. brahmalok chali gee. is vaivasvat manvantar ki pratham chaturyugi ke satayug men vaivasvat manu ke vnsh men maharaj sharyati hue. unake tin putr the–uttanabarhi, anart aur bhoorishem. inamen se anart ke putr hue revat. in maharaj revat ne hi samudr ke madhy men pahale kushasthali nagar basaya. inake sau putron men jyeshth putr the kakudami. ni:sntan kakudami ne jab sntan prapti ke lie ygy prarnbh kiya to unake ygykund se brahma ke adesh se jyotishmati prakat ho gee. apani is ayonija kanya ka nam kakudami ne revati rakha.[2] bad men revati ka vivah shrikrishn ke bhrata balaram se hua.


tika tippani aur sndarbh

  1. bhagavan vasudev -sudarshan sinh chakr pri. 272 (hindi) hi.krishnakosh.org. abhigaman tithi: 28 janavari, 2017.
  2. bhagavan vasudev -sudarshan sinh chakr pri. 272 (hindi) hi.krishnakosh.org. abhigaman tithi: 28 janavari, 2017.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah